السلام عليكم

سبب طرحي للموضوع هو اختلاف السرعات الحقيقية بين هالشركتين المتخصصتين في المعالجات (بروسسر)

و طبعاً يمكن إنتوا شايفين كمبيوتر بمواصفات عالية و قوية لكن لما تشغله يمكن معالج أبطء منه يكون أسرع منه بألف مرة ، آنا كاتب هالموضوع لمناقشة السبب

Motherboard هو السبب الرئيسي و ذلك لأنه ينقل المعلومات من المعالج إلى الكاش و الأجزاء الثانية من الذاكرة مثل الرام و المنفذذ اللي ينقل من خلاله يسمى:

CPU External Frequency

أو احنا نتطرق للناقل الأمامي بالذات (الرئيسي) FSP

هذا نفس الباص و هو اصلا اسمه BUS

و ينقل المعلومة من المعالج إلى الأجزاء الثانية

**************************
فمعالجات AMD دفع ثنائي (سيارة مو معالج ) فتنقل المعلومتين في نقلة الواحدة

يعني الباص ماله له مكان شخصين فقط
***************************

أما معالجات انتل فالدفع مالها رباعي يعني البس مالها مكان أربع أشخاص

****************************

زين حتى الآن بتقولون انتل أفضل صح؟

زين إذا دريتوا إنه:

AMD AthlonXP إذا كان سرعة ناقل الأمامي FSP ماله 400 فتكون السرعة الحقيقية 200

Intel Pentium إذا كانت سرعة ناقل البت الأمامي 400 فإنه يكون ربع السرعة ، تكون السرعة الحقيقية 100 فقط!

****************************

و إن شاء الله تقرونه لا تردون بدون الإستفادة

و السموحة على الإطالة

و اللي عنده تجربة لأحد المعالجات من انتل أو AMD يتفضل يقولها

آنا جربت AMD 1.8 و كان أسرع بكثير من انتل 2.4

و الإثنين على مذربوردات مختلفة و من أحسن الشركات و باقي الأشياء نفس الشي بالضبط

طبعاً أستخدم برنامج Sisoft Sandra
هاي البرنامج يعطيك بالأرقام مستوى أداء الكمبيوتر و فيه مقارنات بين أداء جهازك و اللي المفروض يكون و فيه محفوظة بعض التجارب عشان تشوف أداء كمبيوترك يسوى أو لا

للعلم ترا آنا معالج كمبيوتري :

Intel Celeron 800

و السرعة ممتازة و أحسن بكثير من Pentium في العمليات الحسابية و البرامج اللي نستخدمها كل يوم

لكن في الألعاب ... البنتيوم أفضل بكثير

و الفايدة في هالمعالج إنه رخيص و سريع حق استخدام عادي بدون ألعاب (بكن ترا يشغل ألعاب عادي لكنه بطيء)

ماشاء الله عليك

معلومات متميزة

يعني انا اللي فهمته انه AMD شركة ثانية غير intel

طيب ايش اللي يؤثر فعلا في FSP

المذر بورد و لا المعالج

موضوع بالفعل ؤااااااااااااااائع ((وين المواضيع هذي من زمان))

على العموم على قول كيادي هذا تسجيل حضور بس


وراجعين انشاء الله...

مشكورين سناري و وركس على الردين الحلوين

و الFSP هو سرعة التنقل على المذربورد

فالمذربورد يؤثر لكن إذا كان البروسسر أقل سرعة من المذربورد يؤثر

و هاذي الظاهرة يسمونها : Bottleneck

يعني عنق الزجاجة يعني عندك منفذ سريييييييع و في طريقه منفذ بطي ففي النهاية بتحصل السرعة الأقل

و هذا السبب في بطء بعض الكمبيوترات برغم المعالج السريع أو العكس (المذربورد)

*************

أرجوا إنك فهمت و إذا ما فهمت أعيد ألفين مرة

*************

بس بغيت أقولكم حق الألعاب معالج :
Athlon 64 (AMD)
يعتبر أفضل بكثير من الإنتل

و بالعكس ...

Intel Pentium
يعتبر الأسرع في المعالجة التحويلية للأنساق و ما يسمى ب Encoding

ياليت اخوي سيدكو تبدأ معانا من الصفر و تمسك معالجات انتل و تحللها و بعدين تجي على AMD

عشان نفهم حبة حبة

و ترا الموضوع مهم عندي جدا

ياليت تتوسع فيه اكثر

السلام عليكم


انا بغيت اقووول بس ان الصراحة دوبني عرفت ليش واحد من الشباب مجنووووووووووون حاجة اسمها AMD ((لدرجة اني مسمية في الجوال AMD))
الصراحة تستاهل
على العموم شباب انا كنت قاعد ادور على موضوع فته من زمان في منتدى عرب هاردوير فيه منافسة بين الشباب على اقوى جهاز
واعتقد ان الي فاز هذيك الأيام كان جهاز ببسسر 2800 اي ام دي مع ان كان فيه اجهزها وقتهاسرعتها 3400 وما سوت شئ معاة :blink:

على العموم وانا ادور لقيت لكم موقع شبية وهو يعمل مقارنة بين معالجات انتل او اي ام دي
وتقدر تختار البرنامج الي تقدر تسوي مقارنة عن طريقة على العموم هذا العنوان
http://www23.tomshardware.com/index...el2=17&chart=19
راح تلاقي ثلاث خيارات الأول والثاني تحط فيهم البرسسر والثالث تحط فيها البرنامج
((يقولون الأفضل انك تختار لعبةDoom 3 ))



ملاحظة:سيدكو تراني مااااااااااااااالي داعي في الشئ الي يسمونه هاردوير ((ما افهم كثير فيها)) ياليت تكثر لنا من المواضيع هذا...اوكي؟

السلام عليكم ,,,

الف شكر لك أخي sayedco .

والله موضوع بطل . :knight:

بس على قول الأخ سناري ياليت تبدأ معنا من الأول . وغير كذا ابي اعرف وش المميزات الي على اساسها اقيم المذربورد .

sayedco الف شكر لك

يا شباب تروووا انا داااااااااااااايم انسى

شوووفوا الموقع هذا كنت جايبه لكم المرة الي راحت ونسيت لأحطة!


http://www.amdboard.com/


والسلام عليكم ورحمة الله وبركاتة,,,,

يا شباب تروووا انا داااااااااااااايم انسى

شوووفوا الموقع هذا كنت جايبه لكم المرة الي راحت ونسيت لأحطة!


http://www.amdboard.com/


والسلام عليكم ورحمة الله وبركاتة,,,,

السلام عليكم

لي تجربة سابقة مع AMD في الاجهزة المكتبة ولاحظت انها معالجات ممتازة، وللوهلة الاولي حينما تعمل عليها تلاحظ ان ادائها قد يكون اقل من معالجان intel ولكن بالمقارنه فانه:
1- معالجات AMD ثابتة الاداء مع الزمن بينما معالجات Intel يقل ادائها تدريجيا بسبب الحرارة العالية المنتجة وتسوء جدا بعد تقريبا ستة اشهر من الاستخدام.
2- معالجات AMD ارخص بكثير من الاخرى، ولكن يجب الحرص ان تكون اللوحة الام المستخدمة متوافقة مع معالجات AMD هذا بالاضافة انها دائما سباقة الى التكنولوجيا الحديثة مثل HT و 64Bit
3- مع الاسف معالجات AMD في الاجهوة المحمولة لا ترقي الي الاداء المطلوب

واخيرا اعتقد اننا يجب ان نتوجهه الى شركة AMD ويكفي بالاضافة للاسباب السابقة ان اكثر معالجات Intel تصنع وتطور في اسرائيل بينما AMD تصنع وتطور في المانيا وماليزيا.

تحياتي

السلام عليكم


xax
الف شكر عيوني على المعلومات الحلوة هذي
بس عندي نقطة حبيت توضحها ليه...

الي اعرفة لمن شفت اسعار الـ AMD انها الأغلى في السوق...!

ثاني شئ ماتعاني معالجات اي ام دي من مشكلة الحرارة الي موجودة في بنتيوم؟


وسلامتكم....

شباب ما قريت الردود عدل حالياً لأني نعسان حدي و بانام

و بكرة راح أحاول أبدأ من الصفر وياكم مع إني بروحي مستواي مو لي هناك

و مسامحة على الرد المتأخر هاي بعد

و إن شاء الله أرد بكرة

أخي انت تقصد :

إذا كان عندي معالج سريع بسFSP حق الموذر بورد بطي في هالحالة ما استفيد من سرعه المعالج .
يعني المذر بورد تؤثر في حالة ان المعالج اسرع من المذر بورد :p

انت تقصد كذا , ولا في شي أنا مافهمته

كيادي كلامك عدل

يعني مثل الزجاجة العمق مالها كبير و فيها ماي مثلا

لكن الموصل هو عنق الزجاجة الأصغر فيكون سرعة الصب هي بالنسبة للعنق و ليس العمق

أرجو إنك فهمت

و الردود الباقية ما قريتها الصراحة لأني مريض

إن شاء الله أرد

أخوي XAX

معالجات AMD غالية عندنا في الخليج لأنه سوقها مو ماشي عدل

لكنه الفرق بعد ضئيل ، مع إني مادري بأسعارها هالسنة لأني كله طايح في الإنتل ، الناس يبون المشهور دائما و يخافون من الغريب

و كلامك كله صح 100% و خاصة إن هالشركة سباقة في التطور و أننا لازم نبتعد عن انتل لأنها شبه اسرائلية

*************

بالنسبة للبدء من الالف فأنا باحاول من بكرة على مواضيع سهلة ، و إن شاء الله أنزلها قريب



*************

و أي سؤال تفضلو و لا تستحون ترا كلنا اخوان

السلام عليكم ورحمة الله

AMD افضل من انتل بمليووون مره من جميع النواحي وهذا الموقع المحترف في تقنيات الكميوتر يوضح هاشي

http://www.anandtech.com/cpuchipset...aspx?i=2456&p=6

بس المشكله ان كل العالم يعرف هالشي الا نحن وللأسف AMD الان من اغلا المعالجات وذالك لكفائته الهائله


اضعف معالج في سلسلت AMD Athlon يوازي اقوى معالج عند Intel
:knight: :knight: :banana: :banana:

مشكور أخوي محارب الإمارات

و ترا آنا جربت معالج (سيمبرون) من ((ايامدي) و ممتاز أفضل من السيليرون في الألعاب و كل شي يعني مو بس حق شغل و بس ممكن تشغل عليه ل شي

لكن (سيليرون) اللي المفروض ينافس ال(سيمبرون) في الألعاب زفت الصراحة و للعلم حالاً كمبيوتري سيليرون

***

و نسيت أقولكم في اللابتوب ترا (ايامدي) مالها مجال أبد للتحدي عكس الحاسوب المكتبي

و ذلك لأنه يصرف بطارية بسرعة و التقنيات اللي يستخدمونها حتى الآن ما نفعت لأنه تفيد المتنقل

*****

و لا تنسون إن 65 بت من أيامدي أول من نزلها و السباقة و الافضل أداء حتى الآن بالرغم من السعر العالي جداً

الين ما تنزل اسعار الـAMD لا تعليق :sss:


بس كأن قصدك 64 بت؟ :think:


هية مشكتها الوحيدة في نظري انها بتقييدك في نظام التشغيل يني لازم على طووول يكون عندك ويندوز 64 بت في الشنطة وقت الطوارئ....ولا؟ :think:



وتحياتي لك

السلام عليكم .

شباب ياليت احد يعلمنا كم اسعار الانتل وال AMD .

وخصوصا هالمعالج سيمبرون ؟ وهل هو 64 ؟ وكم سرعته ؟

لأني حاليا فكرت أنوي أشتري جهاز :p

وطبعا مانستغني عنكم بها الأمور :shy:

وشكرا لكم .

اي بالغلط كتبت 65 و قصدي 65 بت

****


هو نظام تشغيل واحد تركبه مرة و خلاص السالفة ما فيها تعقيد

و هو الإكس بي نفسه ، بس مادري إذا إصدارة مطورة أو لا لكنه نفسه بالضبط ، ما فيه فرق يذكر غير إنه يمكن المعالج على العمل بكامل قدرته

و بالنسبة للشنطة ؟ ما عرفت قصدك وقت الطوارئ ! ممكنتوضح قصدك

AMD Athlon Xp = Inet Pentium 4
3D و هذا المعالج معروف طبعاً و حق الأداء الأعلى حق الألعاب و ال

و آخر سرعة وصلت له انتل هو 3.8 جيجاهرتز
و آخر سرعة لايامدي هي نظرياً 2.2 جيجاهرتز ، يمكن تستغربون إنه على الغلاف يكتبون 3200++ و في الحقيقة هو يعمل على هاذي السرعة و له أداء أفضل بمليون مرة من الإنتل 3.2 و مجرب بقوة

***********************************************

AMD Sempron = Intel Celeron

هذا المعالجين صمما للأعمال المكتبية و أعمال المنزل (كالألعاب) و لكن الألعاب يعني مو مثل اللي فوق أول الصفحة ، فهؤلاء صمموا لكي يكونوا الأفضل أداء و سعات الكاش مالتهم أزيد بكثير

(شفيني انقلبت فصحى )

و طبعاً معالج الAMD أفضل بكثير

************************************************


و تصدقون أيام أول لما ما كنت مجرب الAMD كنت أقول شنو هذولي يقصون علينا ؟!

يكتبون 2400++ و هو بالأصل 1.8 !! لكن طلع صج يستاهل هالإسم و نص بعد

***********************************************

و بغيت أذكركم إنه في اللابتوب النقال ، للإستعمال العادي ، إنسوا شي اسمه AMD لأنهم كلش ما يدرون شالسالفة و يصرف البطاية كثير و الأداء ماله كشرة ما فيه تكنولوجيا تحديد سرعة المعالج

لكن إذا بغيتوا اللابتوب بديل الكمبيوتر و اللي يسمونه Desktop Replacment و هذا ما فيه بطارية لازم تركبه على كهرباء و هو مثل مواصفات الكمبيوتر العادي لكنه الحجم طبعاً أقل و أداءه مثل الدسكتوب

هذا النوع AMD فيه ممتازة لأنه بالأخير ما فيه أي تقنيات للتنقل و الصرف القليل و الأداء الممتاز بالنسبة لسرعة قليلة

***********************************************

و مسامحة على الإطالة بس بغيت أعمق الموضوع شوي و تعرفون بعض الأفكار عن الشركتين

و بغيت أسالكم إذا تعرفون شي عن معالجات HP آنا توني كم يوم أشوف له معالجات بس مادري شسالفتها ممكن إذا حد يعرف يعلمنا :p

السلام عليكم .

تسلم sayedco على المعومات هذي .

بس ابغى اعرف اسعار بعض المعالجات من AMD .

خصوصا :
AMD Sempron و AMD Athlon Xp

وحبيت اشاركم بصورة توضح اخر معالجات AMD :



والف شكر لك .

ال MOBILE لا تقربون منه تراه خطر

إلا إذا كان 64 مع إنه غير مجرب لكنه بعد بيكون ثقيل أعتقد و حق بديل الحاسوب المكتبي يكون

**********

مشكور كيادي على المخطط و الله يعطيك العافية