السلام عليكم ورحمة الله وبركاته..

اليوم.. ندخل لمفاجئات الصيف.. ونقول لكم شو صار معانا في مدينة مدهش عند زيارتها.. ولأول مرة في حياتنا..

طبعا الشخصيات.. أنا ونملة ووحده من الأهل.. ممممممم يلا نسميها سويرة.. (عشان سويرة الطقاقة ما تزعل..)..

في هاليوم الجميل.. والشمس ساطعة.. والقمر يتلألأ في وسط النجوم الشاحبه.. هههههههع...

سرنا أنا ونملة وسويرة إلى مدينة مدهش..

توضيح للي ما يعرفون مدينة مدهش.. باختصار:
مدينة ترفيهية.. يوجد بها العديد من الأشياء المفيدة والمسلية لنفس الوقت وتقدم فيها العروض.. وهي خاصة في الأطفال..

ومثل ما قريتوا في التوضيح.. للأطفاااااااااال.. يعني كل واحد يشيل عياله ويوديهم هناك.. وإن شاء الله بيستانسون..

المهم.. دخلنا.. من الباب طبعا.. ونملة وسويرة تضاربوا منو فيهم بيدفع (تذكرة الدخول بـ 10 للكبار وبـ 5 للصغار).. وطبعا أنا بعيد عن الموضوع.. ههههههههع..

دخلنا.. وشفنا المكان.. حلو.. جميل.. ظريف.. لطيف..

لمحت من بعيد أيس كريم باسكن روبنز..

نملة، سويرة، يلالالالالالالالالالا هجوووووووووووم على باكسن على طول..

وطبعا ما يقدرون يردوني.. ههههههع.. (غصبا عنهم.. ككككككخخخ;))

وصلنا عند باسكن.. والحين نتناقش كل واحد شو تختار.. مممممممممممم الحين أنا محتارة شو آخذ.. قلت باتصل حق ربيعتي أسألها.. اتصلت.. الو يا فلانة انت تاكلين أي نوع.. وكيف شكله.. انزين شي نوعين من القهوة.. اوه.. انزين خلالالالالالالاص.. باي.. طوط طوط طوط..

خلاص.. يلا قومي يا سنفور واختاري كرتين.. وحده قهوة والثانية مال العسل.. (لأني ما كنت متغدية.. قلت بتغدى ايس كريم).. ونملة من شافتني.. يلا.. على طول.. تقلييييييييد.. وسويرة اختارت شي ثاني.. جوكلت..

خذناه.. وكل وحده مستانسه وتاكل.. ونملة توها بتاكل.. مر ياهل (بزر) صغير صوبها.. وهو يطالع الايس كريم.. لالا لا تخافون ما عطته.. اصبروا علي بقول لكم.. شفيكم..

نرد لموضوعنا.. مر الياهل صوبها وهو يشوف الايس كريم.. وكان يركض بسررررررررعه.. جان يطيح الايس كريم على الأرض.. وتموت نملة من القهر.. وشوي بتضرب الياهل بنظراتها.. (كان لابس أخضر.. لا يكون يقرب لأحد منكم.. كككككككخخخخخخ;))..

خلاص.. ضاع الأمل انها تشيله.. لأنه طاح على ويهه.. والمشكلة انها ما شالته وفرته في الزبالة.. لا خلته مكانه.. (من الوصاخة الزايدة هالأيام..:(:()..

سويرة رأفت بحال نملة وخلتها تاكل وياها.. وأنا ما تنازل.. لو تبا خله تسير تشتري.. المهم..

مشينا شوي.. ودخلنا ملاهي مدهش.. بعد ما مرينا بالمكان كله.. وين التلوين والعرض والانترنت.. دخلنا الملاهي..

وشفنا الألعاب شوي.. وخذنا لنا لفه على المكان.. منها نشوف الناس.. وناكل الأيس كريم.. اللي ما يخلص..

ردينا وطلعنا من الملاهي.. ووصلنا صوب عربة الحلاوة.. هاي اللي تحصلونها في كل مكان.. وفي المراكز..

وقفنا.. سويرة إلا تاخذ حلاوة.. ما خلت شي إلا وحطته واحنا ما نقول بس.. لا نزيد.. كككككككخخخخخخخخخ..

واحنا ناخذ.. كان ولد صغير صوبنا..
نملة.. مو هذا شكله ولد فلانه.. قالت صح..

نملة وين تخلي حد في حاله.. سألته.. ها شحالك أحمد.. وينها أمك.. البنت اللي وياه ردت.. أمه مسافرة استراليا.. انزين.. وانتو يايين ويا منو.. قالت ويا أمي (فلانة بنت فلانة الفلاني) هههههههههههه قالت اسم امها الكامل.. واحنا نضحك.. (حتى البنت ما سلمت من شرنا :(:()..

خذنا الحلاوة وردينا سرنا الملاهي.. لكن هالمره مب بس للتفرج.. لا.. للعب.. هههههههههههههههههههههههه.. يا لهوي.. حننفضح النهارده..

سويرة خذت التوكنز.. وسرنا صوب الألعاب.. ندور شي نلعبه.. لعبنا كم لعبه وحصلنا تكتس واااااااااااايد..

وأخيرا.. وصلنا للسيارات.. اصطفينا صوب بعض.. وكلنا.. (أونه.. كل وحده بعباتها.. ونلعب سيارات :(:( قوة ويه)..

واحنا نلعب.. هـ ن د ي و مرته.. كانو واقفين ورانا.. (لأني طول الوقت واحنا نلعب أصد أطالع.. ماشي تجمع.. على هالفضيحة)
لا والمشكلة انهم واقفين ورا نملة.. مأذينها أذية.. بس يقولون لها Right Left.. بس على هالكلمتين.. يا ربي عليهم :(

خلصنا.. وأأأأأأأأأخر شي.. جمعنا التكتس ووديناهم عشان نختار هدية بعددهم.. اخترنا 3 سلاحف صغار.. هههههههههههههههع.. ما شي غيرهم حلو..

طلعنا من الملاهي.. وسولفنا.. عن المدرسة وأيامها.. الحلوة والمرة.. اوووووووووووووبس.. آسفة تحول الموضوع..

كح كح.. (صحة)

ووصلنا صوب اللي يبيع كتب.. نملة وقفت تشوف.. وآخر شي خذت كتاب لا تحزن لصديقتها.. وسويرة اشترت هدية لصديقتها.. وأنا كنت ضايعة في الطوشة.. كككككككككككخخخخخخخخخخخ

اووووووووووووووووه صح.. واحنا هناك شفنا وحده من ربعنا اللي تعرفنا عليهم من النت.. وسلمنا عليها.. ويسلنا وياها..

والمشكلة.. تٍسألنا.. انتو يايين ويا اليهال (البزارين-عاجبتني) قلنا لها لا.. بس احنا.. كككككككككككخخخخخخخخخ.. وحتى سويرة ما يابت أخوها الصغير وخلته في البيت.. هههههههه.. انصدمت.. وشكت انه احنا مب طبيعيين..

واحنا يالسين.. سكروا الليتات.. يعني.. يا ناس.. افهموا.. واستحوا شوي.. احنا بنسكر.. قوموا ومن غير مطرود..

عاد احنا لا.. هو دخول الحمام زي خروجه.. هههههههههههههه.. يلسنا ويسلنا.. لين آخر قطرة ماي نزلت في دبي.. (وين وصلت؟:()

وطلعنا.. ويا دار ما دخلك شر..

وهذا هو مجمل قصة اليوم.. وتوتة توتة.. وينك يا فروالة ;)

أدري إني طولت.. أكيد سامحتوني.. ككككككككخخخخخخخخخخخ

تحياتي للجميع..

**شكرا خلود**

???
LOPEZ

يعني ليش ما تقولين كل اللي صار وبالتفصيل!!

يوم طاح عني الآيسكريم... بدون ما اقصد صارخت على الولد بصوت عالي قلت له اسكرييييييييمييييييييي ابااااااااااااه :(:( طالعني وهو خايف ومشى عني :( وعقب انقهرت قلت لهم ما بشتري غيره والله قهر :(

وعند نقطة دفع التذاكر عن الباب انا وسويرة كنا نتناقش على دفع البيزات مب انتي البخيلة ككككككككخخخخخخخ

مينونة

تحياتي نمولة

ههههههههههههههههههههههههههههه

كخخخخخخخخخخخخخخخخخخخخخخخخخخخخ

ههههههههههههههههههههههههههههع

لووووووووووووووووووووووووووول

هعهعهعهعهعهعهعهعهعهعهعهعهعهعع

بصدق يا الغالية ..


أنتم وناسة وين ما تكونون :p

تعرفين أتخيل نفسي معاكم والله كان سويت أزعرينه عند التذاكر وخليتكم
*
*
*
*
*
*
*
*
*
*
*
*
*
*
*
*
*
*
*
*
*
*
كلكم تدفعون عني التذكرة والعشاء والأيسكريم :p

بس بصدق والله الله يعين نملة عليك يا سنفورة

حبيبتي قريت الموضوع لشيطوني وإستانس بس غثنا يبي يروح لمدينة مدهش

يقول ماما فيه سنفور ونملة ومدهش والله وناسة

تحياتي لك

ههههههههههههه

سعودية

ظحكتيني

هاهاهاهاهااااااااااااااااااااااااااي ..........

والله لو انا منّك ....

كنت آخذ هالولد ....

وأرميه في ماكينة الآيسكريم ....<==== (((ريّة وسكينة 2001)))

هاهاهاهاااااااي ....

......

هلا والله فيكم

lopez.. مقاطعة يومين :(:(

نملة.. عاد أنا نسيت.. يعني ما أنسى.. :( ومنو البخيل!! أنا
حرام علييييييييييييييج شو تقولين للأعضاء :( كيف تبيني أدفع وكل البيزات كانوا عندج!!!!!!!!!!!!!!!!!!!!!!

والله شي يحير.. اتهام باطل.. :(

فرفوشة.. دوم إن شاء الله هالضحكة

سعودية.. ههههههههههههههههههههه.. حليله شيطوني والله..
انزين شرايج تودينه مدينة مدهش..;) ونشكوفكم هناك.. وطبعا بتدفعون عنا الدخول وعن اللعب والايس كريم والحلاوة و...الخ

مجودي.. والله فكره جهنمية.. إن شاء الله المره اليايه;);)

تشااااااااااااااااااو..

حنا انا وشيطوني ممنوعين من السفر :p

حطينا على اللستة السوداء

يقولون أننا نسوي أزعرينات في كل مكان نروح له

تحياتي لك

يعني ما بنشوفج.. عيل منو بيدفع عنا؟؟ :(:(

تحياتي.. كككككككككككخخخخخخخ

استمري بكتابة مذكراتج ..وانشاء الله راح تنشر في كتاب

في القريب العاجل

(خمسه وخميسه في عيون الحساد)

ما ادري شو معناها بس اتوقع انها تساعدج عشان
محد يحسدجمن الاعضاء

_____


قبل ما اروح ... على فكره اناكنت

الياهل(البزر..الكلمه اللي عايبتنج)الصغير..اللي كان

يطالعكم والدمعه على عينه(ياحرام) محد فيكم عطف

علي وخذلي من باسكن روبنز يا ب.خ.ي.ل.ه

شو ناخذ لك من باسكن.. مسؤولين عنك؟؟ :(:(

كككككككككككككخخخخخخخخخخخخخخخخخخخخخخخخ

ما عليه.. ولا يهمك يا بزر.. إذا شفتك مره ثانية آخذ لك..

وأشكرك على التشجيع.. والكتاب.. انت اللي بتطبعه لي؟ ها

تشاااااااااااااااااااااااااو...

كل الطلبات اللي يبيها وانتوا سددوا :p

حبي لكم انت ونملة

هو وينه بس.. إن شاء الله طلباته أوامر

(هالكلام بس عالنت.. بس لو وصلنا.. بنحجزه.. وبطالبكم بفدية.. ههههههههع)

الله يخليه لكم..

تحياتي..

راح ترسلونه لنا انت ونملة وكل اهلك لنا وفوقه ..

الفدية من عندكم علشان الفكة منه :p

حبي لك

هههههههههههههههههههههههههههههههههههههههههه..

خله سنفره

وشلونس

شفي تري امقطع الامركي واتي قطعي الامركي

صبح الخير

شيطوني


سنفورة والله اللي كتب لك هذا الكلام هو شيطوني

معليش عارفة انك ما راح تفهمين فراح اترجم لك



حبي انا وشيطوني لك

حبي لك ولا تقاطعين ولا هم يحزنون

يا هلا والله.. يا هلالالالالالالالالالالالالالالالالالالا بالغالي ولد الغالية..

تسلم لي هالأيادي اللي ترد علي والله أنا الحمدلله بخير..

مشكور على هالكلام الحلو.. أثلجت قلبي.. ;)

خلاص.. بلاش فدية.. خله يمرنا وبناخذه بدون فدية احنا اللي بندفع لكم.. لووووووووول

الله يخليه لج إن شاء الله

متااااااااااااااااااااااااااااهة.. أفكار حلوة وجهنمية ;) إلى الأمام..

تحياتي لج ولشيطوني ولمتاهة

شكرن

عفوا..