|
|
مبدع متميز
|
UAE
|
المشاركات: 3,658
|
#1
|
من فيكم يتذكر المجلة اللي كتبت عن منتدى سوالف إنه موقع لطلاب المدارس ؟
حد منكم سأل نفسه ليش ؟
نظرة بسيطة للمواضيع اللي تكتب في هذا القسم تبين لنا السبب
أنا ما أتكلم عن كل المواضيع ... لأ
في مواضيع ممتازة وذات قيمة أدبية ، وفي مواضيع تناقش مشاكل إجتماعية نعاني منها .... لكن وين هالمواضيع ؟
أنا أقول لكم ، بتحصلونها في الصفحة الثالثة أو الرابعة وبعد ربع ساعة من كتابتها
وشو بنحصل بدل هالمواضيع ؟؟
موضوع عن أبلة الكيمياء ليش زعلانة
موضوع عن أبلة الفيزياء ليش مستانسة
موضوع عن الكنافة
واحد يطلع ويقول أنا سهران من بيسهر وياي ؟
الثانية تطلع وتقول ، أنا متمللة وما أعرف شسوي
أدري ، في منكم بيقول كل واحد حر في اللي يكتبه وإذا مب عاجبك الموضوع لا تقراه
وأنا أقول هالكلام صحيح ، لكن لأي مدى ؟؟
هالحرية هذي ما لها حدود ؟؟
أنا أقصد الحرية في كتابة المواضيع
حتى أمريكا اللي تعتبر البلد الأول في العالم من ناحية الحرية الشخصية
الحرية عندهم مشروطة ... "أنت حر مالم تضر" وهذا هو اللي ماشيين عليه
الإنترنت يعتبر عالم كبير وفي مجلات متخصصة في الإنترنت وفي برامج إذاعية وتلفزيونية مخصصة للإنترنت
وصعب علي إن أتقبل أي حد يقيم منتدى سوالف على إنه موقع للأطفال وطلاب المدارس وأنا عضو فيه و ما أقدر أسأل ليش.
ليش ؟ لأني أعرف السبب وألتمس لهم العذر في اللي يقولونه
والسبب ، المواضيع اللي يكتبها "بعض"الأعضاء وبإسم الحرية
هذا هو الضرر الواقع علي وعلى غيري ، لا تنسون إن بينا أعضاء أعمارهم تتجاوز الثلاثين سنة ، متعلمين ، مثقفين
سبب كتابتي لهالموضوع هو استغرابي حقيقة من الهجوم اللي تعرضت له أنا وغيري اللي ما عجبهم موضوع الإخت نملة
ما بيني وبين الأخت نملة لا علاقة صداقة ولا عداوة ، إعتراضي كان على الموضوع وبس
والسبب هو اللي ذكرته فوق ، حرصي على أعضاء سوالف أولاً وعلى الموقع ثانياً من أن يقيم الموقع على أنه موقع أطفال
أعتذر على الإطالة وشكراً
|
|
14-09-2000 , 11:52 PM
|
الرد مع إقتباس
|
عرض نسخة للطّباعة |
ارسل هذه الصفحة لصديق]
