السلام عليكم ورحمة الله وبركاته

نقلا عن صديقي ابو خالد وهو جار عزيز رجل اربعيني

المهم سألني سؤال

قالي ياولدي هو معه سياره

ماهي قديمه لكن نفس سيارتي صني موديل 96

الرجال يقولي رحت اغير عند هندي الزيت فقام قالي الحفره مليانه فقام رفع السياره بعفريته وفك الصره وغير الفلتر والزيت

فقالي انا خفت وبديت اشك يقولي بعدها شيكت على الزيت شفته مظبوط

يقول لما اطلع خط مثلا واشد فيها مثلا رايح مكه يقول اشم ريحت المكينه لكن الحراره مظبوطه

طبعا انا سألته كيف الريحه قالي مثل ريحت الجيوب وهي خارجه من الوكاله

خخخخخخخخخخخخ

صراحه مااعرف هالريحه لأنه ماعمري خرجت من الوكاله

فسالته وش نوع الزيت

قالي الترى سفن

قلت له كم تغير قالي كل 3000

قلت له تنتظر السياره تسخن قال لا اشغلها وامشي واحياننا انتظر شوي

يقول غالبا هو يشد على السياره في النمر

السياره ماشيه 122 الف تقريبا



فأيش رايكم هذا شي طبيعي الرجال وصاني اسألكم

يا أما عنده :

1. الفحمات

2. الوايرات

3. الكاربريتر

هذا اقرب الظن ..!

احتمال يكون الزيت نقط شوي على الهيدرز او المكينه من برا وقت تغيير الزيت ..... ومع الحراره يبدأ يتبخر الزيت ويطلع ريحه غريبه .....

على العموم هذا يكون في اليومين الأولى بعدين تروح الريحه ....... لكن ماادري هل الريحة مستمره معه وكم صارلها؟

السلام عليكم

كيفكم ياشباب عساكم طيبين

جد جديد اليوم قابلني الرجال يااخوان ويقول فك الكبوت اليوم الصباح

لقا جهت السير من المكينه

في زيت خفيف وفي في حواف المكينه زي الشي الأبيض بارز شوي

فأيش تنحوه الرجال خايف ومره ويقولي انا مقهور السياره مامشت كثير وجديده

الهيد عنده يليك آيل يمكن .. لو هالسبب .. يغير جازكت الهيد .. :-)

الجازكيت الي هي الجلده صح وهل في خوف من فك الغطا تبع المكينه انا رحت وغسلت له المكينه عشان اذا نزل مره ثانيه نغير الجلده وايش رايك قالولي اذا فكيت الغطى في جلود للبواجي غيرها بالمره