مرحبا يا اصدقاء
في غرف بعض العزاب يمكنك ان تجد على الارض اشياء غريبة مثل ( كيس خبز ، سروال ، قميص ، بيالة ، ملعقة ، شراب ، طفاية ، شاي ، خروف ميت ، بلاي ستيشن ، فيديو ، بوصلة ، مخدة ، نعلة فردة واحدة ( لزوم الصراصير ) وغيرها من الاشياء التي ليست في مكانها ... وذلك نتيجة الاهمال او غياب الشغالة من المنزل.
الاعتراف بالحق فضيلة
لما كنت في الجامعة... كنت اقول ان شاء الله اذا تخرجت بهتم بالغرفة وبعدلها
وبخليها مرتبة على طول
والحين تخرجت
واقول اذا تزوجت بتصير غرفتي معدلة ومرتبه
جؤجؤجؤجؤجؤ
ابو طبيع ما يوز عن طبعه
يعني تقريبا ما تغير شي ... العفسة على ما هي
اللهم ماعدا الاوراق اللي كانت منثورة على طول غرفتي أيام الدراسة اختفت الحين لما تخرجت... ما عاد لها لازمة
وكنت لما يصير عندي اختبار
عارفين اخوكم ما يذاكر الا قبل الاختبار بيوم ==> حاله حال باقي الطلاب
المهم ... كانت الاوراق تغطي فرش الغرفة حتى السرير مغطى بالاوراق
جؤجؤجؤجؤ
حتى ممر للمشاة ما في <== لكن كنت حافظ محل كل ورقة <== اذاكر يبه اش فيكم!!؟
ويبقى الحال على ما هو عليه
وعلى المتضرر اللجوء الى الزواج
وانا مو متضرر ... الله يعينك على الانتظار يا حسنائي
جؤجؤجؤجؤجؤ
اهم شي كمبيوتري شغال وسريري مفروش ودافيء
والحمد لله
الاوضاع مستتبة وكل شي في متناول ايدي
الاكل والاوراق والاسكانر (ما نستغني) والدرام حق الزبالة وانتو بكرامة متوفرين
درام الزبالة مليان ... الحين بقوم ارمي الكيس
جؤجؤجؤجؤجؤجؤ
تعرفوا متى غرفتي تترتب؟
غرفتي تترتب عدل فقط وفقط اذا اتصل فيني احد اصدقائي وقال لي بجي لك عشان تعلمي على شي في الكمبيوتر ... يعني بالعربي بيدخل غرفتي .. مستودع اسراري... ومنبع افكاري
وانا من النوع اللي يستحي <== قال استحي قال .. اصلا انا خايف يزل لسانه قدام امه أو خواته ويتكلم عن غرفتي وأروح فيها انا ... مو قد لسان الحريم انا
وفي ظرف خمس دقايق تكون الغرفة مرتبه والبركة في خواتي طبعا... أمون عليهم
قال امون عليهم قال <== اصلا هم يخافوا اشوّه سمعتهم جؤجؤجؤجؤ
الشي اللي يضحك
اني حاط دببة على سريري
بس والله دببة يجننوا
ويغنوا بعد .. تري را را رااااام
مو انا اللي شريتهم ... والله هذول هدايا
صدقوني <== صدقتوني !! ... اشوه ارتاح بالي الحين
وعندي نملة (دمية)
لونها ازرق ... والله انها اخر روعة
مجننتني والله
كل يوم أعمل فيها حركة واحطها في شكل .... لأن يمديك تشكلها اشوي
لما تدخل حنان الغرفة ... على طول تاخذ النملة واقعد اتحييل عليها ساعة عشان ترجعها محلها وأقول لها بعطيج عصفور حي وبطلع وياج بالسيارة <== حلوة حي ...
يالله مشي حالك .. حنان بنت..
صحيح صغيرة لكن بنت ...
والبنت اذا ما تكذب عليها وما تقدر تاخذ منها شي==> اسألوني
ايه وش اسوي؟ ما اقدر استغني عن نملتي الحبيبة
النملة هذي بصورها وبوريكم ياها
والمطلوب منكم أولاد وبنات
كل واحد ووحدة فيكم .. لازم تحطو نملة مثلها على أسرتكم
ولازم لونها يكون ازرق ... اللون الوردي لأ ==> اش معنى؟
لأنه ما يتناسب مع لون غرفتي الاخضر
ولازم النملة تتكلم ... زي نمولة حسين حتى نصير شلة موحدة <== ذكرتوني بمدارس البنات جؤجؤجؤجؤ
لا حلوة المراييل ..
الله يوفقكم يابنات جؤجؤجؤجؤ
يالله في احد يريد يعترف؟؟ ==> لا تنسو الاعتراف بالحق فضيلة .. ويمكن يتبدل الحال بعد الموضوع هذا
وتحياتي
حســـــين
عرض نسخة للطّباعة |
ارسل هذه الصفحة لصديق]
