السلام عليكم ...

اول شي بقول الف مبروووووووووووك على فوز الزعيم اليوم على الفريق الكوري

وصحيح انهم لعبو بأعصابنا ... بس الحمد لله حسين العلي مسح كل الاخطاء والفرص اللي ضيعها ... بالهدف الذهبي اللي سجلة

بس في حركة صارت عند تسليم الجوائز ... واكيد الاخوان المتعصبين هنا ما انتبهولها

وهي حرمان اللاعب النيجيري كوني من تسلم ميداليته

والحركة هذي يشكرون عليها الاخوان في قطر ... وردو لسامي شوي من كرامته اللي مسحوها المتعصبين

واتمنى من اي واحد يقرأ هذا الموضوع .. انه ما يتوقع اني قاعد ادافع عن سامي .. انا للمرة المليون اقول بانه سامي مخطئ .. بس لازم ما ننسى اللاعب الثاني

وللاسف الاعضاء الكرام هنا ... كان باقيلهم شوي ويمدحون اللاعب النيجيري على اخلاقة العالية ... وحطو الغلط كلة على سامي ... ونسو الثور هذا

وبعدين خطا او اثنين او ثلاثة من لاعب خلوق زي سامي .. ما تخلينا نتهمه بالطريقة هذي ... لانه اي لاعب ممكن يفقد اعصابه

ولا تنسون حركة الكابتن ماجد عبدالله لما ضرب اللاعب الاماراتي ... في تصفيات كاس العالم 90 وماجد اخذ كرت احمر عشان الحركة هذي ... و جميع اللاعبين اكدو ان المدافع الاماراتي كان يسب ماجد ويسويله حركات من ورا الحكم .. وطبعا ماجد فقد اعصابة

وكمان في موقف ثاني لافضل لاعب بتاريخ السعودية ... لما كان يلعب ضد الاهلي ... ووصلت المباراة لركلات الترجيح وسدد ماجد الركلة الاخيرة وضيعها وبعدين راح للحكم ( وتفّل ) علية ... واظن انه كان عام 91 او 92 بالميلادي

هذي مواقف خاطئة للاعب ... الجميع يشهد انه كبير بلعبة واخلاقة

وانا الشي الوحيد اللي كنت اتمناه من المتعصبين السعوديين واللي ينتظرون اي فرصة عشان يهجمون على سامي ... انهم يتكلمون على اللاعب كوني ... ويذكرون على الاقل الاخطاء اللي سواها بحق سامي

وللاسف الاخوان في قطر انصفو سامي ... وحرمو اللاعب من ميداليته ... والوطنيين هنا قاعدين يمدحون ويشيدون بأخلاقة العالية :rolleyes: :rolleyes:

صورة مع التحية لكل الوطنيين الغيورين على لاعبي وطنهم ... واللي يشجعون اللون الاخضر قبل الازرق والاصفر وحتى البرتقالي

لك مني كل التأييد لما كتبت يا ايطالي بالفعل لقد انصف اهل الحكمة والرأي من القطريين سامي الجابر ولا نعني بهم بالطبع اصحاب الاقلام الهوجاء التي غالبا ما تكون بضاعتهم على مثل هذا التهجم على النجوم وانا هنا انقل من جريدة الراية القطرية كلام الشيخ تميم بن حمد آل ثاني الذي يدل على ان الكبير لايقول الا كلام كبير : وحول ما بدر من اللاعب سامي الجابر كابتن الهلال والألفاظ التي تلفظ بها قال سعادة الشيخ تميم: الجابر لاعب كبير وله سمعته وأنا احترمه كقائد للمنتخب السعودي والهلال. وقد يكون أخطأ في حديثه ولكن كما ذكرت ان كل انسان معرض للخطأ والجابر اعتذر وتم قبول اعتذاره.

وشكرا لك يا إيطالي :p

THANK YOU

ITALY


AND


RIVALDO

الاخ العزيز ايطالي الغالي

لي ثلاث اسئلة ان لم تزيد0

اولا: مادخل الانصاف في عدم تسلم توني المداليه كما تزعم فتوني اخطا في حق نفسه وقد يكون الاخوان القطريون عاقبوه على فعلته التي ريتها انت كماغيرك في احد مواضيع الشباب هنا0
وليس لانه اثار اخلاق سامي العاليه0

ثانيا: اذا سمحنا للاعب ان يخطي بحركه او حركتين او ثلاث فلماذا نعاقب ياعزيزي ولى سامي عشرات الاخطا0

ثالثا: وهم الاهم مادخل ماجد في قضيت سامي هناك فرق بينهما وهي ان ماجد لم يحصل على كرت احمر سوى تلك اكرت الظلم وان ماجد ضرب ولم يتلفظ وهناك فرق بينهما ولو حاسبنا سامي على ضربه لكان الان في حواري الرياض0 لانه لابد مع كل كره ان ضرب0

رابعا:قلت((وكمان في موقف ثاني لافضل لاعب بتاريخ السعودية ... لما كان يلعب ضد الاهلي ... ووصلت المباراة ))
بودي ان اعرف هذا الاعب؟

فلو كان المقصود ماجد فانت تكلمت عنه وانا اتحدى الجميع ولو فعل ذلك لريت الهلاليين انفسهم حتى هذه الحظه يتكلمون فيها وان لم اتوقعها ابدا اذا كان ماجد المقصود0
الاخوان القطرين لم يقولوا الا الحق0
ولم يحرموا توني لاجل سواد عيون سامي ياعزيزي0
وهل رايت قناة قطر بعد المباراة الاولى لكي تعرف ماذا قال القطريون عن سامي0


اخير مبروك البطوله للهلال بعد ضياع المستوى المعروف مع ارثر ولو كان موجودا امس لنتهت باكثر من هدفين للهلال0



شكرا للجميع في سوالف الجميع0

اخوي ريفالدو ... الف شكر على الرد

وزي ما قلت ... حنا نتكلم على المسؤلين مو اصحاب الاقلام مدفوعة الثمن ;) ;)

____________

هلا بأخوي فهد ... ونورت الموضوع

___________

مرحبتين اخوي منصور ... وانا برد على كل نقاطك

* اول نقطة ... ( مادخل الانصاف في عدم تسلم توني المداليه )

القطريين .. وطبعا انا اقصد المسؤولين ... ما مسكو سامي ومسحو فية الارض زي ما سويتو انتم .. لا

وصحيح انهم انتقدو وقدمو احتجاج للاتحاد الاسيوي ... وهذا من حقهم ... لانه سامي غلط في حقهم وكان لازم ياخذ جزائه

بس بالاخير .. وضحو لكل الناس انه لاعبهم كوني .. لا يستحق ان يكون لاعب كرة ... وحرموة من ميداليته ... واكدو انه لقب حيوان قليل علية

وهذي هي النقطة اللي كان ودي انكم تعترفون فيها ... انه سامي ما سوا اللي سواه من راسة ... او زي ما قلتم انه كان متنرفز عشان عبيد متألق مع المنتخب وهذا الشي هو اللي خلاه يسوي اللي سواه ... صحيح انه غلط ... بس في لاعب ثاني يستحق الانتقادات اللي اطلقتوها على سامي

* النقطة الثانية ... صراحة ما فهمت وش تقول .. ويا ليت تعيدلي السؤال بطريقة اوضح شوي

* النقطة الثالثه ... اذا كنت تعتقد ان الضرب احسن من الكلام ... فأنت انسان تبي تطلّع سامي غلطان بأي طريقة

وانا اظن ان الضرب و الكلام كلهم نفس الشي ... وكلهم نستخدمهم لما نفقد اعصابنا ... وهذا اللي صار مع ماجد وسامي

النقطة الرابعة ... اللي مقصود هو ماجد ... وما اظن انه في لاعب يستحق اللقب هذا غيرة ... ولاّ انت لك رأي ثاني ;) ;)

وعلى فكرة انا اول ما عرفت الكورة كنت مجنووون ماجد .. واتذكر هذي المباراة زين ... واكيد انه كل النقااد .. هلاليين كانو ولا نصراوييين

انتقدو ماجد على الحركة هذي ... بس لازم نعرف انه في لحظات لما يكون الاعب تحت ضغط .. ويفقد اعصابة يصير واحد ثاني

وبالاخير بقولك .. انه من حق القطرين انهم ينتقدون سامي .. لانه غلطته كانت كبيييرة بحقهم .. بس بالاخير عاقبو اللاعبين مو بس سامي

ولـــــــك تحياتي اخوي الكريم ,,,

أخي ايطالي ..

الصحافه السعودية والعقول التي تديرها .. !!!! تريد أن تستأصل من جذورها ..

ولكن !!!! لا حياة ...............................

كلامك سليم اختي الرواية

وتحياتي لكي ,,

كلامك كله عسل
السعوديين حاربو سامي أكثر من القطريين مع انه المفروض يكون العكس بعدين سامي أخطئ لكن كلنا نخطئ ومن منا لا يخطئ؟؟

كلامك عسل والله عسل وأتمنى من اللي انتقدوا سامي يقفلوا الموضوع لأن هم زودوها حبتين وشكرا للجميع.........

اخوي زيزو .. كلامك صحيح .. وكلنا نخطئ .. بس مين اللي يفهم :rolleyes: :rolleyes:

اخوي عاشق .. مشكور على الرد يا غالي