أنا يوم تخرجت من الثانويه كانت الفرحه كبيره ، لأن مجموعي كان في الممتاز
و الحقيقه قلت في نفسي ...انتهى الامر ، بتدخل جامعه ::::
أول شئ رحت اقدم في شركة ارامكو ( البترول و مشتقانه ) و الحقيقه اخذوا ملفي و قالوا تعال بعد اسبوع للاختبار المبدئي ...
و رحت للاختبار ، و كان الاختبار طويـــــــــــــــــل و مافي وقت كافي
يعني 50 سؤال في 6 دقائق و بعدها 60 سؤال في 6 دقائق و بعدها 25 سؤال في 7 دقائق .... ( هذا اختبار القابليه ) و بعدها اختبار الانجليزي 94 سؤال في ساعتين و كان صعب و بعدها كان اختبار الرياضيات كان يعني مو صعب 40 سؤال في ساعتين ..... ( كل هذي الاسئله من مناهج الثانويه و بعضها من المتوسطه ) و الله يعين الجميع .. و لا يبغون بس 200 طالب و المتقدمين تقريبا فوق 2000 طالب .... :(
----------------------------------------------------------------------
ثاني شئ معاناتي في وزاره الدفاع و الطيران
يوم رحت اقدم في كليه الملك فيصل الجويه
رحت الصباح يوم الجمعه الساعة 7 صباحا .. و قعد الناس ينتظرون الى 9 صباحا و قال الضابط ( مافي تسجيل الحين تعالوا الليل الساعه 9 مساء ) نخيلوا تسجيل في الليل ... وين صارت
المهم رحت الليل الساعه 8:45 و اناهناك و الناس تقريبا فوق 1000 طالب و زحمه و قلة ادب و سب و لعن و لا دخلوا احد الا اللي عنده ......( فيتامين واو ) و قعدنا الى الساعه 10 مساء واقفين مع الزحمه و بعدين دخلوا بس 20 طالب ، تخيلوا بس 20 طالب ...
المهم الناس ضاقت اخلاقهم و قاموا يدفون العسكر و دخلوا بالقوه و انا الحقيقه ما قعدت اتفرج و دخلت معهم بالقوه حتي شماغى وعقالي و الطاقيه ما ادري وين راحت بالضبط و لا الجوال تكسر و انا كنت فرحان فيه توه جديد :( ... المهم حمدت ربي و قلت خلاص ما باقي الا القليل .. اخذونا بالباص و رحنا قاعة التسجيل ، و شفت الفيتامين شغال هناك .. قعدنا في القاعة و كان انا رقمي 315 و الحقيقه ما اخذت استماره التسجيل الا الساعه 3:30 الفجــــــــر :( و قعدت اكتب الاستماره نصف ساعه وبعدين يوم سلمت الاستماره الساعه 4 الفجر و قالوا انتظر .......................
و انتظرت الى الساعة 4:45 و اخيرا اعطوني موعد الساعه 8:00 صباحا للكشف الطبي ... انا ما نتظرت قلت اروووووووح البيت انام و رحت البيت و نمت فيه
----------------------------------------------------------------------
اليوم الثاني : رحت مكان التسجيل الساعة 8 صباحا و لا دخلونا المدينه العسكريه الا الساعه 9:00 صباحا و دخلنا هناك القاعة مو عند الكشف ..
المهم ، انتظرت ملفي ... لكن الامل راح .. جات الساعه 4 العصر من الفرحة خليت اصحابي و رحت وراء الملف ، قالوا رووووووح الكشف الطبي ...
و رحت الكشف الطبي و لقيت هناك ناس كثيرين .. من اليوم السابق
المهم كان في واحد ينادي على صاحبي و كان مو موجود معاي
و يوم طلع من صاله الكشف ، رحت وراه وقلت وش تبغى منه... قال : انت تعرفه .
قلت : انا صاحبه
قال : وينه
قلت : راح البيت و يرجع بكره
قال : عندك جواله
قلت : ايه ( و كلمته على الجوال )
قال : وين ملفك
قلت : هناك على الارض
قال : متى موعدك
قبت : الساعه 9 الليل
قال : تعال وراي ... المهم اخذ ملفي و رحت معاه من مكتب الى مكتب ( يعني صار واسطه لى انا )
و يوم خلصت في 30 دقيقه ( هذا الرقم القياسي مسجل باسمي )
دخلت على المقابله الشخصيه .. و لقيت العقيد الطيار و يوم شاف اسمي و قال انت عتيبي .... قلت : ايه ، قال : ابوك وين شغال . قلت : ابوي ضابط في الجويه ... قال : عسى مو الطويل الي في قسم ( !!!!! ) ما اقدر اقول
قلت : ايه هو ذاك ... قال : انت مرفوض و جات الصدمه الاليمه :( :( :(
و الحقيقه كل هذا عشان في مشاكل بين العقيد و ابوي
المهم الملف انختم عليه اني مرفوض بسبب الوزن
و رجعت عند الواسطة و كلمته قال : وين الملف ... قلت : عند العقيد و كانت الساعه 6 المغرب ... انا قلت : انت خذ الملف و انا ابغى آكل شئ بطني فاضي ( لى يومين ما اكلت شئ ) و رحت آكل في منطقه الدمام
رجعت الساعه 7:30 مساء و الملق حقي مقلوب فوق تحت ... المهم الساعه 8 مساء رجع الملف مثل ما كان رحت من جديد ادخل مكتب و مكتب و مكتب الا اني وصلت الا المقابله الشخصيه لكن دخلوني عند العقيد البحرب مو حق الجويه
دخلت عنده و تكلمنا ( بدون تفاصيل السالفه طويله مررررره ) المهم قعت اضحك معاه كأنه صاحبي .. يوم وافق على الملف قال : الحين باقي الكشف الطبي الجوي ( يعني قلت الحين انتهيت ) يوم خرجت من مكتب العقيد البحري
الناس صاروا يناظرون يحسبونه انه يعرفني ...
المهم رحت الكشف الجوي و جاء معاي الواسطه .. المهم الكشف الجوي باقي عليه 30 دقيقه و يقفلون ، رحت الكشف و رسبت فيه ليــــــه ما ادري يمكن عشان صارخت في وجه الدكتور و قبل يختمون على الملف ، اخذته و طلعت
رحت عند الواسطه و قال : الحين ما نقدر نسوي شئ تعال باكر
قلت : باكر الفجر ما اقدر اجيكم الظهر انا فاضي .. قال : تعال الظهر
و رجعت البيت .....
----------------------------------------------------------------------
اليوم الثالث : و الاخير
قمت الصبح .. بدون فطور رحت اختبرت اختبار شركه ارامكوا
و طلعت الساعه 1:30 و رحت الى المدينه العسكريه و يوم وصلت كل الناس اللى ينتظرون ما دخلوا
انا: وش سويت .....................


رحت اركض داخل المدينه العسكريه ( لأنهم رفضوا يدخلون واحد في هذا اليوم )
وصلت عند مبنى الكشف الجوي و لقيت الواسطه تنتظر و قال : وش هذا الوقت
قلت : اسأل اللى عند البوابه
قال : تعال و رحت كشفت من جديد و كنت سليم من الامراض
و كانت الساعه 3:30 عصرا و جاء وقت الصلاه و رحنا صلينا
و يوم رجعت كان باقي الكشف العام
و دخلت عليه الساعه 4:30 و قال .......................... ( للشباب فقط ) مرفوض الكلام يعني وش اقول وش قالي يمكن انتم تفهمون ( اخلع ثيابك كلها ) قلت : كلها ... قال الدكتور : ايه .. قلت في نفسي وش اسوي اخلع ثيابك ... و يوم شاف الضربه اللي في جنبي كانت كبيره ... قال : مرفوض
قلت : لا ... لا ... لا.. كيف مرفوض قال: فيك ضربه ( كانت ضربه سكين الله يكفيكم شر الدنيــــــا ) و يوم بغيت آخذ الملف الدكتور : سحب الملف و حطه في الدرج و طلعت و رحت عند الواسطه .. و راح و كلمه قال الدكتور : ما ينفع هذا ابداً ... رحنا و جات واسطه اكبر .. و كانت الساعه 7 الليل و و وافق الدكتور في الاخير و قال : انا مش مسؤول ( قلت المهم اخذ الملف و ارووووووووح الرياض ) و اخيرا نجحنا بالقوه و لو الواسطه لكان قعدت 5 ايام او 6 ايام
----------------------------------------------------------------------
لا و باقي الجامعات و الكليات و الشركات و زحمه
و الحقيقه ابوي خاف اني ما ادخل و راح اليوم البحرين يسأل عن جامعات البحرين
هذا ملخص معاناة الطالب المتخرج ..... :( :( :( :( :(