اييه .... أجنبية وبس

هذا هو الحل اذا المهر غالي (شدعوة شاري سيارة بهالسعر)

والله مشكلتنا مشكلة ..........

والمشكلة مو بالشباب ..... المشكلة بهالبنات اللي بيعجزن قبل مايتزوجون

والسبب مهورهم الغالية ..... هذا هو الواقع ..



------------------
ســـامر الليـــــــل

اولا كل عام وانتم بخير جميعا
انا شاب في سن الزواج موظف صار لي سنه
راتبي 8 الاف ريال سعودي
وانا من الطبقه المتوسطه اللي تشكل نسبه
كبيرة من المجتمع السعودي....
بغيت اتزوج ولقيت بنت الحلال لكن اكتشفت ان الزواج
راح يكلفني فوق الميتين الف؟؟؟؟؟؟؟
ليه طيب؟؟؟ لان البنت تبغى زواج يبيض الوجه قدام
الناس...لانهم راح ياكلون وجه اهلها لو مهرها اقل من 100 الف
وش الحل؟؟؟؟؟؟
احد عنده حل لهذي الظاهره؟

تحياتي
أولا انا صدقت عنوان رسالتك وقلت (وش بلاها wildorchid ) ؟

بس لما قريت الحكاية ما اقول للشاب الا ---- دور غيرها ابرك لك -----
مالك ومال غالية الاثمان ...!! بنات الحلال واجد ...

اوركيد



==
اتمنا كل واحد دخل يسجل اسمه

حتى لو ماعنده حل للمشكلة

بس نشوف كم واحد دخل بسبت العنون

والله ماحد معبرني غيركم انتم الاثنين
شكرا جزيلا
انا كان قصدي من هذا الموضوع ان احنا نناقش المظاهر الكذابه
اللي ذبحت شبابنا ومجتمعنا كمان
تلقى الواحد راتبه على قده ومع كذا يتسلف عشان يسافر؟؟؟؟؟
ليه طيب؟
لان فلان وعياله سافروا وما يصير هو يقعد.. يا حياتي
مقطوع سره في باريس بس حظه الردي جابه هنا فماهو قادر يتحمل
الحر ( انا ماني ضد السفر لاني اصلا .... ولكن....)
تجيك الوحده تصج زوجها على فستان بمبلغ وقدره وما تلبسه الا
مره وحده؟؟؟ حرام ياخي ما يصير والا سبب لك جرب؟
وهلم جرا

مأساة الزواج لدينا كبيرة ، وكلها من سبب المظاهر الكذابه وبعض العادات السيئة التي لا تمت للاسلام بشيء ..
لماذا كل هذا الغلاء؟؟ لماذا كل هذه المطالب؟؟ اليس اجدى ان يضعا العروسين تلك المبالغ ويبدأ حياتهما بدون ديون وهموم ومشاكل؟ يفتحوا بيتهم الصغير؟ يسافروا لهم كم يوم يستانسوا؟ او حتى يشترون لهم سياره او قطعة ارض ويبنوها سوا ؟؟
صحيح اصحاب العقول في راحه - ولا ترفعوا ضغطي من جهل الناس ___ أوووووف

اوركيد

تقولين لنا حنا

قولي للحرررررررررررررررررررررررررررررررريم

آآآآآخ من بنات حواء

مايرتاحوا حتى يفلسوا عيال آدم

عشان تقصص اجنحته و مايعرس عليها

يصير مديون من راسه لرجليه

تحياتي أخي كحيلان ،
معاك حق بكلامك ان البنات هم سبب المأساة ، بس مو البنات فقط السبب، أقول ان الشباب ايضا له سبب كبير جدا ، لأنهم أغبياء ويستسلموا للطلبات اللي تهد جبال ،
لكن لو كل شاب فكر قبل ان يدخل عالم الديون وراح خطب له بنت حلال تخاف عليه كان طاح كرت غاليات المهور ...
العملية نسبية .... وعلى مهلكم يا شباب ، لا تصيروا مطافيق عند الخطبه !!

سديموه

سديم قول للداخلية تتساهل

في اعطاء تصاريح الزواج من الخارج

ولك وعد.. الرجال هو اللي ياخذ مهر بعدين

وماعد تشوف واحد غبي يبي يستر على نفسه ويعفها عن

الحرام بالصناعة الوطنية ..

كحيلان
ترى الداخلية والله ما هي مقصره ابدا مع الشباب وتصاريح الزواج من الخارج ، واذا ما قدر احد يجيب تصريح يتزوج ويضعهم قدام الأمر الواقع .. وشاهدت في سفارتنا في احدى الدول العربية الشقيقة مكتب خاص للرعايا السعوديين وعوائلهم الغير سعوديين ..
( اشوف انا قاعد اسوي دعاية حق زواج الاجنبيات ) !!

تحياتي يا المهور الغاليه - وعلى قولة واحد من الربع ( يالله يا كريم يامرخص الحريم ) مع احترامي للأخوات ..

سديم الحقيقة ان البنات مالهم ذنب

في الموضوع... لكن اما هي عاداتنا او

اصرار بعض الاباء على ان يحول بنته الى شركة مساهمة

==

اوركيد الحين انت فتحتي الموضوع و هجيت

عطينا رأيك في اقتراحتنا البناءة

اقول...
اها عاد ترى مو كله علينا
يجيك الواحد عومه ما يبغى الا وحده بيضا طويله شعرها مادري شلونه
عيونه مادري وش فيها وهو تلقاه شيفه عنيفه ( استغفر الله خلق الله حسن)
ياخي اطلب حاجه معقوله
بعدين مشكله المظاهر حلها في الاب والام
لما يكونون واثقين من انفسهم ماراح يهمهم كلام الناس
انا مع سديم 100 % مو كل واحد غني وما فيه شي
اروع من الحب وراحه البال في الحياة الزوجيه
لاني لو اخذت وحده وانا مديون ماراح ارتاح وراح الومها
في كل لحظه
كحيلان.....اركد مناب ناقصين نلملم عيالنا من برا

اوركيد خلاص ركدت انا

تحياتي كحيلان و اوركيد

بصراحة موضوع غلاء مصاريف الزواج موضوع هام ومصيري في مجتمعنا،
وأشكر اوركيد على تأييدها لرأيي ، انا ارى ان الناس لازم تفكر شوي قبل اتخاذ قرارات هامة لأبناءهم وبناتهم ..

السؤال الواقعي اللي يفرض نفسه

كيف يمكننا ان نقنع مجتمع على تغير

هذه الظاهرة

=
انا بصراحة كله كوم عندي و قصر الافرح كوم

يعني ياناس ليلة ..ليلة واحدة يدفع فيها الوف

عشان الحريم يرقصوا والرجال يتعشوا ‍‍‍!!!!!!

المشكلة ان بعض الناس يخافوا من كلام الناس - ليه ما سووا عرس ؟ ليه مافيه طق ؟ ليه ما فيه ذبايح ؟ ليه ما في ومافي ومافي الين اخونا المعرس يلعن ابو الساعة اللي دق باب عمه ...

يااوركيد وين الديتول ؟؟ خليني ابدأ انظف عقول هالبشر ؟؟



[b][ تم تعديل الموضوع بواسطة   سديم   يوم   07-01-2000]

انا جاهزة سديم
الا ورانا بس اللي محترين من هالشي؟؟
انتم ورجاجيل لكن انا ليش؟والله ما هي لقافه لكن...
الحل في ان العوائل يصير عندها ثقه وقناعه
لانه لما انت تكون واثق من نفسك عارف من تكون
مايهمك كلام الناس
لانهم ماراح يبطلون حكي

يا شباب الحل مو بالهرب الى اقرب اجنبية ، ( هذا ما هو عذر للزواج من الخارج) المفروض الشباب يكونوا عند حس المسئوليه ويفكروا صحيح بمحاربة هذه الظاهرة بدءا بجماعته وعشيرته،،
ادري ان كلامي شعارات مثاليه ، لكن والله ان صوتي مع صوت اخر واخر تسمعه الناس وتقدره ...
وانتو يالبنات عاد مثل ما قال المثل ( شين وقوي عين ) لا تتبطري على النعمة ترى واللع النعمة زواله ، وارضي بالنصيب وعيشي مع زوجك على الحلوه والمره والفلوس انتي أولى بها من بطون الناس اللي لو امتلت بعارين ما هو بعينهم ..

تحياتي

أحبائي جميعاً كل ماذكرتموه صحيح الى حد ماء .
ولكن ...
اذا كان الشاب يحب الفتاة الى حد لايمكن أن يستغني عنها في يوم من الأيام وهي كذلك ، وتحت هذه الأوضاع يرفض والدها الا بمهر كبير كما ذكر الزملاء .
فما هو الحلللللللللللللللللللللللللللللللللل ؟ !!!!!!
هل يهدم جبل الحب والذي لن يستطيع لا هو ولاهي أن يفعلا ، أم يدبر المبلغ مهما كان وبهذا يطبق المثل القائل لأجل عين ألف عين تكرمُ .

تحياتي .

------------------
طول عمري أحبك يامهجة الروح ـ والى هالحين احبك بس القلب مجروح

نبي نسمع مزيد من وجهات النظر

فين الشباب والشابات

ما خليتولنا شي انجوله يا كحيلان

بس اريد اجول ان فيه بنات وايد مايريدون غير ابن الحلال اللي يستر عليهم لكن الاهل الله يسا محهم يرفضون ليش لانهم يريدون لبناتهم رجال عنده فلوس وملايين وفيه بنات بطرانات مايهمهم غير كلام فلان وعلان شو راحو يقولون عن عرسها كان من اعراس الف ليله وليله

والشباب بعد ماهم مقصرين .. مش كلهم طبعا بس فيه منهم حاط مواصفات معينة اذا مالقاها هنيه يدور عليها مكان ثاني وفيه منهم وهذا الي قاهرني
ياخذون البنت اللي لاحول ولا قوة وبعد فترة ولا هو مطلقنها او متزوج عليها .......... ليش يعني هي لعبة

انا اقصد البنات اللي تخدم زوجها وتحطه بعيونها ويطلقها بس لانها موب على مزاجه هالايام ..... مش البنات اللي مطينات عيشة الرجال ويا طلباتهم اللي ماتخلص واللي تكون مو حاجة لا بس مظاهر جدام الناس .........

والباقي انتوا ما قصرتوا كله ذكرتوه وحتى هالكلام يمكن ذكرتوه بس بناحية ثانيه
................wildorchid ........بصراحة مواضيعج مواضيع مهمة تشكرين على طرحها .........

------------------
(وما تدري نفس ماذا تكسب غدا وما تدري نفس بأي أرض تموت ان الله عليم خبير)

مين يقنع بناتنا؟
ويا مجروح الناس بدت تتغير
بمعنى ما عاد فيه اب يغصب بنته على حاجه ما تبغاها
انا لو احب هذا الانسان ما ارضاها له انه يتمرمط ويتسلف من هذا وذاك
لان هذي حياتي وانا اللي راح اعيش معاه بعدين
وراح نتعب في تسديد ديونه اللي بسببي
وما اعتقد انه يعيبني او يقلل قدري ان مهري ماهو ذاك الشيء الكبير
او زواجي ما هو زي اللي في الف ليله وليله
انا معاه اقدر اعوض كل هذا
والناس؟؟؟؟ هل عمر الناس اعجبهم شيء؟ اتحدى
الا مايدورون عيب
وما يستاهلون ان واحد يعبرهم

جذيه السالفه ثرها .............

الله يعينكم

أعزائي
ترى قرار الزواج ما هو هين ولا هو قرار اعتباطي، سواء للشاب او البنت،
التفكير المنطقي واستخدام العقل أكثر من العاطفة في اتخاذ هذا القرار ترى يسهل كثير من الامور...
يا شباب ويا بنات ، التفكير العقلاني مطلوب ... وبدايه حياه مليئة بالديون ترى والله جهنم ارحم منها ...

الله يسلمك يا عبرات
بس ما لاحظتي ان ثنتينا قلنا الف ليله وليله؟
مع اني ما قريت الي انتي كاتبته الا الان وانتي عارفه
ليه طبعا..مشاكل الردود اياها
وانا لسه كلامي ما خلص لكن زي ماقال كحيلان
وين الباقين؟
روضه.......
ماعندك اي تعليق؟