العودة سوالف للجميع > سـوالـف الجمـيــــــــع > سوالف الطرائف والكاركاتير > خروفه
المشاركة في الموضوع
عقاب عقاب غير متصل    
الباشا الغبيراء  
المشاركات: 1,785
#1  
خروفه
كان يا مكان في قديم الزمان شاب يدعى عسيل وكان فقير جدا ويعلم لدى الشيخ محيل في رعي الغنم . وفي احد الايام ذهب عسيل كعادته الى بيت الشيخ محيل لاخراج الغنم الى المرعي وبلفته واحدة استطاع ان يسرق النظر الى الفتاة الوافقه على حافة الدريشة وهي تمشط شعرها ولم يفق من ذلك الجمال الى على يد الشيخ محيل يوم نهره وقال له : يا ولد للحين ما راحت ترعى الغنم اسميك ولد مهبول يا الله روح جيب الشنطة من داخل ولا تنسى جيب معاك الموبيل ولاب توب ومفتاج الجيتي ، ركض عسيل بعد ما خلع زنوبته عند الباب وجاب معاه الشنطة ولاب توب ومفتاح الجيتي ونهره مره ثانية الشيخ محيل وقال له تو روح يا المهبول ارعي الغنم ولا تسرق الحليب من الغنم امس شايفك عبيد راعي غنم الشيخ فريص جالس تحت الغنمة ولا عاد تعوده ، هز راسه عسيل وقال ان شاء ما عاد اعوده مره ثانية .
انسدح عسيل تحت شجرة من الاشجار الكثيفة في المرعى وهو يفكر في جمال بنت الشيخ محيل لكن هو فقير وهي بنت الشيخ وحاول ينساها لكن مسكين ما قدر ينساها .

ظل عسيل يفكر كيف يوصل الى قلب بنت الشيخ محيل وخاصة انه كل من في القرية يريد رضاها ويتمنى ان يتزوجها وقرر ان يكتب رسالة يخبرها بالشوق الي في قلبه . وحتار كيف يرسل الرسالة بالاميل لكن ما عنده فلوس يروح مقهى انترنت او يرسلها بالبريد لكن ما عنده فلوس للطوابع وبعد شد وجذب قرر ان يكتب الرسالة وبطريقة الخاصة يوصلها
وعلى طول خرج قلم رصاص وشرخ ورقة من دفتره القديم ايام الدراسة وطاحت ورقة من الدفتر فتحها وشاف شهادة الصف الثاني الابتدائي كلها دواير حمر قال : الله لا يوفق يا استاذ مدحت كانك فاتح محل بيع خظروات في الشهادة مع اني كنت شاطر بس الله يسامحك .

كتب عسيل الرسالة وربطها في حصاه صغير ومن الصباح سار على بيت الشيخ محيل قبل لا تطلع الشمس وجلس تحت النخلة ينتظر تفتح الدريشة ولما فتحت الدريشة هب رمى االحصاه داخل الحجرة وسمع صرخه من داخل البيت .

الحصاه ضرب بنت الشيخ في راسها ركض الشيخ محيل لما سمع الصرخة وشاف بنته وبجنبه الحجر وفيه الرسالة وقراء الرسالة لكن ما فهم شيء منها لانه ما يعرف يقراء شل الرسالة عند امام المسجد وقراها الامام للشيخ محيل هز الشيخ محيل راسه وقال يا الخسيس والله لو ما امك امنتني عليك لكن طخيتك بالندقية ورميتك في الصحراء الوحش تنهش لحم صحيح ما بتلاقي لحم لكن يمكن تسويك شوربة كوارع .

رجع الشيخ محيل البيت وطرد عسيل من الوظيفة وقال له ما اريد اشوف رقعت وجهك في هذا المكان حتى نهاية خدمة ما عطاه وترجى عسيل الشيخ انه ما يطرده لان ما فيه وظائف في البلد وكل الوزارات تبغى شهادة جامعية لكن الشيخ ما وافق وطلب منه ان يعطيه تقاعد مبكر لكن الشيخ رفسه برجوله .

جلس يفكر كيف يعيش بعد ما طرده الشيخ وقرر ان يرسل الى عددة شركات السي في وشهادة الخبرة الي حصلها من الشيخ بعد ما ترجاه ، جلس عسيل ينتظر الرد من الشركات لكن ما فيه رد .

راح عسيل عند امام المسجد يترجاه يكلم الشيخ يرده الوظيفة وانه ما راح يقرب من البيت ابد حتى المعاش يرسله عن طريق حسابه بالبنك ، بعد الصلاة طاح عسيل يبوس رجول الشيخ وراسه ان يرجعه الوظيفة رق قلب الشيخ وقال بكره ترجع الوظيفة ولتفت الشيخ ناحية الامام وقاله يا شيخ تارك معزوم اليوم على العشاء عندنا فيه ناس جاين يخطبون بنتي زوينة وعاد نريدك معنا .

دخل عسيل الغرفة وهو يبكي لكن هو وين وبنت الشيخ وين واليوم بينتهي كل شيء لكن قرر ان يشوفها اخر مرة ويكحل عينه قبل ما يتزوجه ولد الشيخ مناحي شيخ قبيلة المناحين . لبس مصر غطاء به كل وجه وراح لبيت الشيخ . قبل بيت الشيخ شاف بنت تركض تبعها وقال له ما انتيه يا بنت العرب قالت : انته وش يخصك يا المهبول ، قال في نفسه والله هذه الكلمة محد يقوله غير الشيخ محيل بالكيد هذه زوينة قال وانت من يا اخى العرب قال انا رجل من قبيلة الشيخ ركيض وانت وش خرجك في هالليل قالت ابوي يريد يزوجني واحد ما احبه والله من يوم ما قراء رسالة المهبول عسيل الله لا يرده وهو كل يوم جايب واحد من اولاد الشيوخ يريد يزوجنى بيه ما اقول الله لا ردك يا عسيل اشوف فيك يوم والله لو ما بقى ولا رجال في الصحراء ما تزوجتك .

قال عسيل والله هذي فرصتك الحين تبين لزوينة انك شهم ورجال يعتمد عليه قال انا راح اساعدك واخلصك من كل الخطاب لكن بشرط تتزوجيني قالت له عندك بيت قل لا قالت له عندك سيارة قال لا قالت له عندك موبايل بو كامرة قال لا قال له عندك حسب في البنك قال لا قالت له يا المهبول على وش ناوي تاخذني قال الحب قالت له الحب يا حبيبي ما ياكل عيش والله لو اتزوج المهبول عسيل احسن ، قال لها عجب ردي وخلي ابوك يزوجك من اولاد الشيوخ قالت له الله لا ردك روح من وجهي لا عندك سيارة وش بتجيب لزفة حمار بعدين ان اريد الزفاف يكون في فندق وانت ما عندك حتى موبايل .

فجاة تجمعوا الناس وشافو بنت الشيخ وعسيل المتلثم جالسين يتكلموا وقبضوا على عسيل ودوه عند الشيخ ولما شافوا وجهه قال له الشيخ الله لا ردك يا المهبول وش جالس تسوي مع البنت قام الشيخ مناحي وقال لشيخ محيل اذا ما عندك بندقية هاذي البندقية اغسل عارك بيدك ربطو عسيل المسكين وبجنبه ربطوا زوينة بنت الشيخ ، مال عسيل على زوينة وقال لها خلي الموبايل بو كامرة تو ينفعش.

قرر الشيخ انه يربطهم حتى اليوم الثاني حتى يكون عبره لكل معتبر لكن تتدخلت امراه عجوز وقالت يكون تقتلوهم وهم اخوان انتبه الجميع وقالت المراة نعم اخوة عسيل ولد عسيله الشغالة مال الشيخ محيل لكن الشيخ ما وافق يعترف بالولد وطرد الشغالة عسيله وهذا الولد ولده سقط الشيخ محيل واخذ يبكي بكاء الاطفال وقبض راس عسيل وجلس يقبله وقال ولدى اما عسيل نهض وقال تو نحن جالسين من اول القصة وطرد وضرب وسلاحه واخر تطلع اختى اقول بو تكتب الفصة روح ارقد احسن .


خروفه : هي كلمة قديمة يستخدمها بعض كبار السن عندما يرغبون في سرد احد القصص القديمة وهي تعنى قصة او حكاية .

الدريشة : وهي ليست المسلسل العماني درايش ومعناها النافذة مثال : اقفل الدريشة يا ولد عن الذباب

زنوبه : حذاء خفيف يستخدم بكثرة في شرق اسيا ويقال هم اول من استخدمة وصدروه الى دول الخليج عن طريق التجار القادمين من هناك .

شرخ : معناها مزق ورقة من الدفتر مثال : اخوي ممكن تشرخ ورقة من دفترك.

حصاه : حجر صغير

الخسيس : شباب يعمل اعمال غير مناسبة في ذلك العصر

رفسه : ركله مثل الكرة مثال رفس الحمار الولد حتى كسر عظامه

عقاب غير متصل قديم 11-11-2007 , 12:55 PM    الرد مع إقتباس
شهرناز شهرناز غير متصل    
كاتب فعال فيه أحلى من طيبة الطيبة ؟!  
المشاركات: 1,168
#2  

السلام عليكم ..

شكرا لك أخوي عقاب .. بس تبغى الصراحة عيوني عورتني و أنا أقرأ القصه و في الأخير تطلع أخته

بس كويس إنك وضحت إيش يعني خروفة لأني حسبت الموضوع عن الخرفان

تسلم أخوي ..

شهرناز غير متصل قديم 11-11-2007 , 09:09 PM    الرد مع إقتباس
عقاب عقاب غير متصل    
الباشا الغبيراء  
المشاركات: 1,785
#3  

مشكورة اختى شهرنار على المداخلة الجميلة

الله يعينك انا جلس اكتب القصة ثلاث مرات اغير اسماء الشخصيات لحد ما عثرت على اسم عسيل

تحياتي

عقاب غير متصل قديم 12-11-2007 , 08:41 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#4  

ههههه ... قصه من التراث الهندي

اهم شي السلامه مافيه احد تعور ؟؟

لألأ الصراحه قصه حلوه وخاصه الاسماء وسرد الخروفه اكثر من رائع

ومعاني الكلمات شي ثاني درس مفيد اخوي عقاب لاعدمناك

تحياتي محمد الهاجري

ابداع2004 غير متصل قديم 12-11-2007 , 10:16 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.