العودة سوالف للجميع > سوالف رياضه وسيارات > ســـوالف الــسيارات > تصلح سيارتك وتآخذ 100 ريال‏
المشاركة في الموضوع
ندووووي ندووووي غير متصل    
مبدعة الطرائف  
المشاركات: 2,463
#1  
تصلح سيارتك وتآخذ 100 ريال‏
السلام عليكم..

كيييفكم؟؟

عااد الموضوع مااني فاهمته بس قلت يمكن تستفيدون

يلا اقروا هالقصه..

كنت في جده قبل أسبوع وسمعت صوت تنسيم بالكنداسة طبعاً سيارتي شبح موديل 96 المهم رحت لمحلات الشكمانات اول واحد قالي الحمها لك بـ30 ريال والثاني قالي لازم تغير هذي الكنداسه وتركب فلاتر لأن هذي حقت بلادها ترجع الحرارة على المكينه وتخفظ عزم السيارة قلت كم الفلاتر قالي بـ100 ريال قلته وريني إياها (الفلاتر) يوم شفتها شكيت بالموضوع لأن من شكلها (الفلاتر) انها تكلف اكثر من الـ100ريال رحت لمحل ثالث قالي غير وركب فلاتر قلت كم قالي بـ220 ريال بعدها تأكدت ان الموضوع ماهو طبيعي رحت لواحد رابع وبدأت تنكشف اللعبه قالي غير وركب فلاتر قلت له مو مشكله اغير بس لاتقولي أكثر من 50 ريال قالي ترا اللي عندك تحتاج فلترين قلت له خلاص لاتقول أكثر من سبعين قالي خلاص 70 ريال دخل السياره قلت له شوف يابن الحلال اخر كلام كم قال انت قول قلت خمسين قال دخل السياره عاد هنا تأكدت ان الموضوع ماهو طبيعي أبداً .
قلت يامعلم ترا القديم ابي اخذه قال لا القديم من حقي عرفت الحين السر انه في القديم قلت طيب لو أخذ القديم كم تغير قال بـ400 ريال قلت له طيب اعطيك القديم كم اخر كلام قالي راس براس من هنا عرفت الشغله زين قلت له مع السلامه .

الآن تجيكم الزبده انا داري اني طولت عليكم بس زي ماصبرت انا على هذولي العمال انتم اصبروا علي .

رحت للمحل الخامس والأخير قلت له ابي اركب فلاتر بدل الكنداسه قالي بـ100ريال قلت له شوف يابن الحلال فيه واحد قالي اغيرها لك راس براس انت وش تقول قال روحله قلت له مع السلامه قال اصبر شوي خلاص زي ماقالك ذاك قلت لا تزيدني قال كم قلت 100ريال قالي كثير قلت كيفك ابي امشي قال خلاص دخل السياره والله ياشباب انه اشتغل بالسياره من بعد صلاة العصر الى بعد العشاء يمكن بحوالي ساعه حتى الصلاه ماصلى وانا صليت جمع وقصر عنده داخل المحل لأني ماني من أهل جده والصراحه اني خفت اخلي السياره عنده وهو ماراح يصلى
بعد ماخلص وطلعت السياره قلت له هات ال100 قالي خذ طبعاً من غير نفس عطاني ال100 وقالي اول مره يمر علي واحد مثلك دايم الزباين خاصة اصحاب الفرد سياراتهم فيها اربع كنداسات ماهو اثنين مثل سيارتك يغيرون عندي ويدفعون لي فلوس ويمشون وانت تغير وتاخذ فلوس .بعد كذا دريت ان الكنداسات حقت السيارات الأمريكية يستخدمون الماده اللي من داخل الكنداسة في تصنيع اصياخ اللحام ويبيعون هذي الماده الكنداسه الوحده بـ250 ريال عاد لااحد فيكم ذحين يقول انت قلت سيارات امريكيه وانت معك مرسدس الماني ابي اقوله سيارتي صح الماني بس استخدام امريكي




ملطوش من الايميل

ندووووي غير متصل قديم 01-03-2008 , 12:48 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#2  

هلا ندووووي ... الاستغلال وارد وخاصه مع العماله الاجنبيه واستغلالها وضعاف النفوس وش كثرهم بلا ذمه ولاضمير ..

تسلمين ندووووي والله يعطيكِ العافيه

تحياتي محمد الهاجري

ابداع2004 غير متصل قديم 02-03-2008 , 05:13 PM    الرد مع إقتباس
ندووووي ندووووي غير متصل    
مبدعة الطرائف  
المشاركات: 2,463
#3  

ايه صاادق..ياكثر ما يستغلوون

<<والله مادرت عن الطبخه بس يعنني فاهمه

ندووووي غير متصل قديم 03-03-2008 , 01:17 AM    الرد مع إقتباس
LS 460 L LS 460 L غير متصل    
الجــوكــر الأمـاكـن كـلـهـا  
المشاركات: 907
#4  

ممكن ليش لا ... المواصفات الأمريكية تختلف عن المواصفات الخليجيه في أشياء كثيره ...



و شوفي لنا مواضيع حلوه عن السيارات من ملاطيشك ...



شكرا ع الـ لطش ...

LS 460 L غير متصل قديم 03-03-2008 , 07:04 AM    الرد مع إقتباس
s60 t5 s60 t5 غير متصل    
عضو شرف المملكة العـــــربيـــة السعــــوديـــة  
المشاركات: 1,541
#5  

إقتباس:
المشاركة الأصلية بواسطة ابداع2004
هلا ندووووي ... الاستغلال وارد وخاصه مع العماله الاجنبيه واستغلالها وضعاف النفوس وش كثرهم بلا ذمه ولاضمير ..

تسلمين ندووووي والله يعطيكِ العافيه

تحياتي محمد الهاجري



فعلا اخوي ابداع انا حصلي موقف مشابة كنت في جدة ورحت الصناعية السيارة كانت تطلع صوت

غريب رحت تقريبا 6 ورش الي قالي غير ماكينه وفي النهاية طلعت البخاخات...


عموما شكرا ندووووي

s60 t5 غير متصل قديم 04-03-2008 , 08:47 PM    الرد مع إقتباس
الضبع الضبع غير متصل    
مشرف المسابقات والتصوير ۩ السعـوديـــــة ۩  
المشاركات: 4,206
#6  

هههههه
مساء الخير.
والله ياندوووى ما هو لحالك اللي ما نتي فاهمه اخوك الضبع متورط ما يفهم مره بالسيارات.
مشكور على الموضوع الحلو الملطوش.

الضبع غير متصل قديم 04-03-2008 , 10:57 PM    الرد مع إقتباس
ندووووي ندووووي غير متصل    
مبدعة الطرائف  
المشاركات: 2,463
#7  

مييييرسي بكوو كلياتكون ع المرور ..


إل اس ابشششششر وانا أختك بالمواضيع..

اس 60 حيااك في الموزوع وثاني مره استشيرني وانا اختك

الضبع في الهوا سوا هـاااهـ

ندووووي غير متصل قديم 05-03-2008 , 04:01 PM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.