ليش اسعار السيارات في معارض دبي والشارقه غاليه ،حتى احيانا بعض اسعار هذه السيارات تقارب اسعار الوكاله ؟؟!!

ابد من قال....الأسعار مش مرتفعة ولا حاجة قبل شهرين ولد عمي جاب من هناك لاندكروزر والله اقل من سعر الوكالة بكثير..
....شف انت ان بغيت تشتري في اماكن معروفة بالرخص اسأل عنها....
لكن ماتنسى الغالي ثمنه فيه...

مرحبا...

انا من الشارجة واعرف نظام السوق في معارض السيارات المتوفرة في ابوشغارة خلف شارع الوحدة...

بصراحة الاسعار معقولة للسيارات حسب فئاتها وقيمتها عادية ومحافظة حسب سعرها السوقي يعني مافي مبالبغات في الاسعار الا اذا كان هناك خيارات اضافية للسيارة تجعلها اغلى على السيارات الاخرى اللتي هي من ضمن فئتها..

ولكن للاسف الشي الوحيد اللي يحذر منه معظم الزبائن من اصحاب المعارض الا وهو النصب والاحتيال في مجال البيع .. حيث انه يبيع لك سيارة من غير صوت او دخان كثيف منبعث من العادم ولكن بعد مرور 7 اشهر تظهر العيوب..

وهناك ايضاً طريقة اخرى من النصب بحيث ان معظم اصحاب المعارض يكونون متفقين مع معظم اصحاب شركات الفحص لعدم اظهار اي عيب بالسيارة للزبون ... وبذلك سيكون الزبون ضحية هذه السيارة اللتي عندما يأتي بها الى المرور او بعد مرور فترة من الزمن يتفاجئ بعيب كبير في السيارة وبالتالي المعرض لايتحمل المشكلة هذي...

لذا يرجى الحذر نوعاً ما من اصحاب المعارض..

وتقبلوا تحياتي

اخوي كرمبع او اي اخ من الامارات حبيت اسأل معارض السيارات في دبي في منطقة العوير ولا في منطقة ثانية لاني ان شاء الله لي زيارة ان شاء الله قريب عشان كدا ابغى اعرف وين مكان المعارض لاني زرت دبي قبل كذا ولاجيت معارض لكن ان شاء الله دحين ابغى اشوف المعارض كيف ارجوكم قولوا وين واذا فيه معرض معين تنصحوني اروح له دلوني ومشكووووووووووووووور

الاخ : كرمبع
اللاخ : SL500
مشكورين على الردود
بس :
مره حبيت ابيع هوندا اكورد في تلك المعارض ، لم يعطوني اكثر من 10 الآف درهم فيها ، مع ان اسعار العرض في تلك المعارض لا تقل 18 الف درهم و سيارتي افضل عن تلك المعروضه .

ومره انا اشتريت مكسيما وكان هذا الكلام في سنة 1999 من الشارقه وكانت موديل 99 بـ46 الف درهم من احد الاخوه اللي جاي يبيع ، اسعار جميع المكسيمات كانت في تلك المعارض لا تقل عن 56 الف درهم و الماكسيما اللي انا اشتريها كانت بحالة الوكاله

أخر زياره لي لمعارض الشارقه حصلت على كابريس اس اس موديل 96 عند احد الاخوه جاي يبيعه بـ 25 الف درهم و قابل للتفاوض ـ وسيارته ما عليها كلام ـ بعدين رحت الى منطقة معارض دبي وجدت عارضين كابريس اس اس 96 بـ 38 الف درهم ؟؟‍‍‍‍ غير قابل للتفاوض .

اللي اريد اقوله ـ وهو راي شخصي ـ انه اللي يريد يشتري ويبيع عليه بالناس اللي تزور تلك المعارض وليس من المعارض نفسها .

بادرة حلوة يوم انك عرفت الجميع على المعارض باصولها..

اقولك رايي ان هالمعارض تلجأ للي يبغون يبيعون لان سياييرهم مرغوبة وسعرها رخيص.. والكل يضمن البائع اكثر من المعارض اللي غالباً ماحدث فيها قمم من النصب والاحتيال..

وشفت وجبربت بنفسك وعرفت ان البائعين المتجولين في المعارض افضل بكثير التعامل معهم على اصحاب المعارض..

وغالباً المعارض تلجأ الى توقيف البائعين ونصحهم بان سيارتهم ماتسوى غير 20 الف او 25 الف وبالتالي يتشرونها ويبيعونها بمبلغ 30 او 35 الف!!!! شفت كيف..

هذي النقطة اللي انا ابغي اوضحها لك فاحذر منها...

وتقبل تحياتي

انا اسف جدا لاني اتأخرت بالرد عليك.. بس حقك عليه واقولك ان مناطق المعارض في الامارات تتكثف اكثر شي بالشارجة بمنطقة اسمها ابوشغارة وصوب شارع الجوازات وجدام شركة ليبرتي للسيارات ...
وبخصوص دبي بتحصل السيارات بالعوير واغلبيتها مرسيدس وجميع اصناف السيارات..

وازيدك معلومه ان معارض الشارجة للسيارة بمنطقة ابوشغار هي اكبر معارض لتجارة السيارة بالشرق الاوسط...

وتقبل تحياتي

شكرا حبيبي كرمبع رد وافي مشكوووووووووووووووووور ان شاء الله نشوف الشارقة كمان اش فيها

والله ياحي بك بالشارجة وبكل الامارات ... بتحس انك اهللك وبعيد عن الغرربة وخصوصا ان في المعارض معظمهم سعوديين طيبين والله كلهم يتاجرون بالسيارات ويشترون لتصديرها بالسعودية...


وتقبل تحياتي

شكرا لك الف على كلامك الحلو هذا انا زرت الامارات مرات كثيرة صراحة كل شي فيها حلو الشعب طيب مررررررررررة والبلد ماشاء الله اخر تطور وكل شي فيها حلو والله لكن الي يعجبني اكثر شي شارع خالد بن الوليد احب محلات الحاسب هناك لكن لاحظت انه خلال فترة مهرجان التسوق تصير اسعار قطع الحاسب نفس اسعار السعودية لكن غير ذاك الوقت كل شي ممتاز شكررررا حبيبي كرمبع