العودة سوالف للجميع > سوالف رياضه وسيارات > ســـوالف الــسيارات > *** موضوع صوتيات السيارات الجزء الخامس ***
المشاركة في الموضوع
صفحة 13 من 13 « الأول < 8 9 10 11 12 13
M.A.M M.A.M غير متصل    
عضو نشيط جداً  
المشاركات: 462
#301  

اخوي mr_z
انا افضل ال JVC لانه مجربينه ناس كثير وتمدحه ومايقطع لكن السوني ماادري عنه صراحة لكن اذا كنت تعرف احد جربه ومشى فيه على طريق فيه مطبات وماشي معه تمام توكل على الله وخذه .. يعني اكثر شي يهمك هو قوة العدسة واحتمالها للاهتزازات وانا ارشح JVC
----------------------------------------------------------------------------------------
اخوي دايركشن
الماكسيما اعتبرها من افضل السيارات للسيستم لانها جاهزة وبالذات اذا كنت تفضل سيستم صافي وواضح
لان سماعاتها الاربع كلها حجمها واحد وهذا يسهل عليك وزن الصوت وتكون الصورة المسرحية للسيستم حقك جيدة
وبالنسبة للسماعات الصغيرة اللي تقول هي فعلاً اسمها تويتر ووظيفتها اخراج الاصوات ذات الترددات العالية مثل الاصوات الحادة واصوات الخشخشة ومكان وضعها هو في الامام في الركنين فوق الطبلون او على الابواب .. اهم شي تكون في الامام وفي الركنين فوق
الميدرينج وظيفتها اخراج الاصوات ذات الترددات المتوسطة مثل اصوات الناس واصوات المتكلمين
السب ووفر وظيفته اخراج الاصوات ذات الترددات المنخفضة مثل اصوات الطبول واصوات الجهير
وبالنسبة للميد بيس وظيفتها اخراج الاصوات ذات الترددات فوق المنخفضة لان المنخفضة يخرجها السب ووفر ومافوقها يخرجها الميدرينج والميدبيس...يعني الميدبيس تقريباً بين الميدرينج وبين السب ووفر وفي بعض الاحيان يكون الميدرينج يؤدي دور الميد بيس خصوصاً اذا كان نوع ممتاز
وبالنسبة لل 2 -way system معناها ميدرينج + تويتر + الكروس اوفر طبعا هذا للسماعات الكومبينينت (القطع)
وبالنسبة لل 3 -way system معناها ميدرينج + ميدبيس + تويتر + الكروس اوفر وطبعاً هذا للسماعات الكومبينينت
اما في السماعات العادية اللي يبيعونها عندنا واللي يكون مكتوب عليها 2واي ولا 3واي ولا 5 واي
2واي معناها ميدرينج + تويتر وتكون مدمجة في سماعة وحدة وليست مفصولة كما في الكومبينينت لذلك تلاحظ عدم وجود كروس اوفر خارجي مثل المتواجد في سماعات الكومبينينت
3واي معناها ميدرينج + ميدبيس + تويتر وتكون ايضاً مدمجة في سماعة واحدة
مازاد عن 3واي سواءً 4 او 5 واي كلها للدعاية والصحيح انها 3 واي ولكن يوجد سوبر تويتر ويكون يخرج الاصوات الحادة جدا ويكون التويتر العادي يخرج الاصوات الحادة العادية وكلها امور دعاية للاسف
والكومبينينت طبعاً افضل بكثيييييييييير واكثر جودة بكثييييييير من السماعات العادية ولكن للاسف لاتتوفر في السعودية فلازم تطلبها من النت او تشوف لك شي من دبي
ولكن تأكد انك بتحس بفرق غير طبيعي عن السماعات العادية لان كل صوت يخرج من السماعة المخصصة له
وبالنسبة لل SQ معناها SOUND QUALITY ومعناها بالعربي جودة الصوت او الصوت ذو النوعية الجيدة
وانا نصيحتي لك:
1- تشوف لك مسجل من بايونير او جي في سي لكن انتبه ترا جي في سي فيها انواع قوية وفيه انواع رايحة فيها
2-تركب لك سماعات كومبينينت (قطع) :
في الامام 2 ميدرينج في سماعات الابواب الامامية وفي الركنين فوق الطبلون او في الابواب 2 تويتر وفي الخلف في سماعات الابواب تركب لك 2 ميدبيس او تركب لك 2 ميدرينج نفس النوعية اللي في الامام طبعا لاتنسى اختيار امبليفاير ممتاز للسماعات ويفضل كل سماعتين امبليفاير 2 شانيل
3- وفي الاخير تركب في الشنطة ورا سب ووفر من ماركة محترمة ويكون بصندوق وتشتري امبليفاير خاص للسب ووفر ويكون من ماركة جيدة ويفضل ان يكون التركيب متقن والاسلاك تكون ماركة محترمة واسلاك الكهرباء تكون عريضة ولينة
وبالنسبة لماركة DLS فهي ماركة محترمة وماخذة جوائز
تحياتي للجميع

M.A.M غير متصل قديم 11-04-2005 , 02:00 AM    الرد مع إقتباس
Nas1 Nas1 غير متصل    
عضو نشيط جداً عجمان دار الأمان  
المشاركات: 485
#302  

اذا تبغي سستم حلو و في حدود ميزانيتك

انصحك بمسجل من بايونيير, مش ابو شاشة ملونه,
الموديل الي اقل منه بتلقاه في حدود 1000 درهم

و خذ سماعات DLS MS6
و هي تعتبر الفئة العليا من الانتاج المتوسط في DLS و الي يسمى refrence seriese
و سعرها 500 درهم
بالنسبة للوفر انصحك بـJL audio 12 W3V2
و ركبه في صندوق بورتد

سعره في حدود 700 درهم

و يعطي بييس حلو

بالنسبة للسماعات الخلفية
بكيفك اذا تبغي تبدلها ولا لا

اذا تبغي تبدلها
انصحك بتركيب سماعة عادية 2-way, و تشغيلها من المسجل على طول
يعني بدون مضخم

نجي للمضخم
بنصحك بمضخم زين و مجربنه في سيارة صاحبي و هو sound stream XTA 720.4

بيعطيك 90 rms في اربع قنوات
و اذا عملتله بريدج (يعني اذا شبكت القناتين) بيطلع 360 واط

و هذه معناه 90+90 واط للسماعات الامامية

و 360 واط للوفر

و الباقي ركب فيه عوازل اذا لقيتها بسعر مناسب
============
هذه السستم شبه احترافي
لأنه فيه الاشياء الاساسية للسستم الاحترافي

Nas1 غير متصل قديم 11-04-2005 , 02:23 AM    الرد مع إقتباس
922 922 غير متصل    
عضو فائق النشاط  
المشاركات: 1,219
#303  

السلام عليكم

Nas1 و DDesigns

لاهنتم بغيت اسعار شاشات JVC او سوني ... في الامارات

المسجل الجديد مايسوى شي بدون شاشة


ولكم كل الشكر


تحياتي
محمد

922 غير متصل قديم 11-04-2005 , 02:00 PM    الرد مع إقتباس
Nas1 Nas1 غير متصل    
عضو نشيط جداً عجمان دار الأمان  
المشاركات: 485
#305  

922

حاضر شيخي, من عيوني اليمين قبل عيوني الشمال :p

ان شاء الله بكرة بسألك عن الاسعار

بس ابغيك تقولي اي نوع من الشاشات تحتاج :think:

و انا بجيبلك اسعار كل الشاشات الي من نفس النوع :smart:

Nas1 غير متصل قديم 11-04-2005 , 08:43 PM    الرد مع إقتباس
922 922 غير متصل    
عضو فائق النشاط  
المشاركات: 1,219
#306  

Nas1

احرجتنى بكلامك .....

محتاج شاشة اللى تركب على الطبلون العادية

باي مقاس 5 انش او 7 انش

اهم شي تكون ماركة مثل JVC او سوني مثلاً

الارخص منهم

والف الف شكر مقدماً



تحياتي
محمد

922 غير متصل قديم 11-04-2005 , 09:34 PM    الرد مع إقتباس
دايركشن دايركشن غير متصل    
عضو جديد  
المشاركات: 8
#307  
.
مشكورين تعبتكم معي

اخوي MAM يعطيك العافية بصراحة شرحك للموضوع ممتاز بس في شي مافهمته

الكروس اوفر وشو هو السب ووفر :cry1: تحملني تراني غشيم بالاشياء ذي

على فكرة انا من السعودية وودي اجيب الأغراض كلها من الامارات لأن الي فهمته ان السوق هنا


مشكور اخوي ناصر

ناصر وش موديل البايونير الي تقولي عنه وكم الفرق بينه وبين الي افضل منه الملون


والسماعات DLS MS6 هل هي 2واي او 3 واي يعني كم قطعه

ورغبتي انها تكون 2 واي لأن وين الركب القطه الثالثه :cry1:

طيب السماعات الي قدام وخلصنا منها طيب الي بالباب الخلفي هل اركب نفس النوع

او اركب نوع ثاني لأني انا ماحب ان الصوت يكون متخلبط ابي يكون صوت مسرحي

ولو ركبت نوع ثاني اخاف يتغير الصوت او وزن الصوت يعني يكون مسموع في جهه اكثر من غيرها

بفرق

طيب نجي للسب وفر انا ودي ان صوته يكون ممتاز ومسموع داخل السيارة بعد مااركبه بصندوق

بالشنطة اقدر اسوي جهته يعني وجه السب ووفر جهة المراتب يعني افك المراتب الخلفية او وحده منها ويكون السب ووفر بوجهي


صندوق بورتد وش تقصد يعني مصمت مافيه فتحات :-)



طيب الامبي فاير sound stream XTA 720.4 تمام بااركبه على السماعات الامامية
والسب ووفر

بس بيكون الصوت ممتاز قدام وورى :blink: ماعندك احد

وش الحل الامبي فاير ال sound stream XTA 720.4 يكون للسماعات الاربع

والسب وفر اشتري له امبي ثاني رخيص حبتين

ولا شرايكم :think: طيب مافيه امبي يجي 5 مخارج :blink:

والعوازل والله فكره حلوه خصوصا اني انسان ماحب ازعج الناس كثير يعني ازعجهم على خفيف

لووووووول


مسجل بايونيير 1000 ريال

سماعات DLS MS6 ب 500 ريال قدام

والسماعات الخلفية وش النوع الي تنصحني فيه والسعر

سب ووفر ب 700 ريال بـJL audio 12 W3V2

مضخم
sound stream XTA 720.4 بكم :blink: الله يستر


والصندوق كم يكلف

والعوازل تتوقع كم متر بيكفي للسياره واركبها بالابواب او تحت المراتب بعد


وفي شي نسيته ومهم الشاشه تذكرت من رد اخوي 922 ودي بشاشه يكون سعرها معقول

ونوعيتها جيده جدا مانبي نطمع ونقول نوعيه ممتازة


ومشكورين وماقصرتوا تعبتكم معي

:knight:

دايركشن غير متصل قديم 11-04-2005 , 10:46 PM    الرد مع إقتباس
Nas1 Nas1 غير متصل    
عضو نشيط جداً عجمان دار الأمان  
المشاركات: 485
#308  

الكروس اوفر هو الجهاز الي يفصل بين الترددات

يعني يفصل الموجات المنخفضة عن الموجات المرتفعة

السبووفر هو سماعة تخرج الترددات المنخفضة الي تسمى بالبييس
=========
المهم, بما انك قلت انك تريد صوت مسرحي قهذا معناه انك تنسى السماعات الي ورا

ممكن تبدلها و تحط شيء رخيص مكانها لكن لا تشبكها على المضخم علشان ما تكون مسموعة
لأنه الصورة المسرحية معناها انه الصوت يكون من الامام فقط
و السماعات الخلفية تكون مساعدة للسماعات الامامية في حالة وجود ركاب في الخلف فقط

يعني اذا ما تركب معاك ركاب في الخلف انسى السماعات الخلفية لأنك ما راح تحتاجها

بالنسبة للوفر ما يحتاج تفتح المراتب علشان تسمعه

و لا توجهه للامام, دائما السبووفر يفضل انه يكون اتجاهه للخلف
لأنه اذا اتجه للامام بيعمل ما يسمى بـ cancelation و معناه انه موجة البيس تخرب الموجات الي تصدر من السماعات
و بهذه الطريقة يخرب التوازن عندك

البورتد اقصد فيه الصندوق ابو فتحة


بالنسبة للمضخم

مثل ما قلتلك في ردي الي فوق

السماعات الخلفية ما تحتاج مضخم الا في حالة اذا تبغي يكون الصوت محيطي , يعني يجيك من كل جانب بنفس القوة

و هذا الي ما انصح فيه و ما اعتقد DDesigns ولا 922 ينصح فيه و ولا اي خبير صوتيات ينصح فيه :smart:

==============
MS6



الصفحة الاولى من التقرير

الصفحة الثانية من التقرير

بالنسبة لأسعار المشغلات بكرة بتأكد من الموديلات و الاسعار :-)

Nas1 غير متصل قديم 12-04-2005 , 02:20 AM    الرد مع إقتباس
دايركشن دايركشن غير متصل    
عضو جديد  
المشاركات: 8
#309  
.
مشكور اخوي ناصر

طيب الاجهزة الي مرفقه مع السماعات هي الكروس اوفر لأني قريت مكتوب عليها

مدخل للوفر ومدخل انبوت مدري وشو له ومدخل ثالث للرواتر الظاهر كذا

كذا تمام وفرت على 500 درهم حق السماعات الخلفية

ماقلتي سعر المضخم كم وهل هو متوفر عندكم بالامارات

المضخم راح يكون للسماعات والسب ووفر تمام


المضخم كم واط هل هو 360 RMS يعني 90 +90 للسماعات الامامية و180 للوفر تمام كذا :blink:

الصندوق اقدر افصلة انا بحسب المقاسات الي بااخذها منكم او شلون


مشكور اخوي ناصر وماقصرت

دايركشن غير متصل قديم 12-04-2005 , 03:07 AM    الرد مع إقتباس
M.A.M M.A.M غير متصل    
عضو نشيط جداً  
المشاركات: 462
#310  

اخوي دايركشن
السب ووفر مايبي له شرح : هو اللي يجي بصندوق في الشنطة وبعضها يجي على الطبلون الخلفي لكن اللي في صندوق افضل وهو اللي يطلع اصوات الطبول والجهير
والكروس اوفر هذا وظيفته :
crossover = هو الجهاز الذي يتحكم بقطع الترددات

وبعضها تستطيع التحكم من اين يبدأ القطع
وهذا اسمه Active Crossover

وبعضها لاتستطيع فهو يأتي بتجهيز من الشركة وعلى ترددات معينة ولا تستطيع التحكم فيه
وهذا اسمه Passive Crossover

وبطريقة اسهل : ليش الناس تفضل سماعات القطع (الكومبينينت) ؟؟
لان كل صوت يخرج مع المكان المخصص له واللي يسوي هالوظيفة هو الكروس اوفر
لذلك تحصل الاصوات الحادة تطلع مع التويترات واصوات الناس مع الميدرينج .. وهكذا
وهذا احد اشكال الكروس اوفر


تحياتي

M.A.M غير متصل قديم 12-04-2005 , 03:13 AM    الرد مع إقتباس
أمير العين أمير العين غير متصل    
عضو نشيط  
المشاركات: 95
#311  

السلام عليكم ورحمة الله وبركاتة

استفسار بسيط ..

انا عندي نيسان اليديد ..

وفيه مسجل الوكاله..والمشكله ما اقدر ابدل المسجل ..بسبب انه يوجد ازرار التحكم له عند سكان السيارة ..

وانا ركبت بوكس MP3 مع قطعة FM

ولكن توجد عندي مشكلة ..

بانه الصوت فيه وشوشه ؟؟ وشوشه مال FM يعني الصوت هب واضح وايد ..نص نص ؟؟
هل يوجد حل لها مشكلة ؟؟

أمير العين غير متصل قديم 12-04-2005 , 05:28 AM    الرد مع إقتباس
M.A.M M.A.M غير متصل    
عضو نشيط جداً  
المشاركات: 462
#312  

اخوي امير العين
تقدر تغير مسجلك حتى لو كانت فيه ازرار التحكم وماراح يأثر شي ولكن ماراح تستفيد منها بعد كذا يعني بتصير شكل بس وبالنسبة للوشوشة فحاول تقرب مكان المبدل او تشوف لايكون شي مغطي عليه ومضعف الارسال .. وعلى العموم البوكسات اللي على ال FM تكون فيها هالمشكلة بس مو لذيك الدرجة .. يعني مايلاحظها الا واحد يدقق كثير في الصوت
تحياتي

M.A.M غير متصل قديم 12-04-2005 , 06:23 AM    الرد مع إقتباس
M.A.M M.A.M غير متصل    
عضو نشيط جداً  
المشاركات: 462
#314  

اخوي محمد العلي اعذرنا على التأخير ولاتزعل منا
بالنسبة لوضعك
اولا: غير مسجل الوكالة وركب لك بايونير
ثانياً: اذا كانت السماعات عندك كلها في الابواب فراح يكون حجمها واحد فنصيحتي لك ركب البايونير الصفراء لكل الاربع ابواب وركب عليها مضخم من بايونير او كينوود وانا ارشح بايونير 944 ومن ناحية التركيب فهذا هو اصعب شي في السيستم ولازم تروح لمحل يخاف الله .. وفي الرياض قليلة المحلات هذي ان لم تكن موجودة لكن ماادري عن جدة لكن اتوقع انها ارحم من الرياض بكثير والشرقية بعد نفس الشي ارحم من الرياض بكثير
واتمنى اكون افدتك واي شي تبغاه انا في الخدمة انا والشباب كلهم
تحياتي

M.A.M غير متصل قديم 13-04-2005 , 03:34 AM    الرد مع إقتباس
الهاوي جروب الهاوي جروب غير متصل    
مشرف سوالف الكمبيوتر  
المشاركات: 2,348
#315  

اخوي مام والله مازعلت بس قلت حركه عشان اذكركم

المشكله حبيبي السياره يوم اخذتها كانت اقل مواصفات فمسجل الوكاله القديم الي مسجل وراديوا كل واحد لحاله بس مسافته ممكن اركب عليها مسجل بسي دي

ثانيا سماعتين فقط في الباب حق السواق والي راكب جنبه

الفل الكامل تجي حتى ورى سمامعات عندي مافي

لذلك تكرمن منك اعطيني الموديلات للسماعات ووللمسجل وجزاك الله كل خير

وابي اسئلك النضخم هذا لازم منه وهل الهوندى والمكسيما والجلنط راكب من بلدها الف شكر

الهاوي جروب غير متصل قديم 13-04-2005 , 08:12 AM    الرد مع إقتباس
دايركشن دايركشن غير متصل    
عضو جديد  
المشاركات: 8
#316  
.
مشكور اخوي M.A.M

وانا باانتظار اخوي ناصر بخصوص الاسعار



ومشكورين مره ثانية :banana:

دايركشن غير متصل قديم 13-04-2005 , 02:24 PM    الرد مع إقتباس
922 922 غير متصل    
عضو فائق النشاط  
المشاركات: 1,219
#317  

السلام عليكم

حل لمن يشتكى من قوة السماعاات البيضاوية الخلفية مقابل السماعات الامامية...

اول شي تخلى السماعات الامامية HPF وبدون بيس

والسماعات الخلفية البيضاوية LPF مااقول بيس تكون مد بيس

بيكون الصوت متساوي جداً ...



تحياتي
محمد

922 غير متصل قديم 13-04-2005 , 02:53 PM    الرد مع إقتباس
M.A.M M.A.M غير متصل    
عضو نشيط جداً  
المشاركات: 462
#318  

اخوي محمد العلي
بالنسبة للهوندا والجالنت والماكسيما انا سمعت مسجل الهوندا والماكسيما ومسجل الهوندا افضل طبعا انا اتكلم عن الجديدة وبالنسبة للماكسيما تقدر تركبه بسهولة على سيارتك وصراحة ماادري اذا كانت الهوندا فيها مضخم خارجي ولا!! لكن الماكسيما مافيها
وللمعلومية اي صوت في العالم مايطلع الا بوجود مضخم صوت علشان يضخم الاشارة ويطلعها من السماعات ولكن تختلف المضخمات فيوجد مضخمات مدمجة بالمسجل مثل اغلب السيارات وهذا اقل جودة واقل قوة من المضخم الخارجي ويوجد مضخمات خارجية وتجدها بالمضخمات التجارية مصل بايونير والباين وكينوود وغيرها ومثل بعض المضخمات اللي تجي على السيارات الفخمة وطبعا هذي اكثر جودة واقوى من المدمج
ومو ضروري اخوي تركب مضخم (امبليفاير) انت اول شي غير مسجلك مع السماعات وان شاء الله الصوت بيطلع مضبوط حتى لو كان سماعتين انت جرب وشوف اذا اعجبك الوضع ولا واذا مااعجبك الصوت يجي هنا دور الامبليفاير
وبالنسبة للموديلات السماعات الصفراء موديلها TS-D160R لكن انت رح لوكالة بايونير وخله يسمعك السماعات وخله يجربها لك على اكثر من مسجل وخذ اللي تعجبك لكن اذا كنت بتركب مضخم خذ الصفراء لانها تحتاج مضخم ولو اني سمعت انها جيدة حتى بدون مضخم لكن ماتأكدت من هذا الشي بنفسي
والمسجل فيه موديل اسمه deh-p5550mp مجرب وسعره معقول
اتمنى اني قدرت اوصل المعلومة وقدرت افيدك ان شاء الله
-------------------------------------------------------------------------
اخوي دايركشن
العفو وحاضرين لك اخوي باللي نقدر عليه
---------------------------------------------------
اخوي 922
حلك ممتاز جداً وخصوصاً للي تورط واشترى له سماعات بيضاوية قوية .. لكن اللي ماتورط احسن له يوفر

تحياتي للجميع

M.A.M غير متصل قديم 13-04-2005 , 06:31 PM    الرد مع إقتباس
-X- -X- غير متصل    
عضو نشيط جدا الخبر سيتي  
المشاركات: 331
#319  

السلام عليكم

حيالله الشباب

والله مشاء الله رجعنا لموضوع الصوتيات

اول شي مبروك للي اشترا اغراض جديدة وعقبالنا ان شاء الله

المهم انا ماعندي سالفة بس حبيت اسلم واذا عندي جديد ابطرحة لكم عما قريب ان شاء الله

-X- غير متصل قديم 13-04-2005 , 07:22 PM    الرد مع إقتباس
دايركشن دايركشن غير متصل    
عضو جديد  
المشاركات: 8
#320  
.
كيفكم شباب

ودي اسئل عن مسجل البايونير الي اقدر اشغل علية MP3 وفيديو ورقم موديلة ابي اشوف شكلة

وهل هو ملون ولا لا واتمنى ان سعره يكون في حدود ال 1000 ريال مثل ماقال اخوي ناصر


والشي الثاني لو شخص ركب مسجل البايونير مع السماعات ال DLS MS6 في الامام

بدون سماعات في الخلف وركب معهم سب ووفر JL audio 12 W3V2 الي نصحني

فيه اخوي ناصر بدون اي مضخم يعني على المسجل فقط


كيف يطلع الصوت

وهل المضخم فائدتة هي تضخيم الصوت ام التضخيم وتنقية الصوت

بصراحة اذا كان الصوت بيطلع جيد والصوت والبيس بيكون مسموع داخل السيارة

مااحب ازعج الناس اخاف اني اكون عند الاشارة ورافع في الصوت حبتين وتجيني دعوه

تمشي 1000 كلم :ranting: واقرب عمود او اشارة الله يستر

:m:

دايركشن غير متصل قديم 14-04-2005 , 10:27 PM    الرد مع إقتباس
Irmscher 3.0 Irmscher 3.0 غير متصل    
عضو نشيط  
المشاركات: 69
#321  

السلام عليكم

شباب أنا على وشك تركيب CD changer على نفس مسجل السياره الأصلي بأي موديل وأي ماركه تنصحوني؟ أبغي نوعيه محترمه تشغل mp3 ولها ريموت كنترول للتحكم ..

بايونير؟
سوني؟
جي في سي؟
alpine ؟
kenwood ؟

ماركات أخرى وأي موديل؟ ما أحتاج أكثر من CD changer يعني ما أحتاج DVD والميزانيه 500 - 1200 درهم بالكثير

وهذا كم موقع يمكن يفيدكم

هذا موقع وكيل SONY بالامارات وفيه الموديلات والأسعار: http://www.jumbocorp.com

هذا موقع وكيل JVC بالامارات وفيه الموديلات والأسعار: http://www.jvcuae.com

هذا هديه: http://www.caraudiomag.com

وشكرا

Irmscher 3.0 غير متصل قديم 30-04-2005 , 12:28 PM    الرد مع إقتباس
HaKeM HaKeM غير متصل    
كاتب فعال مكه المكرمه  
المشاركات: 1,214
#322  

فين خبراء الصوتيات ؟؟

:(

المسجل عندي بدأ يخبط ولازم أغير المسجل

عرض عليا أخونا DDesigns مسجل DEH-P8650MP ب1200 ريال

ووجدته عند بادغيش ب1750 ريال

والسماعات أخر نوع من DLS 2way المشكلة انها تحتاج لمضخم

وانا ميزانيتي نزلت ل2600 بدل 4000 ريال

فبطلت اركب مضخم وابغى 4سماعات و2تويترات تتناسب مع المسجل بدون مضخم

مسجل DEH-P8650MP مكتوب بجانبه في الكتلوج mosfet 50WX4

يعني قصدهم اركب 4 سماعات بقوة 50 وات عشان الصوت يطلع صافي

إذا ركبت 4سماعات بقوة 220و وات الصوت حيشوش ولازمله مضخم؟

والتويترات كم لازم تكون قوتها؟

لقيت نوع كسيت مع مسجل من بايونير اول مره اشوفه
FH-P5000MP

سعره 1470 ريال

وفي نوع جديد حيوصل السوق حسب كلام البائع
FH-P9200MP


يشغل MD/Receiver ماعرفت هذا النوع؟


الأنواع الثلاثة السابقة ايهم افضل ؟

وكم قوة 4 سماعات و2تويترات تشتغل مع أحد هذه المسجلات بدون مضخم وماهي أفضل الأنواع ؟

استحملوني شويه

HaKeM غير متصل قديم 28-05-2005 , 06:54 PM    الرد مع إقتباس
المشاركة في الموضوع
صفحة 13 من 13 « الأول < 8 9 10 11 12 13


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.