السلام عليكم ورحمة الله

اسعد الله ايامكم بكل خير ومحبه

اقدم لكم الشاعر سلطان الهاجري شاعر الوزن الثقيل والمعروف بجزالة كلماته والمحاورات الشعريه

وهنا رائعه من روائعه الفذه التي تتسم بالمصداقيه وتناغم الابيات الشعريه .. اخليكم مع الابيات

الخيال اشهر من الحر النداوي

والندى رمز(ن) من رموز النديه

وحيلة النصاب مقطوع الرجاوي

والله انه مايمشيها عليــــــــه

ليش دسيت الروايه وانت راوي

تدري ان العاقبه ذنب وخطيه

يوم جاك الليل في بر الصداوي

ضعت ياراعي وضيعت الرعيه

صفر زايد صفر قلي كم يساوي؟

يعني الذمة من الذمة بريه!!

ليش سموا عود جاوه وعو جاوي

وليش سموا الابجديه الابجديه؟

دلتك فاحت وانا عليها غناوي..

قهوة قيس وقهوة ليلى العامريه

اعظم الامثال في شعر الخلاوي

ماطرقها في اللحون السامريه..!

وعزت ابراهيم والياس الهراوي..

يضربون امـــثال هيه وهاي وهيه

وانت لو ينحى بك السيل النحاوي

رحت مثل الحبل فـ الرقبة المطيه

من سمع سمعه شليويح العطاوي

ميز النفس الفقيره والغنيــــــــه

يوم طار الستر عن مبسم مضاوي

ماطراه الا الشجاعه والحميــــــه

الازمه ماتغطيها الغطـــاوي

والسلوب العنجهيه عنجهيه

والله انك من بعيدين الهقاوي

مير تجرفك الحميا الجاهليه

اسمع الفتوى من شيوخ الفتاوي

اسمها فتوى واسميها وصيه

ماهويت المستحيل وانت هاوي

روح سرمد والمسافه سرمديه

بس حاول ماتطيح الاوانت متساوي

لاتشب الحرب وتصير الضحيه.....

شعر/ سلطان بن وسام الهاجري

كتابة محمد الهاجري