العودة سوالف للجميع > سوالف رياضه وسيارات > ســـوالف الــسيارات > شكراً تويوتا
المشاركة في الموضوع
RED Chevy RED Chevy غير متصل    
مراسل سباق السيارات البحرين  
المشاركات: 7,667
#1  
شكراً تويوتا
بسم الله الرحمن الرحيم

السلام عليكم ورحمة الله وبركاته

اول شي اكيد مستغربين من عنوان الموضوع اللي عبالكم انه بيتكلم عن تويوتا :knight: لا موضوعي يتكلم عن GM ودور التويوتا في تطويرها...

قبل 10 سنين كانت لعبة السيارات بين الصانع الأكبر والأول على مستوى العالم وهو GM والصانع الثاني اللي هو فورد واللي كان في الظل دايماً وكان في تنافس بينهم بس مو التنافس اللي يهدد GM بالخطر...الكل كان ماخذ الوضع طبيعي ومريحيت روحهم لا تطوير ولا تحسين جودة.....إلخ...

الين جا اليوم وصارت تويوتا الصانع الثاني ورفست فورد عن الوصفاة اللي طالت مدة كبيرة...لكن السرعة اللي نمت فيها تويوتا هددت GM بصدارتها...

حسوا ان في خطر على مركزهم...

شنو النتيجة؟

تطوير وتحسين المنتجات وووووو..................إلخ

تعرفون شنو النتيجة؟

1- اسطول متكامل لكاديلاك وتمهيد الطريق لها عشان تستعيد مركزها الريادي في السيارات الفخمة وهالشي مبين ونشوف شعبية الكادي زادت وفي ناس كثير قامت تنعجب بسياراتها وتوجهت للكادي فئة مهمة جداً وهي فئة الشباب اللي كانت شبه معغدومة في السابق قبل كله شياب ومايقدرون يسوقون كله مع السايق تلاقيهم
الCTS نجح نجاح كبير مع انه مو توب من الداخل وماتحس بروح الفخامة فيه مثل الباقي..
الاسكاليد نجاااح باهر وتفوق في فئته مع ان مميزاته عادية جداً وتصميمه الداخلي تقليدي..
الSTS بدى يمشي هالايام واشوفه حالياً أفضل سيارات كادي بشكل عام..
الSRX مانقدر نقول نجح لكن ماشي سوقه..
الDTS مانقدر نجكم لأنه ماوصلنا ليلحين..

بقى الXLR اللي صارت لهشعبية كبيرة لكن مانشوفه وايد والسبب سعره المرتفع وايد..

هذي من جهة كاديلاك...

نشوف الشفروليه شسوت..

الكورفت واللي هو موتر سوبر سبورت نزل بمميزات أفخم السيارات وكل متطلبات العملية والراحة..ونجح نجاح بااااااهر وانتشر بشكل موطبيعي..
نزلوا السيارات الصغيرة من أمبالا والGM دايو وسيارات كثير منها اللي ينزل عندنا ومنها اللي ماينزل ..
الضربة القوية اللي بتكون من خلال التاهو واليوكن اللي بدون شي أضمن نجاحهم100% شوفوا الموديل الحالي شكله عادي ومن داخل عادي أكثر وشلون ماشي..
اليديد مواصفات خيالية وشكل لا يعلى عليه وقوة جبارة فشنو تتوقعون؟

باقي فروع GM كلها في عمليات تطوير وكلها تنزل موديلات يديدة وتحسن من جودتها ونقدر نلاحظ أبسط مال الهمر الH3 تطور كبير في الداخلية والمواد المستخدمة عن الH2 ذاك تلصيق من داخل لكن الH3 شغل عدل ويقولون مايصرف بترول بعد..ونجح نجاح كبير جدا...

كل هذي يمكن من الادارة الجديدة، لكن شنو الدافع الاساسي...أعتقد انه لولا تيوتا ماصار لGM هالتطور فارد واقول شكراً تويوتا...

((هالموضوع يمكن يفيدكم أكثر في فهم قصدي))

http://www.swalif.net/sforum1/showt...%CE%E1%ED%C7%CA

تحياتي((RED Chevy)) :cool:

RED Chevy غير متصل قديم 10-12-2005 , 03:04 PM    الرد مع إقتباس
S8 S8 غير متصل    
عميد تجارب السيارات السعودية - جدة  
المشاركات: 4,076
#2  

RED Chevy
للأسف كلامك عن سيارات كاديلاك غير منطقي ابدا وغير دقيق

فسيارات كاديلاك للأسف لازالت مغمورة وبقوة

سيارات لم تجد من يشتريها

بالفعل فالشركة ابدعت ابداعا كبيرا في تصميم سياراتها وخاصة الـــSTS الجديد

لكن للأسف لم تحقق السيارة اي مبيعات تذكر

لا تقولي لها مبيعات في البحرين

لان البحرين يادوب تجي على كبر مدينة جدة

رح شوف انتشار اللكزس 430 الي تقنيانتها اقل من تقنيات الكاديلاك وتعال احكم

الــCTS حقق مبيعات معقولة بداية نزوله اما الان فالله بالخير

كلكم راهنتوا من زمااااااان على نجاح سيارات كاديلاك الجديدة

والان اصبح للبعض منها سنتين ولم تحقق اي مبيعات تذكر

الكوبيه الكشف لم ارى منها الا واحدة فقط في الشارع

حتى موظف الشركة يقول انها مرة غالية ولا تستاهل سعرها

وايضا السيارة الجيب لم تحقق اي مبيعات تذكر

قد تكون معدودة على الاصابع

رح شوف قسم صيانة كايدلاك

قد يكون خالي من السيارات الجديدة لانه لم تحقق اي مبيعات تذكر

ولا تقول لان فيها جودة عالية وهذا هو سبب قلة الصيانة

للاسف الشركة الى الان لم تتفادا المشاكل واعتقد انها لن تتفاداها

ولو تفادتها واصبحت سيارات قليلة مشاكل

فعلى الاقل يبغالها 15 سنة الى 20 سنه تثق فيها الناس مرة اخرى وتبدء الناس تشتريها

:sss:

S8 غير متصل قديم 10-12-2005 , 03:27 PM    الرد مع إقتباس
ra3y_v8 ra3y_v8 غير متصل    
مصور متميز PHOTO GRAPHER  
المشاركات: 1,274
#3  

ما اعتقد يبغالها 15 او 20 سنه...شوف الانفينيتي كيف ظهرت من سنه 2003 مع انها من التسعينات وهي موجوده والناس مب عارفين ها الاسم....الحين ها الاسم على كل لسان شاب...
والمفروض مانحكم على مبيعات الكاديلاك او جي ام بشكل عام في الخليج بس
امريكا بنفسها فيها سيارات اكثر من الخليج ...
ننتظر 2007 ومع نزول الاشكال الجديده

ra3y_v8 غير متصل قديم 10-12-2005 , 04:01 PM    الرد مع إقتباس
RED Chevy RED Chevy غير متصل    
مراسل سباق السيارات البحرين  
المشاركات: 7,667
#4  

نبدي بماجد...

بخصوص الكادي ارتفاع مبيعاتها مو بالبحرين هم يعلنون كل فترة عن ارتفاع المبيعات...

بخصوص السمعة ماهي سالفة 10 ولا 15 سنة، السالف هي انهم يسوون لهم سمعة يخلون الكل يتكلم عنهم وينشرون سياراتهم واذا انتشرت سياراتهم بتزيد الثقة عند الناس وبالعقل المبيعات بتزيد وبتسترجع مكانتها...ولا رايك؟

ماتقدر تنكر انها تمشي على الخطى الصحيحة ويقول لك المثل من طلب العلا سهر الليالي...

انا اقول لك اصبر 5 سنين بس وبنشوف بعدين تنافس او لا...

المسئلة هي مسئلة صبر ياماجد...(( وودي انك تسوي تست درايف للاس تي اس وبعدين تقولي رايك هني))

------------------------------------
ra3y_v8: تسلم اخوي على ردك ويعطيك العافية والله يحيينا لي 2007 ونشوف اللي يطيب خاطرنا... :banana:

RED Chevy غير متصل قديم 10-12-2005 , 11:24 PM    الرد مع إقتباس
sayedco sayedco غير متصل    
مبدع متميز جداً جزيرة البحرين  
المشاركات: 4,649
#5  

اخوي S8

شتقول عن الإنفينيتي ؟ كيف جودتها و كيف هي بالسوق ؟ آنا قليل أشوف منها لكن هذا ما يحكم إنه سيارات غير ناجحة بالعكس جودة عالية و قوة و عملية و متانة

و كذلك الكادلاك أيضاً

و آنا وياك أخوي ريد شيفي كلامك صحيح

أخوي S8 هل بتقولي التويوتا أكبر جودة من الكادلاك ؟
و السوبرا أقوى من الكورفت ؟
مجرد المبيعات ليست السبب الوحيد في نجاح السيارة

أجل بنتلي و رولس رويس و مازيراتي مو ناجحة ؟ << أنا ما أشوف منها بالشارع إلا قلييييل

sayedco غير متصل قديم 10-12-2005 , 11:34 PM    الرد مع إقتباس
AMG AMG غير متصل    
عضو شرف الامارات_الشارقة  
المشاركات: 7,847
#6  

الكاديلاك سوقه ماشي في أسواق الامارات عدا الكوبيه الغالية

AMG غير متصل قديم 10-12-2005 , 11:37 PM    الرد مع إقتباس
قلق و رجه قلق و رجه غير متصل    
مبدع Chevy Master  
المشاركات: 2,798
#7  

إقتباس:
المشاركة الأصلية بواسطة AMG
الكاديلاك سوقه ماشي في أسواق الامارات عدا الكوبيه الغالية


وعلى فكره ماكانت لكدلك شعبيه عندنا ومع كذا مشى سوقها وافضل من اول بكثير وصرت تشوف الكدلك في اغلب الاماكن من CTS و STS واما الـ SRX قليل لكن مع المنافسين من الـ X3 تشوفه متساوي تقريبا ...

لكن هذا كله وسوقنا او سوق الشرق الاوسط مايمثل شي للسوق الامريكي


وحنا قاعدين نمثل نجاح شركه بأسواقنا وهي ماتمثل الشي الكثير بالنسبه لها !


إقتباس:
لان البحرين يادوب تجي على كبر مدينة جدة


احس انك خليت الدول العربيه اكبر مقياس .. واذا جينا على كلامك طيب اللكزس 430 مهيب ماشيه عندنا ولا حتى ربع سوق البي ام او المرسدس في الامارات هل هذا معناه ان اللكزس مامشى سوقها ؟

طيب الانفنتي Q45 هذا خير شر يالله تلقى حبه او حبتين كل شهر عندنا هل معنى هالكلام انه مامشى سوقه ؟

سوق السياره مايحدده مكان معين .. ممكن منتشره في مكان ومكان لا .. مثل الفيات في مصر منتشره وعندنا ماانتشرت وفي كندا ماشي سوقها ...


واذا كنا بنعتمد على كلامك اجل اللاند والسفاري فاشل سوقه .. لان في السعوديه مايمشي كثر مايمشي الـ GMC
او على الاقل مايمشي سوقه كثر انتشاره في سوق الامارات وقطر ؟

قلق و رجه غير متصل قديم 11-12-2005 , 12:21 AM    الرد مع إقتباس
cadyman cadyman غير متصل    
عضو نشيط  
المشاركات: 457
#8  

الكاديلاك مشكلته الازليه في السعوديه الوكيل اللي ماينفع يبيع برسيم مو سيارات راقيه لها سمعتها وتتربع على عرش الفخامة
السياره هذي زبونها يبغى معاملة راقية مو ورشة متخلفة ما يعرفون اسم السيارة ويغسلونها بعد الصيانه ب 45 ريال
وعلى فكرة لكزس لايمكن تقارن مع كاديلاك من ناحية التكنولجي وقطع الكاديلاك ارخص قطع سيارة فخمة بلا استثناء

cadyman غير متصل قديم 11-12-2005 , 11:37 AM    الرد مع إقتباس
RED Chevy RED Chevy غير متصل    
مراسل سباق السيارات البحرين  
المشاركات: 7,667
#9  

مشكورين شباب على الردود وماقصرتوا...

بخصوص قطع الغيار شرايك ياماجد ان القير والدفرنس والهوبات وتواير الكوبيه كامله تكلف 3000 دينار يعني 30000 ريال..

اتحداك تطلع لي سيارة فخمة أسعار هالقطع فيها بهالسعر... :knight:

RED Chevy غير متصل قديم 11-12-2005 , 02:17 PM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#10  

ماجد


طيح سمعة الجميح وخلي جي ام تشيل منه الوكاله وبعدين يصير خير.


لو الي مستلمة كاديلاك التوكيلات او العيسى كان كاديلاك كلام ثاني في السعوديه :knight:

مؤيد اف1 غير متصل قديم 11-12-2005 , 05:44 PM    الرد مع إقتباس
MR.FERRARI MR.FERRARI غير متصل    
عضو فائق النشاط حيث تتواجد فيراري  
المشاركات: 743
#11  

فعلاً لايمكن قياس فعالية السيارة أو كونها جيدة أولا بحسب أسواق الخليخ
(( طبعاً مع إحترامي لكل أهل الخليج ))
لأن بالخليج تحكمك ظروف ووكلائك زي الزفت وأنا أشوف سيارات كاديلاك في السعودية وخصوصاً جدة منتشرة وبذات CTS و DTS ولاكن هذا الشيء لا يجعلك تقيم فعالية السيارة .
وأقرب مثال على ذلك سيارات سيتروين غير منتشرة في جدة ونادراً ما أشوف وحدة لأن وكيلها ((( تعبااااااااااااااااااااااااااااان ))) بالرغم من ان السيارات رائعة جدا وإعتمادية (( بالتجربة ))

وشكراً لكم جميعا

MR.FERRARI غير متصل قديم 12-12-2005 , 12:37 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.