بغيت أعرف الأسباب وكيف أقدر أحل هالمشكلة
لأنه هالكمبيوتر بيخبلبي والله .. كل سـاعة يعلق علية :( :(
والغريب في الأمر انه يعلق أكثر شي يـــوم أكتب في سوالف ..!!

أنا أحس السبب من مضادات الفيروسات .. علما انه عندي مـكـافي ووايد يمدحونة أكثر عن الانتي فيروس ..

وعرفت انة ويندوز98 الاصدار الأول قد يكون السبب في هالمشكلة بس اتأكدت ان الاصدار اللي عندي هو الاصدار الثاني ..!

ممكن اتقولولي شــــو اللي اتعرفونة انتم ؟؟

انا عندي نفس الشئ .. الفاره تعلق معاي اذا شغلت الانترنت

هناك برنامج يجممد الجهاز
اذا عرف رقم المستخدم

او ان تشغيل الجهاز لفترات طويله


والحل هي تصكير الجهاز او اعاده تشغيله

يمكن من الهاكر او يمكن من الويندوس لازم انغيره
في كمبيوتري الاول محطي فيه windows mellinum ومافيه اي مشاكل
وبالنسبه للكمبيوتر الاول نفس الشيء في سوالف يوقف وايد
ارجو ان احد يعرف هذه المشكله

مررت بهذه المشكلة من قبل وحللتها بثلاث خطوت:

1) شغل برنامج منظف القرص (System CleanUp)ونظف القرص من الملفات الغير ضرورية، وهذي الخطوة سريعة.
2) شغل برنامج فحص القرص (Scan Disk) وهذي الخطو طويلة شوي.
3) شغل برنامج إلغاء التجزئة (Defragment) وهذا يمكن ياخذ ساعتين أو مرات ساعة... أصبر عليه... وبعدها أعد تشغيل الحاسوب وبتشوف

إذا ما انحلت المشكلة تأكد من ان البرامج متوافقة مع بعضها البعض

المشكلة هذي من زمان ولا الحين بس ؟

-اذا المشكلة هذي موجودة من اول ما اشتريتي الكمبيوتر ، فالمشكلة من الهارد وير وأغلب الظن من الرام أو الهاردديسك

-اذا المشكلة يدية ، فمثل ما قال لأخ سردال ، تعارض في البرامج

الله يعيني و يعينك

يعني مثل الهـــاك
ممكن اتقوليلي كيف أعرف لو انهم مسويلي هالشي ؟؟

والله أنا خايفة على الكمبيوتر من كثر ما سويتله Restart

انا اذا ما انحلت المشكلة معايه بحط الويندوز ميلينيوم ان شاء الله
بس المشكلة لو طلعتلي المشكلة مرة ثانية في الويندوز ميلينيوم !!
شو بسوي بعدين :(

أنا سويت هالخطوات وفرغت الـ Recycle Bin والكـــــاش وووو ...
بس ما في فايدة !

:(

هذي المشكلة طلعتلي تحديدا بعد ما يبت الكمبيوتر من المصلح
وكلمت الهندي عن هالمشكلة ووديتلة الـ PC
بس اللي يغايظ انه الكمبيوتر ما يعلق عند الهندي .. هوه بروحة يقول انه يقعد يسوي شـات بالكمبيوتر و أبدا ما علق علية .. !!

أنــــــــا كنت مركب ويندوز 98 و الحين ركبت ويندوز ميلينيوم و عندي نفس المشكله انا اتوقع ان كثره البرامج في الجهاز هي السبب انا عندي مخزن برامج و كراكات .. زحمه لو افتح محل و ابيع اكسب من وراهم ذهــــــــــــــ ــــــــب

وليش وديتي الكمبيوتر عند المصلح ... هل لنفس المشكلة ولا مشكلة ثانية ؟

احسن حل انك تسوين فورمات للجهاز وتخزنين الويندوز مرة ثانية وإذا استمرت المشكلة .. تأكدي انها من الهارد وير

ويمكن يكون الهندي مبدل شي في الكمبيوتر ... ياما استوت

احسن شي الفورمات في البيت

حطيت في الكمبيوتر الثاني windows me وماستوى ولاشيء والحمدلله
استوى كل شيء ok ولاتزال مشكله وحده ملعوزتني وهي الحروف نفس
الشيء مقطوعه بس جربت ان يوم احط ويندوس انجليزي ماتطلع لي
المشكله والله رافع لي الضغط وانا متعود على العربي من اول
مابديت في استخدام الكمبيوتر

دكتور مجنون : لا تنسى اني شريكة معاك في هالمحل يعني الأربــاح فيفتي فيفتي ;)


نجمة المساء : أنا مسوية فورمات من شهر تقريبا
يعني كل ما اتيلي مشكلة في الكمبيوتر لازم أسوي فورمــات .. !!
والله بيروح فيها الكمبيوتر المسكين


E55 : لا كانت المشكلة ان الكمبيوتر يسوي كل ساعة Disconnect فغيرنا المودم ومن بعد ما اتغير المودم استو الكمبيوتر كله يعلق !


shabeh2000 : زين ودي الكمبيوتر يشوفون حل لمشكلتك الغريبة !
ودي أعرف الويندوز ميلينيوم بكم في الامـــارات
ان شاء الله بروح أشترييه هالشهر

اذا تبى الحل شيل مضاد الفايرس مكافي وشوف الفرق مراح اهنق معاك الجهاز ثانى مره .... الجهاز اهنق معاك فقط اذا استخدمة
explorer
جرب وشوف

السلام عليكم ورحمة الله وبركاته
هذي المشكله تحصل للكثير من الاخوان اللي يقومون بتشغيل برامج بالخطااو تطفئة الجهاز بصوره غير منظمه وبهذا تحسب اخطاء على الكمبيوتر واثناء تشغيل الكمبيوتر وقرائته الاوامر يجد اخطاء لا يمكن التعرف عليها وبهذا يعلق الجهاز والافضل كل فتره وفتره تقومين بخطوتين باستمرار الاولى تصحيح اخطاء والثانيه ترتيب الملفات طبعا كل اسبوع او شهر مره حتى لا تجدين هذا التعليق المستمر بجهازج واظن بان عارفه طريقت تصحيح الاخطاء وترتيب الملفات واذا ليس لديج علم فارجو ابلاغي وانشاء الله اقوم بشرحها لج انتي وباقي الاخوان الذين يعانون من نفس المشكله
واتمنى للجميع التوفيق
اخوكم العنيد