|
|
عضو نشيط
|
|
المشاركات: 110
|
#1
|
هذا ما يحدث عندما تحب وحدة ما تدري مين هي!!!!...
مدخل :-
يايمه ماريد انا الحضران اهل البلد والبساتين
أريد أروح مع البدوان اهل الغنم والبــعــارين
يايمه ياليت لي جنـحان ## واطير وأوقع على الزين
<------ مره ثانيه ريح ضميره ولا تراه لاهوب مدخل ولا بطيخ
==============================
يوم الاربعاء في الصباح استيقظ الشاب الشيفه (مبارك) من نومه وركب موتره وتوجه الى مدرسة (عطونا قطتكم)
سئل واحد من المدرسين وقال بالله وين ألقى الاستاذ خالد ؟؟
قال تلقاه في في فصل خامس ب
ويتوجه للفصل ويلقى الاستاذ خالد قاعد يهك على المبزرة ويحكي لهم كيف يوم كان في رابعه يحلب البعير (الا البعير ينحلب يالربع؟ )
قطع الشرح وسلم على ولد عمه خالد قائلا يالله لازم تستاذن من المدير لان عندنا شغل ولا انت نسيت ان اليوم زواج اخوي ؟
قال خالد ابروح للمدير أكلمه بس خلك مع الطلاب الين أجي
وبينما خالد طالع قال للطلاب يالله ياشطار هذا الاستاذ مبارك بيقعد معكم الين أجي وخولكم عاقلين ,,,,,وطلع
طبعا مبارك خق مع نفسه وصدق انه أستاذ وجلس يتبسم للطلاب ببلاهه
لفت نظر مبارك وهو يتجول في الفصل شكل أحد الطلاب , كان طالب أحمر مرنقط بأصفر ودبا ويتنسم مع خرم صغير بوجهه يقاله خشم
قام مبارك سئله وش اسمك ياشاطر ؟؟
رد عليه الطالب ببراءه اسمي ربيع فتح الله كوستونائي بخارست
وأول ماسمع مبارك الاسم قعد يصيح بهستريه ويشيل الورع بالسما ويرجد به بالارض وهاتك ياتبقيس وهو يقول يلعن ابوكم ياطروش مادمر البلد وسرقها الا أنتو <<< نسيت اقول لكم مبارك عاطل عن العمل
وفجأه انتبه انه ((أستاذ)) وصلح غلطته وقعد يترضى الطرش ألين هدا شوي من البكاء
ومحاولة من مبارك لتلطيف الاجواء قال يالله ياشطار من عنده مشاركة
رفع واحد من الدوافير يده وقال انا ياستاذ عندي مشاركه اسمها ((هل تعلم)) << ياقدمك
وبدا الطالب يستطرد :- هل تعلم ان النمله اذا دخلت في أذن الفيل يموت ؟؟
====================================
بعد خمس دقائق
خالد جاي من الادارة وتو داخل الفصل يبي يبشر مبارك ان المدير سمح له يطلع
لقا مبارك ماسك الورع ويحاول يدخل في أذنه شي والولد يبكي ومبارك يصيح بهستيريه ويقول ابشوف يانصاب اذا دخلت في أذنك نمله بتموت ؟؟ <<<
ويفك بينهم خالد وقعد يأنب مبارك على فعلته الشنيعه الين انصلح الحال وطلعوا من المدرسة وكل واحد نفسه في راس خشمه
توجهوا لمنزل مبارك وهاتك ياشغل تركيب عقود وجب اغراض وتعاقد مع طقاقات رفيعات المستوى
==================================
العـــــــرس
في الليل كان الجو لجج ورجج في بيت مبارك والكل مشغول مع الزواج
دخل مبااااارك للمطبخ من الباب الخلفي يبي يجيب قهوة للضيوف وأول مافتح البااااب .........................
7
7
7
7
7
كان المطبخ فاضي مافيه أحد الا من وحده شافها مبارك وأحس ببرودة تغزو جسمه يوم شاف حسنها
كانت البنت لابسه أحمر X في أحمر وشعرها لأسفل ظهرها<------ ياشيخ اروح جمرة في راس معسل
لم يرى مبارك بنت في حسنها وجمالها (لانه ماعمره شاف بنات اصلا )
وقف مبارك مثل الصنم لايتحرك وصمت مطبق والبنت تشرب موية من (الترمس )
كان مبارك واقف يدقق في كل شي في جسم البنت والبنت ماشافته
لم يقطع هذا السكون المطبق الا صوت سعبولة مبارك الكبيرة وهي تهبد على سيراميك المطبخ فألتفتت البنت لترى ماهذا الصوت المدوي (اما عاد مدوي ) فرأت مبارك يحاول ان يلحق بسعبولته الثانيه قبل ان تسقط فما كان منها الا شردت وتسبقها ابتسامه ساحره
لم يتمالك مبارك نفسه وهو يشوفها تهرب من بين يديه فما كان منه الا ان قال لالا تعالي الله يلعن والديتس <--- انا أمك اذا جات
بدأ مبارك يصيح بهستيريه ( اللي بالي بالكم ) ألى ان دخلت امه للمطبخ وشافته
قال بعفويه يمه منهي اللي لابسه أحمر قبل شوي ؟؟
قالت والله ياوليدي كلهن لابسين أحمر وبعدين ترا الشوف على قدي يالله حسن خاتمه , ألا تعال وش موقفك هنا ياسربوت << بدري
بدأت الدنيا تدور بمبارك فخرج بدون حتى ان يرد على أمه ويضرب اخماس في أسباع منهي هذي ؟؟ وماابتسمت الا هي حبتني اكيد << تراهم هالايام يتبسمون لآي واحد
قعد يفكر في الحل وشلون اطلع اسمها
مالقى حل الا أخوه الصغير (ناصر) يدرس أولى متوسط في وجهه شرطة سكين وزحفيشن ولسانه يلوط وجهه
ناداه على عجل وقال شف يانويصر تبي 100 ريال؟؟
قال نويصر وهو يمش خشمه أيه ابي بس أدفع أول قبل توصيني موب زي كل مرة
قال خذ خمسين والى منك شفت اسم البنت عطيتك مثلها مرتين
قال نويصر وش البنت ؟؟
رد عليه هذي وحده لابسه أحمر في أحمر وحاطه حومره (وفي رواية روج ) عنابي وفي خدها حبة خال
قام ناصر يسعبل من الوصف وقال هواااااااا يارجلي طيب بق لي شوي
وبعد ماأخذ ناصر رفسة على زمارة رئبته دخل بين حشود النساء في باحة (الطايف ) الحوش وهو يحمل احلام وامال اخيه مبارك لقد كان في نظر اخيه مبارك المنقذ من محنته <--- عساها ماتبطي بس ذا المحنه
كان ناصر مثل طراد الكنود يهزهز مع الهوا ويتشوف وفعلا لقاااااها لقاااااااااها وتمتم قائلا من زمان وانا ادورك ياسلقه
كانت البنيه لابسه كحلي X كحلي <--- اثر ابو الشباب صاير له نفس الموقف
وبعد صد ورد معها ودحلسه وقردنه وافقت المسيكينه واستطاع ان يستدرجها في ملحق البيت الخالي , الله العالم وش صار هناك بس الولد طلع مبسوط وهو يقول هزمتك رغم اني مالعّبت رونالدو <<< لاحد يقول اني ماأنجريت
رجع ناصر لحشود النساء باحثا عن بغية أخيه مبارك وعندما لم يحصل على مواصفات البنت رجع لمبارك يجر أذيال الخيبه
اصيب مبارك بأنهيار عصبي وقال تدري يانويصر انا كذبت عليك في الوصف ترا البنت مافيها حبة خال <--- اجل تضحك على عمرك ؟
رد نويصر ياخي قلي من الصبح انا لقيت وحده بس مافيها حبة خال <--- والثاني يسمع بالدقه المتناهيه في العمل
هذي بنت الشيخ صالح ماتعرفها يادلخ ؟؟
رد مبارك :- اماااااااا عاد متى امداها تبلغ موضي ؟ (اقول يالربع فيه سؤال يقرقع بقلبي وهو ليش البنت مايجي عمرها 12 الا وهي تقول بقرة حلوب ؟ )
قال نويصر لالا انت قصدك منيرة اللي توها لكن موضي تنيدتك (يعني مولوده معك في نفس الاسبوع)
صاح مباارك ياااااااهوا اروووووووووح انا بكيني أحمر (لاتلومونه تراه شاف شي أكبر من طموحه )
مسح ناصر سعبولته وهو يقول اقول هات المية وفكني من دندرتك وماأمداه يكمل الا وهاك الكف منطلق (طرررررررررررررررررررربخخ) من مبارك اللي قال وراك تأخرتا علي ؟؟.... بزعمه يصرف موضوع الدراهم
====================================
اليوم الثاني بالظهر
مبارك قاعد بالصالة وغاز اصبعه بخشمه (( يصيد عصافير )) ولم يقطع حبل عصفوره قصدي حبل أفكاره الا دخول امه عليه
قام استوى بجلسته وقال يايمه مبروك زواج اخوي وعقبالي <--- يسمع بالمقدمات
قالت ايه ياوليدي الله يوفقكم انشالله
قال يايمه انا ابيتس تخطبين لي الحين الين اكون نفسي وعقبها أتزوج (تكون نفسك ليه ياشلبي )
قالت والله هذا أبرك يوم يامبيريك وترا العروس جاهزة
رد عليها قال لالا يايمه انا ابيتس تخطبين لي موضي بنت الشيخ صالح
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
يامال الصلاح ياولدي انت ناسي ان موضي اختك من الرضاع ؟؟
7
7
7
7
7
7
7
7
7
7
7
وفي خلفية المشهد كان هناك ضحكه شيطانيه من طفل صغير في جبهته صعرورة وفي خدة شرطة سكين وهو يقول :- انت ناسي ياحوبي انهم من أول فاتحينها برادات سبيل
|
|
30-09-2002 , 09:34 AM
|
الرد مع إقتباس
|
عرض نسخة للطّباعة |
ارسل هذه الصفحة لصديق]
