هلا بياع,,

لا تحكي لي عن قصص العشق القديمه..لانها وان كانت صحيحه
فأكيد كانت لها اسبابها..
ويمكن انتم اللي كتبتوها عشان تثبتون قد ايش كنتم مساكين..
بس الظاهر انكم تعلمتوا الدرس كويس وصرتوا بهالوحشيه..
وصار انتقامكم من جنسنا النــــــــــــــــــــاعم اشد فتكا

زي ماقلت لك بالضبط..عمر الرومانسيه ماكانت محصورة بطقوس معينه
نمارسها متى مابغينا ونقفل عليها الوقت اللي مايناسبنا..
وهي مطلوبه من الجنسين..لكن صدقني عندنا أكثر...وبكثير
بس تعرف وش المطلوب؟؟
انها تلقى المكان اللي تقدر تنمو وتترعرع فيه..
زي الوردة..لازم لها ظروف مناخيه مناسبه عشان تتبرعم وتكون في قمة
جمالها..
كيف تتوقع اني اكون رومانسيه مع انسان ما همه الا بطنه؟عمر مشاعري ماكان
لها ثمن عنده؟؟؟؟؟

طيـــــــــــبه

بكره نكمل
تصبحين على خير

نعم أوركيد
ما أصعب أن تكون المرأة شاعرية ورومانسية
والرجل ما يهمه غير بطنه !!!!!!!!!!!!!!!

وهذا ما نفتقده هذه الأيام الرومانسية !!!!!!!!!!!!!
والأهم عدم حرصهم على قطع الروتين اليومي

وصدق الرسول صلى الله عليه وسلم حين قال:
" ألا أخذتها بكرا تلاعبها وتلاعبك "

زمان كانوا يقولون:
للعيون حديث ، ألذ من كل حديث ، فاقصري طرفك على النظر إلى زوجك ، كلما دخل عليكي تلقته عيناكي بأحلى سلام ، وأجمل ابتسام ، فلا يملك إلا أن يقول:

عيناك غابتا نخيل ساعة السحر
أو شرفتان راح ينأى عنهما القمر
عينان حين تبسمان تورق الغضون
وترقص الأضواء في نهر
يرجها المجداف وهنا ساحة السحر
عيناك
( للشاعر بدر السياب )

والآن نقول يا حسرتاه أين تلك الرومانسية ؟!!!!!
لقد غابت !!!!!! في زحمة الحياة والبحث عن المصالح

بنت طيبة


------------------
تأبى الرماح إذا اجتمعن تكسرا ** وإذا أفترقنا تكسرت أفرادا

هلا اوركيد والجميع

اعتقد انه من الغباء ان الانسان مهما كان ذكر او انثى انه يتلاعب او يخفي

شخصيته الحقيقيه او طباعه عن الطرف الاخر بهدف انه يستميله اثناء الخطوبه وقبل الزواج
.. وذلك

لانه راح يعيش مع هالشخص حيـــــــاة كاملــــــــه .. فيجب عليه

انه يكون واضح وصريح مع الطرف الاخر باقصى درجه ممكنه حتى يتمكنون

من الحكم ومعرفة ما اذا كانا مناسبين لبعضهما ..

ولانه مافيه شخص كامل بهالدنيا .. فيجب انه يعرف اذا يقدر يتعايش

مع عيوب او صفات الطرف الاخر .. لانه بالاخير لازم يكون عنده هدف من الزواج

وهو تكــــــــوين حيـــــــاة او اســـــــــره .. والعيش بسعاده

أختي العزيزة شجون المحبة
نحن نتحدث عن بعض النماذج البشرية في المجتمع وهذا لايعني التعميم
------
كثيرا من الزيجات نجدها ناجحة وخاصة لو نظرنا إلى الخلف أمهاتنا
وأجدادنا..... لكن في الوقت الحاضر اختلفت الموازين
والزواج توفيق من الله سبحانه وتعالى
فقد قال الرسول صلى الله عليه وسلم حينما يريد الخاطب رؤية خطيبته لأتمام الزواج :
" أنظر إليها فعسى الله يؤدم بينكما "
فسبحان الله هذه النظرة تلتقي فيها الأرواح ويتم الأنسجام والوفاق
-------
وايضا نحن في مجتمع لا يوجد هناك مجال للتعرف على الشخص قبل الملكة أو الخطبة أي أصبحت فترة الخطبة هي فترة التقارب والتعارف والتآلف فإذا لم تكن هذه الفترة قد بنيت على الصدق والصراحة للأسف يفشل هذا الزواج..

بالإضافة إلى أن المرأة حقوقها مهضومة مع الرجل وخاصة لو حصل انفصال لا سمح الله فإنها ترا الظلم بعينه هي وأولادها إن وجودوا ....

بنت طيبة


------------------
تأبى الرماح إذا اجتمعن تكسرا ** وإذا أفترقنا تكسرت أفرادا

أهليــــــــن طيبـــــه

في الحقيقه شيء مؤسف جدا ان الرومانسيه انعدمت او تنعدم
بعد فتره من الزواج..
وزي ماقلت لبياع..ان الرومانسيه ماهي طقوس لازم نتبعها
عشان نحس بها والا نتمتع فيها....
مافيه أجمل من المودة والرحمه بين الزوجين..
ولكنك تلاحظين ان الرجل دائما يطلب من زوجته انها تكون في احسن صورة
عشان ترضيه بس عمره مافكر اذا هي تطلب منه نفس الشيء..
ليش مايجي في باله انها لها نفس الحق..وكونه يهتم بنفسه
ويهذب من كلامه او تصرفاته وحتى شكله ..اشياء ماتتعارض مع رجولته..
ابدا..
ليش يكون مطلوب من الزوجه كل شيء بينما الزوج مايقدم لها ولو شيء
بسيط تعبيرا عن امتنانه وحبه لها........
وهذي اشياء ماراح تاخذ من وقته الكثير..

---
ام عياله؟
وهل تعتقدين ان هالنوعيه يهمهم اي شيء ؟؟!!
تصدقين ان فيهم نوع يستخدم اطفالهم اللي هم جزء منهم كوسيله
للضغط على الام ووسيله لتخويفها..وتعذيبها
نسوا ان هذولا هم من صلبهم..عيالهم..فليش يخلونهم يمرون بهالتجارب
البائسه كلها؟؟وعشان ايش؟؟!!

أهلـــــــــــين غايـــــه

بالضبط...وش بيستفيد اثنين بدوا حياتهم بالكذب؟؟
صدقيني حتى لو خبوا حقيقتهم يوم..سنه..عقد..ماراح يقدرون
يكملون..
اللي يكذب وفي اشياء تتعلق بحقيقه من هو أو يخبي جوانب من شخصيته
بهدف الحصول على الطرف الآخر كزوج أو زوجه فهو انسان متلاعب..
وصدقيني ماراح يرتاح ابدا..لان التمثيل متعب جدا..
هذي حياة..هذي عمر بكامله فليش ابداها كذب وانا ناوي استمر فيها؟؟
صعب تفهمين اسبابهم ودوافعهم..
عشان يلحقون نفسهم ويتزوجون لان العروس أو العريس "لقطه"؟؟!!

طيب ومن قال ان هذا اللي يشوفونه الناس لقطه..راح يناسبني؟
والا راح يكون كفوء لي؟ والا احنا قريبين فكريا وعقليا من بعض؟؟

أهلــــــــــــين شجون ,,

صحيح احنا حكينا عن الخداع والغش والرومانسيه المفقودة..
وصحيح ان كثير من زواجات أول مستمره لحد الآن..والسلام يعم على الجميع..

لكن لي تعقيبين على كلامك..
أولا..
احنا تكلمنا عن نوع - وليس كل- الرجال...
مانقدر ننكر وجود مثل هذي الفئه ولا تواجدها..وللأسف انها في
ازدياد..ماتعرفين وش اللي صار..

ثانيا
ومن قال ان جداتنا كانوا كلهم مبسوطات في زواجهم؟
الفرق اللي بينا وبينهم ان احنا اصبحنا نوعا ما اكثر استقلاليه
واقل صبرا..ومافي شيء يجبرنا نتحمل انسان مريض والا انسان يمد
يده عليك بسبب أو بدون وانتي توقفي ساكته تتفرجين!!
الطلاق الآن أصبح أقل وقعا من اجيال مضت..
من أول الوحده كانت تخاف وتضطر تسكت وتتحمل..ولو سألتي جده
من الجدات..قالت الشكوى لله..
زمان سي سيد ونعيمه فات أوانه وانتهى..
صارت الحياة الزوجيه الان مشاركه أكثر منها عبوديه كما كانت في السابق
مااقول لك ان جداتنا كانوا "امات" ولكن كانوا اكثر تحملا..
والرجوله أول كانت تعني ان الزوج يبرم شنباته ويذبح لزوجته القطوه
من أول ليله....
المفاهيم هذي اختلفت وتغيرت خلاص......
صارالزوجين " الطبيعين" اكثر تقاربا من ذي قبل..........


وبس

اوركيد
ما علقتي على آخر رد لي؟؟؟؟




[b][ تم تعديل الموضوع بواسطة   بياع القلوب   يوم   06-07-2000]

شكلك نايم بياع :(

وقت ماكنا في المؤقته..بس مادري وين راح؟:(

:(:( انا قريت كل الرود

وتوصلت ان هالمشكله يبدأها الرجل

وتنهيها المرأة برفض اسلوب الاستخفاف بعقلها



تحياتي لكل من شارك //