( عـشنا وشـفنا )


عشنا وشفنا واذا عشنا نشوف أكثر __ ما هي غـريبة تخون اطرافي اطرافي
مادام الأيام .. تتلوّن .. وتتغيّر __ والحب .. قلبه بحضن المصلحة غافي
ما عاد ببكي على ما راح..واتحـسّر __ حتى على العمر لو به خير ما طافي
كنت أكثرالناس مؤمن بالوفاواجهر __ واليوم نفسي طواها الشك..يا كافي
من عاد أكذّب وأصدّق مين..؟ والمظهر __ في العين واحد ولا لي علم بالخافي
واناادري انه زماني لويشوف أعور __ فيه أقرب الناس مثل ابعدهم يجافي
كم من تجارب علي مرّت..وانا اتصبّر __ واقول:بعدالصبر بلقى الدواالشافي
لكن عمري .. تقضّى بين كر .. وفـرّ __ والحظ..يمشي على رمضا القدر حافي
واكثر من اللي خسرته وش أنا بخسر؟__ فكري تبعثر.. وبحري.. خان مجدافي
صحيح ما زال في دنياي خير .. وشـر __ والكل مؤمن .. بما هو صادف وشافي
هذي حـروفي .. تفسّر مثل ما اتفسّر __ لا هي تشاؤم .. ولا فيها الأمل وافي

ما غير انا من زماني ماعرفت احذر __ حـبّيت باسـراف .. وتجرّحت باسرافي

( عبدالله العمري )