LH
مشكور ياخوي بس انا متعجب كيف المكينة ب 35000 اصلا السيارة سعرها جديدة 70000 ريال ...
الشي الثاني هذي السيارة حساسة يعني لو تروح لكهربائي يصلح لمبة ولعب بالكهرب اعتبر موضوعها انتهى عندي مثلا يوم المروحة خربانة كانت السيارة اذا وقفتها وبعد 5 دقايق جيت اشغلها ماتشتغل تقول ان السيارة خربانه ولاكن بعد ماتبرد تشتغل ولا كانه شي حصل الشي الثاني سيارتي موديل 1994 وماشية حدود 200 الف و السفريات ماتنقطع خصوصا الى الجنوب وانت عارف الجنوب طلعاته ونزلاته ومافيه الا محط ومافيه سيارة الا وتحديناها على الخط اعطيك وحدة.
مرة كنت رايح من الباحة الى النماص اعلى منطقة في جبال السروات وكنت ماشي مسرع شوي تعديت راعي كرسيدا اكس ال وجيت باتعدا راعي جمس 91 المهم احس راعي الجمس كل ماجيت اقرب علشان اتجاوز هو يدعس المهم طفشت منه وراعي الكرسيدا وراي قريب مني المهم انا اعطيت الانتربيد دعسه ميب صاحية واطلع على راعي الجمس وهو داعس صوت مكينته فقع اذانينا المهم تعديته وراعي الكرسيدا باقي وراه بعد ما ابتعدنا عنه بمسافه طبعا كنت مسرع تخيل اني اشوف الخط كاني سواق سيارة رالي ظلام والخط متعرج ومشترك وطلعات ونزلات . بعد ماهديت الا راعي الجمس ورررررررر من جنبي و بعده راعي الكرسيدا والله وتشوفهم في الجبال كانهم في سباق عالمي والله نسينا الموضوع ولما دخلنا مدينة النماص طبعا فرحانين انتهت السفرية كنت ماشي حدود 60 وعلى اقل من مهلي ومشغل النور وكبوس الضباب يعني شكل السيارة ماعليه كلام الا الاقي سيارتين واقفه وفيه ناس متجمعين المهم وانا جاي كلهم يطالعون فيني طبعا مافهمت ولما دققت في السيارتين لقيته راعي الجمس فاتح كبوته والدخان طالع منه وراعي الكرسيدا طلع معاهم ووقف بعد الجمس .
وانفجر ت ضحك انا والعايلة معاي
وازيدك من الشعر بيت الانتربيد حقتي محركها 3.3 لتر 6 سلندر 161 حصان ومن صفر الى 100 في 10.3 يعني مو 1996 و 214 حصان ..
وبالنسبه للتخبيط كل السيارات تخبط اذا نقصت الموية او الزيت والله لو تكون لكزس .
وولد عمك ذا قله خل السيارات ذي لأهلها وخذلك كرسيدا اصرف ماتحتاج صيانة ولا وجع راس .
ارجوا انك ماتزعل يا LH بس هذا الي حاصل ولو تسئل الوكاله تقول وش احسن سيارة من ناحية الخرابات بيدلوك .
والله على مااقول شهيد .
عرض نسخة للطّباعة |
ارسل هذه الصفحة لصديق]
.