السلام عليكم ورحمة الله وبركاته

شلونكم اخواني وشخباركم؟ :-)

انا مشارك من فتره طوويله بها المنتدى وانقطعت لأسباب كثيره..

اشتريت سياره جاكوار x-type sport موديل 2005 والحمدلله الله وفقني فيها وكانت اختيار موفق لي :banana:

المشكله اني اسافر كل اسبوع مسافة 350 كيلو ولاحظت انه الزوائد الرياضيه اللي عليها من تحت تتأثر بالرمل والحصى الصغييير المتطاير من الشارع وتسبب نقط بيضاء صغيره وتوقعتها تروح بالغسيل بس للاسف انصدمت ولقيتهم مخربين الصبغ يعني مثل الشموخ وحتى البونيت ما سلم من ها الحصى الصغيير بس البونيت ما يبين ومو متأثر وايد لكن البمبر اللي تحت وايد يتأثر وبشكل ملحوظ لما تكون السياره مغسوله لأنه النقط تبين

شو الحل ساعدوني

صار لي مرتين اصبغ البمبر اللي تحت بسبب ها الشي

ابي حل غير الصبغ

هاذي صوره طبق الاصل لسيارتي وبنفس اللون بس رنجاتي غير



وهذي صوره ثانيه بلون اسود



وهذي بلون سيلفر ورنجاتي نفسها




اتمنى تساعدوني لأنه قلبي يتقطع اشوف سيارتي يديده ويصير فيها جذيه بسبب ها السفرات المتكرره

ومشكوريين واتمنى اني ما ثقلت عليكم

حط على البمبر طبقة من القريز (الشحم) قبل لاتسافر

بس الله يعينك لما تجي تشيله

الله يعينك 350 كيلو كثير على سيارة اوروبية !!! بتعبك كثير لان النوعية هذي من السيارات ماتستحمل الكرف !! لان اسعار قطع غياراها راح تكلفك كثير خصوصا بعد كم سنة !!

برايي طلعلك كامري او اي سيارة بديلة حقت كرف وهذي خليها للمشاوير داخل المدن...

الله يكون بعونك...

فيه صبغة رملية يصبغوبها السيارة من الأمام "الواجهة"

<< تزول بكل سهولة بدون التأثير على الصبغ الأصلي، مجرد يسوي طبقة فوق الصبغ
بس إنت كل اسبوع تسافر يعني كل اسبوع لازم ترش عليها المادة :m:

تقدر تحط صابون ، أو بوليش خشن ، و تسوي طبقة على الأجزاء اللي تبي تحميها

والله السفريات هذي شعله بالفعل تعدم عليك السيارة وتقول ياليتني ما سفرت طيب ليه ماتفصل لها برقع ... كل ماجيت تسافر تلبسها ..

الحال من بعضو ..

انا بعاني من هذه السالفة .. حدي ركبت نظارات على الأنوار .. هذا اللي قدرت عليه ..
اقدر انصحك بإستخدام نوع من التلميع نوعاً ما جيد ( ريكسون ) الماني الصنع ..

وإلا هي بجد مشكلة .. لأن العج بالذات .. ماله حل .. ويبط الشبد ..

عندك شركات التلميع مثل (زيبارت) تقدم لك حلول لمثل هذة المشاكل

في شي اسمة طبقة حماية، وهي تتطبق على السيارة الجديدة، او الطلاء الجديد... وهي طبقة شفافة مثل الزجاج تحمي من الخدوش و فعاليتها عالية

كل سياراتنا طبقنا عليها هذا الشي.... و فعلا هي توفر الحماية المطلوبة، و شركة زيبارت تظمنها لك 3 سنوات، ويوجد شركات كثيرة غير زيبارت عندها هذا الشيء

وبالتوفيق

[B] السلام عليكم شباب

مشكورييييييييين على ردودكم

شكرا اخوي Prelude 4 Life .. بس قريز على سياره يديده حرام راح اتعقد
وتسلم على ردك وما تقصر

شكرا اخوي saymyname .. لا بالعكس سيارتي ماشاء الله عليها ماشيه 33 الف كيلو وليما الحين مافي مشاكل ابد والحمدلله بس صج قطع غيارها نار بس الأداء اللي تعطيك اياه والمتانه والراحه والسرعه والثبات الغير طبيعي ينسيك الفلوس اللي تروح عليها :-)

المشكله انا طالب وابوي ماراح يعطيني بيزات زياده علشان اشتري سياره ثانيه راح يقول لي بطل دلع وأصلا انا ماخذ ها السياره علشان الخطوط :banana:

شكرا اخوي sayedco .. اي معاك حق بس مثل ما قلت انه صعب اسويها كل مره راح اتعب وفي مرات اكيد ماراح افضى اسوي لها :( وهم اخاف الصابون ياثر عليها :(

شكرا اخوي محبكم ومغليكم .. اي والله السفر مشكله .. فكرت اسوي لها برقع واتوقع اهو أنسب حل بس من وين اقدر اسويه وهل راح يكون تفصيله مضبوط؟ ممكن تدلني على مكان بالامارات يسويه؟

شكرا اخوي abumhdi .. الله يعينك والله ترى السفر بلوه :( انا ابي حل ثابت يعني التلميع والبوليش صعب لانه لازم اسويه كل مره .. اي غطى الليتات مناسب وينفع :-)

شكرا اخوي رامي الزهراني .. انا سيارتي من الاساس أول ما طلعتها من الوكاله كان عليها بوليش daimond bright وعليه ضمان 3 سنوات ويعطيك لمعة الوكاله طول ها المده وبالفعل ماشالله لمعتها ما تغيرت بس للأسف ما يحمي ضد الاحجار وحبيبات الرمل الصغير خصوصا اني اكون على سرعه عاليه :(

مشكورييييين اخواني على الردود وما تقصرون والله يجزيكم كل خير

اتمنى اذا احد عنده معلومات عن البرقع و وين اقدر افصله بالامارات واهم شي يكون مضبوط وينشال ويتركب بسهوله

اخوي MUSTANG-MACH 1

ترى خبرة خطوط مثلي في المنتدى مافي

جربت كل انواع الحماية.. الصابون مع كثرة استخدامه بيروح عليك لمعة السيارة

البرقع بيشمخ لك البوية وراح يهتز ويطلع لك اصوات على الخط

احسن حل هو القريز رغم انها صعبة تشوف سيارتك جديدة وعليها قريز

بس لاتخاف يحمي البوية 100% ومايخربها لكن وقت اللي تجي تشيله بيتعبك شوي

يعني يبي لك تغسله مرتين بصابون وبعدها تلميع على السريع :-)

من جد الجريز افضل حل رخيص وسهل..لانه راح يكون وسط يمتص ضربات الحصى والرمل الي احنا مشهورين به..


ويمكن زيبارت يفيدك روح سير وشوف بس يبي لك تغير الطبقه الي يحطوها لك كل فتره معينه ops:

اول شيء اقول انك احسن اختيار السيارة لان جاكور فعلا مواتر
وانا مجرب وعندي s-type سته سلندر والله مريح
نرجع لموضوعنا الحل انه قبل ما تمشي تحط فيري و يروح بالغسيل

السلام عليكم شباب

اخوي Prelude 4 Life

ما اقدر احط قريز لأنه يبيله وقت على ما يروح وانا ما راح افضى لها الشي :( تدري الواحد لما يوصل من السفر يكون تعبان وجذيه.. ماكو غير اني اصبر على الصبغ وبس مشكووور على ردك وتعبتك وياي

شكرا اخوي مؤيد اف1

معاك انه الجريز اوكي بس هم صعب على سياره يديده ويبيله واحد فاضي يقدر يحطه ويشيله كل مره ولا تنسى انا كل اسبوع اسافر :(

شكرا اخوي ThAt Me

اي والله الجاكوار سياره شي :banana: الله يعطيك خيرها ويكفيك شرها بس اخاف الصابون يأثر على الصبغ بعد فتره خصوصا انه الصابون فيه مواد كيماويه وجذيه..

مشكووريين على ردودكم وتسلمون :-) خلاص الظاهر راح اصبر على الصبغ والله يعين..