سلطان : zzZZZzzzZZZzzzz خاااااااا فششششششش خااااااااا فشششششششش (سلطان في سابع نومه , بينما زوجته زليخه تتختل وتدخل الى الغرفة بهدوء منقطع النظير وتتجه الى حيث يعلق سلطان كندورته وتتلوى يدها كالأفعى المرطاء لتصل الى اعماق جيب كندورة سلطان لتخرج المحفظه وتنوي ان تسحب جزء من النقود ولكن تأتي الرياح بما لا تشتهي السفن ويستيقظ سلطان وكأن عقرباً قد لدغه وأحس بحركه زليخه وشاهد الموقف ودار التالي :
-------------- سلطان : زليخة!!! شو تسويـــــــــــن ؟!!!!! زليخة : ماشي ماشي بوغنيم كمل رقادك بوعيالي ...انا كنت باخذ ثوبك اخلي البشكارة تغسله مافيها شي
سلطان : أي غسيل وأي طبيخ !! شو خص البوك في الغسيل الحين ؟!! وبعدين هالكندورة لبستها خمس أيام بس وانتي تدرين اني ألبس كندورة يديدة كل أول شهر بس !! منو قالج تغسلينها الحين !! ناقصين مخاسير ماي وصابون وتايد وآريال !! وبعدين انتي مدخلة أيدج في جيب كندورتي بطريقة الصراحه ماتدش العقل انج بتغسلين الكندورة !! قولي كنتي ناويه تاخذين بيزات صح ؟ زليخه : وشوفيها لو خذت بيزات من كندورتك ؟!! مب حرمتك ام عيالك انا (تتمسكن) انا مني لغيرك بوغنيم آخذ منه ويصرف علي مب انتي ريلي بوعيالي ! (ثم تعود لحالتها الطبيعيه) وبعدين غصبن عليك تصرف علي حد قالك تعرس وتييب عيال تحمل عيل !!
سلطان :انا ماعطيج كل اول شهر مصروفج ومصروف عيالج ؟!! ليش التبذير بس ليــــــــــــش !! الف وخمسية ربية تاخذينها كل اول شهر ..لازم يعني المظاهر الكذابة والغش احمدي ربج يايبلج خدامه !! ماتشوفين خمّاس ربيعي حرمته هي الي تطبخ وتنظف البيت وتسوي كل شي وموفرين بيزات الخدامه يستغلونها في اشيا مفيدة ثانيه..!! بس شو اقول في طبعج تحبين المظاهر بس عالفاضي زليخة : أي مظاهر يالبخيل إستح على ويهك..الحين هالألف وخمس لي ذالني فيهم شو تسوي هالزمان..تربي عيالك !!! ولا تصرف عالبيت ولا اشتري لعمر شرات العالم ولا شو تباني اسوي ..لولا هلي الله يحفظهم ولا الفك وخمسيمتك هذه ما تعيّش اسرة نمل مب نحن ...لو فقير بقول ماعليه...لكن عندك الخير والله عاطنك إشحقه مقّصر على بيتك وعيالك !! انت الي إضطريتني آخذ من وراك والمفروض انك انت بروحك تقدر لكن ماقول غير حسبي الله ونعم الوكيل سلطان :زليخه شوفي تراني تعبان وابى ارقد كلمة ثانيه أردج بيت هلج لي مستانسه فيهم واضح ؟! زليخة : شقول صابرة ومتحملة عشان عيالي لكن انت يابوكندورة في الشهر بيي يوم وتندم على هالشي يا ظالم
-------------------
يا ترى في في الواقع مثل سلطان وزليخه ؟
------------------
جمح الزمان فلا لذيذ خالص ..... مما يشوب ولا سرور كامل
كلماته قضب وهن فواصل.....كل الضرائب تحتهن مفاصل
مزووون صدقج والله...كيف فاتتني هذه..صج إنه شحفان ...بس مادري اعتقد بعد لو الحرمه ريلها بخيل إنه بعد ما يصير تاخذ من وراه بهالطريقه...يعني مب حلوة الصراحه...تتفاهم معاه بالزين أحسن.
المهم انتي ما خبرتينا شو سويتي في امتحانات الثاني إعدادي
------------------
جمح الزمان فلا لذيذ خالص ..... مما يشوب ولا سرور كامل
كلماته قضب وهن فواصل.....كل الضرائب تحتهن مفاصل