الصراحة بعد ماشفت سيارة بورش كيان في التلفزيون وشفت تقرير واحد من الشباب عن فلوكسواجن طوارق تبادر في ذهني سؤال وجيه
انا اشوف ان السيارتين متعادلتين بس لو شفت السعر بتلقى ان البورش تبدا من 230000 الى300000 اما الطوارق من 120000 الى حوالي 200000
والبورش تاتي بمحرك 4.5 عادي والاخر تيربو
اما الطوارق تاتي بثلاث محركات من 6 و8و10 اسطوانات

اتوقع ان الطوارق بتخرب سوق البورش

ولا انتو ايش رايكم

انا رأيي من رأيك

بس الموضوع في وجهة نظري ، انو مجرد فرد عضلات من بورشة

وفي النهاية اعتبر الكاين سيارة فاشلة وقبيحة!! للأسف عليها شعار بورشة

السلام عليكم

Oettinger والله كلامك منطقي جدا

الكل يغار من نجاح الاكس 5

وقام ينزل سياره فورويل فخمه اس يو في

وتصلح لجميع الاستخدامات هالكلمة تحتها الف خط

انا اشوف مالها داعي بورش تنزل سياره للرمل والله اعلم منو بينزلها على الرمل الي قدام باب بيته


الرنج روفر يتربع على القمة وهو شهير منذ القدم

لكن مثل ماقلت تصميم منفوخ من الكريرا

والله شوف حتى الفلكسفاجن طوارق ماراح تمشي في اسواقنا

خذها قاعده سياره للرمل والبر ووجع الراس مافي مثل الكروزر والنيسان باترول

لاتنسى تصليح النيسان والتويوتا مايبيله تعقيد والقطع متوفره في كل بقعه في الخليج

لكن البورش لازم الوكالة والفلكس بعد يعني كل تصليح بمبلغ يزهق الروح



تحياتي

البورش راح يشترونها حق التباهي و بس. مع ان كلها مثل هيونداي سنتافيه. لكن الطوارق سيارة فخمة و بسعر مناسب. راح تنجح و بيشتريها الناس اللي تحب السيارات ذات امواصفات الكثيرة و السعر المناسب. بالعامية كييفة السيارات. اناانصحك يا زورو انك تزور الوكالة و تجربها و بتعرف ليش انا اقول انها بتنجح

زورو الإمارات
اشرايك إن في وكالـة الفولكسواغن في أبوظبي انحجزت 22 سيارة طوارق حسب آخل مرة دخلتها !! ;)

طبعا إذا اخذنا بالاعتبار أن السيارة للحين مانزلت يعتبر العدد كبير جدا !!

وأنا أشوف الصراحـة إن الحسنـة الوحيدة في اللاندكروز والنيسان باترول هو صف المقاعد الثالث ولاشيء اضافي :rolleyes:

شي ثاني هالسيارة جاية تنافس الـ x5 و ال ML و الرانج روفر ومالها أي دخل بمانفسـة اللاندكروزر والنيسان باترول كلن 4 له سوقـة وكل له فئته من الناس !!

انا جربت طوارق ودخلت مزاجي والكايين حبيتها قبل ما اشوفها :rolleyes:

الطوارق راح تنجح مثل ال X5 في نظري

انا الكاين لاع

انا اتوقع ان الطوارق ماينجح لسبب واحد لانه من شركة فلكسواجن انا ماقول ان شركة فلكسواجن فاشله لكن 90% من الناس اللي كلمتهم عن الطوارق قالوا بيني وبينك والله ما ادفع 170 الف على فلكسواجن

يمكن لو نزلت نفس السياره وعليها مثلا علامة اودي او لكزس او مرسدس او بي ام او غيرها من السيارات اللي لها سمعه كان اضمن لكم انها تمشي لكن المشكله نظرة الناس الى سمعة الشركة المصنعه وهذي مجرد توقعات والسياره الى الان مانزلت وانشالله تكون وجهة نظري خاطئه

للمعلوميه يا أخوان .. بورش و VW شركة واحده تقريباً .. لذلك البنية التحتيه وقاعدة الهيكل للسيارتين متشابه بدرجه كبيره ..

لكن الفرق بيكون واضح في البورش كايين انها أكثر رياضيه في القيادة من طوارق ..

فعلاً البورش كايين ثباته خيالي بالنسبة لسيارة SUV




تحياتي ،،

الكايين والطوارق ..

كل وحدة راح تخدم شريحة منفصلة عن الأخرى .


تحياتي لكم ,,
ماجد

لو نزلت و عليها علامه لكزس !!!!؟؟؟؟؟؟؟

ايش دعوه ؟؟ الحين برايك اللكزس احسن من الفولكس واجن !!!؟؟؟

شباب ياريت واحد يسوي لنا مقارنه بين الثنتين؟

ايش رايكم بين القولف GTi V5 و الـ GS300 ؟

ودي اعرف بس ليش العالم تعطي التويوتا اكثر من حقها (( سياره محترمه بس الناس معطينها اكثر من حقها )) !! !!! ؟؟؟؟؟

الطوارق اتوقع انها بتنتشر مثل الأكس فايف والكايين مثل المرسيدس !

وبس عندنا هنا الثنتين نفس الوكاله ،،،،،،،، فالله المعين

هلا اخوي سنوبي وش فيك عصبت علينا

لا انا قصدي انا الناس يهتمون بسمعة الشركه اكثر من المميزات يعني فلكسواجن من متى طلعت سياره فخمه قيمتها فوق الـ150 الف

انا اشوف ان الطوارق فيها مواصفات ماتلقاها ولا في اللكزس افخم نوع بس المعروف ان اسم فلكسواجن دايم يدل على سيارات صغيره عملية

لكن اسم لكزس او مرسدس او بي ام اول ماتسمعه راح تعرف ان السياره فخمه وعشان كذا كثير من الناس يقولك ماادفع 170 الف على فلكسواجن وهذيس النقطه اللي حبيت اوضحها

وانا اليوم رحت الوكاله وشفت الطوارق على الطبيعه بصراحه السياره روعه وسعر الستاندرد 130 الف وسعر الفل ابشين بشاشه ونافيجيشن 170 الف وهذي الاسعار قبل التخفيض واذا نويت تشري راح يخفضون السعر واول دفعه راح تنزل في شهر 8 يعني بعد 4 شهور والحجز مفتوح (هذا الكلام في وكالة جده)

مشكورين على التفاعل
واعتقد ننتظر وكل شئ حيبان

وانا بعد ودي اعرف

طوراق شكلها فيها مميزات وايد حلوه ومواصفات مميزه.....
والكاين ....شفتها مرتين على الطبيعه ..واحد انجليزي يسوقها..شكلها راقي بس مب وايد جذاب...

غاليـة : ذوقج من ذوقي


mill_955

شرايك إن الفولكسواغن باسات 8 سلندر سعره 150 ألف ??
وشرايك إن الفولكسواغن فايتون سعره 400 ألف ??

ما ننسى طبعا إن فولكسواغن تملك بنتلي و أودي ولمبرجيني وغيرهم

و في الإمارات الفولكسواغن له هيبـة أكثر من كل السيارات اليابانيـة وغيره ، يمكن لأن الكثير من مقتني الشركة في الدولـة من البنات (طبعا لأنهم يهتمون بالذوق والجودة مب بالماركـة ) ..

شوف الشباب مثلا تقوله كرولا يقولك تكسي تقوله سني يقولك تعليم تقوله جولف يقولك شبابي