سلامااااااااااااااااااات يالحبيب الناس هنا يتكلمون عن محركات وانت جبت العيد

بعدين تعال

=============================
يكفيها أنها تنتج أفضل وأجود سيارات في العالم
=============================

من قال لك انها تنتج افضل واجود سيارات

واصلا مالك الحق انك تقول هالكلام لكن ممكن تصحح العباره وتقول

يكفيها أنها تنتج (من) أفضل وأجود سيارات في العالم

كذا نقول لك صح معك حق

============================
يكفي مرسيدس فخرا وإعتزازا أنها أعادت تصنيع المايباخ
============================

ايضا يكفي بي ام فخر انها اعادت روز رايز والرنج روفر والمني كوبر للقمه مرة اخرى

ومن وجهة نظر شخصيه ما فيه مقارن لهالسيارات الا الروز مقارنها البنتلي

بعدين تعال مره ثانيه
==========================
أن الشاسيات حقها قاعدة تتكسر بأبسط الصدمات
=========================

اذا جالس تتكلملي عن حادث صار مع واحد وكل شوي وانت ناط فيه

انا اقول لك اعرف واحد عنده فياقرا كل شوي يخرب الكي لس وكل مره يصلحه يخرب مره ثانيه يعني اقدر اقول ان جودة مرسيدس زباله!!؟
طبعا مالي حق لانها حاله من بين كم سياره انتجوها



للـــــتوضيــــح:

طيب الحين انا بسالك وش رايك بجودة الكدلك او الامان والسلامه الي فيها؟

اكيد بتقول لي انها زفت

طيب انا بقول زي ما انت بنيت تصور كامل عن شركة بي ام على شان حاله وحده انا بقول لك سالفه صارت عن الكدلك يبين انها ائمن سياره في العالم

هذا واحد كان ماشي على جسر الخليج في الرياض معه STS فوق تقاطع الستين كان مسرع مره

المهم انحرف وطارت السياره من فوق الجسر طاح على ارض فاضيه جنب الجسر (تخيل انه طاير من فوق الجسر!!) ونزل الرجال من السياره ولا فيه اي مخش وسليم 100%

هل معنىذلك ان الSTS ائمن سياره في العالم



ملاحظه:
1-على شان ما ينط واحد او شي الحادث اكيد قضاء وقدر وكتبه ربي انه ما يصير له شي وكلنا اكيد مؤمنين بهالشي .
2- انا ناقشتك بنفس الاسلوب الي انت ناقشت فيه.
3- انا موب من حزب البي ام ولا المرسيدس(حزب الشفر طبعا ) لكن الكلام الي نقراه نحب انه يكون شوي منطقي على شان الناس تعرف تناقش وتقرا وتفهم موب خرابيط وخلاص.

واتمنى اذا فيه احد بيعلق على كلامي يكون تعليقه شوي منطقي وما يحتاج هواش لو سمحتوا





وسلامتكم