منذ ان نشرت الصحف خبر مفاوضات أحد الانديه المغموره في الدرجه الاولى الانجليزيه منذ عده أيام وأغلب رواد هذا المنتدى لا كلام لهم الا بهذه المفاوضات (لاحظ انها مازالت في طور المفاوضات) وحتى لو أنها تمت بنجاح واعجبهم سامي فهذا أبدا ليس بطموح أي سعودي ....لأن النادي جدا ضعيف ويصارع للبقاء بالدرجه الأولى...
انظروا للدول المجاوره فهذة مصر أكثر لاعبيها محترفين في اوربا وفي أنديه قويه فعلى سبيل المثال هاني رمزي هو المدافع الأساسي لكايزر سلاوتون بطل ألمانيا وحازم امام لعب لأودونيزي وكان أودونيزي ثالث الدوري الايطالي في تلك السنه وكذلك المغرب وتونس رغم ان لاعبو هذة المنتخبات لا يفوقون لاعبونا الا بالخبرة فقط...فبامكان من تلاعب بهاني رمزي في المكسيك ان يعيدها في البطولات الاوربيه
مع العلم أن المنتخب السعودي قد حقق انتصارات قويه على منخبات مصر والمغرب في بطولات عالميه وليس في مباريات وديه...كذلك نادي النصر تفوق على الرجاء المغربي في بطوله انديه العالم...
واحتراف سامي في انجلترا امر طبيعي ولكن الامر الذي ليس بالطبيعي هو فرحهة الجمهور هنا وكانه ذاهب ليقود هجوم مانشتر يوناتيد او اسي ميلان...

بودي اسأل اي شخص من الذي امتلكهم الفخر والزهو باحتراف سامي...هل ترينداد او ليبيريا افضل منا كرويا؟؟؟أو هل هذا هو طموحكم كمتابعين ومشجعين للرياضه السعوديه؟؟؟
صدقوني والله كل خوفي يقرا واحد هالكلام من برا السعوديه ويضحك علينا من كل قلبه وما استبعد يرسل بعض المواضيع من هنا لاصدقاءه على انها نوع من النكت...

[b][ تم تعديل الموضوع بواسطة   TWIX   يوم   04-04-2000]

والله أنا شايفك من يومين تكتب مواضيع ومحد يرد عليك لكن قلت الطريقه الوحيده اللي اخلي موضوعي فيها ردود هو انتقاد سامي كما يفعل غيرك

عموم سامي ولد عبدالله الجابر الآن في انجلـترا واللــه يوفقه في تجربته
بعدين كم لاعب تقولي من النصر احترف احتراف خارجي ؟



------------------
ليس كل مايلمع ذهب !
--
ردد الجمـهور سامي ... وجاب القول سامي
وانتشى جمهور الازرق وحققنا البطولة

صح لسانك

العالمي اول شي من قال اني انتقدت سامي؟؟؟؟؟
انا ماجبت طاري مستوى سامي او شخصه انا انتقدت اللي فرحوا باحترافه واقول طموحنا اكبر من كذا لاحتراف اللاعب السعودي سواء كان سامي ولا غير سامي....

بعدين وش دخل النصر بالموضوع؟؟؟ موضوعي باختصار هو انتقاد لرده فعل الجمهور لاحتراف سامي الجابر واحتفاليتهم الزايده بالذات في منتدى متابع في العالم العربي حتى خارج حدود العالم العربي لاننا شفنا ناس من اوربا وامريكا يشاركون معنا.....

يعني انا اقول مو هذا طموحنا وللاعب السعودي مستواه افضل من كذا ويقدر يوصل لانديه اقوى ....
ترد علي وتقول (((كم لاعب من النصر احترف؟؟)))!!!! ....هذي الردود اللي تقصدها؟؟

بعدين على فكره اي مواضيع اللي تتكلم عنها؟؟ ...

اهلين توكس
انا نعك ان مهب طموحنا هذا النادي الضعيف نسبيا
ولان منه الي بيحترف
سامي
لذالك سترى بعد احتراف سامي وبمده قصيره
سوف تمتلء الملاعب الاوربية بالاعب السعودي
وهذا مصدر فرحنا
\\\\\\\\\\\\\\\\\\\
ثانيا اخوي هل مبلغ فرحتنا وطموحنا
ان نقول انهزمنا من الفريق او المنتخب الفلاني
وبشرف
سؤال حائر ارجو ان تتكرم وتجيب عليه
ودمت لنا

------------------
أحلى ثلاث أسامي @@@
كأس وهلال وسامي @@@

السلام عليكم
أخي توكيس............

المسألة مهي سامي ولال غيره المسالة الخطوة الأولى..

أرجع اللمصرين والمغاربة في أول الأحتراف الخارجي تلقاه مع اندية ضعيفة نسبياً.......
حتى وثقت الفرق بقدراتهم بدت الأندية الاكبر تاخذهم........

يعني تبغانا نمسك اللاعبين حتى يعجزون ونقول يا أي سي ميلان و ألا بلاش...
والأخ العزيز نصراوي أبغى أعرف صح لسان مين twixأوالعالمي


------------------

ســــــــلامتكم

اهلين اخوي الكاسر وانشالله تمتلي الملاعب الاوربيه (من بؤك لباب السما) واذا كان هذا صدق مصدر الفرحه فاقول معك حق لكن ما اتوقع ان هذا سبب الفرحه الكبيره....ياليت تناظر فوق رد واحد من الاخوان يقول كم لاعب من النصر احترف خارجيا...يعني ان سبب هالفرحه الكبيره ان سامي احترف ومافي لاعب من النصر احترف....
بعدين فيه فرق بين المستوى المشرف ومنتهى الطموح والمنتخبات تفرق ...أي احسن ننهزم من البرازيل 1-0 ولا نفوز على مكاو 3-0؟؟؟بعدين كل ما شارك فريق او منتخب في محفل عالمي نقولهم يا تفوزون على البرازيل او فرنسا اوحتى ريال مدريد بالنسبه للانديه ولا تصيرون فشلتونا؟؟...يكفي ان ريال مدريد تأسس قبل تقوم الدوله السعوديه كلها باربعين سنه!!!!!
عزيزي ابو سهى لو طالعت موضوعي من العنوان حتى النهايه وانا انتقد رده فعل الجمهور ولا قلت ان اداره الهلال غلطانه او سامي غلطان بالعكس خطوه حلوه بعدين سامي ماهو ذاك اللاعب الصغير حتى تقول بينتقل خطوه خطوه حتى اللاعبين الكبار عندهم اذا وصلوا 33 او 34سنه يستغنون عنهم على طول ويشوفون غيرهم وسامي عمره حول الثلاثين اذا ماكان اكثر..يعني سنه سنتين وخلاص..

تويكس.. في موضوعك العديد من المغالطات واسمحلي أذكرها :

تقول المنتخب السعودي حقق العديد من الانتصارات على تونس والمغرب في بطولات عالميه ممكن تذكرها لي !؟؟
تقول اغلب رواد هذا المنتدى لا كلام لهم الا بهذه المفاوضات *

هل تريد منا نسمع أوامرك ونكتب الذي يروق لك !!
ملاحظة : الاحتراف او المفاوضات هم اللي طالبوا سامي مو هو اللي راح لهم
بعدين ترا سامي بن عبدالله الجابر هو أول لاعب سعودي وخليجي يقوم بالاحتراف في الدوري الانجليزي ويشارك مع نادي انجليزي..
هل تعلم ان النادي ننتجهام فورست حصل على بطولة اوربا سنة 1989
هل تعلم مدرب النادي بلات هو من افضل اللاعبين في مركز الوسط في انجلتـرا وشارك في كأس العالم عام1990

هل تريد من اول لاعب سعودي يحترف او ثاني لاعب يحترف في أوربا هلت تـريده يحترف في بارما او جوفنتوس الايطالي !!!
ربما سامي يفتح باب لانتقال لاعبين السعودين الى انجلترا اذا قدم مستوى رائع ان شاء الله في تجربته الاحترافيـه ..
ايران ماذا جعل غالبية لاعبينها المحترفين يحترفون في اوربا بسبب خدادي عزيز او لاعب آخر لااذكر اسمه قدم مستوى رائع في فريقه والآن شاهد اللاعبين الايرانين هناك اكثر من خمسه منهم : خدادي عزيز ، كريم باقري سابقا،علي دائي،لاعب وسط ايمن لااذكر اسمه وغيرهم من اللاعبين.
مصر وتونس والمغرب هل لاعبينهم المحترفين اول ماظـهروا انتقلوا الى اودنيزي او لكايزر وسلاتون !! بالطبع لا لكن اللاعبين السابقين جربوا ودخلوا في تحديات حتى وصوا ماوصلوا أليه الآن..


------------------
ليس كل مايلمع ذهب !
--
ردد الجمـهور سامي ... وجاب القول سامي
وانتشى جمهور الازرق وحققنا البطولة



[b][ تم تعديل الموضوع بواسطة   العالمي   يوم   05-04-2000]

عزيزي العالمي اشك انك ترد على المواضيع بدون ماتقراها ....انا قلت انا السعوديه فازت على تونس؟؟؟...نص كلامي اقول((( مع العلم أن المنتخب السعودي قد حقق انتصارات قويه على منخبات مصر والمغرب في بطولات عالميه وليس في مباريات وديه...))حتى لاحظ عشان اكون دقيق انا غلطت وقلت منخبات نسيت احط حرف التاء..خفت اعدل الموضوع تحسبني غيرتها...(التعديل بتاريخ 4 يعني امس))

عموما ان كنت ناسي افكرك....فاز المنتخب السعودي على المصري خمسه صفر في بطوله القارات...وفاز على المنتخب المغربي 2-1 في كاس العالم 94 في امريكا في اول مواجهه عربيه عالميه...لاحظ اني اقول كاس القارات وكاس العالم مو مباريات وديه ولا بطولات عربيه....يعني الفريقين كانوا يقاتلون علشان يفوزون وبرضه قابلونا بتشكيلاتهم الاساسيه...

بعدين انا ماقلت اوامر ولا طلبت من احد يسمع كلامي بس اكلمكم كسعوديين المفروض طموحنا اكبر من كذاولا هو انجاز لنا((كسعوديين)) ان فريق درجه اولى يطلب منا لاعب للتجربه ...
مدام كل هالفرح والكلام علشان طلبه فريق درجه اولى للتجربه اجل وش بتسوون لو طلبه فريق عليه الكلام؟؟

بعدين انت تقول تاريخ النادي كانك تقول ان النادي كان نادي كبير لكنه سقط وكما هو معروف في اوربا لا توجد عندهم الكلمه الشهيره((ابن النادي))فكل من ارتدى قميص النادي فهو ابن للنادي......لذلك ترى التفاوتات الكبيره في مستويات الانديه في اوربا بين السنه ولاخرى وذلك يعود لتفاوت مستويات اللاعبين الذين يستقدمهم فحين كان يستقدم لاعبين كبار كان ياخذ بطولة اوربا وبعد ان غير واصبح يستقدم لاعبين اقل هبط للاولى وبعد اصبح ينظر لمن هم بمستوى سامي اصبح مهدد بالدرجه الثانيه ولو كان هذا النادي في اوج تالقه لما فكر لحظه في سامي الجابر....

ادري انك تحب سامي الجابر لدرجه انك ما تكتب اسمه الا ثلاثي بعدين لاحظوا....سامي بن عبدالله ..والله لو انه ملك ولا امير مو مااستغرب بعدين لو قلت صاحب السمو الملكي سامي....ولا صاحب الجلاله!!!!!والله موب بعيده!!
اللي يسمعك الحين يقول انك تتكلم عن احد الملوك ولا عن ماجد عبدالله ولا عن احد القاده الكبار...

لكن اخوي العالمي كون انك تحب شخص مو معناته انك تحط الشي اللي سواه هو احسن شي ممكن يقدمه اي واحد سعودي ...اتمنى من قلبي انك ما تزعل من كلامي

تحياتي.....TWIX@swalif.com


[b][ تم تعديل الموضوع بواسطة   TWIX   يوم   05-04-2000]

الأخ تويكس شكرا على الموضوع ولكن حبيت اوضح نقطة :
في اخر رد لك قلت: ((( المفروض ان طموحنا يكون اكبر من كذا))) .
اذا كان قصدك اكبر من هذا الفريق على اساس انه من فرق الدرجة الأولى .. لا تنسى اننا نتكلم عن الدوري الانجليزي وفي الدوري الانجليزي الدرجة الأولى مثل الممتاز عندنا .. انا ما انزل من مستوى الدوري السعودي بل الدوري السعودي من اقوى الدوريات لكن مازال هناك احسن مننا ...
وبعدين اللاعب ما يبدا ون العالي ولكن بالتدريج ...

وشكرا

------------------
هـلالي.......حـــتى المــوت
الهلال.......زعيم البطولات
================
(((^أبو نبيل^)))

اقول انت تتكلم عن ليبيريا والظاهر انك تقصد اللاعب العالمي جورج وياه تدري اول فريق احترف فيه

هذا اللاعب ماهو واين ؟؟؟؟؟

ارجوا ان تجاوب على السؤال وانا اعتقد انك لا تعرف الاجابه واذا كنت تعرف الاجابه فاعتقد ان مصدر

طرح هذاالموضوع هو الكراهية والحقد على اللاعب سامي .

انتظر ردك وين احترف جورج اياه اول مره ؟؟؟

الكنكورد

الأخ العزيز twix تحية طيبة لك ولجميع الأخوة

أما ما يخص الموضوع احتراف سامي فأرى من وجهة نظري أن فرحتنا بهذا الموضوع ليس لأن سامي احترف في نادي ضعيف أو قوي ولكن نفرح لأننا نخوض تجربة جديدة في هذه الملاعب العريقة بتاريخها ويكفي أن يمثل أحد لاعبينا أي فريق
من تلك الفرق أياً كان المهم يلعب في ملاعبها .

وأود أن أذكرك بأن الدول التي ذكرتها مصر والمغرب مثلاً تسبقنا بتاريخ
طويل في هذه اللعبة وفي نظام الاحتراف حتى ولو حقننا إنجازات وفزنا وتغلبنا عليهم فلاعبينهم احترفوا قبل تطبيق نظام الاحتراف لدينا بسنوات وأقصد الداخلي وليس الخارجي وأذكرك بنجيب الإمام وتميم والعقربي وأشرف قاسم
وغيرهم من اللاعبين العرب ولذا فمن باب أولى أن يتجاوزونا إلى الملاعب العالمية بعد أن خاضوا التجربة في ملاعبنا العربية
أرجوا أن يكون الكلام والأفكار واضحة للجميع ولكم كل الحب والتقدير

عزيزي بو نبيل اذا كانت الخساره ضد اي فريق في العالم بغض النظر عن اسم هذا الفريق غير مشرف للوطن فاحتراف لاعب سعودي في اي دوري درجه اولى بغض النظر عن الدوله التي يتبع لها الفريق غير مفرح وغير مشرف...ماتشوف في كلامي شي من المنطقيه اذا كلت الامور بنفس المكيال؟؟؟؟لكن من اللي يعدل الحين...

الكنكورد.......قبل ما اجاوبك انت قلي ..كم كان عمره يوم اول ماحترف؟؟
بعدين كان كلامي طويل مره سواء في بدايه الموضوع او في الردود اش معنى هذي النقطه اللي عجبتك؟؟ وبالذات انا ما قلت اسم جورج ويه وقلت اسماء ثانيه؟؟
ولا هذي المعلومه اللي تعرفها وتبغى تسوي فيها فاهم علينا...
وعلشان ما تقول اني اتهرب من الرد على السؤال اللي ما اعرف له سبب ...جورج ويه قبل ميلان كان على ماعتقد في موناكو وقبل كذا كان لاعب نكره ومغمور وماهو معروف ويلعب لنادي نكره....بالضبط مثل سامي ومثل الاف اللاعبين الافارقه لعبوا واللي نجح منهم ينعد على الاصابع...

بعدين مو من حقك انك تتهمني جزافا اني كاره وحاقد....واذا كنت واثق ان سامي بيحذو حذو ويه انتظر لين يوصل وساعتها احتفل وافرح على كيفك..لكن شكلك متاكد انه ما راح يتعدى هالنادي..

عيون الصقر ياليت كل الناس في مستوى وعيك (((كلّهم))) لكن اسمحلي اسألك ...لو كان اللي خاض هالتجربه عبيد ولا مرزوق تتوقع بتصير ولا عشره بالميه من هالضجه اللي قاعده تصير ؟؟؟؟
أبد والله لكن لأن اللي راح لاعب مساند وبقوه اعلاميا مما اثر على العديد من الجماهير حتى لدرجة انهم صاروا ما ينادونه الا سامي بن عبدالله......

الاخ تويكس :
تقول المنتخب حقق انتصارات على المغرب و مصر ؟
في رأيك حاليا من الافضل السعوديه أم مصر أم المغرب ؟
في رأيي السعوديه في الترتيب الثالث ..
تقول طمحوتنا أكبر : انا معك انا طموح اشوف كل لاعبين السعوديه في الوري الايطالي والانجليزي .. لكن ربما سامي يفتح الباب للاعبين ونشوفم ان شاء الله في انجلترا وايطاليا ..
بعدين ليه تبعد عن الموضوع وتأتي باسياء ثانويه مثل ولد عبدالله وش دخلها في الموضوع الاصلـي !!
نقطه لابد من دخول اسم ماجد عبدالله في اي موضوع عن سامي من الطرف الآخر !!
تقول احتراف سامي غير مفرح وغير مشرف !!
ياخي يكفي تعصب ولا عشانه سامي بالذات ..




------------------
ليس كل مايلمع ذهب !
--
ردد الجمـهور سامي ... وجاب القول سامي
وانتشى جمهور الازرق وحققنا البطولة

أخي تويكس

أولاً أتمنى التثقف أكثر في مجال الرياضة ومن ثم الكتابة في هذا المنبر.
نادي نوتنجهام فورست من أعرق الأندية الإنجليزية وتم تأسيسه قبل 146 سنة تقريباً أي قبل تأسيس نادي ريال مدريد الذي ذكرته.
أول نزول له إلى الدرجة الأولى في تاريخه العريض كان في التسعينات، ولم ينزل سوى مرتين أو ثلاث،، ولم يتجاوز جلوسه في الدرجة الأولى السنة التي نزل بها حتى الآن.
وللعلم، فإن نوتنغهام كان في الدرجة الممتازة الموسم الماضي...

ولا تنس -أو بالأحرى يجب أن تعلم- أن فريق مرسيليا العريق كان في الدرجة الأولى في منتصف التسعينات، بعد تحقيقه بطولة أوربا على فريق اي سي ميلان،، وكان يلعب في صفوف مرسيليا آنذاك جورج ويا (وليس في موناكو كما ذكرت) والذي حقق لهم البطولة بضربة رأسية..

ثانياً
سامي بن عبدالله الجابر هو أول لاعب خليجي يحترف في الدوري الانجليزي (ان تم التعاقد معه) وهذا يكفي
وثاني لاعب سعودي يحترف في أوربا بعد لاعب الهلال آنذاك فهد الغشيان والذي احترف في AZ Alkmaar الهولندي.

وتصحيحاً لمعلوماتك فسامي بن عبدالله الجابر يبلغ من العمر 27 عاماً وقد ولد عام 1972م ولم يصل الى 28 عاماً بعد.

قلت "وبعد ان غير واصبح يستقدم لاعبين اقل هبط للاولى وبعد اصبح ينظر لمن هم بمستوى سامي اصبح مهدد بالدرجه الثانيه ولو كان هذا النادي في اوج تالقه لما فكر لحظه في سامي الجابر...."
وهذا أكبر دليل على حقدك على نجم الهلال سام6، وأما قولك بأنه سينزل الى الدرجة الثانية بعد أن فكر في سامي الجابر فهذا يدل على عقليتك ومستواك (المتفتح)
وإذا أردت أن اعطيك بعض النقاشات التي تدور بين مشجعي نوتنغهام حول سامي بن عبدالله الجابر، فستعرف مدى شعبيته في انجلترا ككل، خاصة بعد لقاء السعودية وانجلترا في ملعب ويمبلي عام 98، والتي بعدها أعجب به الكثيرون وأهمهم بوبي تشارلتون وديفيد بلات

قلت: "ادري انك تحب سامي الجابر لدرجه انك ما تكتب اسمه الا ثلاثي بعدين لاحظوا....سامي بن عبدالله ..والله لو انه ملك ولا امير مو مااستغرب بعدين لو قلت صاحب السمو الملكي سامي....ولا صاحب الجلاله!!!!!والله موب بعيده!!
اللي يسمعك الحين يقول انك تتكلم عن احد الملوك ولا عن ماجد عبدالله ولا عن احد القاده الكبار..."

ومتى كان الاسم الثلاثي حكراً على الأمراء والملوك!! وهذا ان دل على شيء فانما يدل على مستواك الفكري خصوصاً بعد قولك (وماجد عبدالله)


أتمنى أخي تويكس الانتباه الى معلوماتك وعدم الافتراء على الناس بدون وجه حق.

------------------
تحياتي
أخوكم آهات

ولا يهمك نخلي حسين هادي يحترف في البرازيل مثل ما قلتوا قبل فتره

للمعلومية اول ما احترف جورج وياه كان في نادي كميروني على ما اعقتد


الكنكورد

[b][ تم تعديل الموضوع بواسطة   الكنكورد   يوم   06-04-2000]

الاخ (توكس)
ذكرت اننا ضحكنا علينا العالم ( )

طيب وش تقول بالجماهير والصحافة التي حرطقت على فريق انهزم مرتين من ثلات
مباريات وقاموا يحتفلون وكنهم جابوا المجد من اطرافه .. الست معي انهم
من الجماهير الموتورة التي ليس عنها حس كروي ولا يفهمون معني الاحتراف الحقيقي .

عادي من حق اي مواطن صادق ان يفرح حتي لو اتصل النادي الانجليزي بالتلفون
وقال ابتفاوض معكم لكن ان نفتخر بالهزائم فهذا قمة السخف والحقاره.

------------------
انا نيسان فلا تنسوني

العالمي اسمح لي اغير في سؤالك شوي واجهه لك...هل المنتخب السعودي ممكن يدخل في مجال مقارنه او منافسه مع المنتخبين المصري والمغربي؟؟؟او انهم فوق مستوانا بدرجه كبيره؟؟؟اجل ليه هم لما احترفوا لاعبينهم في اعرق الانديه كان بالنسبه لهم عادي وحنا لما كلم نادي درجه اولى لاعبب مننا شو ولا نطير من الفرحه ...كانكم تقولون هم شي وحنا شي ثاني او ما في مقارنه بيننا..
بعدين انا جبت سامي بن عبدالله كدليل على كلامي انك تحب هالاعب ولو كنت تتكلم عن اي لاعب وبالذات نصراوي مستحيل تقولها.. بس...

اهات..
ما حنا بدرس في الثقافه الرياضيه ولا استعراض في المعلومات...ولو كنت تحب هالمواضيع فيه موضوع جدا حلو من احد الاخوان عن الاسئله الرياضيه وحنا موضوعنا كله ان طموحنا اكبر من كذا...
انا بالضبط مادري كم ميزانيه هالنادي ولا يهمني اني ادري لكن مدام مستواه ضعف والفريق الان مهدد بالهبوط للدرجه الثانيه فأكيد ميزانيته قلت بكثير عن الاعوام السابقه.....وعشان كذا فكر يجيب لاعبين اقل مستوى وبسعر ارخص..
تقدر تقولي ليه هالفريق ما فاوض سامي العام الماضي ولا كل هالسنين اللي مضت مع العلم بام مباراة السعوديه وانجلترا كانت قبل سنتين ...انتظر رد
بعدين وش دخل فريق مرسيليا في موضوعنا؟؟ ومن قالك ان جورج وياه كان في مرسيليا؟؟ويه كان في موناكو واللي قصدك سجل الهدف لمرسيليا في نهائي كاس اوربا92هوالاعب الفرنسي(الكمروني الاصل) بازيل بولي ومهو عيب انك ما تعرف لكن العيب انك تسوي نفسك تعرف وانت ما تعرف...
بعدين اذا كلامك صحيح ((اذا)) فسامي عمره 28سنه تتوقع انها مناسبه لسن لاعب توه بادي في الاحتراف ...في اوربا عندهم هذي السن عي بداية النهايه وهي نفس السن اللي اعتزل فيها بريان لاودروب الدنماركي بحجه الكبر في السن....لاحظ ان سامي توه ما بعد بدا..وكل اللاعبين العالميين يوصلون قمه المجد وهم اصغر من كذا بكثير ...رونالدو 23سنه...ريفالدو 24سنه روبرتو كارلوس 23سنه ديفيد بيكهام24 سنه مايكل اوين19 سنه وكل هالاعبين في قمه المجد مو في بداياتهم ...

الكنكورد ..انت نسيت انكم انتم قلتوا ان السلومي بيحمى مرمى اكبر الانديه البرازيليه...وعلى فكره ماجاوبتني..كم كان عمر ويه وقتها؟؟؟

نيسان...((سخف)) ((حقاره)) تتوقع ان هالكلام مناسب هناوبالمناسبه ترى اهات يعرف من اللي لازم يكتب في هالمنبر ومن اللي ما يكتب...خله يعلمك
وبعدين برايك وفي المباريات الثلاث اللي لعبها النصر متى نقول انه قدم لعب يشرف؟؟ اذا فاز بالثلاث مباريات...؟؟








[b][ تم تعديل الموضوع بواسطة   TWIX   يوم   06-04-2000]

تويكس بجاوب على سؤالك :
مافي فرق شاسع لــكــــن المغرب و مصر متى الاتحاد الخاص بهم سمح للاعبين بالاحتـراف قبل كم سنـة ؟ ومتى سمح الاتحاد السعودي للاحتراف ؟
لاعبين مصر و المغرب .. كم لاعب لحد الآن محترفا خارجيا وقبل كم سنة ؟ وقارن بين السعوديه ومصر والمغرب في هذه الحـاله ؟
لو أن الهريفي او ماطر احترف في هـذا النادي لجعلتوا من هذا النادي أعظم من الارسنـال وهذه هي الحقيـقيه فأنتم تجعلون من اللاشياء شــيء ومن السيء الى الأفضـل .. الى متـى ...!

أتمنى الرد في صلب الموضوع وأتمنى عدم التطرق الى ماجد ولو كان هذا الامر صعب على النصراويين !!


------------------
ليس كل مايلمع ذهب !
--
ردد الجمـهور سامي ... وجاب القول سامي
وانتشى جمهور الازرق وحققنا البطولة

اخي العزيز تويكس

انا لا اعتقد ان احقاق الحقائق هو (استعراض في المعلومات) كما ذكرت انت!
وعموماً انا لن اتهرب في الرد كم فعلت انت
وسأرد على كل نقطة ذكرتها

بالنسبة لنوتنغهام فما أدري من قال لك أنه سينزل للدرجة الثانية!!!

بالنسبة لقولك بأنه لم يتعاقد مع سامي رغم معرفته بإمكانياته.. فأعتقد أن هذا سؤال لا أستطيع أن أصفه سوى بالسؤال الغبي،، واسمحلي في ذلك
لماذا لم يتعاقد (مثلاً) فريق مانشستر يونايتد مع روبرتو كارلوس او باتيستوتا او اي لاعب آخر وهم يعلمون أنهم لاعبون كبار!؟ لماذا لم يتعاقد فريق بارما مع مايكل أوين مع أنهم يعرفون إمكانياته
اتمنى منك قليلاً من الواقعية

بالنسبة لفريق مارسيليا، فأنا ذكرته كمثال فقط،، لأنك قلت بأن نوتنغهام من فرق الدرجة الأولى،، ولاتنس بأنه حقق بطولة الدوري الفرنسي 10 مرات وبطولة الكأس 10 مرات وبطولة الأندية الأوربية مرة واحدة

بالفعل أخطأت في قولي أن جورج ويا حقق مع مرسيليا بطولة أوروبا وهذا ليس عيباً، ولعلمك فمرسيليا فاز بالبطولة عام 93 وليس 92
ثم ان وياه منذ 96 وهو في AC Milan وقبلها كان في Paris SG منذ 93 الى 95 وقبلها كان في Monaco في عامي 91-92 ،،، والفريق الكاميروني الذي تبحث عنه اسمه Tonnere de Yaounde وقد لعب به عام 88 وحقق معه بطولة الكاميرون

سامي عمره 27 وليس 28 هذا أولاً
ثانياً لاتنس ان روجيه ميلا لعب حتى سن 42 وماجد عبدالله حتى 41 وهناك الكثيرون.
وسامي الجابر لو كان هنالك احتراف قبل عشر سنوات لرأيته الآن ربما في مانشستر يونايتد أو برشلونة

------------------
تحياتي
أخوكم آهات