العودة سوالف للجميع > سوالف تكنولوجيا وتصوير > قسم التصوير الفوتوغرافي > رحلة قصيرة ,,,,, عيون الخرج
المشاركة في الموضوع
Mr.Kiady Mr.Kiady غير متصل    
مشرف سوالف الكمبيوتر °ˆ~*¤®§(*§ الرياض §*)§®¤*~ˆ°  
المشاركات: 2,405
#1  
رحلة قصيرة ,,,,, عيون الخرج
السلام عليكم ورحمة الله وبركاته

حيا الله الجميع ,كالعادة حبيت اشاركم باخر رحلاتي , وكانت يوم الخميس الماضي 21-6-2007 الصباح , بصراحه الرحلة كانت قصيره لانها جات ببالي فجاه , كنت راجع من عشا في البر يعني 24 ساعه بدون نوم

عموما نبدأ بصور العشى




شغل مضبوط



ابرد من كذا , مافييييييييييه :



المهم بعد صلاه الفجر , استلمت طريق الخرج على اقل من مهلي وللمعلومية الخرج احدى مدن السعودية الزراعية , وفيها مزارع كثير ( البان الصافي موجودة في الخرج ) تبعد عن الرياض حول 60 كيلو :



الطريق شبه فاضي , والجو باااااارد ( طبعا مو ابرد من الجحه ! ) , قبل الخرج بشوي شدني هالمنظر , فقلت خلني اشوفه من قرب :



لما قربت طلع شي مايسوى



!! و كملت طريقي , والحمدلله وصلت للخرج , وهذي صور لها من داخل السياره ! عشان كذا غير واضحة :













وكملت طريقي عبر الخرج , طبعا هدفي هو عيون الخرج , والحمدلله وصلت له بدون ما اضيع

وهنا أول ماوصلت :



هذا جزء بسيط من العين , بصراحة كبييييييييرة , ولما تنشاف في الواقع غير عن الكامره .


وهنا صور متفرقه للعين والبيوت الي حولها :







لاحظوا معي كيف عرض العين :



للأسف ماعندي اي معلومات عنها كم عمقها وكم عرضها , ولاكنها خلية من الماء .

نكمل مع الصور : يبدوا انها كانت مضخات للماء :



Mr.Kiady غير متصل قديم 28-06-2007 , 09:19 PM    الرد مع إقتباس
Mr.Kiady Mr.Kiady غير متصل    
مشرف سوالف الكمبيوتر °ˆ~*¤®§(*§ الرياض §*)§®¤*~ˆ°  
المشاركات: 2,405
#2  

وهذي البيوت القديمه حول العين :







الصوره هذي مرعبه :



سبحان الله , فعلا حجمها كبيييير ,





شفوا الخنادق بها الصوره :



كل خندق فيه مضخه , وموصله مع بعضها , كنت اتمنى ان فيه احد موجود وأسأله عن الموضوع :











تهورت ونزلت لأحد الخنادق :



هذا فتحة تربط بين الخنادق :


Mr.Kiady غير متصل قديم 28-06-2007 , 09:20 PM    الرد مع إقتباس
Mr.Kiady Mr.Kiady غير متصل    
مشرف سوالف الكمبيوتر °ˆ~*¤®§(*§ الرياض §*)§®¤*~ˆ°  
المشاركات: 2,405
#3  

لاحظوا معي هالتشققات , اكيد انها خطيرة , يارب سترك :





هذي صوره للمضخات + العين + البيوت (يعني تلخص المكان )



وهذا فيديوا بسيط , لتجربة سويتها , للأسف طلعت فاشله !!

http://ibraheiem/swalif/kharj2/swalif-kharj.3gp

الان , غادرت العين الأولى , ورحت للثانية , بس ماقربت منها مثل الأولى , لاني سبق وجيت لها واخذت لها كذا صوره من قريب , بس هالمره اخذت صوره للعين من الأعلى ,

هذي العين الثانية من قريب :



وحاليا فيه جبل صغير اتسلقه , عشان مثل ماقلت احاول اخذ صوره للعين كلها :



شوفو هالجسر الصغير , لازم نمر فيه :



مع ان المسافة مو مرتفعة , بس الخوف شي طبيعي !!



اخيرا , هذا المنظر الي نبيييييييييه , قارنوا حجم العين بالسياره والبيت !! سبحان الله !!



حاليا , اتجهت لسيارتي , وفي نيتي ارجع البيت , خلاص ابي انام :



الساعه 6:30 ودرجه الحراره 38 عادي :



طبعا وانا راجع , لازم اخذ لي كذا صوره من مدينه الخرج :





وهذا برج , بصراحه ما اعرف عنه شي :





هذا مكان اسمه العفجه , شدني الاسم وقلت لازم اشوفه :



وطبعا كله مزارع :



احب هالمناظر :







وهذي صوره لسيارتي , طبعا تحتاج غسيل بس مافي امل !


Mr.Kiady غير متصل قديم 28-06-2007 , 09:23 PM    الرد مع إقتباس
Mr.Kiady Mr.Kiady غير متصل    
مشرف سوالف الكمبيوتر °ˆ~*¤®§(*§ الرياض §*)§®¤*~ˆ°  
المشاركات: 2,405
#4  

واخيرا , قبل لا امسك طريق الرياض مريت بها المكان , اشبه مايكون مقبرة نخيل :









يبدوا اني وصلت منطقه اسمها الرفايع !



وهنا وصلت لطريق الرياض :





وطبعا كانت اخر صورتين ,,,

واشكركم لحسن المتابعه , ولأي تعليق عن الصور انا موجود معكم .

واحب اوضح ان هالصور مصغره , اي واحد يحتاج الصور الأصلية بدقة عاليه يكلمني .

واتمنى من اي واحد عنده صور رحله لأي مكان يشاركنا , لاني بصراحه استمتع بها لامواضيع سواء كتابة أو قرائه

ودمتم سالمين

Mr.Kiady غير متصل قديم 28-06-2007 , 09:26 PM    الرد مع إقتباس
افكر كثير افكر كثير غير متصل    
كاتب فعال جداً الكون - كوكب الأرض - قارة اسيا - الجزيرة العربية --------->  
المشاركات: 1,738
#5  

الله يعطيك الف الف عافيه اخوي قيادي


ذكرتني بالخرج زرتها قبل اكثر من عشر سنين . زرت فيها اصدقاء لي واخذونا للمناطق الجميله اللي صورتها انت .

انا يوم وقفت عند الموقع اللي انت كاتب انه العين وقف شعر راسي .

الصراحه منظر مهول الهاويه كبيره بشكل ماحد يتخيله . وعرض الفتحه غير طبيعي . كانه نيزك ظرب في الارض وحفرها مسافات عميقه .

طبعاً الاخوان اللي كانوا معانا ذكروا ان احدى الوزارات ما اذكر شسمها ارسلوا غواصين للعين لكن ماقدروا يوصلو لاخرها من عمقها .

اللي يوقف قدام هالمنظر ما يقدر يقول الا سبحان الله .


لكن شكلك مامريت على الساقي . عاد هو بمثابة نهر النيل عند اهل الخرج .

اذكر في مقابله مع عبدالسلام الهليل الرسام المعرف بكراكتيراته الساخره وهو من اهل الخرج . سألوه وش طموحك بالحياة رد عليهم وقال شقه تمليك على الساقي ( مثل شقه تمليك على النيل بمصر ) .


ماقول غير بيض الله وجهك وجمل الله حالك وبالعافيه عليكم الدجاج عالفحم .

عاد المره الجايه اعزمونا .



تحياتي لك على هذه الصور وهذه التغطيه المتكامله الجميله البديعه في تسلسلها .

اخوك افكر كثير .

افكر كثير غير متصل قديم 29-06-2007 , 12:29 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#6  

ماشاء اله تبارك الله الحقيقه تصوير ورحله حلوين 00

شدني هاالعيون صحيح كبيره في حجمها سبحان الله كم يعود عمرها هذي العيان 00

موقع اثري والخرج مشهوره بمزارعها الكثيره 00

الله يعطيك العافيه اخوي وماقصرت الصراحه اثريتني معلومات عن بلادي000

تحياتي محمد الهاجري000

ابداع2004 غير متصل قديم 29-06-2007 , 06:51 AM    الرد مع إقتباس
نظرة نظرة غير متصل    
رسامة محترفة  
المشاركات: 3,725
#7  

وعليكم السلام

شكرا على الصور

كأنا كنا معاك في الرحلة

كادي أنتم تقولون الجحه و نحن نقول اليّحه

أكيد أنتم تقولون رجال ونحن نقول ريّال

نحن نقلب الجيم ياء

يقول عنتر بن شداد

يا دار عبلة بالجواء تكلمي ** وعمي صباحا دار عبلة واسلمي

( منطقة لجواء هي ليوا قلبنا الجيم ياء )

لهذا السبب يقولون ليوا هي دار عنتر بن شداد

دخلنا في فقه اللغة


مشكور كادي على الرحلة

نظرة غير متصل قديم 29-06-2007 , 10:42 AM    الرد مع إقتباس
Um-Shahad Um-Shahad غير متصل    
عضو فائق النشاط الامارات  
المشاركات: 877
#9  

تسلم أخي القيادي على مشاركتك لنا صور الرحلة..


المكان جميل وله هيبه في نفس الوقت..


سبحان من خلق وأبدع

بانتظار المزيد من الرحلات وصورها...

Um-Shahad غير متصل قديم 04-07-2007 , 11:37 PM    الرد مع إقتباس
المبتسم المبتسم غير متصل    
نائب المشرف العام الظهران  
المشاركات: 18,614
#10  

بصراحة صور جميلة جدا اخوي كيادي ..

عرفتنا على مدينة الخرج .. ومعالمها السياحية

وكأننا بالظبط كنا معاك ..

مشكور عالصور .. وننتظر رحلاتك القادمة

المبتسم غير متصل قديم 05-07-2007 , 04:12 PM    الرد مع إقتباس
افكر كثير افكر كثير غير متصل    
كاتب فعال جداً الكون - كوكب الأرض - قارة اسيا - الجزيرة العربية --------->  
المشاركات: 1,738
#11  

سمعت ان الرحله القادمه بتكون للخرخير ارجو تأكيد صحة الخبر

افكر كثير غير متصل قديم 05-07-2007 , 04:45 PM    الرد مع إقتباس
Mr.Kiady Mr.Kiady غير متصل    
مشرف سوالف الكمبيوتر °ˆ~*¤®§(*§ الرياض §*)§®¤*~ˆ°  
المشاركات: 2,405
#12  

ياهلا بالجميع ,,,

شكرا على مروركم وتعليقاتكم ...

أفكر كثير

عندي صور قديمه للساقي , قريب ان شاء الله ارفعها لك , وراح تتحطم لما تشوف صورته !!
أما سالفة الخرخير : ما الظاهر

ابداع 2004

صدقني راح تتستغرب اكثر اذا وقفت عندها بنفسك , شي رهيييييب
أما عن عمرها , لاتسألني لاني مالقيت اي احد اخذ منه معلومات , وبصراحة ما جرت اقرا او ابحث عن معلومات لها العيون .

نظرة

ياهلا بنظرة
وصلنا فقه اللغه والسبب الجحه ! عموما من زمان ماشفنا رسماتك ؟ عسى المانع خير ؟
يالله ننتظر اخر رحلاتك , ورسماتك

خالد العازمي

الله يعافيك ياخالد

Um-Shahad

حياك الله , وأول ما اصور رحلة جديدة ان شاء الله تلقونها هنا .

المبتسم

ياهلا والله , وحياك الله معنا
ابد طال عمرك هذا جزء بسيط من مدينه الخرج .


Mr.Kiady غير متصل قديم 11-07-2007 , 04:55 PM    الرد مع إقتباس
بشاير بشاير غير متصل    
مراقبة سوالف الاصدقاء قلب زايد  
المشاركات: 7,838
#13  

أنا من محبي السياحة الداخلية ... وللمملكة ومدنها مكان كبير وحبيب في قلبي ... الله يحفظها ويحفظ أهلها

في البداية جوعتنا بطريقة تقديم الأكل ... وبعدها أمتعتنا بمناظر المدينة .... ومن ثم أفزعتنا بمشاهد العيون الرهيبة .... سينفونية متكاملة أخي القيادي

شكل البيوت القديمة الطينية يأسر الناظر إليه ... تحس بحنين رهيب للماضي ... وتتذكر من سكن هذا المكان وأين هو الأن

تشكيلة متكاملة من الصور ... أمتعتنا أخي القيادي متعك الله بالصحة والعافية

أما بخصوص اللغة وما تسمى به البطيخة (كما يقال لها باللغة العربية) ففي بعض مناطق المملكة تسمى حبحب (على ما أظن) وهناك من يسميها رقية (بقلب القاف جيم) ... ويحه وجحه ... وغيرها من الأسماء ....

بشاير غير متصل قديم 19-07-2007 , 10:33 AM    الرد مع إقتباس
Mr.Kiady Mr.Kiady غير متصل    
مشرف سوالف الكمبيوتر °ˆ~*¤®§(*§ الرياض §*)§®¤*~ˆ°  
المشاركات: 2,405
#14  

ياهلا بالجميع

اعتذر عن رفعي لموضوع قديم , لكن عندي سبين

الأول :

الرد على بشاير :

شكرا على اطرائك , فعلا المملكه كبيره وعندنا اماكن مانتخيل جمالها , مثلا في اجازه الاضحى الماضي الوالد الله يحفظه ودانا زياره لها المكان ( الصور في المرفقات ) وهذي ثاني مره اشوفه على الرغم اني من سكان المنطقه ( مكه المكرمه -> القنفذه -> حلي -> كياد ) ,,,
وشكرا لمرورك ,,,

الثاني :

كنت غايب عن الفتره الماضيه مما تسبب في فقدان موقعي الى مرفوعه عليه الصور , فقمت برفع الصور مره ثانيه

ودمتم سالمين
الصور المرفقة

اضغط على الصورة لمشاهدتها بحجمها الطبيعي


إضغط على الصوره المرفقه لمشاهدتها بالحجم الطبيعي


Mr.Kiady غير متصل قديم 25-01-2008 , 02:13 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.