الله وكبر وانتم صدقتوا رئيس نادي الهلال ...... ليش ماتكلم من قبل .....
او يوم انه حس ان الاتحاد السعودي احتمال يصدر قرار بالسماح للنصر بالاعارة
من اندية اخرى تكلم ...........

هذا يذكرني باللي يحضر عزيمة زواج ويقول بس خل المعرس يشوفني وبعدين مع الباب الثاني .........

ياخي اللي في القلب عارفينة \\ واللي في الجرايد يقولون عنه جرايد ....

انا اول شيء اييد الامير فيصل في كلامه لان كل انسان يبغى يعتز في نفسه وهذي في طبيعة البشر ......

بعدين ياجماعة الخير متى شفنا ان فيه تعاون بين اندية متنافسة وفي منطقة وحدة ....... الواجب نشوف بينهم تعاون على الطبيعة مو على الجرايد ...

الواجب نشوف مباريات بين النصر والهلال وديــــــة مثلا في مناسبات كجمعيات خيرية لمساعدة مرضى او معاقين ........ الخ

وبعدين ياخي مافيها عيب ان الوليد بن بدر يقف معهم في الاتحاد الاسيوي ..
العيب انه يسكت على اخطاء الاتحاد الاسيوي .......

بعدين ياخي النصر ماتأهل بالواسطة تاهل بجهدة وعرقة ..... ياخي يكفي ان الاتحاد الاسيوي وقف في طريق النصر في كاس السوبر ..... لما رفض ان يستعين بلاعبين اجانب ...... وهذي القصة ياخي معروفة للجميع ......

لكن بتوفيق الله وباخلاص لاعبيه تاهل فارس نجد نعم ياعزائي تاهل .....
وبعدين الاتحاد الاسيوي كان مبلغ النصر والفريق الكوري في المياراة في كوريا انه بطل السوبر حيمثل في كاس العالم للاندية وزف البشرى لنا الامير فيصل من كوريا عبر القناة الثابية قبل المباراة بيوم واحد ....
وانتم للاسف جالسين في الصفحة مالكم الى الشماتة في هذا وفي هذا ...

مرة تقولون ان البطولة الغيت ...... ومرة تقولون ان النصر يبغي يفشلنا ... ياخي احنا عارفين فريقنا .... منهو حيلعب معه حيلعب مع فرق قوية وعالمية تستطيع ان تهزم منتخبات وليس اندية ...

لكن اكرر واقول بغض النظر عن النتائج فالنصر تاهل وهذا هو الاهم فالنصر صاحب الاولوية على المستوى العربي او الاسيوي ......
\


وين ياجماعة الخير الوطنيـــــــة والاخلاق الرياضية ياجماعة ترى هذا النصر احد اندية الوطن الجميع يجب ان يقف معه لانه يمثل بلدي الغالية الحبيبة ..................

اصدقائي في سوالف انا اسف اني اطلت عليكم واسف جدا جدا لكن ياجماعة الموضوع ابدا زاد شوي ..........

ما تزاحمت الظنون على أمر مستور إلا كشفته ، واللبيب بالإشارة يفهم

------------------
الفـFarisـارس

نصر وش فيك معصب 00

بعدين هذا دجزاء نادي الهلال يقدم لاعبينه وتردون عليه كذا !!!

انت تقول ان لاعبين النصر يعتز فيهم00 طيب اشوف نادي النصر ماحاول يتعاقد مع عبيد او الدعيع 00ولاالخليوي !!!

العامي دائما

اما على المستوى العربي والأسيوي فكثر منها، وش خليتوا للهلال ، يأخي التحاد الاسيوي هو الاتحاد الذي لاتعرف له قوانين ، يوم بطل السوبر 98 وتورطوا يوم قالوا بطل 99 ، والاتحاد الدولي قال لهم قدموا اسم ممثلكم قبل اغسطس ، ما قدامهم الا النصر ووافقوا هذي هي القصة ، ودعوتنا للاتحادات العربية الاسيوية للتصويت معنا عارفينها ، بعدين لعلمك جميع الاندية المتأهلة لبطولة اندية القارات ، كانت هي بطلة ابطال الدوري ، وخذها قاعدة أو معلومة إذا تبي تأخذ بطولة أسيوية ومن أقصر الطرق ، فاأطلب المشاركة في الاندية ابطال الكؤوس الاسيوية ، وبعدين خذ لك لفه وعلى السوبر ، واحصل عليها يعني (2 في 1) . واذا بغيت المحك الحقيقي فإتجه الى المشاركة في بطولة ابطال الدوري . ووسعوا صدوركم وترانا ما حنا حاقدين ولا كارهين لعبكم الا هذا تشريف لكم ولناديكم ، ويضاف لسجلاتكم ، والله يعينكم وعساكم على القوة ، ولو عندنا كاس للعالم نعطيكم إياه .

------------------
من لم يمت بالسيف مات بغيره

بسم الله الرحمن الرحيم

أخوي نصر2000 (ياشين بعض الناس الى قلّدوك بالأسم لا ويردون عليك بعد)

لا تزعل يا هلال2000 ترانا نمزح معك .

عبارتك يا نصر النصر تأهل بتوفيق الله وإخلاص لاعبيه محظوره شرعاً لأن فيها

شرك ... الأولى أنك تقول تأهل بتوفيق الله ثم بأخلاص لاعبيه .

فضلاً إرجع وتابع ردّنا الفاصل في هذا الموضوع في تعليقي على موضوع الأخ

أنا الفارس .( رد فيصل بن عبد الرحمن على بندر بن محمد )

بسم الله الرحمن الرحيم

أخوي نصر2000 (ياشين بعض الناس الى قلّدوك بالأسم لا ويردون عليك بعد)

لا تزعل يا هلال2000 ترانا نمزح معك .

عبارتك يا نصر النصر تأهل بتوفيق الله وإخلاص لاعبيه محظوره شرعاً لأن فيها

شرك ... الأولى أنك تقول تأهل بتوفيق الله ثم بأخلاص لاعبيه .

فضلاً إرجع وتابع ردّنا الفاصل في هذا الموضوع في تعليقي على موضوع الأخ

أنا الفارس .( رد فيصل بن عبد الرحمن على بندر بن محمد )