في يوم الأربعاء المنصرم ... تسببت في تحطيم ستيج غنائي في برج العرب و تفليع الحضور ,,
قولوا كيـــــــــــف ..... ؟؟؟؟؟؟
-------> كنت معزومة في حفلة شواء على شاطئ البحر ... بجانب برج العرب .. و لا يفصلنا عنه
غير شبك حديد ...
000 كانت الحفلة حلوة وايد ... شوينا .. و سوينا شاهي كرك ... و شوينا مارشميللو .. ( و القطوة
العتوية اللي عدال الزبالة كلت نص أكلنا ... ! ) ..
0000 و قرينا كف .. و كانت ناموسيتنا كحلي ... الظاهر اللي قرت لنا الكف قارئة مضروبة .. عموما
أنا ما أصدق هالسوالف اللي تجتذب أغلب البنات ....
:(
000 كنا نمشي أنا و زميلاتي بعد العشاء الثقييييييييل ... و كنا نتكلم ... لكن و لا وحدة سامعة الثانية
بصورة واضحة .. بسبب حفلة على الشاطئ في برج العرب .. و ما يفصلنا عنهم غير سور غبي .....
00 تأذيت من أغاني الجاز ( درجة ثالثة ) ... و شفت قدامي و أنا أمشي حصى مدربح كبير من الزين
( و الشيطان شاطر ) ... و بصراحة جماعة الجاز مصخوها .. ( و أنا شاطرة في التصويب ) .. نشنت
و حددت بمخي موقع الاستيج الافتراضي من ورا السور ... ( و جمعت لي كم حصاة عالماشي
)
00000 بووووووف طااااااااااااخ دبوووووووف دششششششش دشششششششش بووووووووووف
صح خمس قذفات ... لكن كلهم صايبات ....
... رميت الحصى .. و شردوا البنات ( ما شفت
غير رجولهم تزغرد ... ) ....
:(
:(
00 و أنا طبعا لحقتهم ... و رجعنا موقعنا الرئيسي .. ( عدال القطوة و كوار الفحم ) ... و لا كأنه شي صار
00000 و بعد 5 دقايق ... جانا رجل الأمن (السيكيوريتي ) ... الخاص بالفندق ... يناظرنا من بعيد .. و
شاك فينا ... :( ....... ( طبعا كيف يصدق ان عصافير الجنه ذولا مسويين هالمصيبة ..... ! )
و انسحب .... بعد خزة طويلة مشتركة ( مع ان بعض الزميلات أشروا علي ..... :( ) " خاينات : اهئ اهئ
بصراحة قهرررررررررررر ......
يأتون الأجانب ... و يعيثون في بلادنا الفساد ... و ما يخلونا ندافع عن بلادنا بالحجارة .... :(
اهئ اهئ اهئ اهئ اهئ اهئ هائ اهئ اهئئئئ :(
تــــــــــــ قاذفة الحجارة ــــــــــــوتة
عرض نسخة للطّباعة |
ارسل هذه الصفحة لصديق]
