السلام عليكم شباب ,,,
ما شاء الله الثوره الأحلاميه أشوفه حاميه والحمدالله ,,
اللهم لا شماته ,,
لست من المفتونين بأحلام ...ولا أعشقها ,, فعلا ,, ولكن
إليكم ما سمعت من مصدر معلومات موثوق...ومن شخص ربما
أني تعلمت منه درسا ,,, وسأسرده عليكم كما هو حصل ,,معي
أنا : سلام
هو: عليكم السلام ,,
أنا: كيف الحال
هو:بخير
(حديث تخلله أحلام)
أنا: شفت صوره أحلام شكلها يضحك من يصدق ,, انها تحولت
من شبح الي ,,باربي !!! (ضحكه ساخره)
صج الي قال الفلوس تغير النفوس ,,شفت شنو سوت تبرت من
أصلها وفصلها من ديرتها البحرين ,,شفت ,والله زمن ,,
هو: (صامت يستمع) ولا تعبير على وجه !!
أنا: أحسست نفسي ساذجه ..
هو:زين وبعدين ..شنو العيب الحين؟؟؟؟
أنا : انها هي تبرت من أصلها ونسبت حق نفسها ,, وسوت فضيحه
هو: أول شي مش عيب الانسان يحسن من نفسه ,, أنه عن نفسي احترم
احلام انها بدأت من الصفر ,, ليش نقول عنها جذي ,, لأنها حققت
النجاح ؟؟؟ في فنانين بدأو في بارات وكانو أخس منها ...
وعلى فكره أحلام أصلا من الامارات بس سكنت في البحرين ,, الوالد
كان يسجل لأبيها بعض التسجيلات القديمه ,,وبعدها رجعت إلى الامارات
صحيح ليس عندي فكره عن أصل اسم العيله بس الي متأكد منه انها اماراتيه
وعلي شنو تضحكي أنسانه بنت نفسها من الصفر ,, ابتدت طقطاقه ,,
هي سوت الي غيرها ما سوته ,, تعبت على نفسها من حقها تجمل
نفسها ,, ومن حقها انها تظهر بمنظر جميل للجمهور وين العيب؟
أنتي تكرهين أغانيها ,,؟هل أغانيها فاشله ؟؟؟؟
أنا :: بإحراج لا والله لها أغاني زينه بس..
هو
مقاطع) بس شنو المفروض نستحي من أنفسنا ناس وحده جامعيه
متثقفه نفسك تتكلم جذي علي الناس ,, في فنانين ما تودين تعرفين
شنو كان أصلهم ,, يعني كلهم سووا فضايح يمكن الفالح فيهم هو الي
عرف شلون يخبي نفسه ويستر عله نفسه ,, بس الناس أحيانا الحسد
يعميها ,, انا افتخر بالفنانه احلام كفنانه بنت نفسها بستثناء
العيوب الي تسويها لأنها ليست الوحيده ,, شوفي هي إلى اين وصلت
ومن وين كانت درست الفن والتلحين عشان تطور كلماتها وألحانها
والانسان شنو راح يستفيد من نبش ماضي ,, الي فات مات والانسان
ينظر الى الامام ,, واش يعني بتتزوج حالها حال اي وحده..
أنا:بس هو ما يعرف عنها شي..
هو:شدراك يمكن يعرف اكثر منك بس أنعجب فيها ,, لأنها كونت نفسها
هو أنسان متفتح وماهمه كلام الناس وإلا لما أختارها أحسن
تركي عنج الكلام الفاضي ,, وشوفي لج شي في فايده ,,,
الي يبدي من الصفر مب عيب ,, العيب انك تبقى على الي انت فيه
وما طور نفسك هذا هو العيب ..
وغيرت الموضوع ,, بسرعه صراحه ,, في كلامه وجهات نظر صحيحه ,,
انه شنو بستفيد من هالكلام ومن أصل وفصل احلامو ..اذا كانت هي
انسان فيها عيوب ,, فمع احترامي الشديد لراشد الماجد فهو اصلا
فنان بحريني انتقل للسعوديه واسمع واشوف بلاوي ,, بس ما في احد
تكلم وقال ,,,,؟؟؟؟؟؟؟؟ وغيرهم من الفنانين الشباب ,,,
وإذا اكره اخليها في حالها والله يصلحها يعني هي اوول وحده
تاخذ الجنسيه الاماراتيه ؟ولا اخر وحده
يعني بختصار ,,,نميمه وغيبه على فنان هذا عمل انسان فاضي
وانه اعترف اني كنت سخيفه بتصرفي الي سويته وأعتذر للفنانه
احلام مع احترامي لفنها ,, وللي وصلته ,,بس ما كان المفروض
تتبري من خالتج يا أحلام ...
------------------
عاشقـ الليل ـة
أسايرها تعاندني..أعاندها ولا أقوى
أضحكها وأنا أبكي..وهي ترسم لي البلوة..
عرض نسخة للطّباعة |
ارسل هذه الصفحة لصديق]
صح لسانك يا أخوي الزهراني العجماني..الصراحه ما فينا نكسب اثم