كيفكم شباب ؟؟؟

واحد من الشباب عنده مرسيدس E240 وعليها جنوط 16 .. ونفسه يركب لها جنوط 17 او 18 .. وسؤاله هنا .. لازم يهبط سيارته والا لا ... بمعني لازم يقص او يلين ؟؟؟ او يركب الجنوط على طول ..

وعطونا تجاربكم ..

لا قل لخويك ينتبه من القص او التليين

لكن اهم شي اذا ركب الجنط انه يركب مقاس كفر مناسب

لا اخوي مايحتاج لاقص ولاتهبيط والمستوى بين البودي والكفرات راح يكون بنفس المستوى بعد تركيب الاطار حتى لو كان 21 انش ماراح يتغير شي...

وذا تنوي على تهبيط علشان تحس بحجم الجنط انا بوصيك على تعليقات خاصة للمرسيدس من شركة معترف بها... بس انته امر وانا افضل... تخصص اكسسوارات المرسيدس فقط...


تحياتي لك..


SLR

مرحبا أخ بورش بالنسبة للجنوط اللي أكبر على ما أعرف ما يحتاج يغير شي بتعليق السيارة و عندي برنامج ممكن يحسب لك المحيط الكلي للجنط مع التواير اللي تناسب الحجم الجديد اللي ركبته علشان ما تحك ممكن أساعدك فيه . أما بالنسبة لتنزيل السيارة فعندي كت من كارلسون لتنزيل السيارة الأول عبارة عن نظام تعليق رياضي كامل و الثاني عبارة عن قطعة الكترونية لتنزيل السيارة اذا كان عندك هايدرولك

مايحتاج يهبط شي...


الكفر الـ 18 راح يقفل لك المنطقة المفتوحة بين حافة الرفرف والكفر اللي كانت في الـ 16 بحكم حجمه وبالتالي راح تظهر السيارة انها مهبطه بمجرد النظر

فكر في نقطة ان كل ماكبير حجم الرنج ارتفع سعر الكفرات لدرجات تخوف

mill_955 : اشكرك حبيبي و لالا تخاف ما فيه قص انشاء الله ..

SLR و CL-Class : كيف يا شباب ؟؟؟ حيرتوني ؟؟ وياليت يا SLR تعطين عنوان للتعليقات الي تقول .. واشكرك حبيبي على فزعتك .

انا الي قصده من السؤال انه اذا ركبت جنوط 17 او 18 السيارة اكيد بترتفع عن الارض ... صح والا انا غلطان ؟؟ بعدين اكيد بيصيير شكلها مرتفع كثير ..


plateen : هلا بالغالي .. يا ليت ترسلي على الخاص عن الكت تبع الكارلسون .. وكيف هو مريح وكويس ..

بوعبود : يا هلا وغلا .. منور الموضوع .. .. وصدقت والله الكفرات تخوف بقوه اذا صارت كبيرة\


واشكركم شباب على تفاعلكم ..

سلام عليكم
مايحتاج تهبيط ولا شي
بس مقاس الكفر هوا اللي يفرق
على فكره الكفر لو اخدت مقاس 235 احتمال يحك من الداخل الكفرات الاماميه طبعا
لانه ركبنا على مرسديس جنوط 17 مقاس الكفر 235 على 40 صار يحك
اما انك تقص الرفارف من جوا او انك تاخد مقاس تاني
يعني 225 على 40 اذا ناوي تهبط او 225 على 45 اذا ماتبغى تهبط

سيارة خويك من نوع ( كلاسيك أو إليجانس أو آفنتجارد ) ؟

الكلاسيك والإليجانس نظام تعليقها متشابه من حيث حجم المساعدات واليايات

والأفنتجارد مهبطه شوي من بلدها لأنها رياضية شوي لأن ياياتها أقصر


يعني اذا عندك النوع الأول أو الثاني تقدر تحوله على الثالث بمجرد تغيير الياي ورح استفسر عند محل القطع عند الوكالة عشان تتأكد بنفسك.

MAX+300E : جزاك الله الف خير ...

CL-Class : يا خي انت كذا :banana: السيارة كلاسيك .. وشكل الرجال بيركب يايات افنقارد بس متردد يخاف يكون التعليق قاسي وغير مريح ( بحكم ان شكله رياضي ) فـ وش رايك انت ؟؟

أخوي بورش ودي أذكرك بنقطة انت عارفها بس للتذكير....

ان تعرف ان السيارة المريحة لازم تكون مرتفعة شوي عشان تكون لينة وبالتالي هناك مجال للمساعدات واليايات انها تاخذ شوط أطول مابين الطلوع والنزول تبعاً للمطب لتوفر ليونه وراحة....

اذا طبقنا هذه النظرية على السيارة وهي مهبطة وكان لها نفس طول شوط الطلوع والنزول فإنها راح تتعرض للاحتكاك بالأرض عند اهتزاز السيارة من مطب وغيره... يعني عشان مانخليها تحك لازم نخفض شوط الطلوع والنزول.... بالتالي نقلل من ليونتها شوي ... وعلى كذا راح نلجأ للياي أقصر وأقسى شوي

وهذا المطبق في السيارات الرياضية......

وبالنسبة ليايات الافنتقارد صدقني مافيه فرق كبير بينها وبين ياي الكلاسيك..... غير انه أقصر بسنتيميتر ونص وبالنسبة للراحة كلها سوا ... لان السيارة أصلا غير رياضية بل مصنفة على انها سيارة سيدان فاخر متوسط لكن بلمسة رياضية للافنتقارد بسيطة لاتذكر ... اما اذا كانت قساوتها عالية زي اللي انت خايف منه فإنها راح تخرج من تصنيفها الى سيارة سيدان رياضية مثل الـ AMG



عشان تتأكد يمكنك زيارة قطع غيار الوكالة وصدقني القطعة تركب مية في المية....

لكن يكون في بال خويك الافنتقارد مايفرق عن الكلاسيك في الياي والجنوط بس...... لا...... بل صدامات وأزياق وسمكات .... ومن الداخل ايضاً ...


والا على فكرة كم موديلها ؟؟؟

والله احرجتي يا CL-Class ... الله يعطيك العاااااااافية وهذا الكلام الي كان ودي اسمعه .. وما قصرت يا حبيبي ..

ولو يخوي نعين ونعاون وحنا تحت الخدمة

انا عندي ابو عيون ولا يحتاج يقص ولا يلين نفسها الجلده حقت السبرينق لها مقاسات يقدر يزيد المقاس وترتفع ويقدر ينقصها وتنزل بس لازم طبعا يفك السبرينق والجلده لها 5 مستويات خلها يروح عند ورشه ويشوف اي مقاس على السياره الجلده عليها زي الحبوب الطالعه تقدر تشوفها باليت او بالملمس

اووووووووووووووو معليش نسيت موديل السيارة !!! موديلها 2000

شكرا لك اخوي mustang cobra بس هذي موجوده في موديل 2000 ؟