العودة سوالف للجميع > سوالف رياضه وسيارات > ســـوالف الــسيارات > تجربة كابرس اس اس 2007
المشاركة في الموضوع
بندوق بندوق غير متصل    
عضو نشيط إلا رسول الله صلى الله عليه وسلم.. لاللدنمارك  
المشاركات: 290
#1  
تجربة كابرس اس اس 2007
السلام عليكم ورحمة الله وبركاته

بسم الله الرحمن الرحيم



سيارتنا اللي بنجربها اليوم هي كابرس اس اس الجديدة

التجربة تمت مع اخوية CROWER هوه اللي جاب السيارة


ملاحظات قبل ما ابدأ :

_ التجربة تمت بسرعة ما صورت وايد صور
_ خبرتي تعبانه بالتصوير اسمحولي
_ ما اعرف ارتب مواضيع بصراحة بس بحاول


معلومات عن السيارة : العداد وقت التجربة 1030 كم
السيارة سيارة شخصية وليست سيارة تجارب من الوكالة
السعر : 130 الف درهم تقريبا

البداية:
بصراحة سيارة روعة بكل معنى الكلمة وتغيير الشكل بصراحة كامل ما احس فيها شبه بالشكل السابق ابدا
ومن وجهة نظري انها تغيرت للافضل وتحسنت الجودة بشكل كبير جدا من الداخل والخارج

المحرك تغير فالموديل الجديد وصار 6.0 ليتر بقوة 360 حصان (تقريبا)

الشكل:
بصراحة اول ما شفت صورة السيارة عالنت ما دخلت مزاجي
بس عالطبيعة حلوة بصراحة وافضلها بمراحل عالجيل السابق
من ناحية الحجم احس بها صغرت عن قبل وراح عنها الشكل الصابوني
المقدمة جميلة جدا وتوزيع الانوار جدا ممتاز
الخلفية ما اعرف كيف اوصفها , صغيرة لكن حلوة بعد احس فيها شبه من سيارة اوبل ما اذكر اسمها

بشكل عام السيارة فالصور مقبول شكلها لكن عالطبيعة حلوة (رأيي الشخصي روعة)


المحرك والقوة:
المحرك نفس ما تعرفون هوه V8 6.0L 360hp (المحرك السابق 5.7 325 حصان)
المحرك بصراحة ممتاز جدا بس العيب الكبير فالقير اللي ما تغير (4 غيار) مع انه فالصور شفنا تبترونك وقالوا 6 غيار
وفيه زر Sport Shift يخلي تبديلات القير خشنة وحق سباق وبصراحة تحس بالفرق
بصراحة ما سقت الموديل القديم علشان احكم عالفرق لكن جربناها مع سيارتين
فورد موستنغ الجديد اوتو + نيسان Z350 اوتو
بصراحة طافهم وهو مرتاح الكابرس وحتى اذا دعسوا قدامه يلحقهم ويطوفهم ما توقعناه لهذي الدرجة يمشي

بس لو كان 6 غيار اتوقع كان بيفرق بشكل كبير فالتسارع
السيارة طبعا محددة سرعتها 250 كم

الداخلية:
ما توقعت بصراحة جودة الجي ام ترتفع بالشكل الكبير اللي شفته فالكابرس الجديد
مقارنة بالقديم اعطيه تحسن بنسبة 60% فالجودة الداخلية
تحسن كل شي مكانه حلو ومرتب وتوزيعه حلو

احلى شي بصراحة عجبني تصميم المقود رياضي جدا وشكله جميل

الشاشة من صنع شركة Blaupunkt وفيها نظام ملاحة لكن ما شغلته بصراحة
وفيها وصلة Ipod بعد

الكراسي مريحة جدا بالنسبة لي
الكراسي الخلفية مريحة وفيها مساحة كبيرة للأرجل نفس الكابرس السابق تقريبا
الصندوق الخلفي ضخم جدا وبصراحة انصدمت يوم شفته (فالصورة ما يبين بس عالطبيعة بصراحة خيالي)


الايجابيات :
بصراحة السيارة وايد عجبتني من كل النواحي وفيها ايجابيات كثيرة
+ ثابتة جدا فالشارع
+ قوية ومحركها ممتاز
+وايد بصراحة اشياء حلوة ما اقدر اعددها
+صرفيتها ممتازة على انه الخزان صغير تقريبا 70 درهم فل

السلبيات:
للامانة انا ما جربت السيارة غير نص ساعة فيمكن ما لاحظت سلبيات غير اشياء بسيطة (اسألوا Crower هو استعملها تقريبا ساعتين)
- غيار الاربع سرعات لازم يغيرونه بصراحة ما ينفع
- فيها صوت هواء بعد 120
بصراحة هذا اللي شفته
ويمكن فيها عيوب عالمدى الطويل بس ما اقدر احكم

بصراحة رأيي الشخصي انها سيارة تستاهل وزيادة وهولدن ابدعوا فيها
صح اني ما كنت مقتنع وايد فالكابرس قبل بس الحين افكر بجد اشتريه
تقييمي 9 من 10

الموضوع منقول

رابط الموضوع الاصلي
الصور المرفقة

اضغط على الصورة لمشاهدتها بحجمها الطبيعي


إضغط على الصوره المرفقه لمشاهدتها بالحجم الطبيعي


بندوق غير متصل قديم 10-11-2006 , 01:43 PM    الرد مع إقتباس
علي عبدالله علي عبدالله غير متصل    
مشرف سوالف السيارات قطر  
المشاركات: 2,612
#2  

تجربة جميلة
واضحة ومختصرة في نفس الوقت

ومن خلال هذه التجربة يبدو لي ان الكابرس الجديد حقق تطورا ايجابيا كبيرا عن الموديل السابق
فقط ..كنا نأمل ان نشاهد صورا اكثر


.. وعلى كل حال .فهذا جهد نشكرك على نقله يا اخ بندوق
ونشكر ايضا الاخوة الذين قاموا بالتجربة على هذا المجهود الطيب والاسلوب الواضح

للتثبيت

علي عبدالله غير متصل قديم 10-11-2006 , 04:07 PM    الرد مع إقتباس
بندوق بندوق غير متصل    
عضو نشيط إلا رسول الله صلى الله عليه وسلم.. لاللدنمارك  
المشاركات: 290
#3  

إقتباس:
المشاركة الأصلية بواسطة علي عبدالله
تجربة جميلة
واضحة ومختصرة في نفس الوقت

ومن خلال هذه التجربة يبدو لي ان الكابرس الجديد حقق تطورا ايجابيا كبيرا عن الموديل السابق
فقط ..كنا نأمل ان نشاهد صورا اكثر


.. وعلى كل حال .فهذا جهد نشكرك على نقله يا اخ بندوق
ونشكر ايضا الاخوة الذين قاموا بالتجربة على هذا المجهود الطيب والاسلوب الواضح

للتثبيت


جزاك الله خير اخي الكريم وبارك الله لك
وشكرا لك على التثبيت

بندوق غير متصل قديم 12-11-2006 , 11:49 AM    الرد مع إقتباس
VIPER GTS-R VIPER GTS-R غير متصل    
عضو نشيط جدا  
المشاركات: 437
#4  

مشكور خيو على المشاركة والتجربة بس كنت اتمنى لو فيه صور اكثر والله يبارك لكم في السيارة ويعطيكم خيرها ويبعد عنكم شر الحسود ...

بس انا سمعت ان المكينة 400 حصان مو 350 والله اعلم ما ادري معلوماتي صح ولا غلط ..

الف شكر لك .

VIPER GTS-R غير متصل قديم 13-11-2006 , 02:47 AM    الرد مع إقتباس
s60 t5 s60 t5 غير متصل    
عضو شرف المملكة العـــــربيـــة السعــــوديـــة  
المشاركات: 1,541
#5  

ثانكيووو

اخوي بندوق على المعلومات الي قدمتها لنا عن الكابرس 2007


واكرر شكري لك.


لكن عندي سؤال

س1 : ليش انت جربتها نص ساعه و CROWER ساعتين شي يحير ؟

s60 t5 غير متصل قديم 28-11-2006 , 09:30 PM    الرد مع إقتباس
العمده العمده غير متصل    
عضو نشيط جداً  
المشاركات: 193
#6  

مشكورررررررررررررررررررين على التجربة الررررروعة


بس بصراحة انا افضل 2006 على 2007


عاد الناس اذواق .....

العمده غير متصل قديم 22-12-2006 , 04:02 PM    الرد مع إقتباس
RED Chevy RED Chevy غير متصل    
مراسل سباق السيارات البحرين  
المشاركات: 7,667
#7  

بلوه الصراحة الss وعلى الطبيعه احلى بوايد من الصور....يعطيكم العافية وننتظر CROWER ويانا :banana:

RED Chevy غير متصل قديم 15-01-2007 , 11:25 PM    الرد مع إقتباس
bmw740il bmw740il غير متصل    
عضو نشيط ksa  
المشاركات: 85
#8  

مشكوور ياخووي على التجربه


الله يعطيك خير السياره ويكفيك شرهاااا

bmw740il غير متصل قديم 04-02-2007 , 07:55 AM    الرد مع إقتباس
dbooor dbooor غير متصل    
مبدع متميز جداً إمـاراتــ Emaraty ــي  
المشاركات: 4,366
#9  

شكرا اخوي على التجربه وعلى ملاحظاتك الراااائعه
وانا واحد في خاطري اطلع وحده !!!!
يا SS او LTZ

وعندي سؤال

الايجابيات :
+صرفيتها ممتازة على انه الخزان صغير تقريبا 70 درهم فل


الخزان الصغير كم لتر ؟
و 70 درهم كم يمشي ؟

dbooor غير متصل قديم 03-05-2007 , 12:40 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#10  

هذه القوه الهادره من ذلك المحرك الجبار 00ناهيك عن الفخامه اللي صارت وباتت واضحه 000والله اللون الابيض اعدام 000

الله يعطيكم خيرها ويكفيكم شرها 000

وودي استبدل بالموتر اللي عندي000

الف تحيه0000

ابداع2004 غير متصل قديم 22-05-2007 , 10:03 PM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.