هذا كتلوج حق التويوتا كريسيدا إلي نزلت في المملكة سنة 85 كان عند الوالد يوم أخذ سيارته في سنتها ... ولازال على حالته
يعني عمر الكالوج 19 سنة
معليش أحجام الصور شويه كبيرة بمعدل 90KB لكل صورة علشان الجودة

صورة الغلاف

الله يادنيا

ياخي قهرتني حسبت الكرسيدا رجعت ثاني السعودية

ههههههههههههه شوف الدنيا كيف تجري

تحياتي

هذي السيارة على ايامها مثل اللكزس .... مشكووور الصراحه على الصور والصراحه ربيعي عنده وحده ذهبيه لكن شو اقولك لين الحين تمشي والمكيف على حطته بارد ماشاء الله لو في عز الصيف والمكينه مافيها اعطال ابد ماشفت إشتكى منها ... هذه هي تويوتا

السلام عليكم ورحمة الله وبركاته
أشكرك على الكتلوج الأثري، آنا أقدم شي عندي كتلوج الشفر 88 فيه أنواع الشفر كلهم، بس طلع في أحد عنده أقدم مني، بس كم كان سعرها في ذيك الأيام؟

مشكور أخوي silver

بصراحة

الانسيابه تسلم علييييكم واااااااااااااااااااايد...

الله يرحم أيام زماان...


ذكرتني بالــGTX

الى منعوها بسبب قوتها!!!!

السلام عليكم ورحمة الله وبركاته
لكن تدرون شباب، آنا عندي هذي الكريسيدا أحسن من الكامري بألف مره، ماقط سمعت عن وحده مختربه، لكن شوف الكامري لازم يحترق لك ليت أو يخترب المسجل، والفرش الداخلي من أخس الأنواع، أول إذا بتركب مسجل حق أي سياره، يقولك ركب مال كريسيدا، لكن الكامري جودتها أعلى من الكرسيدا بشكل عام( لكن على ورى).

يا هلا أخوي

أنا عندي كامري مسجلها من أروع ما يكون

ويكن بعلمك أكثر ما ينسرق في الكامري هوا المسجل لكونه جييد

والمشاكل الى ذكرتها ما قيد حصلتلي

بالعكس السيارة تنكرف كرف مهو طبيعي ولا شي أشتكى والحمدلله


وتحياتي

السلام عليكم ورحمة الله وبركاته
أخوي الكامري موديل كم، أحنا كان عندنا 2 والحين الحمد لله تخلصنا من وحده، وصديق أخوي عنده وحده، وكلهم فيهم نفس المشكله+تسريب الهوى، وكل اللي آعرفهم وعندهم كامري لازم تكزن نفس المشكلات، وأهم الشي إن تنجيد السقف يطيح عقب 3 سنين، وسالفه الليتات هذي مايمر شهر إلاونبدل ليت، وعندك التكيه اللي بين السايق والراكب هذي في السيارات الثلاث مكسوره وغير مشاكل الناس الثانيه.

شركة تويوتا غبية لما كنسلت الكريسيدا وصنعت الكامري والله كانت الكريسيدا سيارة ما عليها كلام ومكينتها سيدة مو كروس والبدي أقوى من الكامري لو يعيدون تصنيعها أحين والله راح تنجح

وووووووووو نسيت ما تصرف بترول

وعليكم السلام ورحمة الله وبركاته

2002 كل المشاكل الى ذكرت لم اشاهدها على أي كامري

وسيارتي تدخل عامها الثالث

ياليت لو توضح وش هذ الليت؟




تحياتي

السلام عليكم ورحمة الله وبركاته
أخوي ليت يعني لمبه(مادري شسمه عندكم في السعوديه، لكن هو الشي اللي إخترعه أديسون)، وإذا سيارتك 2002 إصبر وبتشوف.

ظن بقصد الاخ بالليت اللي هو الانوار الخارجيه





لكن بالنسبة للسيارة من جد كانت قويه في وقتها من جد
انا اعرف واحد عنده 81 تمشي وتجيب 160 لا وتوماتيك
راميها
اذا دخل سيارته رجع لها

اللهم اكفنا شر الحاسدين

آآآآآآآآآآآآآآآآآآآآآآآآآآهااااااااااااااااااااااااااااا:p

علشان كذا رجعو الألتيما

قالو نرجع للكلاسك:p


شباب ترى السيارات اسماء لا اقل ولا اكثر في سيارات يغيرو اسمها قالو كنسلناها و جبنا بدالها:rolleyes:

يعني زي الكامري و الكرسيدا ، الألتيما و المكسيما و غيرهم
















;)

SKYLINE GTR
-------------------
إيه الله يا دنيا شفت وين كنا ووين صرنا

حاكم العدل & SL500 & racing_guy
---------------
لو كتبت كتلوج كرسيدي 85 كان محد دخل

lumina
----------
أظن محد عطا التويوتا مكانتها في وقتنا الحالي غير هذي السيارة

RED Chevy
----------------
عجل في واحد بعد يجمع كتوجات ... ياليت لو تحط لنا صور منها ... نبي نشوف كتلوج الكابرس او السلفرادو 88
سعر السيارة في ذيك الأيام على كلام الوالد الله يحفظه كان 25ألف ريال للفئة إلي اقل من القراندي وفي 500 ريال زيادة للونين.

SLR
------
في سيارات إلى الأن واجهة السيارة تكون ضخمه ومع ذلك تلقاها سريعه

Third Eye & CORVETTE_STINGRAY
------------------------------------------------
شكراً لمروركم من هنا

bashar_255
-------------------
إيه قالوا لازم ننافس في فئة الكلاسيك


وشكراً للجميع على المرور من هنا

احم احم

من قصدك؟؟؟؟؟

تحياتي
الكابتن يزيد

السلام عليكم ورحمة الله وبركاته
آنا كنت نفس الشي، عبالي محد يجمع كتلوجات غيري، آنا ولله الحمد مجموعتي وصلت فوق ال160 كتلوج، لمختلف الشركات والموديلات(بس ماعندي أي كتلوج حق موتر كوري)، وعندي بعد أكثر من45 مجله سيارات، ووزنتهم وطلع وزنهم 60كيلو(ليش شحن )

و بخصوص الأسعار ترى أكثر من ممتازه، يعني كانت السيارات برخص التراب( تخيل من2500، للكرسيدا و سعر الكامري7500، يعني الزياده300%)
وعن صور كاتلوجي باحاول، لكن ماأوعدك، لأن السكنر مالنا فيه خلل، لكن إنشاء الله باحاول إحطهم لك، وترى السيلفرادو مو موجود في الكتلوج، لكن أخوي عنده واحد موديل78.

السلام عليكم ورحمة الله وبركاته
أخوي آسف كتبت لك السنه غلط، اللي عندي طلع موديل89 وعندي بعد 92 و96 و2000 و2002 و2003.
ذيلا الكتلوجات فيهم موديلات الشفر موواحد معين، والكتلوجات الباقي عندي.

الكرسيدا أصلاً توفت من سنة ال96