بسم الله الرحمن الرحيم

السلام عليكم ورحمة الله وبركاته

كيف أحوالكم شباب، إنشاء الله مستانسين، في الإستفتاء ذي حبينا نعرف أي منتخب قدم أفضل أداء في البطوله، وبنحط اليمن والكويت والإمارات مع إن أدائهم غير مقنع نهائياً، وبغينا آرائكم في الموضوع وإختاروا المنتخب اللي تشوفنه الأفضل وبدون تحيز، وآنا عن نفسي أختار العماني لأن كان فريق منظم لأقصى الحدود وفي تفاهم بين لاعبينه( مع إن منتخبنا قدم أداء ممتاز، خصوصاً عقب ما غلب الأزرق بأربعه) وفي أمان الله.

RED Chevy ..

أنا عن نفسي ارشح المنتخب اليمني

لالالالا تصدقون , المنتخب البحريني يستاهل ;)

و مشاهده مبارياته متعه ;)

و كنت اتمنى انك ما تحط المنتخب الاماراتي لانه ما راح يتطور على هالحال

السلام عليكم ورحمة الله وبركاته
والله آنا قلت مابحط اليمن وكويت والإمارات، بس خفت الشباب يزعلون ويسوون قصه ليش ماحطيتهم، وتسلم أخوي مهوس العين.

شخباركم و شخبار الامتحانات وياكم؟


أنا استمتعت اكثر شيء بمباريات البحرين و ارشحها

السلام عليكم ورحمة الله وبركاته
الحمد لله الإمتحانات خلاص صارت من خبر كان، اليوم خلصت، وماشاء الله البحرين مسيطره على الوضع حتى الآن ، لكن آنا صوتي راح حق عمان، لكن عمان تستاهل أثبتت وجودها، وأعتقد مستقبل الكره الخليجيه هو البحرين و عمان ولا شرايكم؟

السلام عليكم

والله اشوف الاخضر السعودي يستحق الكأس مستوى ونتيجة .. وهو افضل فريق بالبطولة

السلام عليكم ورحمة الله وبركاته

صح كلامك أخوي إيطالي والسعودي أثبت جدارته باللقب، وتعودنا في ذي السنين إن كل سنه يطلعون نجوم في الأخضر ويتألقون، وذي الشي صاير مع منتخب عمان والبحرين، الأزرق تبدلوا لاعبينه لاكن مافي أحد منهم نجم وهبطوا المستوى بدال مايرفعونه، وخليجي 17 إنشاء الله تكون في منافسه أشد ويكون أخللى من البطوله النايمه.

السلام عليكم ورحمة الله وبركاته
يستاهل العماني والصراحه منتخب أثبت وجوده، وآنا بعد صوتي راح له مع إني بحريني.