ممممممم هايونداي سوناتا ولا هوندا أكورد......... المعلومات التقنية غير متوفرة حاليا بانتظار الكشف الرسمي عن السيارة في جنيف



سوناتا 2005

سوناتا 2005

هذا هو مستوى الكوري , سرقت التصاميم الممتازة

أشكرك

خليل

كلام صح، وإذا الكوري ماقلد مين بيقلد، إذا شفتوا دعايه الكيا الأوبيروس(قصدي المرسيدسE والجاغوارS) كاتبين إحذر من شبيهاتها الأغللى سعراً( يعني إحذر من البنز والجاغ ) والله الكوري مصدقين روحهم وأشكرك مشرفنا على الصور.

عادي اصلا طالعه حلوه واحلى من غيرها A6 وكثروا من التقليد اللي كذا

ثانيا اصلا مافيها اي شبه من A6 وركزوا عدل وخلكم من الكلام الفاضي ! والسياره حلوه واحلا من المكسيما بعد واميز واروع ( رايي )

سلام

يعني كلامي كان صحيح

خليل أبو سمرة
-------------------
ما اظن التقليد مقتصر على الكوري بس .... الهوندا ما قلدت البيجو ... اللكسز ما قلدت المرسيدس ... حتى الصني في خلفيتها قلدوا الإلنترا

RED Chevy
----------------
اظن معاهم حق ..
خلني اقولك مواصفات الأوبيروس
- نظام الحماية في مساند الرأس.
- مكيف خلفي.
- ناقل حركة من نوع H-Matic (عادي اوتوماتيك).
- نظام (ESP) يساعد على منع الإنزلاق الشديد.
- نظام ABS.
- نظام EBD.
- نظام TCS.
- نظام ECS.
- حساساة خلفية.
- مفتاح تحكم.
- أنوار خطر LED.
- أنوار عدسات ... ويقولون إن إنارتها زينون.
- فتحت سقف.
- خطوط ظباب.
- Auto Light Control System.
- مثبت سرعه.
ستائر جانبية.
- ثلاجة.
- ذاكرة للكراسي.
- 8 وسائد هوائية.
- شاشة معلومات.

-محرك 3.5 لتر بقوة 207 حصان

هذا إلي عندي فكره عنه...

وبسعر أرخص من أعلى فئة في المكسيما ...

السلام عليكم ورحمة الله وبركاته
لا أخوي سلفر، بس هل الأوبيروس أحسن من البنز والجاغ؟

إنت لو قريت دعايتهم، إحذر من شبيهاتها، خلها على الله، هذي راحت فوق أو يات تحت كيا مابيصير شعارها بنز أو bmw.

والله السوناتا سياره ممتازه وغنيه عن التعريف..الله يذكر ايامها بالخير..


ماشالله الشكل الجديد اكثر من روعه..


وبالنسبه للشبه بينها وبين الاودي هو ان كل منهما ب4 كفرات ..


يعني بالعربي ماشوف ولاشبه...


اتوقع المقدمه فيها شبه من الفورد مونديو...لكن الشبه لايشترط التقليد..قد يكون صدفه..


شكرا

السلام عليكم ورحمة الله وبركاته
لا أخوي ولد الخبر، الشبه مع الإودي مادري، لكن المقدمه الشبه واضح،بالظبط نفس اللومينا2003، وحاول إتشوف الصور الثانيه، ولا من ورى الأكورد( يعني يدورون أنجح سيارات في الفئه ويقلدونها)، لكن بصراحه من ورى أحلى من الأكورد.

ياخوي مافيه شبه..ابدا ابدا..

على كذا بنقول اللومينا موديل 2002 يقلد خلفية السوناتا 2001



صح؟؟؟




هذا تصميم متعوب عليه واللومينا وين والسوناتا وين؟؟

ومن ناحيتي افضل السوناتا 6 سلندر على اللومينا...من حيث الجوده وقطع الغيار...وعن تجربه واقتناع

السلام عليكم ورحمة الله وبركاته
كلامك صح تعبوا وهم يعدلون في تصميم اللومينا والأكورد، كان صعب يدمجون بينهم.

شبااااااااااااااب أحد يرد عليه

السلام عليكم ورحمة الله وبركاته
ياستسنجراي إنت مافهت الرجال، يمكن قصده العكس.

تبقا وجهات نظر,,


وبعدين فيه لجنات متخصصه في امريكا بمقاييس الجوده والسلامه...

والسوناتا ...اخذت مرتبه اعلى من الاكورد والكامري..فكيف تسرق منهم...وهي افضل منهم..


يعني لو تسرق منهم كان اكيد بتكون في مستوى اقل...


والاكورد بحد ذاتها خلفيتها مسروقه من البي ام دبليو الفئه السابعه..._الحوت_


يعني كل الشغله اقتباس فقط..وليست سرقة..

وبعدين فيه هيئات رقابه تمنع سرقة التصاميم..وفيه فرق بين السرقه والاقتباس..

السلام عليكم ورحمة الله وبركاته
لو في هيئات كان ماخلوا الااوبيروس تنزل، ومن أي ناحيه السونات أفضل من الأكورد، آنا آخذ أمريكي موديل 80 ولا اللي إسمها هونداي، وإعذرني على الرد لأن مافي مقارنه بين الهونداي والهوندا.

جربت السوناتا ..ولا تتكلم من خيالك؟؟

سوناتا & لومينا

والله لو اسوي استفتاء احين اللومينا بتفوز

السلام عليكم ورحمة الله وبركاته
آنا آئيدك بس لتسوي الموقع صار كله إستفتائات، وفوز اللومينا شي مفروغ منه.

لا حظ فرق السعر..وخدمات الوكيل...والجوده..والشكل الخارجي..

كلها في صالح السوناتا بدون تردد...



لكن الشعبيه يمكن تكون في صالح الليومينا..يعني الاغلبيه هنا يمتلكها...وهذا السبب غير مقنع في انها افضل من السوناتا

أي جودة اللي تتكلم عنها يا اخوي أولا البدي مال اللومينا اقوى يعني هي أكثر أمان من السوناتا وثانيا كل ما ارتفع سعر السيارة ترتفع جودتها وانت تقول انت السوناتا سعرها اقل من اللومينا

وما راح اطول معاك واترك الرد للأخوان

السلام عليكم ورحمة الله وبركاته
السعر أوكي وخدمات الوكيل أوكي بعد لكن الشكل لا وألف لا، يمكن لأن وكيل الهونداي ناجح عندكم والشفر العكس لاكن عندنا الGM والهوندا أحسن وكاله في البحرين وأخس شي الهونداي، غيار وسيرفس غالي( ليش ماخذ بنز).

من ناحية الرساوه فهي لصالح السوناتا..وانا اراهن على هذا الشي...لايمكن اللومينا تكون ارسى من السوناتا...


وهذا الشي مانناقش فيه الين انت تجرب السوناتا..واللومينا معروفه بأن وسائل الامان فيها رديئه..وحتى المواد المصنوعه في الكونولوسلت الداخلي رديئه ...




اخوي ريد تشيفي..انا اتكلم عن اللي اشوفه بالسعوديه..مادري عن البحرين..


وبعدين مين يقول انه كل مازاد السعر زادت جودت سياره..<<لا يكون نيوتن منزل قانون


هذا يرجع الى رخص الايادي العامله في كوريا...

وهذا السبب اللي يخلي بعض الشركات تفتح مصانع في استراليا...



شكرا لك

هذا الكلام غير صحيح، كيف حكمت أن جسم اللومينا أقوى؟ أذكر لي دراسة أو أرقام موثوقة تذكر ذلك وسأوافقك، لكن الآن ما تقوله أعتقد أنه مجرد انطباع شخصي سواء كان يشاركك فيه آلاف الأشخاص أم أنه انطباعك أنت فقط، فهو في النهاية لا يعتبر حقيقة بل رأي، الأمر الآخر ارتفاع السعر لا يعني ارتفاع الجودة، سيارات تويوتا رخيصة مع ذلك هي في مراكز متقدمة في الجودة، لو قارنا كورولا مع غولف مثلاً لوجدنا أن غولف أغلى في السعر في بعض فئاتها، هل هذا يعني أنها أفضل في جودتها؟ لا.

المشكلة أن الانطباع الراسخ عن السيارات الكورية بأنها سيئة لا يريد البعض أن يغيره.

على فكرة، هذا التصميم ظهر قبل ظهور هوندا أكورد الجديدة، بالنسبة للكيا التي تشبه جاغوار ومرسيدس، لماذا لم يتكلم أحد عن جاغوار وقال بأنها تشبه مرسيدس؟ أليست نفس الإضاءة؟ أربع مصابيح دائرية، المسألة عندما تتعلق بالسيارات الكورية نجد معظم الردود لا عقلانية وغير متوازنة.

كلامك درر اخوي سردال ومنطقي ويخش العقل..


يعطيك العافيه

صحيح إن كل مازاد السعر زادت الجوده، بس ماينطبق على كل السيارات، بشنو تفسر لي إن البنز يتجمع في مصر وماصار أرخص؟

الكابرس قبل كان ينصنع في كندا، واللحين في إستراليا، ليش مانزل سعره؟

ليش التيوتا تصنع الكامري في إستراليا وماصارت أرخص؟
هل بتقولي إن جوده الهونداي الكبير أحسن من البنز والBMW لأن سعرها أرخص.
وكلام أخوي سردال عندي بعض النقاط عليه، فالتيوتا جودتها زفت( وإحنا عندنا، وكل اللي أعرفهم يشاركوني الراي)، لكن الهوندا بنفس الأسعار لكن جودتها افضل من التيوتا، الكلام اللي آقوله عن واقع تجربه، وعندنا أكوردين( للعلم يوم ناخذ الثانيه العام ماطبينا معرض التيوتا)، وكامري(كان عندنا وحده ثانيه وتخلصنا منها).
والإنطباع الراسخ عند الناس عن الكوري مابيتغير، لأن الناس ييعرفون شنو الكوري، كوري = مشاكل + إنعدام جوده.
والناس اللي آعرفهم عندهم هونداي يسبون ويلعنون في السياره تدري ليش؟

لأنها معذبتهم، كل يوم من ورشه لي ورشه.

عندما أتحدث عن الجودة فأنا أتكلم عن دراسات وأرقام وليس تجارب شخصية لي ولك أو للآخرين، تويوتا ولكزس من أفضل السيارات جودة، أما الأسعار فلكل شركة سياسة محددة، مهما كان مكان الصنع، فالسعر سيبقى ثابتاً لأنه مرتبط بسياسات تسويقية بحتة.


مرة أخرى، دعوا تجاربكم جانباً وحدثوني عن دراسات وأرقام، التجارب الشخصية لا تعبر عن الواقع، ومهما سمعت من أصدقائك وعائلتك، لا يكفي ذلك للحكم على أي شيء بأنه سيء أو جيد، وإلا لأتيتك بأمثلة معاكسة، فأنت تأتي بأمثلة تدل على سوء الكوري وأنا آتيك بأمثلة تدل على جودته، فمن نصدق؟ لذلك الدراسات هي الفاصل، أعرضوا حقائق وأنا أوافق عليها دون نقاش.