صباح الخير

شباب قررت احيل الكاديلاك للتقاعد لاني طفشت منها اول سياره تبقى معاي 3 سنوات فلذلك قررت اشتري موتر وميزانيتي 200 الف وتوصل لـ 250 اذا يستاهل الموتر
انا فكرت في الهمر H2 والى الان مصمم عليه بس اللي مخليني متردد مشيه صراحه رايح فيها يعني قومه 0 الى 100 في 9 ثواني وش اصلح فيها ؟؟!!

ياشباب ساعدوني محتار ماادري وش اخذ ولا ابي لكزس430 او بي ام745 او مرسيدسs لانها كلها منتشره ابي سياره قليل نشوفها ولايهم فورويل او سبورت بس تكون سياره فخمه وتستاهل 200 الف او حدود هالسعر وعلى الصيف انشاء الله بكون شريت بس ساعدوووني

مشكورين مقدما

سلام

السلام عليكم ورحمة الله وبركاته

اصبر شهرين وخذلك GS430 نازله شكل جديد طبعا ومكينة جباااااااااره وفخامه جناااااان (لكزس )

انا امس سألت عنها في معرض السيارات قالي الــ 430 راح تكون بــ 200 الف ريال

وهذا رأيي و الرأي الاخير لك ...

السلام عليكم ورحمة الله وبركاته

شرايك لو تصبر الين ما ينزل الهمر اتش 3


شكلة حلوو


انا هذا رأيي

إذا تريد سيارة قليلة الإنتشار ممكن أودي A8...ممكن CLS الجديد

انتظر شوي راح تنزل STS الجديده كلياً
صراحه السياره روعه ومميزه

اذا انت من النوع اللى مايقدر شعور الاخرين اشتري مرسيدس CLS كت بودي AMG

وشوف كيف راح تكون مميز

سيارة سيدان بستايل كوبية وعزم :banana:


انا مثلك ميزانيتي 250 الف وكان بودي اجيب مرسيدس

S_500 2003 2004


والولد قالي سيارة مستعملة لا


والان حولت على اللكزس 430 سعرها 260 الف

ومعها ضمان لمدة ثلاث سنوات او 100000 كيلو متر وطول فترة الضمان تشييك مجاني:banana: على كل شي
يعني تحط السيارة وتجي تستلمها بعدها بيوم ولكزس اكيد راح يوفرون لك سيارة بديلة

يستثنى من الضمان التواير وربلت المساحات

لكزس SC430 :banana:

250 الـف

M3
BMW 545 I
E500
S350
بورش كايينS
LEXUS LS430
LEXUS CS430
Z350 سياره روعه ورخيصه (145 الف)
اسكاليد (215 الف) الباقي ركب فيها جنوط
رنج روفر فل اوبشن
او انك تصبر شوي وراح تنزل
GS430 رووعه
انفينتي فورويل ماعرف حجمه بصراحه بس سعره 260 الف

انا انصحك انك ماتخرج من السيارات المذكوره لان ماراح تحصل افضل منهم



تحياتي

شف عندك خيارات واجد
الهمر فيه نوع 550 حصان سبور شارج ويجي علية ضمان
وفية عندك البي ام 540 فخامة وقوة وراحة
وعندك كدلك اس تي اس الجديد اصبر شوي وتراه خيالي خاصتا الاسود


ونصيحة لا تضيع فلوسك في ياباني

دام عندك المبلغ كاش أسمع كلامي و خذ السيارة اقساط و المبلغ أفتح لك فيه مشروع (محل)

و سدد اقساط السيارة من ارباح المحل

و بكذا تكون ضربة عصفورين بحجر واحد , منها تكون فتحت محل لك و يصير عندك سيارة مو أحسن ؟

و معليش لاني طلعت عن الموضوع

اخوي ماكس والله GS430 حلو بس بصراحه فئته مو راقيه مره وصراحه حده 150 بس 200 اشوفها كثيره فيه والناس اذواق والف شكر على ردك

كروزر H3 من الصور شكله صغير وبعد كانه من سيارات Jeep الامريكيه فماادري احس H2 احسن

دكتور سيارات والله A8 حلوو مره بس يقولون فوق 300 للفل اوبشن و CLS اكيد فوق 300 وانا ياخذ فل اوبشن ولا مااخذ لان احس السياره ناقصه اذا مو فل

كادي مان خلاص كفايه كدلكين ورى بعض اقوم الحقهم بالثالث بس بعد هالمره ابي سياره فئتها اعلى من الكاديلاك وبعد بحاول اخلي موتري معي ماابيعه بس اذا زادت قيمة السياره الجديده عن 230 اكيد ببيعه عشان الكااش

اخوي بنز اكيد سعره فوق 300 وهذا يتعدى ميزانيتي بكثيير وفكره S سواء مستعمل ولا جديد والله اشوف انك تشيلها من راسك لان الديره مليانه منها وبصراحه ملينا منها واللكزس والله يستاااهل من جد بس اذا ماتفكر في سالفه انتشاره فعلى طوول طلعه صراحه ابداع

كورفيت انديانا والله فكره حلو بس مو داخله راسي مره

توب سيكرت M3 ؟؟؟ بتاكد اليوم كم اسعاره وبعد بيتغير شكله بيتغير قريب او لا لانه ابداااااع M3
والباقي صراحه سيارات حلوه بس مو على اللي ابيه والانفنيتي FX حلو مرررره وبحاول اسال عليه وعلى M5 وبشوف كم اسعارهم والف شكر على الاقتراحات

قلق ورجه الهمر هو السياره الوحيده اللي داخله راسي من جد وامنيتي من زمان واتوقع في النهايه مابشتري الا هو مع جنوط 26 وشويه قطع افتر ماركت واحلى همر ومشكور على النصيحه الاخيره بس اللكزس LS430 طالع كانه مو ياباني اما الباقي اكيييد في بدائل افضل منه
بالنسبه للهمر المعدل من الشركه اول شي اتوقع الجميح مايعرفه والشي الثاني اكيد سعره فوق 300 وهذي صعبه علي بس بعد الفرق مو كبير يعني 7.5 من 0 الى 100 وانا متعود على الكاديلاك ماادري كيف بتعود على الهمر

مشكووور يابو ناصر ولي تجربه في فتح مطعم قبل فتره والاكيد اني ماراح اكررها << بدون فضايح

ومشكورييين ياشباب على التفاعل وعلى اقتراحاتكم الجميله اللي بفكر فيها بجد وبااشوف وش يطلع معاي والف شكر مره ثانيه

سلام

النسبة لك مادري شاقول بس المبلغ في سييار كثيرة وممتاز تقدر تحصلها بهالسعر وارخص بعد...

الهمر 100% لكن يعيبه مشيه في الشارع ثقيل...

عندك الفلكس طوارق إنتشار قليل جداً وشكل راقي وفخامته فوق الحدود يعني موتر يغرد خارج السرب وأنصحك فيه بشدة خصوصاً إن سهر الفل ألأوبشم مابيتجاوز اللمت تبعك:cool:

كورفت C6 قريب ينزل 400 حصان :cool:

كادي STS وهذي طلقة ماظن بتحصل موتر بمواصفاتها وسعرها وأنصحك بشدة فيها عشان تجيب هاتريك STS سعر الفل أوبشن فورويل 220 مع كل اللي تتمناه بسيارة

بورش كايان فل أوبشن 6 سلندر ب210 لكن التسارع يكون 9 وشوي

أودي A4 كشف سعره 180 وشكله قمة الروعه وباقي المبلغ طلبه ببدي كت من ABT

هذي اللي آنا أنصح فيه بنسبة فوق 90% وعندك خيارات ثانية حلوة مثل الSRX والزد والإنفنتي Q45 بس الجيب لا تفكر فيه سعره فوق ال250:eek:

اخوي اس تي اس ...
الله يعينك .. انا فكرت اشتري سيارة ب 120 ولقيت سيارات كثيرة ومن ثم اعجب الوالد بالكليزلر 300 سي ورفعها الى 140 الف ريال ومن ثم اعجب بالسي تي اس و الان يفكر فيها ومحتار بينها وبين الطوارق النص فل ب 160 ....... من 100 الى 150 الف ريال تصير عندك خيارات كثيرة جدا وكل وحدة احسن من الثانية فمابالك بفئة ال 200 الف ؟؟؟ بتصير عندك خيارات كثيرة جدا ...
اذا تبي سيارة متميزة بالحيل صعب تلاقي بنتلي او السيارات الغالية مرة الا ممكن تلاقي مازيراتي لانها رخيصة مرة بالمعارض تلاقيها حول 130 الف ريال ...
او ممكن تاخذ لك اودي استعمال الماني فل كامل للمحرك الصغير بتلاقيها رخيصة بحدود 160 الف ريال والباقي ركب عليها كت اوتينجر وبتصير مميز ...













اخوكم الشبابي

من جد حيره بس شكله خلاص بقرر على الهمر وعلى الصيف او بعده بفتره بطلع واحد يا H2 او H3 اذا طلع تمام بعد مانشوفه عالطبيعه والله يستر ! :think:

الكورفيت روعه ماعليه كلام بس مشكلته راكبين
STS والله حلو بس اذا بطلع بزود شوي واخذ 430 بس لا هذا ولا ذاك وودي بعد اغير عن السيدان الى SUV او سبورت

ياهلا بالشبابي الكرايزلر حلووو وخلك من السي تي اس وطلع 300 ام روووووووعه بمعنى الكلمه

ومشكورييييييين على الردود

سلام

بدون تفاهم gtr r34 اذا انت تبي سياره اسبورت

مشكوور على مرورك

خذ مرسيديس ..الهمر شفاط ينزين لانه ثقيييييي

هلا بدر كيف حالك

اشلوون خلاص هانت عليك الكدلك ؟ افا بس افا

المهم تبي نصيحتي خذ لك موستنج 2005 شكل مميز بقوه واظمن لك بتكون مميز على الاقل 3 سنوات وسعره ما اتوقع يعدي 150 والخمسين الباقيه خذ لك كراون فكتوريا عشان تودي الاهل فيها
وبالتوفيق ان شاءالله بسيارتك المستقبليه والله يعينك على الحيره

أشوفكم نسيتوا سيارة توها نازله وفخمه ومميزة بمعنى الكلمة ومو منتشرة بشوارعنا

وش رايك في هالتحفة






أو بهاللون بعد أحلى واحلى




مع أحلى تعديل ماراح تعدي الـ200 ألف
وتمتع فيها


الهمر ممتاز ,, بس احس انك ببتعذب معاه اذا مشاويرك واجد
سمعت عن الـH2 مشاكل في المقصات والمساعدات مع المشي المتواصل على السيارة !



عندك سيارات حلوة ومميزة غيرهم بعد

FX45



تحفة انفنيتي .. جديده وفخمة ومميزة وقليل انتشارها
وفي نفس الوقت بتكسب عملانية الياباني وراحة بالك



بالنسبة للـBMW 540 ما أشوف انها مميزة وفئتها صغيرة شوي وبالسعر اللي بتدفعه في الفل اوبشن بتطلع لك افضل منها بكثير


والمرسيدس S كلامك منطقي وانا معاك ,, شوارعنا مليانه منه وفي نفس الوقت بميزانيتك مالك الا مستعمل



هذا رأيي وأتمنى لك التوفيق في اختيارك



تحياتي

GS430 الجديدة بدون أي نقاش

سيارة تجمع كل شي فخامة ومواصفات وتصميم جميل وقوة والأهم من ذلك جودة اللكزس .. والشكل اذا شريتها الحين راح تظل مميزة لسنوات طويلة مثل الحالية ما تغير شكلها الا بعد 7 سنوات

انصحك تنتظر شوي لين تنزل و جربها واحكم بنفسك ..

ابعدددددددددددددد عن الهمر 1000 كيلو ,,,


ولا تاخذ الا BMW مرسيدس ... لكزس ........... وبس

وشوف لك M3 ...

تقرييبا... 250 الف

اخو قلبي بعض الناس يقولك اذا تبي تشتري سيارة لاتشتير احد!!! لان واحد يقولك كويسة وواحد يقولك بايخة يشوهون صورتها براسك

وانا راح اقولك سالفة اخوي مع الهمر H2 موديل2004 فل اوبشن اشتراها وباعها بعد شهر ونصف الشهر !!! ممكن حدة مشي عليها 1500كيلو متر خربت علية بالخط وهو نازل الشرقية

من الرياض الى الاحساء تصرف تانكي كامل توصل الاحساء على الخط الاحمر ونظام بريكات اسوا منة ماكو وجودة رديئة لابعد الحدود

لاكن وربي شهادة حق ملفت نظر بشكل غير طبيعي انا اخذتة افتر علية وربي رجال بنات انهبلو وش هذي المدرعة اللى بشوراع !!!!

وانا كنت واقف بأشارة واحد مر علي وهو يناضر فيني بقوة اشوي والرجال يضرب في عمود الاشارة وربي ماكذبت عليكم..

لاكن ماقدر يستحمل اعطالة وكان البديل بورش كايين تيربو صاروخ ارض ارض

هلا

وش رايك في الــ EXT

لون أسود او سكري أووووووه

وجنوط 22 كلااااااام وسعرها على الميزانية

أو

جي أس 430

أو

FX

تحياتي

بسم الله الرحمن الرحيم

و الله يا اخى ما اعرف الاسعار عندكم

بس انا ؤاى بي امك دابليو 645 شكلها خرافى بس شوف سعرها كام

و عندك الزد 4 بردوا ما عليه كلام فى الشكل


و لو الاسعار اكبر من ميزانيتك


استنى الموستنج جى تى

تحياتى للجميع