بسم الله الرحمن الرحيم
و عليكم السلام و رحمة الله و بركاته
معليش اختي magic-rose اسمحيلي في الكلام اللي راح اقولو
بس من جد زعلتيني :(
لا تخليني اغير رأيي في طالبات قسم الحاسب اللي كانوا و ما زالوا من
صفوة طالبات كلية العلوم
إنتِ كده بتعطي الناس فكرة مرة غلط عننا :eek:
cuase you are tring to cheat, aren't you
و بعدين ايش لزمة تعرفي الأسئلة أنا ما أتوقع أبداً إنك من النوع المهمل
و لاّ ما كان دخلتي هادا القسم من أساسو
و لاّ نسيتي النسبة المطلوبة.. و اختبار القبول للقسم .. و المعدل المطلوب في مواد الرياضيات و الانجليزي اللي كانت شرط للقبول في القسم
يعني مع كل الصعوبات اللي انتِ و غيرك من طالبات القسم اتجاوزتوها ممكن استنتج إنو قدراتك تأهلك إنك تذاكري عشان توصلي لهدفك
و الهدف مو تحصيل علامات و بس لأنها مجرد نتيجة للهدف الأساسي اللي هو تحصيل العلم بحد ذاتو
و لا ننسى كل واحد عندو هدف لازم يتعب عشان يوصل لهدفو
و بعدين مادام إنك وصلتي لهادي المواد CS462 & CS416 هادا بيدل على إنك طالبة على وشك التخرج
و طالبة وصلت للمستوى السابع في قسم الحاسب ما أظن انو تواجهها إي مشكلة في تفهم طبيعة المواد الخاصة بالقسم .. أظن هادي المشكلة كانت في الأترام الأولى للتخصص لمن كانت المواد جديدة و غريبة بالنسبة لنا...
و بعدين تعالي هنا (معليش اخدت راحتي) دكتور فتحي ممكن تفهمي معاه في المحاضرة و إذا انتي من النوع اللي يكتب كل اللي شرحوه الدكتور ما في أي داعي للخوف
و أسألة دكتور فتحي معقولة جداً و ما تخوف
و أما بالنسبة للدكتور عبد الحميد فأنا ما عندي خلفية عنو لأني ما درست 416 معاه
و مهما كان المنهج صعب ( رغم إنو كورس الشبكات مكلكع شوية) بس برضو ما في أي مبرر
for cheating
أهم شي الواحد يذاكر و يتعب و ربنا ما بيضيع تعب أحد
بس أبغ أسأل سؤال اتخيلي بكرة النهار صرتي مدرسة (مثلاً مثلاً) ايش حيكون موقفك من طالباتك اللي يحالوا يعملوا نفس الشي ... كيف ممكن تواجهيهم بغلطهم إذا إنتِ في يوم من الأيام كنتي بتعمليه
؟؟؟؟؟؟؟
.
.
يمكن تقولي .. و مين قلك ابغ اصير مدرسة
أقولك طيب يا سيتي سيبيكي من حكاية التدريس...
أفرضي جاتك الأسئلة و إنتِ ما ذاكرتي غيرها ... و في وقت الاختبار فوجئتي
أنو الأسئلة مختلفة 180 درجة ... لأي سبب من السباب
انو الدكتور كان مخطط لتغيير الأسئلة من البداية أو انو وصوله الخبر -خبر تسرب الأسئلة-
احم احم .... مني مثلاً
(شفتي الأذية) لأني إلى الآن عندي رقم مكتبه
المهم وقتها كيف راح تتصرفي
؟؟؟؟
.
.
.
عارفة إني طولت و أحتمال كبير إني خبصت في الكلام
بس بصراحة ما قدرت أسكت
و في النهاية و الأخير مصلحتك أهم شي سواء في الدنيا أو الآخرة
و ربنا يوفقك و يوفق كل طلاب المسلمين
و توصلي للي تتمنيه بمجهودك و تعبك.
و زي ما تعرفي عندنا مثل بيقول اللي ياكل على ضرسو ينفع نفسو
و أنا أقول اللي يذاكر بنفسو ينفع نفسو وكمان بلدو
و السلام عليكم و رحمة الله و بركاته.
و الزعل ممنوع
;)
عرض نسخة للطّباعة |
ارسل هذه الصفحة لصديق]
..... ورح ادعيلكم شكرا 
