هذا موضوع شامل اكتب فيه عن جميع التعديلات الي اجريتها على سيارتي من يوم ماشريتها واعتقد اني خلاص باكتفي لأن سويت الي كان في بالي

السيارة لاندكروزر
الطراز=GX وهو طراز يتوفر في قطر مواصفاته ممتازة بس في نواقص
المميزات جير اوتو _مكيفين_ثلاجة_فتحة سقف
التغييرات كي يرتقي لطراز GX-R AND VX-R =صباغة الصدام الأمامي والخلفي_تغيير الجنوط_تشخيب السيارة _واكتفيت بهذا المقدار لأن لااريد اني احول سيارتي بالكامل والتعديلات الباقية قليلة وافضل اني ما احطها

تجربة السيارة
سيارة غنية عن التعريف قوة وثبات ورساوة وراحة اضافة الي مكيف مميز جدا واعتقد انه ا\الأفضل

العيوب
صرفية مرتفعه للبترول
سعر مرتفع مقابل المواصفات الي تحصل عليها

قبل صبغ الصدام


بعد الصبغ



السيارة في السابق على جنوط 16 حديد


السيارة الان على جنوط 17 المنيوم مثل الفيكاسر والجيكسار


تلبيس كراسي السيارة



السيارة من الداخل قبل


السيارة من الداخل الان


السيارة بشكل عام من الخلف والأمام وبعد تركيب الكشافات



وفي النهاية نوع الإطارات عشان اخوي سناري
الكفرات من نوع دنلوب نفس الي تيجس من الشركة


المقاس
275
65
17

اتمنى ان يعجبكم الموضوع وابي اشوف رايكم

:banana: :banana:

السلام عليكم ورحمة الله وبركاته


ماشاء الله

الله يعطيك خيرها ويكفيك شرها



تصدق من يوم شفت تلبيسة المراتب عندك وانا افر الصناعية ادور مثل هالخامة عجزت بس ان شاء الله بجيبها





والتعديلات ماعليها كلام بس باقي تحط GXR في الخلفية وتصير :banana:

ما شاء الله السيارة صار أحلى بكثير.
الله يعطيك خيرها و يكفيك شرها.

ماشاء الله يوعبود ... يعطيك خيرها و يكفيك شرها ... بس سؤال

ليش الفريم مال الشبابيك ما يجي لونه أسود ؟



لو تصبغه بو عبود بيظهر أحلى ...

ماشاء الله عليها .. الله يحفظها لك :cool:

ناقص شيئين الأول مثل ماقال سياف :: فريم النوافذ

والثاني الربلات اللي تركب على الابواب وتمتد إلى الاضاءة الخلفية
مثل هذا يعني

922 مشكور وانشاء الله تحصل نفس نوع القماش هو متوفر عندنا في قطر غريب انه مش موجود في السعودية

mr_z مشكور على مرورك

سياف فعلا هذة من النواقص الي ماهتميت فيها وممكن اسويها بطريقتين اما اني اجلدها بنوع خاص يستخدمونه حق هذة الأشياء او اني اصبغها


لون الليل فعلا الربلات فكرت فيها وحصلتها في الوكالة ب900 ريال وخارج الوكالة ب600 ريال

هذة النقطتين عارفهم بس مادري اذا اسويهم او لا

مشكورين جدا

السلام عليكم ورحمة الله وبركاته

بوعبود

ماشاء الله تبارك الرحمن والله يخلي لك السيارة يااخوي انس ويكفيك شر الحاسدين.

ماشاء الله السيارة ضبطت احسن من قبل واكثر ويباله شوي تعديلات بسيطة من داخل وتحط لك شاشة نفس لكزس 470 ، ورأس اكزوز تيربو ببطلع الموتور ماشاء الله حلو.

الله يحفظك اخوي سيارتك من كل شر.


هي المواضيع الي ابغيها كذا بالمنتدى كل واحد يكتب تقرير مفصل عن سيارته او اي سيارة يحب يجربها ويصورها.

للتثبيت اخوي انس
تحياتي

600 غالي اذا تحصل لك من الحراج يكون بحاله زينه خذه بيطلع لك ارخص :p

بسم الله ماشاء الله تبارك الله

الكفر احلى من السيارة:eek:


صور جميلة

و تعديلات رايقة

و الله يعطيك خير سيارتك و يكفيك شرها

بس ما قلتلي بكم اشتريت الطقم و كم ماشي عليه و ايش رايك فيه و ايش اخبار الاستبنه

و لاتنسى تبدل مكان الاطارات بشكل X كل 9000 كم


و الله يعطيك العافية

:p

TOP-SECRET مشكور حبيبي حمد والله تعديل روعة


سنـاري انا ادري ان هذة الفقرة الي اعجبتك

الكفرات ههههههههه

والله يا حبيبي هذة الكفرات جات مع الجنوط يوم اشتريتهم يعني مستعملات بس مثل ماتشوف النقشة جديدة يعني تواير شبه جديدة ما اقدر احكم عليهم الحين بس معرووف الندلوب يمشي حتى بدون نقشة انا ما ابها تعيش اكثر من سنه الصراحة لأني ناوي اغيرهم

اما اخذ دنلوب جديد
او بريلي
او ميشلان

بس حاليا باين ان كفراتي تمشي اكثر من سنه وهي ممتازة ثبات هدوء وماعليها كلام بس مش مثل هدوء الميشلان

البيرلي ركبته حق الكروزر الصراحه ممتاز :banana: وحلو شكله

مبروك يا حمد و الله فرحتلك

بس وين الصور

اتمنى اشوف صور الكفر من كل الجهات بكاميرتك انت و تقولي ايش رايك فيها و كيف كانت تجربتك معاها في موضوع الاستفسارات :p


و الله يعطيك العافية

ماشاء الله فرق السما والأرض والتعديلات خلت الموتر توب بس قاصرته أشياء بسيطة ويطلع 123%...

الله يهنيك فيه بوعبود ويعطيك خيره ويكفيك شره :cool:

ماشالله ويعطيك خيرها ويكفيك شرها:cool:

ماشالله ماشالله
السياره ماعليها كلام

بس شي ملاحظه صغيره لو انك اتخشب السكان
واتحط شنب جدام
والديم زينون مال VX-r
وتركب تويوترات ال VX-r
بيكون شكل موترك روووووووعه :eek: :eek: :eek:

ولو كنت حاط رنجات لكزس استيشن 2004 مقاس 16 وتواير 900
بيكون اروع


والسموووحه

الله يعطيك خيره ويكفيك شره ويبعد عنك وعنه العين .

للأسف اخوي سناري ماعندي كاميرا للتصوير:cry1:بس يمكن بعد يومين التقي مع (بوعبود) ويصور الكفر من كل الجهات وابشر بسعدك وتسلم يالغالي على كلماتك الحلوه والإطراء الجميل منك

RED Chevy مشكور اخوي وعقبالك انشاء الله


B4_STI الله يسلمك اخوي



بوخالد الله يسلمك مشكور على اقتراحات وانا افكر في المستقبل اشيل التخشيبة واسوي الدركسون والجير والهاند بريك كله مخشب عن طريق الصبغ في محل عدنا شغلة وكالة بس تكلف العملية

بخصوص الجنوط لا ياخوي انا احب الجنط الكبير الهادي مع التواير الرايقة الثابتة ما احترف الصراحة ب900 ابدا وما اعترف اني احط رنج لكزس على تويوتا ماتعجبني هذة الشغلات

سهل تحصل التجاري الصغير بس صعب تحصل الأصلي الكبير


black scorpion الله يسلمك والله يخليلك سياتك

حمد انا موجود بس عطني كووول

ماشاء الله تبارك الله

السيارة جميلة والتعديلات أخر حلاوة

لكن باقي شغلتين وتطلع التوب

الزينون وتخشيب الدركسون


:cool:

حاكم العدل انشاء الله بس المشكلة ان زينون الوكالة شوي مكلف والدركسون ايضا

ماشاء الله

سيارتك حلوة ماشاء الله

زي ماقالوا الباب
فريم النوافذ وكتابة الفي اكس ار من الخلف


الله يعطيك خيرها ويكفيك شرها

وشكرا على الصور الحلوة

العفو اخوي اكورد سته سلندر

ما شاء الله تبارك الله...


بس مو لو خذيتها GX-R كان ارخص؟؟؟؟؟؟


و اقترح عليك تشيل الشطرطون اللي على الابواب :think: اعتقد يطلع شكلها على افخم





EMO

والتخشيب بكم مسويه .. ووين

وصراحة تغيييرات حلوه ورائعه