السلام عليكم ورحمة الله وبركاته

انا عندي مسجل بايونير

DEH-P7450MP

والصوت عندي تمام


ولكن محتاج زيادة bass


ودورت في السوق ومالقيت ولا ماركة من الماركات الموجودة في الانترنت


فياليت احد يساعدني في اختيار مضخم وسب ووفر

ومضخم ثاني للسماعات




وشكراً

902

بسم الله الرحمن الرحيم
السلام عليكم ورحمة الله وبركاته

اخوي دور على امبليفاير السوني الجديد اللي شكله خماسي لانه خاص بالسوب ووفر ودور على امبليفاير فور تشانيلز للسماعات

وانشا الله اكون كفيت

اخوك متيم

اذا كنت تقصد Xplod .. فأنا أنصحك يا 902 انك تبتعد تماما عنه ..

السلام عليكم ورحمة الله وبركاته

عندك امبلي فايرات سنكور جيدة بالمرة وسعرها حلوو

خذ لك واحد وماراح تندم ابدا

وسلامتك

السوني في BASS حلو مب ممتاز

بس مقارنه بالسعر حلو

أمبلافير سوني رخيص و يفي بالغرض

باينوير غالين كثير بس شغل نظيف

هلا و غلا
شوف احسن مظخم خد لك كينو ود نوع القديم وياريت يكون اقل شي 180 في 2 ولازم يكون الاخراج نصف او فوق حجم قوه السماعه ادا اردت بيس قوي و ايضا لا تخلي الصندوق كبير وايد واما بالنسبه للفتحه حق السماعه لاتخلي البايب ينزل اكتر من الحد الادنى للمغناطيس ولا يكون اكبر من فنتحه البيبس يعني تقدر تقول بحجم اقل وفيه مجله امريكيه اسمها cruchfiled تقدر ترجع لها وادا تبي خدمه اكتر انا مستعد ..

ادخل الموقع هذا وبتشكرني عليه

www.Jbl.com

mtayam

و ViPEr_&_7 sERieS

وKing 4x4


يعطيكم العافيه

بس هل مضخم السوني الموجود عندنا Class D وهل فيه فلتر LPF


==================

zorro

ماشاء الله شكلك عندك خبره مو هينه

النظام اللي ابغى اسويه بيكون SQ

والصناديق اللي شفتها في السوق جاهزة مو مصممة بشكل صحيح
يعني لازم افصل واحد

طبعاً من خشب مضغوطMDF

بس ماححدت الووفر اللي بشتريه عشان افصل الصندوق له

فاليت تعطيني نصيحة في الوفر اللي SQ اكثر


==================
SLR

شكراً و جزاك الله خير

انا شفت الموقع وشفت مواقع كثيره لناس متخصصين صوتيات
ولكن اغلب الماركات الموجوده في الانترنت مو موجودة في الخليج

ولو طلبت من الخارج بيكلف كثير شحن وجمارك وووو......


فالحل الوحيد ان ادور المحلي وامري لله



================


واحب اشكر كل من شارك في الموضوع وماقصرتو
902

هلا و غلا
انا كنت مركب سماعت الكينود بس ما في غير البايونير البيس ولا تاخد و لاتفكر في البيس تبع السوني سمعات السوني زين فيه الFOUR WAY او اقل خاصه التويتر والصندوق حاول انك تعالجه بالسيلكون بين الفتحات زين وخلي اسفل الصندوق قطعه من المعدن تكون خفيفه وعلى شكل السماعه و توضع بالاسفل لكي تعطك تردد الجهير و بقوه و ياريت تركب جنب الوفر بازوكا بايونير او الافضل و تكون معها مضخم وسط لانهم يعطون تردد مع الوفور شي خرافي
اتمنى اني ما طولت وادا تبي انا تحت امرك

==================
SLR

شكراً و جزاك الله خير

انا شفت الموقع وشفت مواقع كثيره لناس متخصصين صوتيات
ولكن اغلب الماركات الموجوده في الانترنت مو موجودة في الخليج

ولو طلبت من الخارج بيكلف كثير شحن وجمارك وووو......


فالحل الوحيد ان ادور المحلي وامري لله



================

الـJBL ماركته موجودة بالهبل عندنا في الامارات وفي كثير محلات متخصصة في هالمجال منها بايونير وكيننود والشركة المذكورة وسوني ..

اسأل عن محل اسمه SOUND ON AUTO في دبي وشوف العجب هناك...


تحياتي..

SLR

أنا باشارك في موضوعكم و أقول... أنا ماليه في المسجلات...لأنها مسألة احتياجات وذوق شخصيين "وجهة نظري"..... ولكن سأتكلم عن نظم سماعات ومضخمات....فقط...وأتكلم بإسم الموديل فقط وللتوسع في المواصفات عليك البحث في أي محرك بحث على النت....وللمعلومية أنا أتكلم من واقع القطع المتوفرة في الخليج....سأقسم الموضوع إلى حلقتين "1-كينوود 2-سوني" , كل حلقة أربعة أقسام "1-سيستم رايق وبسيط 2-سيستم متوسط 3-سيستم عالي القوة 4-سيستم Cooool لأصحاب الآذان الموسيقية.." ...

بسم الله أبدأ....

الحلقة الأولى.......كينوود KENWOOD

======================
*سيستم رايق و بسيط...
التركيب No Big Deal ....ممكن إنت تركبه بنفسك...

-سماعتين أمامية...
(حسب نوع السيارة...أنا أختار المدورة غالباً لضيق المساحة المخصصة للسماعات الأمامية..)
KFC-1687 "دائرية"
or
KFC-6905 "بيضوية بس لازملها قص وتوليف و ماتركب في أي سيارة"

-سماعتين خلفية...
KFC-6909 or KFC-7178
-مضخم رباعي القنوات...
KAC-649S

ترقية لهذا السيستم...

مجهار ترددات منخفضة مع مضخم مركب سلفا...
KSC-WA62RC
ترقية ممتازة لن تندم عليها...


======================
*سيستم متوسط القوة...
"التركيب عند أي شخص ذو خبرة جيدة "

-سماعتين أمامية...
KFC-1687 "دائرية"
or
KFC-6908 "بيضوية بس لازملها قص وتوليف و ماتركب في أي سيارة"

-سماعتين خلفية...
KFC-HQ698

-مجهار الترددات المنخفضة ...SubWoofer
KFC-WF253 "ركز على الموديل هذا تحديدا لأنه لا يحتاج صندوق"
أو
KFC-W2053 "إذا عندك صبر تفصل صندوق جيد"

-مضخم رباعي القنوات...
KAC-749S

-مضخم ثنائي القنوات "للمضخم"....
KAC-529S
شغله على نمط جسر وحيد...


======================
*سيستم عالي القوة...
"ملاحظة: لو ما ركبته عند واحد بروفيشينال....عليك العوض.."

-سماعتين أمامية
KFC-HQ167DB

-سماعتين خلفية...
KFC-HQ718

-مجهار الترددات المنخفضة ...SubWoofer
KFC-W1204DB

أو
عدد إثنين KFC-W1004DB

"لا تكون متخلـــ عفوا ....وتركبه بدون صندوق لأنك ستقتل أداءه بمعنى الكلمة"

-مضخم ثنائي القنوات...
KAC-529S "للسماعتين الأمامية"

-مضخم ثنائي القنوات...
KAC-629S "للسماعتين الخلفية"

-مضخم أحادي القنوات..."في حالة سب ووفر واحد"
KAC-719

-مضخم ثنائي القنوات..."في حالة تركيب عدد إثنين سب ووفر"
KAC-929

في هذا القسم جودة الأسلاك مسألة قاتلة...

لاحظ هذا السيستم سوبر قوي و مرتاح عالآخر "3 مضخمات" و لكنه سيسلخ جلدك عفوا جيبك..


======================
* السيستم الـ Cooooool و لأصحاب الأذان الموسيقية...
يعني مو مسألة قوة و بس....
"ملاحظة: لو ما ركبته عند واحد بروفيشينال....عليك العوض.."

-سماعتين أمامية + تويترات منفصلة...
KFC-PSR70P " نظام سماعات سوبر نقية الصوت بتويتر منفصل"

-سماعتين خلفية...
KFC-PSR901

-مجهار الترددات المنخفضة ...SubWoofer
KFC-W1004DB
"لازم صندوق سوبر ممتاز....الصناديق لحالها علم.....أترك هذه النقطة لمحترف التركيب... "

-مضخم رباعي القنوات...
KAC-849 "تستخدمه على نمط ثلاثي القنوات للسماعات الخلفية و السب ووفر"

-مضخم ثنائي القنوات....
KAC-529S "للسماعتين الأمامية"

- خيار آخر......
مضخم صوت خماسي القنوات...."غالي الثمن"
KAC-959

في هذا القسم جودة الأسلاك مسألة قاتلة...


===========================
ملاحظة عامة ....راعي مسألة جودة الأسلاك المستخدمة والتركيب لابد أن يكون متقنا.....ويا حبذا لو تستخدم عوازل ومخمدات صوت...


آمل أن يكون هذا الدليل نافعاً.....

و انتظروا حلقة السوني....


تحياتي للجميع.....

أسلم المايك للأعضاء إذا عندهم تساؤلات ....

IMPALA SS '96


يعطيك العافيه



وياليت حلقه عن البايونير;) ;)

أخي 902....

لا يغرك البايونيير ترا الكينوود يشقشقه طول بعرض....
أنا بصراحة من أعداء بايونيير....
وما أفهم في منتجاتهم ...لذلك لن أستطيع الإفتاء فيها....
وخل عنك اللي يقولو سوني مهي تمام....كلام وهجص فاضي...
سوني جيدة جدا جدا....
وكينوود ممتازه....

ما سمعت المثل القائل:
كينوود وبس... ولو القروش قليل شوي فسوني أبدا مو تخس....



تحياتي لك و للجميع...

السلام عليكم ورحمة الله وبركاته

طيب شباب
انا عندي امبليفاير ماركه blast امريكي 1200 واط 6 channel
ما حد عرف له في الوزنيه
ومعه ووفر 1000 واط وسماعات 300 كلها بايونير
كاتالوج الامبليفاير مش معي حد يعرف للامريكي والوزنيه
واذا ركبت العده مع مسجل بايونير mp3 الي سعره 1200ريال
مع اسلاك ممتازه كيف يطلع الصوت
وحد يعرف مكان البنانيين الي في الخبر
وسلامتكم واتمنا الموضوع ما يبرد بسرعه حتى نستفيد ونفيد

السلام عليكم ورحمة الله وبركاتة

كيف الحال شباب
انا انشاء الله ناوي اسوي صندوق عندك محل بايونير الي بالخبر شارع الملك خالد وناوي اعيد تسليك السيارة عندهم بس انا حاس ان اسعارهم غالية شوي

يعني الصندوق بيسوية لي ب400 ريال
والتسليك حق 2امبليفاير ب600 ريال

فما ادري هل سعرها معقوول والا ماتستاهل

والي بيسويها لي مهندس صوت محترف جداا (شايب لة 40 سنة في الشغلة ذي )
فأيش رايكم اتوكل على الله والا اكنسل الشغلة ؟؟
رأيكم يهمني ياشباب ارجو الافادة
وشكرا

!!!!!!

شباب وش السالفه كل واحد يفتي من عنده !!


عموما اللي يبي سيستم محترم اقدر اركب له واحد واجيب كل شيء له من امريكا ولكن الله يعينه على اسعار الشحن ولكن الشغل نظيف ومضمون انه يكون احسن من الموجود في السوق كله .

بس يحدد لي المبلغ الاقصى للدفع وانا اشوف اللي يمشي معى المبلغ .

هذا سيستمي :

http://www.sounddomain.com/id/ddesigns


تحياتي ...

السلام عليكم ورحمة الله وبركاته


اخي 902 انا شفت عند كذا واحد سماعات خاصه

تصدر صوت الطبله فقط لا غير تأتي بأحجام كبيره القطر فوق

الـ25سم

إسأل عنها