السلام عليكم ورحمة الله وبركاته ...
أعود لكم بعد غيابي بموضوع أحضره من فترة .. وأخيرا كملته بعدما بدأت الدراسة .. وبديت اعيش في عالم لوحدي بعيدا عن المدرسين والدكاترة والطلبة
هذي قصة صارت لي حقيقة ... وانا جالس عند الحلاق بديت أألف .. وطلع لي اللي بتقرونه الحين ...
دلني صاحبي على حلاق
يقول احسن من فادي ومشتاق
قال لي اصله من الفلبين
وشوف حلاقته يخزي العين
دخلت المحل ولقيت الفلبيني
قال لي كموستكا<-- الظاهر يرحب فيني:rolleyes:
وقام بسرعه وجهز الكرسي
قال لي تشرب شاي ولا بيبسي ؟!
شكيت هذا حلاق ولا مطعم صيني
شكله كان طباخ وجاي يتعلم فيني :rolleyes:
من مسكة الموس غسلت يدي :eek:
ماسكه بالمقلوب وما يدري وش يبدي!
والله انك غشيم يابو فلب :rolleyes:
ما تعرف اللحية من الشنب !
لو تشوفه وهو يضبط السكسوكة
تقول حشا هذا يطبخ شكشوكة !
وقعد يسولف مع صاحبه
وطالع فيه ورفع حاجبه !
الظاهر صار بينهم سوء تفاهم
عصب وصار وجهه زي الطماطم ! :rolleyes:
قام يصارخ ويسب ويلعن !
يا ساتر اشفيه شكله انجن ! :rolleyes:
خفت يمسك الموس ويذبحني ! :eek:
لكن عدت على خير وبس جرحني ! :(
خاف وارتبك وتندم
وتغير وجهه لما شاف الدم
وقام يعاملني برقة وحنيـّة !!
لولا شكله كان قلت هذا بنيـّة !!
إلين خلص حلاقة وما بغى يخلص ! :rolleyes:
كنت باقوم لكن ما خلاني املص ! :rolleyes:
قام ملا وجهي بودرة وانا خايف..
يحط بعدها مكياج وأحمر شفايف !! :rolleyes:
وحط على وجهي أنواع الكريمات !!
تشوفني تقول هذا من المذيعات !! :rolleyes:
وصرت ادمع وعيوني مغمضة !
لأنه سوى لها بالعطر مضمضة !!!
وبعدين سوى لي مساج ..
هدى أعصابي وتعدل المزاج
ورجعت حالتي حالة ومنتف !!
الحلاقة غلط والجيب تنظـّف !! :rolleyes:
قلت لصاحبي : هذا حق الصحبة ؟!
قال لا مو هذا ! تراه اللي بجنبه ! :rolleyes:
اتمنى من الجميع ألا يبخلون علي بآرائكم ... لأنها أول تجربه لي من هذا النوع ....
وان شا الله تكون نالت شي من إعجابكم <---- واثق
واشوفكم على خيـــر ..
عرض نسخة للطّباعة |
ارسل هذه الصفحة لصديق]
