السلام عليكم ورحمة الله وبركاته
حبيت أسلم عليكم وقولكم
........العادة جرت...............
العادة جرت....
كل طالب مجتهد .... دمه ثقيل!..
العادة جرت ..
كل مخلص في الهوى .. حظه قليل!..
العادة جرت ..
العطوف ... اللي كريم في الجرايد..
في الأزقة.. في الحواري له عوايد..
يصبح القاسي البخيل!!..
العادة جرت ..
جل من يصبح ثري..
يكتب شعر..
والقصايد تحتري..
أغلى سعر..
الشعر أصبح مجلة..
جلها غث وهزيل..
العادة جرت ..
لما نسافر .. كلنا في الصيف .. نمشي مخشبين!..
كلنا نحكي بفخامة..نمشي بفخامة..
والابتسامة..
لما نسلم نبتسم .. كأن فيه مصورين!..
ورغم إننا نسافر..لجل نلقى بعض..
ونعرف بعض..
إلا أننا .. لما نتقابل .. نلتفت متجهّمين!..
ما هو جنون ولا عبط..
تظهر أغاني من نمط:
(أربع سنين..انتطالع بالعيون)
وفي المواعيد..اللي مدري..
من هو كان العبقري..اللي عطاها..
نجلس فْ نفس الأماكن..
ننتظر نفس الوجيه ..تظهر بكامل بهاها..
ويبتدي..ذاك الحوار السرمدي..
شفت هذاك موجود..شلون لا بس..
ما هو صاحي..
شفت هذاك..موجود في كل النواحي..
شفت هذيك ..شلون تضحك..
يا خزياه يا عيباه.. يا الله!..
شف هذيك شلون تمشي..
شف هذاك شلون جالس..
شف رفيقك ليش عابس؟!..
خل نروح ونسأله ..

ما كملتها بس إذا عجبتكم كملت والا اشكر لكم قراءتها
بقلم الامير عبد الرحمن بن مساعد بن عبد العزيز
قريتها وقلت خليني أهديها للجميع
وأعتذر إذا طولت عليكم