إجتماع المدرسين
المدير: شوفوا لكم حل بثالث جيم, فشلونا سمعتهم واصله اخر الدنيـا وجانا كم إنذار من وزارة التربية والتعليم كله بسبتهم.وبكرة بيجينا مـوجة مخصوص علشانهم.
الاستاذ فاروق الفستئاني (الفستقاني): (بلهجة سورية) شوووف استااااز تالت جييم مابيجي من ورا راسون إلا المشاكيــل ,انا بأتريـح (اقترح) توزعون على المداريـس التانية, كل مدرسه ارمي عليها شي اتنين تلاتي وريح راساك أخـــي.
رائد الفصل (حسـنى شـمعة) ( لا شعوريا): نفصلهم !!!!وأبطل دروس خصوصية يعني وإلا إيـه!!!..أصـدي أنا عندي فكرة هايلة حتحسن صورتهوم أودام الموقـه (موجة) وحخليه يئول إن كل الكلام اللي سمعه عنهم إشاعات
المدير: بس شوف ياحسني هذي اخر مرة لك انت وياهم والا فصلتهم كلهم واولهم انت. بشوف وش تسوي فيهم, وإلا هم وش بيسوون فيك
طابـور الصبـاح
مشهد طابور المدرسة الصباحي الطلاب صافين والمدرسين والمديرمع الموجة .
حسني شمعه ماسك ميكرفون الاذاعة المدرسية : والان الإزاعة المدرسيه لهزا اليوم مع ...تالت قيــــم.
المدير مستغرب للاستاذ فاروق: والله اللي فشلنا
فاروق فسـئاني باستغراب:" تالت جيــــم, العمــي" ويروح للاذاعة بسرعة
طلاب الطابورضحك واستغراب يلتفتون على بعض وهم يقولون ثالث جيم... ثالث جيم. !!بيجيبون العيد
حسني الشمعة يعطي الميكرفون( ابو الفياصل ). ويقول لهم ياولاد زي مااتفقنا, وروهم انكو أد المسئولية
.
الإذاعـة المـدرسـية
(ابوالفياصل) يجرب الميكرفون: الو الو .. ( ماتشليز) من ورا "حول حول"
ابوالفياصل :" مدير المدرسة الفاضل, أبائي المدرسين, إخواني العيال: (ماتشيلز) ،كيمو, نواف بن احمد ، العميد .. الاستاذ فاروق يضرب ابوالفياصل على راسه طااااخ ,إحكي ولاه
ابوالفياصل: السلام عليكم ورحمة الله وبركاته , أسـعد الله صباحكم باليـمن والبركات, خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم الاستاذ مدحت
ويقرا سورة قصيرة بصوت رخيم.
ابوالفياصل: اما الان مع فقرة هل تعلم للطالب العميد
العميد بصوت عالي: هل تدري.
هل تدري إن للذبابة ستة أعين.
هل تدري وإلا ماتدري إن الفار يصيب بمرض الطاعون.
هل تدري وإلا ماتدري أن اذا قطعت شوارب الصرصور يقعد يخبط في الجدران
هل تدري وإلا ماتدري أن لكل قطو برميل زبالة مخصص يسكن فيه وشكـرا.
ابوالفياصل : هل تدري ان بيت العميد جنب وزاره البرق والبريد والهاتف
, أما الان مع حكمة اليوم والطالب كيمو
كيمو : يقرب.. يمسك الميكرفون بيد واليد الثانية في مخباه تحوس يدور الورقة اللي فيها حكمة اليوم. يطلع الورقه ويقول: "حكمة اليوم " ويفتح الورقة ويقرا بصوت عالي " البضاعة المباعة لاترد ولاتسبدل" يسكت شوي ويناظر الورقة ويكمل " شماغ , طاقيتين, , ثلاث فنايل علاق ""وهو جالس يقرا ألا وذاك الكف على راسه من الاستاذ فاروق وهو يقول" العمى شو حمااار...ولاه طلع الورأه (الورقه) ياللي فيها حكمة اليوم مو فاتورة ملابســاك" كيمو, طيب طيب يدخل فاتورة ملابسة بجيبه
بعددها تكملة انتظروني ---------------------------------
ابوالفياصل :"الاَن مع موضوع الصباح للطالب:ماتشيلز "
ماتشيلز يفتح ملف أخضر علاق ويقرا,
"اعزائي المشاهدين , موضوع حلقة اليوم العطلة الصيفية (مـدمن فضائيات)
"لقد رحنا في العطلة الصيفية أنا وأهلي إلي بلدي الثاني لبنان"
ابوالفياصل: تراه كذاب, بالعـطلة رحنا لخـوالي بالشرقيه
ماتشليز يلتفت إلى ابوالفياصل بزعل ويكمل" ولكن ابوالفياصل لم يكن معنا" ويطلع لسانه لابوالفياصل :banana:
رحنا بالطيارة و كانت امي خايفه جدا جدا لانها اول مرة تركب طيارة , بس انا اصلا دايما اركبها, وفي الطيارة جت شغالة الطيارة وجابت لنا القهوه والشاي ثم جت وقالت اقلطوا على العشاء , وقلطنا في المقلط مع العفش, وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا. وخلصنا وغسلنا, وكان ومساعد الطيار ماسكن الفوطة والطيب وأعواد الاسنان.
وعندما وصلنا لمـطار المـلك خـالد حقهم, ذهبت انا لتختيم الجوازات والرخصة والاستمارة وذهبت امي للتطبيق , وكنت اتحدث لغتهم بطفاقة لاني امي وابي مامعهم لغة. وقال لي العسكري : جواز مين هيدا ؟.. فقلت له" بييَ (ابوي باللبناني) , وقال: "وهيدا؟" قلت: مييَ (أمي) . وهيدا ؟ قلت" خييَ (أخوي " ) وقال " وهيدا؟" قلت : نييَ (أنا) " وكان جوازي
وقال لي ابوي ماشاالله عليك ياوليدي إنك بلبل (خنفشاري) على قوله ابوالفياصل
في اللغة اللبنانية الفصحى, التفت عليه وقلته, أي لا كــان , ثم التفت للبـنـانـي وقلت له تـرى أنا سـعودي مانيب زيكم, وشكله كان مستغرب يحسبني لبناني.
وفي لبنان سكننا في مدينة بيروت مشيط وكانت مدينة جميله فيها مـزارع بكل مكان, ولم اشوف عندهم تـراب, علشان كـذا مافيهم الاشـهب, تمشينا في مناطقها السياحية واسـواقها, ذهبـنا الي اللبنانيـة,والحـريرية وركبنا كـورة الحـريرية وناظرنا جميع حـدود لبنان, ورأينا دولة إسـرائيل الملعونة, وكانت دولة صغيرة جـدا, ونـظرت للدول العربية والأسـلامية وجـدتها اكبر منها بألف مرة, ومدري كيف ناشبتن بحلوقنا. وإنني أقترح على امين الدول العربية والإسـلامية سبـأ بـاهبـري, مادامها أقـوى منكم وعجـزتوا عنها وماعندكم إلا الدجـة بالاسـلحة, اسـتخـدموا السـلاح الخـلفي لـتوفرة عنـدنا بكثرة, فإني اقـترح, نـوصل جميع انابيـب الصرف الصحـي لدولنا ونـمـده لإسـرائيل, واضمن لـكم بـتغرق كلها بيوم واحـد. خـلونا نتجمع بس, والسلاح امره هين.
ورأيت دولا كثـيرا, وشفت دولة وماعرفتها, يوم دققت مكتوب عليها, بورسعيـد, وشفت اللمملكة العربية السـعودية الشـقيـقة (وش عنده اللبناني). وكانت حـدودها كثيـرة عرفتها من الخـط المتقـطع. ولكن للأسـف لم تـكن لبنان تـحدنا , وأنا أقترح نضمهم معنا في دول الخليج ونـدف اليـمن بـدالها
انا بصراحه اوؤيد النقطه هاذي وبشده
ورجعنا بالسيارة ومررنا على تونس الخضراء, والسودان السوداء في الـطريق عبينا بنزين بعشرة لاننا فلسنا, وكملنا الـطريق الي أن وصلنا بالرفـاء والبنيـن.
وإلي اللقـاء في حـلقـة القـادمـة.
ابوالفياصل " أما الان .." صوت جوال ابوالفياصل يرن ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه
صوت حرمه: " ألو .."
ابوالفياصل: " هلا ميين ؟؟
الحرمة: ".. أنا أمك دبدوووبه ..
ابوالفياصل: بصوت مرتبك " يمــه"
ابوالفياصل: يمـه شغلى الرادو, بتشوفينا على قناة المدرسة إف إم.
دبدوبه: الرادو مايشتغل, اش بك ياواد انتا ناسي انووو خربان,
ابوالفياصل: طيب وش تبين اللحين انا مشغول
دبدووبه: جوعانه تعال نروح عازماك على فطور
علي الدب: لالا انا مشغول عندنا اذاعه .. ماعندك مداخله
يمه يمه, حنا الحين في الاذاعة وإنتي على الهوا ..عندك مداخلة والا طبخة؟"
علي الدب , والان مع الشيـفة (الطباخة) دبدووبه
دبدوبه: اقلك انقلع انا جوعانه وتقلي اقدم طبخه :anger: "
الاستاذ فاروق يسمك راس ابوالفياصل ويصكه بالجدار. طرااخ وياخذ الجوال.كمـل ولاه فورت لي دمـي.
ابوالفياصل:" اما االان مع نشيدة الصباح كيمووو..بعنوان "عصـفوري الصغير"
ابوالفياصل :كيمو وش عندك لابس بدلـة حمرا.
كيمو: لأني أول مرة بمسك ميكرفون قدام الجماهير.
كيمو ياخذ المكرفون ويقول " أحـلي تحية لشباب ثالث جيم اللي على البيست, و أحلـى تحيـة للموجه والمدير وأحلى تحية للوكيل بغيابـه, وياشباب اللي يبغى إغنية يكتبها على منديل ويعطيها المدرسين يوصلونها لي..
كيمو:"أويــــــــلي, أويلـي , أويـلي أويـللللي "
" سـود العيــووووووون إكبـــــــــار ....,والشــامــة حـلــوووووة
" شـــــــايل جـمــال الكـووووون ...وباليــني بــلـوى "
يحط الميكرفون , ويقول" يلا كلنا سـوى.. ياثالث جيم"
هالعيون شلون املــــها سحر ذوبني بغزلهــا (يلتفت لصف أول) بوسه من عندك حبيبي تسوى عندي الدنيا كلها "
طلاب المدرسـة كلهم يرددون وراه ويغنون وتنقلب المدرسة مرقص وهيصة.
المدير بعصبية:" ماني قايلكم.. فشلتونا كله منك يا حصني (يقصد حسني) خلاص ضف وجهك انت وطلابك, مالقيت تحطهم في الاذاعة الا يوم جا الموجة, والله مايندرا وش بيصير فينا
ويدخل عليهم شاب سعودي في مقتبل العمر تظهر عليه علامات النشاط والحيوية (جنتلمان) "أنا المشرف الطلابي الجديد ارث احزان" جايكم من ادراة التعليم لحل مشاكل بعض الطلاب اللي عندكم"
المدير: "بس وهذي هي ,اقصد.. مدير المنطقه التعليمية ماأصدر معك قرار ..يعني نقل ..فصل ..سجن..تعزير"
ارث احزان بإبتسامة: "لا ..وليه كل هذا, المسألة ومافيها ان الطلاب عندكم عندهم امكانيات وطاقة مهدره ماعرفنا كيف نستغلها في صالحهم, انا متابع موضوع ثالث جيم عندكم من بداية السنة واعرف ان عندهم طاقات جباره بس يبغي لها تتوجة التوجيه الصحيح, بس يحتاجون بعض الاهتمام والوقت, ماعندهم مواهب أو هوايات معينة؟
الاستاذ فاروق: " أيه بلا, عندن مواهب في اللعانة والاجرام"
ارث احزان: "لا, انا ابغى الاشياء المميزه فيهم ماحاولتوا تستغلونها في صالحهم وصالح المدرسة ومجتمعهم ووطنهم"
حسني شمعة: دول أبالسة
ارث احزان: "كل أنسان فينا لازم يكون مبدع في شي مهما كان,بس يبغي مين يكتشف هالعملاق اللي في داخله ويصقله, حتى لو ماكان ماهو مميز اكيد بيكون عنده هوايه لشي بتفيده وتفيد مجتمعه وتشغل وقته اذا عرفنا نستغلها"
المدير يرد وشكله تأثر بكلام ارث احزان:" كلامك منطقي
وفي هذه اللحظه هرب الطلاب..
ارث احزان مع الاستاذ حسني يراقبون طلاب ثالث جيم وهم يهربون من المدرسة , ابوالفياصل, ياخذ الشناط والكتب , ويرميها من الشباك ويوصلها لبرى المدرسة من قوة الرميه. ماتشليز يركض وينط على السور المرتفع ويجمع الكتب, ويقرب السيارة لهم. كيمو: هرب وجلس يرسم على الجدران صوركاريكاتيرية للمدير والمدرسين وعياراتهم.
حسني يهمس الى اذن ارث احزان: زي مانت شايف سعاتك...حئولك إيه وإلا ايـه دول مجرمين محترفين.
ارث احزان: ماشاءالله ابـداع, قمة في المهارات.
شباب المستـقبل
وبـعـد كـم سنة وبعـد أن اصبح المشرف مسـئولا عنهم. . صار ماتشيلز اللي ينط السـور بـطل المملكة في الوثب العالي. ابوالفياصل اللي يرمي الكتب من الشباك بطـل اسيا في رمي الجلة, وكيمو اللي يرسم على الجدران اخذ جائزة المركز الأول في الفن التشكيلي على مستوى الخليج.
منقول بتصرف
تحياتي عبدالله
عرض نسخة للطّباعة |
ارسل هذه الصفحة لصديق]
على قرار أفلام هوليود 
