السلام عليكم ورحمة الله وبركاته

حبيت آخذ رأيكم يا شباب سوالف الأعزاء ...

رأيكم لاغنى عنه ...

حصلت CL55 أبيض موديل 2002 ماشي 81 ألف كيلو ...
الصراحة السيارة نظيفة مررررررة .. بس يمكن تحتاج تغيير للسطابات الخلفية ...
حتى داخليتها نظيفة وجلدها نظيف مررررررررررررة

السعر المطلوب .. 215 ألف درهم ...

أوووووووووووووووووووو

آخذ SLK55 من الوكاله ... بسعر خاص 290 ألف درهم .. طبعاً فللللللللللللللللل أبشن ...
لون سلفر ومن داخل أحمر وأسود

والله السيارتين يعذبون ... محتار وما أدري شو اختار ... :think:

طبعاً الـ SLK55 روعة ... ومن زمان وأنا خاطري فيها ...
وطلبتها من الوكاله ودفعت عربون ... :banana:

بس يوم تشوف الـ CL55 .....
مع ملاحظة فرق السعر ... وطبعاً الله يستر من أسعار التأمين ...

بصراحة اختيارك صحيح, الCL55. بيتغير قريباً. و بعدين سيارة جديدة الSLK55.

مبروك مقدماً و الله يطيك خيرها و يكفيك شرها انشاءلله.

حرام عليك. فكر في البدايل.... 290000 حتى لو اي ام جي يبقى اس ال كيه

290 الف في سيارة لشخصين وايد بصراحة

والله انا اقول 645 احلى منها بواااجد
ونادره

والسي ال راح يتغير خلال سنه او سنتين
والثانيه يظل SLK بقوووه

وانت واللي يريحك

والله انا اقول 645 احلى منها بواااجد
ونادره

والسي ال راح يتغير خلال سنه او سنتين
والثانيه يظل SLK بقوووه

وانت واللي يريحك

بالنسبة لي لو أكون مكانك آخذ السي ال لعوامل عدة...

1- الشكل أجمل خارجياً وداخلياً...
2- الأداء أقوى...
3- السعر أرخص بفرق محترم...
4-هيبة أكثر وتصلح لك حتى لو تكون متزوج...


والعوامل اللي تتفوق فيها إختها الصغيرة هي:
1- إنها بتكون جديدة على يدك...
2- شكلها بيدوم فترة أطول...
بس

السلام عليكم ..
ولكم باك أخوي العزيز .. وين هالغيبة ؟

المهم يالغالي الـ slk 55 حلوة بصراحه ..
مميزاتها :

انها جديده وتوها نازله ..
صغيرة وتنفع للزحمه ..
قوية وتسارعها ممتاز ..

عيوبها :
السعر غالي شوي ..!
ما تنفع الا حق واحد عنده موتر ثاني .. يعني اتخليها حق التمشية والكشخه ..
مب حق الاستعمال اليومي والمشاوير والسوق ....الخ

بس الصراحه موتر فنااان وحلو .. خاصة لو كان من داخل احمر .. :cool:
المهم الله يعطيك خيرها ويكفيك شرها ان شاء الله ..
والسموحه

بصراحه مازيد ولا انقص بحرف واحد من رد الاخ كلامه صحيح 100%

خاصه موضوع الغيبه عن المنتدى عسى المانع خير

السي ال

290 الف تجيبلك CLS جديد من الوكاله....


فكر في الـ CLS

وانا معك ..

CLS بزوائد AMG صدقني أروق وجديد وفي أول موديله وشكل جديد ونادر وعزمه جدا حلو وبمواصفات حلوة ( هذا اذا انك راعي مرسدس وتحب الكوبيهات )

تبا نصيحتي...

انا كان عندي CL500 والصراحة ماعليها كلام معروفه السيارة وغيرتها للجديد SLK350 بزوايد AMG...

ولاتفكر تاخذ CL لان الشكل راح يتغير خلاص سنتين بالكثير...

والSLK روعه... بس اذا تبا رايي خذ لك CLS بزوايد AMG وبتدعيلي...


تحياتي لك..


SLR

مشكورين يا شباب على تفاعلكم ونصايحكم الغالية ...

SL 65 : الله يبارك فيك ... وان شاءالله خير ..

الأخوين العزيزين جداً Crower & AMG : من زمان ما شفناكم ... واسمحولي على القصور ...بس ظروف الدوام والبيت .. الخ

على العموم .. عندما أفكر بــ"عقلي" أوافقكم الرأي 300% ولكن عندما يدخل الـ"قلب" في الموضوع خصوصاً ونحن نتحدث عن SLK55 احس بحماس غريب ... ترى الـSLK 55 روعة .. في وحده مزودة 500 حصان عند برستيج للسيارات ...يوم شفتها طلبولي الاسعاف ..
برستيج طالب فيها 520 الف .. 20 ألف للـ SLK و الـ500 لكل حصان ألف درهم..
هييييييييييه ... خلوها على الله ..

corvette indiana police : رأيك عجبني .. خصوصاُ إني فعلاً فكرت في السيارة .. بس ما ارتحتلها من الداخل ... ما عرف ليش ..
ربيعي عنده 545 ابيض .. وتقريبأُ متشابه مع 645 ... من الداخل طبعاً ..

الأخ المرح RED Chevy : الصراحة مشكور ... حيرتني زياده ... :rolleyes:

الأخوان الغاليين uae speed & TOP-SECRET

اشكركم كثيراً على السؤال .. الصراحة كما ذكرت .. الدوام في الـIT ما يخليك تتنصخ .. ماخذ معظم الوقت .. ومشاوير البيت تخلص على الباقي ...
فكنت فقط اتابع سوالف فقط بدون مشاركة ...الحمدلله الوضع صار أحسن وان شاءالله ستشاهدون مشاركاتي قريباً .. :banana:

أشكركم مرة أخرى على نصايحكم ... وتشوفكم ان شاءالله قريباً ...

بن ممدوح : شكراً على مرورك الكريم ... :p

mill_955 & abumhdi : والله وجهة نظر صحيحه . بس المشكلة اني ما بلعت شكلها ..


CL-Class : اممممم... والله بعد فكرة بس ... بفكر ويصير خير .. يمكن يبالنا وقت لين ما نتعود على شكلها ...

SLR : روح شوف الـ SLK55 اللي عند برستيج ... والله بتدوخ .. يوم تكون مكشوفة روعة .. ويوم تسكر السقف تستوي سيارة ثانية ...ومبروك على SLK350 الله يعطيك خيرها ويكفيك شرها ...

تحياتي ...