السلام عليكم ورحمة الله وبركاته
شباب سوالف الغالين كيف حالكم ؟؟شخباركم؟؟ عساكم بخير
مادري لو في حد يتذكرني لأني انقطعت فتره طويله عن المنتدى :eek:
بس اتمنى حتى لو ماتذكرتوني انكم تتقبلوني :shy:
المهم نرجع للموضوع قبل فتره وجيزه نزلت سيارة تويوتا الجديده الأفلون في الأسواق وابهرت الجميع :eek: خاصه انها جائت بشكل مغاير ومتطور عن الجيل القديم
ابرز التغيرات اولا على صعيد الشكل
المقدمه صارت عصريه وانسيابيه اكثر عن الجيل السابق
طبعا الأفلون اميركيه واعتقد انها مصممه من قبل تقنيين تويوتا الي في امريكا لو شفنا السياره من الجانب راح نلاحظ انها كبيره وطويله مما يعطيها طابع انها سياره امريكيه
من الخلف نلاحظ تشابه نسبي من الجيل القديم
السياره تاتي بجنوط 17 مع لمسات خارجيه ممتازه
ومن الداخل وعلى صعيد تجهيزات السلامه نجد الكراسي الجلديه و النظام السمعي الممتاز المكون من 12 سماعه موزعه على السياره اضافه الى السي دي ((6 دسكات)) وانظمة التوقف والسلامه من abs وغيرها
على صعيد المحرك قدمت تويوتا محرك جديد من 3.5 قلب اوراق جميع المنافسين اليابانيين اولا المحرك يعمل بنظام VVT-I ثانيا ان المحرك ينتج 280 حصان :eek: ويحمل السياره من0-100 في 6 ثواني وكسور :eek: وهذا تسارع جبار حق سياره من هذا النوع ويماثل السياراه الرياضيه مثل الومينا SS
الملاحظ ان تويوتا لم تغفل اي شئ من الخارج او الداخل وعلى صعيد التجهيزات اضافه الى المحرك طبعا نجاح الأفلون تحقق من الان حيث ان السياره نفذت من اغلب الوكلاء في الخليج اضافه الى ان اغلب الدفعات القادمه محجوزه مقدما
سعر السيارة 120 الف ريال للفول اوبشن يعتبر مرتفع نوعا ما ولكن ليش كثير لو اعتبرنا ان السيارات الان اصبحت غاليه وخاصه سيارات تويوتا
اتمنى ان يعجبكم الموضوع
موضوع حصري لمنتدى سوالف مقدم من اخوكم الأنصاري واسمحولي على القصور وان الموضوع مو راقي لهذة الدرجه :cry1: