.
نعم حارس فشلنا بكل مكان كل يوم والثاني طايح بدون اي سبب
صاح وبكا في امريكا اللاتينية ..وتشكا في اللاذقيه ...لماذا
هذه التصرفات ياعااااااااااالم ..انتو ماتستحون ...
.
تمثيل في تمثيل ..ليش ..ولو بحثنا في الأسباب لوجدنها قل الثقه بالنفس ..وعدم القدر على المواجهة ..كل هذا ينعكس بتصرف اطيح احسن لي ويجي الطبيب لساحة الملعب ويعالجني ويعتقد الجمهور اني مصاب... وبعدين...اقووووووول للي مثل هذا وعلى شاكلته مثل سامي الجابر ((..,انا اصلاً هلالي ...)بس معليش الحق ينقال
قل الحق ولو على نفسك ورايح اقول :
.
التمثيل اللي مثل هذا من قبل اللاعب وكثير اللاعبين اللي مثل الأشكال هذي ..من وجهة نظري ..عندهم قصور في التفكير ونقص بالتصرف وعدم القدرة على المواجهة (..اقصد مواجهة الخصم ند لند ..)
.
طيب يانااااااس كل بيت فيه دش ..ولو مافيه دش فيه تلفزيزن عااادي ..وكل تلفزيزن فيه محلل..وفيه اعاده لقطات للفاولات ..حتى التلفزبونات الحديثه فيه تثبيت للصوره على اي مشهد انت تبيه !
...ويجينا لاعب يمثل علينا كل الكميرات مصوبه عليه قبل وبعد الفاول ..ونحصل ان الأصابه ..ماهي شيء ..ولا لمسه اللاعب الخصم ؟! طيب هنا سؤال ليش ((..****..)) التصرف الأهبل هذا ..ليش تطيح وأنت ماجاك شيء ..تبي اللاعب الآخر يطلعه الحكم بكرت احمر او اذا كان عنده كرت اصفر ياخذ الكرت الثاني ..ليش ؟!
لجل يفضى لك الجو وتلعب بحريه اكثر ...يعني مانت رجل تقابل الرجال ...((..مثل مباريات الدوري الأوروبي ..)) تخلص المبارات ولا شفنا وحد طايح يمثل
((..اعتقد ناس ماتحب الكذب وناس فاهمه وهذا اهم شيء.))
.
وهذا السبب اللي يخلي للكوره طعم خاص ..المبارات تبداء بدون توقف ..الواحد يخش جو المبارات ((..اقصد المباريات الأوروبيه.))
.
اما هنا ..فمثل الخوجلي ..يضيع حماس المبارات كل شوي طايح على خط من خطوط الملعب ولا يهون سامي الجابر ..وبقيه اللاعبين اللي هم ابخص بأنفسهم ....ولا يهونون بعض اللاعبين الكويتيين وكل واحد ادرى بعيوبه سواء من قطر او الأمارات او البحرين وعمان
.
.ارجع وقول ياناس اللعب النظيف ..والعب نداً لند هو اللعب المطلوب اما ظاهرة التخلف العقلي وتمثيل وطح وانا اطيح هذي سوالف ناقصه ..ولا يسويها إلا واحد ناقص ..ولا عنده حياء ..ولاثقه
..
.
ارجو اني ما اكون ثقلت على هواة التمثيل في عصر الكميرات الرقمه ..
.
شكراً للجميع

^1




صح لسانك

و انا معاك في كله ماكتبته رغم أنني نصراوي وأتمنى من ألأتحاد السعودي لكرة القدم أن يوقف الأمير عبد الرحمن بن سعود ترى طفشنا بتصاريحه (الحكم مرتشي ...... لنا 5 ضربات جزاءلم تحتسب .... ضربة الجزاء التي احتسبت علينا خياليه وغير موجوده الا في ذهن الحكم..هدفهم من تسلل ...الهدف الملغي لنا صحيح مائه بالمائه) نفسي مره وحده يبارك للفائز أو يرجع هزيمة النصر للأعبين أو الأداره والله فشلنا وحطنا في مواقف بايخه ما لها اي داع ياليت ابنه فيصل يتراس النادي ويريحنا...
ياسمو الأمير ارتاح وريحنا وأنا متأكد ان الأخطاء التحكيميه التي صاحبت المربع سببها بوخالد..

أعتقد إنه هدف هذا الموضوع التشكيك في قدرات لاعب عملاق مثل هذا....و أي لاعب أعصابه مشدودة و فايز لازم يحاول يضيع الوقت و أظن إنه المهنا ما قصر أداكم أكثر من 5 دقائق...بعدين الخوجلي مو أول ولا آخر حارس يضيع وقت فالدعيع مثلا اللي نعتبره عملاق حراس المملكة قيد حاول يضيع الوقت و أخذ عليها كرت أصفر....و حتى في الدوري الأوربي (و كونك قلت وجهة نظرك مو شرط تكون صحيحة)لا مو في الدوري في المباريات العالمية بين المنتخبات الكبيرة في تضييع وقت......و مو عشان الخوجلي أبدع و حرمكم من كأس الملك حطيتو اللوم فيه...و هذا يدل على إنكم إنتو المهزوزين لأنكم سبق و حطيتوا اللوم في المهنا....

و بالنسبة للشخص الأخير الذي يدعي أنه نصراوي أقول له إنت مو نصرواي....بو خالد ينحط فوق راسك....و ما أظنك تقدر تنكر الظلم اللي بناكله من ورا ؤاس الهلالية

والله الخوجلي كان نجم المباراةز وتضيع الوقت افضل من الدعس على رؤوس لاعبين الخصم وضربهم.

اقووول للناس اللي تفهم وتتفهم الكرة بشكل عام
.
امثال الأخ / ARAE..و الأخ / swaf
.
اشكركم على ابداء ردودكم وهذا ان دل يدل على وعيكم الكروي
.
.
.
اما الناس اللي ماتفهم ...((..ماعندي وقت اضيع معاهم ولا حرف...))
.
.
تحياتي للجميع

يا ليتك تفهمنا الكوره علشان نستمتع اكثر.

تلك الحركة اللتي حصلت من الجمعان تجاه الداؤد بالرغم من اننا لا نقبلها كهلاليين الا انها جاءت معبرة عن حال الهلال مع النصر حيث ان الهلال واطي على خشم النصر طوال المواسم الماضية الا توافقوني الرأي .
لو طلب من كبر فنان تشكيلي ان يرسم صورة لواقع ناديهم مع الزعيم فانه سيعجز عن رسم مثل تلك الصورة اللتي جاءت عفويه والله يسامحك يا الجمعان .

الخوجلي يسلم عليكم و يقول لكل حاقد هلالي 000

قول عني ما تقول 000صوبي كم صعب الوصول000

واللي مايطول العنب000وش يقول 000؟

اترك الجواب لاخواني و احبابي الهلاليين000

عفوا
نواف 99
لدينا37بطوله وحصلناعلى جميع الالقاب فماذا لديكم؟

الخوجلي هوحارس المنتخب القادم واتوقع انه سيكون في وجودالدعيع .

هذا للمعلوميه فقط......

ولا تنسون انه حصل علىاحسن حارس في وجودالدعيع.....


مع تحياتي.....

الخوجلى احسن حارس فى
1-التمثيل
2-فقدان الذاكره
3-كثره السقوط
4- كثره تصاريح مثل ماقال للاوربت فى البطوله العربيه
حين سئل اذا وصلت المباره لضربات الترجيح
فقال للمذيع صدقنى اذا اوصلت لضربات الجزاء
سارد جميع جزائيات الهلال وقد بان على حقيقته مع الجمعان

للي يعتبون على الخوجلي كثرة السقوط اقول ان كل اللي سواه الخوجلي صح 100x100, تقولون شلون اقول ان هذا تكتيك الهدف منه تمويت اللعب وامتصاص حماس لاعبي الخصم وخاصه عندما تكون هناك هجمه مرسومه كادت تثمر هدف لأن الخصم سوف يتشجع ويصنع هجمه جديده ولكن تصنع الاصابه يؤدي لحدوث تهدئه للخصم وفي نفس الوقت يحصل هرج ومرج بين لاعبي الخصم وكل يلوم الثاني ليه مالعبتها لي او ليه ماسويت كذا وكذا. كذلك تكون فترة التوقف فرصه للفريق اللي ينتمي له متصنع الاصابه للهدوء وتلقي تعليمات جديده من المدرب لمعالجة اي خلل او الطلب من لاعبيه الاستمرار على نفس التكتيك مع عدم تكرار السماح للخصم بعمل هجمه بنفس الطريقه وهكذا يفضل ان يكون في كل فريق حارس يجيد هذي العمليه لأن اللعب لايمكن ان يستأنف بدون الحارس ولذلك الحكم لازم يوقف اللعب حتى لو توقف عشر مرات وليس من حقه ان ينذر الحارس فقط كل ماعليه ان يحسب الوقت الضايع مع ايضاح ذلك للحارس والوقت الضايع يجب على الحكم ان يمدد به المباراة حتى لو كان هذا الوقت ضاع بعد الدقيقه 45 لكن للاسف حكامنا مايضبطون هالعمليه وعلى كل اي مدرب عنده مثل هالحارس ينبسط لأنه جالس يتحكم في حرارة المباراة مثل ثرموستات المكيف ليفرض على الخصم طريقة اللعب اللي يبيها تماما مثل اللي سواه النصر مع الهلال وكذلك الاتحاد القطري في البطوله الخليجيه على الرغم ان اللي كان يدرب الهلال في ذلك الوقت يوردانيسكو ومع ذلك عجز يفرض طريقته اللي كان مخطط لها.
اما الاخ اللي يقول ان الهلال عنده 37 بطوله فهذي ماهي مقياس للتفوق, تقول لي ليه اقول لك ان منتخب الكويت عنده بطولات اكثر من السعوديه هل يعني ذلك ان منتخب الكويت هو الزعيم على منتخبات الخليج شي ثاني نادي الاهلي المصري عنده بطولات اكثر من الهلال لكنني لاأسمح ان يقال ان الاهلي المصري افضل من الهلال وقس على ذلك.
اما اللي مبسوط من حركة الجمعان فأقول له هالمره سلمت الجره لكن ليته يستجري يعمل مثل هالحركة في كأس العالم للأنديه علشان تشوف ايش القرار اللي راح يتخذه موبس الحكم كذلك الفيفا وانا متوقع ان ها**** راح يعمل لكم مشكله جديده في كأس العالم مثل عاداته وبعدين ياأخي كل هذا علشان النصر قال لكم ماتعدون من عندي يعني ابي افوز عليكم والا بخرب!!!

مرحبا اشكر كل من رد على الموضوع بدون تحديد
.
.
الأخ / قصيمي
.
ارجو انك ماتخذ الموضوع بنظره تعصب هذا اول شيء ..ثاني شيء انا هلالي ومع هذا تصرفات ابعض الهلاليين مو عاجبتني ..ولا تصرفات النصراويين عاجبتني
.
ابيك تجي معي الحين ونعتبر انفسنا برازليين ..((..حلوه هذي..)) ولعيبة كوره ..صح ..ومشهورين ونجوم بعد ((..ياسلام ..))
.
المهم قمنا انا وأنت بزيارة لسعوديه ..((..تغيير جو يعني .)) ..وحضرنا مبارات للنصر والهلال او لأي نادي تكون المبارات .
.
حين مشاهدتك للمبارات كل شوي تشوف لاعب يطيح ..ولاعب يضيع وقت ..ولاعب يمثل
.
بالله عليك ..وش الأنطباع اللي يكون في صدرك تجاه هذه التصرفات ...
.
راح تقول الله يلعن من علمكم الكوره ..لابو من دخلكم الملعب
.
.
الهدف من سرد المثال هذا هو ..اني ابيك تظر للواقع الحاصل مو على النصر بس على أي نادي ..وأنا لم اذكر النصر والخوجلي تحديداً إلا من ان المبارات ..اللي اقيمت بين الناديين كانت مشاهده مو بس من قبل السعوديين لا حتى اللي بأمريكا يشوفونها ....وهذا بحد ذاته يعطي صوره التزييزف والكذب وبتالي نلقب بألقاب مثل أننا يالعرب اغبيا ..ولا نفهم ..وأن الكذب والغش والخداع من صفاتنا ...وفوق هذا كله ما نفقه بالكوره ؟!
.
.
ارجو انك قد فهمت ما ارمي له ...,انا لازلت غير مقتنع بالخوجلي ولا سامي .....واحب اللاعب الذي يناور وبذل كل مجهوده (..يطلع اللي عنده ..)) ..مثل هذا يعطي للمبارات جو من الحماس ..اما ..الفئة الثانيه الخوجلي وسامي ..وغيرهم كثير بالخليج...اسمحلي اخوي قصيمي ..ما اقدر اكذب على نفسي واقنعها بالغصب 0
.
.
.
الى بقية الأخوه الذين اخذو الموضوع بشكل متعصب ...انا لم اتطرق للتعصب وغيره يكفي ان الواحد منكم يعرف اللعب الممتع عن غيره حتى لو اقنع نفسه يغير ذلك
.
.
..
ويالله بالمره خوذو جوله موقع الأتحاد الأوروبي وشوفو ايش كاتبين ..ودققو في الأسلوب

.

-------------------------------------
-------------------------------------
...وهذا موقع الأتحاد الآسيوي

شكراً للجميع

الاخ ورد الشمال احنا والاوروبيين اولاد تسعه مثل مايقول اخواننا المصريين.
الحركات والخشونه والتحايل على الحكام والاهداف الغير صحيحه وتطنيش البلنتيات كل هذا حاصل عندهم بس الفرق اللي بينهم وبيننا ان اتحاداتهم قويه ولا فيها مجاملات ولا صاحب السمو ولا احد فوق القانون اللي يحتكمون له والا حكامهم جايبين العيد بس الاتحادات عندهم تتدخل وتكمل القرارات اللي ماأخذها الحكم من ايقافات وغرامات على اللاعب وعلى النادي, لكن وانا اخوك وش انت شايف عندنا حكام جبناء او مجاملين لكن غير مرتشين واداريي انديه ملاسين وكل واحد عينه اكبر من الفنجال في تصاريح الدجل والكذب وكل مباراة لهم بلنتيين مع التخفيض واتحاد كرة شاهد ماشاف ولا سمع حاجه وكل يصلح سيارته من جيبه. يعني ابي افهم شنهو سبب وقف العمر والمهنا بالتحديد ولا يفهم من كلامي اني ضد وقفهما الا المفروض يشطبون وشف القرار المسخره ايقاف 6 شهور منها 3 اجازة الصيف والباقي اذا تأهل المنتخب الى كأس العالم عفو عن جميع الرياضيين الموقوفين والمشطوبين بالله عليكم هذي تصير في اوروبا وبعدين شلون توقف الحكام ولا توقف مساعديهم مثل الكثيري وكيف ماصدر قرارات في اللاعبين بغض النظر عن الاسماء. اذا تبي امثله اقول لك شفت شكل عبيد الدوسري في مباراة الاهلي والاتحاد الاولى شفت قصة الكابوريا مثل هاللاعب المفروض ان مايلعب المباراة الا لما يحلق موس, شي ثاني اذا كان المهنا والعمر اخطأوا وعوقبوا ليه الزيد ماعوقب ايضا بل كرم بتحكيم مباراة البرازيل و..و...الامثله كثيره على القرارات المتناقضه واللي عمرها ماتصلح الحال وقل على الكره السعوديه السلام.

اخوي: ليش نسيت انه من لاعبين النصر...