القصه ياشباب اني قبل ثلاث اسابيع كنت راد البيت وانا جاي من التمرين ومره وحده يصدمني واحد صدمه قويه من الخلف :(

ويشرد :ranting: بس انا ماخليته لحقته وخذيت رقم سيارته وسوينا بلاغ هروب وبعد كم يوم صادو الريال :smart:

طبعا تعذبت في الصناعيه من مكان لين مكان وتغربلت في المرور وفوق كل هاي الأخ الي دعمني ماكان عنده تامين عشان جذي كان لازم يصلح لي سيارتي بفلوسه :cry1: والمشكله ان ذلني على حقي والله الشاهد اني كنت اقدر اشتكي عليه بس خذيته بحسن نيه لين ماخذيت حقي

طبعا ما ابي اتكلم عن قصة الدعمه ومعاناتي :( احاول انسى الموضوع هذة القصه باختصار

المهم مثل قلت حق الضابط ان سيارتي تتصلح في المكان الي انا اختاره وكل القطع تكون من الشركه ومافي شي يتسمكر

المهم توجهت الي شركتي واصدقائي المفضلين في شركة المستقبل الي عمرهم ماخيبو ظني وقصرو معاي :shy:




طبعا هذة صور حق السياره وقت الحادث :(





المهم بعد ماشفت ان في وايد اشياء راح تتبدل قررت اني اعدل في شكل السياره واقلبها سبير علاق واحط عليها اضافات مره وحده

في البدايه لازم نتكلم عن مدير الشركة الأخ شوكت الي كان المشرف الرسمي على سيارتي وعلى جميع القطع وكان متصل معاي بشكل دايم :banana: ويبلغني بكل شي اول باول اضافه الي ان سلم السياره الي خيرة الصباغين والسمكريه والمركبين
تحيه لهذا الرجل :-)



الحين نتكلم عن المركب والمتخصص في عمليات التركيب والتعديل الإستاذ نكيل اضافه الي كونه انسان بارع ومخلص في عمله فهو انسان طيب القلب حبوب من اول ماتشوفه



وهذا الشغل الي سواه


اضافه الي ان نكيل ركب قاعدة السبيل وجهز السيارة تجهيز كامل ان تكون سبير علاق :banana:

والحين بقى الصبغ :sss: وطبعا احتجنا الى خبير صباغين الشركة البروفسور محمد جنقل وبحكم خبرته الواسعه قام بشغل نظيف الكل يشهدله الصراحه كل الي شافو السياره قالو شغل وكالة ماشاء الله :eek:



وهذة بعض الصور من مكان الحادث وصوره لقاعدة السبير




وتم وضع المسات الأخيره على الكهربائي ومتخصص الفينيشنق اللورد جمال



وطبعا التعديلات الجديده هي صبغ الصدامين بلون الربلات التحتيه
وتركيب الربلات
تركيب سبير علاق
تركيب رنج 17 انج

وهذة صور السيارة بعد تركيب كل شي

اول شي مكان الحادث مره ثانيه



صوره جانبيه شوي من الخلف



صورة خلفية



صورة اماميه


الحمدلله اخيرا قرت عيني وتصلحت حبيبتي اتمنى الموضوع يعجبكم ويكون خفيف ونسمع تعليقاتكم

الحمدلله على السلامة اخوي الانصاري

وبصراحة شغل الشركة نظيف واكيد يشتغلون بصدق

ومبين من كلامك والصور انهم جادين في العمل
ومثابرين بدليل الاتصال الدائم والاعلام اول بأول بكل شي من المدير



الله يسعدهم ومرة ثانية
الحمدلله على السلامة

ما شاء الله الشغل نظيف ومرتب والحمدالله على سلامتك

الحمدلله على السلامه ، ما تشوف شر ان شاء الله .
بالنسبه للموتر ، والله شغل الورشه نظيف ما عليه كلام !
بس بسألك ، كم كلفتك عملية التحويل الجراحيه الى سبير علاق
اذا ما عندك مانع يعني

ما شاء الله موترك الحين فنان ، بس ناقصنه تواير 900 .. و ولا تواير ميشلان وبيطلع احلى

مشكور على التغطيه الصحفيه

ما شــاء الله، شغل ممتـاز أخ أنصــاري.

ما صدقت أن هذا عمل شركة المسقبل ما شاء الله.

وماتشوف شر :-)

الحمد لله على السلامة أول

و شغل الشركة نظيف و ممتاز إنهم دائماً المبادرين بالإتصال و ليس أنت ، بعكس بعض الشركات لازم إنت تتابع وياهم

و حركة العلاق جديدة ، لكن لو صابغه كروم كان طلع أحلى و يصير بعد في المستقبل

و مشكور على التغطية

مبروووك مشاء الله طالع ورررده بالعلاق

الصراحه شكله فنان والله يعطيك خيره ويكفيك شره

بس الاخ شوكت القفل ماله فضيع

والحمد لله عالسلامه مره ثانيه

بس ناقصه خطوط تحت ودواسات لكزس او او فكسار 2005 وبيطلع مسكت :-)

الحمد لله على سلامتك وانشاء الله يضبطون سيارتك

الحمد لله على السلامه

اول شي الحمدلله على السلامه ...
ثاني شي ماشاء الله شغل مظبوط ميه الميه ..
بس انا عن نفسي لو تخيرني بين شكلها اول او الحين بعد ماحولتها سبير علاقي اخذ شكلها اول احسها احلى .. عموما هي اذواق
بس اهم شي حمدلله على سلامتك وتستاهل الشغل المظبوط بوعبود سابقا

ماشاءالله الشغل نظيف والحمدالله على السلامه :p

ماشاء الله الشغل نظيف اخوي والحمد الله على السلامه

الحمد لله على السلامة

ماشاء الله شغل نظيف وممتاز

اول شي الحمدلله على السلامة

وثاني شي شكله صارلك عسى ان تكرهوا شيئا وهو خير لكم

ماجت هالتطورات الا بعد الصدمة

اقترح انك تحط اليتات الجديده الخلفية

يعطيك العافية

الله يسلمك اخوي قلق ورجه وكلامك سليم :-)

HaKeM الله يسلمك :banana:

الله يسلمك الهاوي جروب :banana:

الله يسلمك ERT :banana:

opel005 الله يسلمك وصح هي اذواق بس انا زهقت من شكله القديم وكل الكروزرات الي جدامي نفس الشكل ذاك بعدين عادي اقدر ارجعه لو زهقت مو مشكله بس انا غيرت شكله لأن الحين صار شبابي بعدين صار عندي اسبيرين بعدين وايد اسهر تبديل السبير عن طريقة السبير الي تحت الي تحتاج مهندس عشان تنزل السبير :ranting:

سدرك الله يسلمك اخوي :-)

TOP-SECRET خخخخخخخ الله يسلمك حمد والحمدلله كلامك عدل ناقص الدواسه والخطوط وشكوت بعد عنده كركتر خاص فيه لوووووووول :knight:


sayedco تسلم على ردك الحلو :smart:


uae speed الله يسلمك والله اخوي مادري بالضبط كم هو الباب الي تحت تعور وانا بدلته على الباب الجديد على حساب الي دعمني بس القواعد وبراغي السبير وكل سوالفه انا شريتهم تقريبا 1700 شي جذي بعدين وايد دوخني شوكت لأن في مليون قطعه ومليون برغي وانا لازم اشتري كل شي عشان الشغل يكون نظيف مو مثل بعض المحلات الي يركبونه اي كلام ويقرقع عليك اضافه الي ان عندي حركه لو كان السبير مفتوح تنور لليتات داخل السياره وتطلع عندي اشاره في الطبلون اتوقع مع الباب والتركيب وكل شي شركه تحتاج 4 الاف بس ممكن تركب 1700 شغل اي كلام :-)


زورو الامارات الله يسلمك ويخليك اخوي :-)

الله يسلمك اخويmr.lamborghini


grandv8 الله يسلمك ويخليك ومشكور على مرورك الحلو



الله يسلمك AMG


cruiser2000 الله يسلمك اخوي

ماشالله طالع شكلة أحلى من قبل ..

والحمد لله على سلامتك ياخوي..

ماتشوف شر

الله يبعد عنك شرها ويوريك خيرها

الحمد لله على سلامتك أخوي الأنصاري

الله يسلمك اخوي رفجة عرب مرسي كتير

الله يسلمك بوعلاء :-)

الله يسلمك اخوي سملو

الحمدلله على السلامة اولا ...
ماشاء الله الشغل باين انه نظيف خصوصا ان تغيير البوابة الخلفية صعب واذا كان مهو مضبوط يطلع اصوات واحسن شئ سويته انك ركبت البوابه اللي تنفتح على فوق وليس الشكل الاخر لأن اللي ركبته عندك ممكن تركب عليه جناح اما الثاني لأ ...







اخوكم الشبابي

الله يسلمك اخوي الشبابي

لاتخاف دارسين الموضوع