الشفر الاحمر هلا بك
مكينه السلفيا متوفره في الامارات و اسعارها تختلف على حسب النوع
بتحصل النوع القديم S13 من 88 الى 91 على ما اعتقد وهذي اسعارها رخيصه و قوتها تقريبا 205 حصان و التيربو مالها t25 و على ما اعتقد المكينه هذي تجي نظام ديلكو و الموديل الاحدث S14 منها 92 الى 96 لون غطاء المكينه اسود و قوتها 225 حصان و التيربو مالها t25 بول بيرنق و فيها اختلاف بسيط في المروحه الداخليه مالت التيربو عن الموديل القديم و تحصلها بدون ديلكو تكون نظام ماقنيت مع كويلات.
و الموديل الجديد S15 اعتقد من 97 الى 2000 هذي افضل مكينه فيهم قوتها 250 حصان و التيربو مالها t28 بول بيرنق و القير 6 غيار و افضل شي ان القير الاول نسبته طويله و المكينه هذي نظام كويلات بدون ماقنيت و فيها نظام VTC للصمامات و لونها ازرق و سعرها غالي و تقريبا نادر تحصلها .
ممكن بس اعرف ايش الهدف من هذي المكينه اذا كانت استخدام يومي انصحك في S14 و نفس الشي اذا كانت للدراق افضل شي S14 قطعها متوفره و اسعار قطع التزويد معقوله و تشترك مع الموديل القديم بقطع كثيره .
اسعار الكامات رخيصه من 250 دولار الى 550 دولار على حسب الشركه و حجم الكام
البساتم من شركة JE او CP تقريبا 530 دولار طقم كامل
هذا الموقع فيه قطع تزويد مع اسعارها
http://www.jgycustoms.com/240sx.htm
في معلومه بس الى الحين مو متأكد منها S13 في شي منها لون المكينه احمر و شي منها اسود بس مو عارف الفرق بينهم