هلا شباب .. تعرفون أنتوا .. ما نصدق نخلص ثانويه .. وناخذ سيارة .. والحيرة اللي تقبضنا .. ما نعرف شو ناخذ ..

أعرف ناس صلوا صلاة أستخارة قبل لا ياخذون السيارة ..

ومثل ما تعرفون هاي أول سيارة .. يعني طوول حياتي بذكرها .. وبيكون مكانها موجود مهما غيرت السيايير .. عني انا مستحيل ابيعها السيارة الأولى اللي باخذها .. أكيد بتكون فيها أحلى الذكريات والدعمات ..

أنا بحط كل السيايير اللي في بالي .. وانا ما فرقت .. بس أهم شي أنه السيارة تتزود .. تزويدها موجود ..

خلونا نبدي ..

السيارة الأولى ..

2005 Colorado Regular Cab Short Box
4x4 Z71 LS



السعر 97000 درهم

الموقع http://www.chevrolet.com

السيارة الثانيه ..

2005 Mustang Coupe GT



السعر 100800 درهم

الموقع http://www.ford.com

السيارة الثالثه ..

Lancer Evolution MR EDITION



السعر 136800 درهم

الموقع http://www.mitsubishicars.com

السيارة الرابعه ..

2005 Nissan 350Z Roadster Touring



السعر 146600 درهم

الموقع http://www.nissanusa.com

السيارة الخامسه ..

2005 WRX STi Sedan



السعر 127800 درهم

الموقع http://www.subaru.com

السيارة السادسه ..

2005 GTO



السعر 119500 درهم

الموقع http://www.pontiac.com

وسلامتكم ..

مثل ما تشوفون .. هذا اللي داش بالي وتاكدوا أني باخذ وحدة من هاذيل .. طبعا الكل يتزود وحتى الكولارادو ام 5 سلندر .. يبالها كت تيربو بس وشوفا شو تسوي .. طبعا السيايير الباقيه أنتوا اعلم تزويدها بالسووق كله ..

لو خذيت أمريكي .. أحين في خاطري الموستنغ ولا الكولارادو ..

لو خذيت ياباني .. خاطري في زد كشف ولا السوباروا ..

الصراحه سيايير رووعه .. وبالمرة ما أفكر آخذ ألماني .. مب حلو حق شباب .. الواحد يبا يستانس ويلعب ..

طبعا هاذيل سيايير أستخدام يومي .. يعني أنا بالنسبه ليي .. عندي سيايير للبر .. سيايير للريس .. سيايير للكشخه .. وهاي آخر شي افكر فيه .. لنه مظاهر ليس ألا ..

أي حد عنده تعليق ولا معلومه .. ولا أي شي ما يقصر ..

أخوكم غــــانــــمــ

EL_3grab

و الله اخوي العقرب ....


استفتاء يحير.




ما اعتقد اني بفيدك,,, لاني احب كل السيارات اللي حاطها








EMO

والله هاي مشكلتلك

لا أختار وحدة وصوتلها .. لازم ... ولا ؟؟

أدريبكم تتغلون .. بس يلا صوتوا :banana:

الشفر كلورادو

بسم الله الرحمن الرحيم

انا اقول لاتشتري كولورادو ولا تقرب منه لانك اول مره تاخذ سياره وتاخذ بيكب بيقولون الناس
نصيحتي في السيارات السبورت وحق التسارع المتقدم هي Evolution لانسر
عندي فيديو من المواقع المضمونه {بيست موتورينغ } طافه فراري مودينا وكورفيت
وهوندا NSX هذا دليل ان الايفو قوي

او عندك الزد الجديد الكوبيه مافيه سقف شكله عامه يلفت من كل النواحي تاخذ لك
قير عادي يصير روعه اذا بتروح المجمعات عند البحر الاماكن العامه
الكل بيطالعك لانه تحفه وتسارعه اقل من الايفو بس هو احلى سياره في الشكل الخارجي
بس موتنسه ان عليه مكينه زد

هذا رايي الشخصي وانت احكـــــم

انا اقول خذ الموستانغ أنها الاحدث بينهم وشكلها جميل ومستوحى من الماضي

حيالله راعي عيمان

أنا من رايي الشخصي اقولك خذ الزد لعدة اسباب
- نيسان هي افضل صانع للمحركات و الجوائز تشهدلها
- تصميم الزد توه يديد و ملفت للنظر <----- خصوصا البرتقالي:eek:
- تاريخ و سمعة الزد في الخليج
- و طبعا فيه تيربو و سوبر شارجر مصنوع خصيصا للزد

اما بالنسبة للكروزر انصحك اذا خذت سبورت ما تبيعه لانه بيفيدك في بعض المشاوير مثل طلعات البر و نقل الاشياء الكبيرة

و السموحه

راي من رايك

مرحبا اخوي..


انا افظل الايفولوشن بين الكل

ثبات..
تسارع..
تحمل..

كل شي الي تبيه..

تحياتي

هلا و غلا

اول شي راح اقول لك ان انت اتيت لنا بسيارت عديدع وتختلف في بعض المجلات

لكن الافضل يكون ان تختار السياره حسب نوع الوكيل فالسوبارو ويكلها تعبان بالمره وفوق كدا ا عمل حساب ان السياره لازم تكون لا صرفيه في البانزين ولا تتعب مع الكرف الجامد و تكون اثر امن في الخط وسلامه وبعد تكون مرحه والكثير


انا عن نفسي راح اقول لك

Lancer Evolution MR EDITION مع ان وكيل السياره لك عليه بس الله المعين

بكل تأكيد

Z350 مايبيله كلاااام الغالي

وبالنسبه حق اول سياره فيه مشكله عندنا في الخليج انها تنزل عندنا من الخلف نفس السيير منفوخه من ورى ومن قدام جذه عشان جذه مب راكب شكلها ومب حلو عالطبيعه واشوف السييرا العادي احلا بوااااااايد خاصه مع التنزيله والتعديلات الخفيفه

بالتوفيق الغالي

2005 GTO سودة

الله يوفقك

سؤال محير :think:

الزد شكله حلو و بيخلي الشباب يفكرون قبل ما يدوسون وياك و يجذب انتباه ال**** و خصوصا انه كشف,
الفورد يديد و شكله خباااااااااااااال ,
الافليوشن وحش و تزويده متوفر (وده عند برفورمانس قروب و لا كراج فيوتشر):banana:

هذه السيارات الي دشت مزاجي بين الي حاطنهم.
==============================================
البيك اب ما ادري احس شكله غلط بعكس البيكابات الاولية.
اذا بتحط بيكب فورد او دوج من بينهم بيكون احسن:banana:

البونتياك هي نفسها لومينا SS و ثانيا البونتياك ما ينزل عندنا.

السوبارو صعب اتحصل حد يعرف يشتغل عليه بسبب مكينته المعقدة.
==============================================
بالنسبة لي انا لو عندي ميزانية الى 150,000 درهم
باخذ نيسان اليديد هارد توب و بركبله توربو

أرشح الإيفو :think:

أنت تفهمني :banana:

صدقني ... أنا آخر واحد أفتكر في راي الناس .. السيارة حقي ولا حقهم ..

:p

وها السبب الوحيد اللي يخليني آخذها .. :cool:

وهي المتصدرة في بالي .. ألا اذا لقيت شي عنها :think:

ما ظني عندنا في البلاد وكلاء تعبانين .. الكل شاد الهمه ..

ومستحيل أفتكر بصرفيه البترول .. أول شي الشكل والتعديل الموجود لها بالسوق .. .. اظني آخر شي بفتكر فيه البترول ..

والا نسر تي بعد الزد في الصدارة

الزد كامل من كل النواحي .. زوايده في كل مكان .. وحتى JL تبيعله بوكس للسب ووفر .. باخذلي 2 من 7W13

وعن التزويد هب هباهم الكراجات تزود .. التزويد كله بيكون بيدي .. اذا الله قدر ..

... هالبيك أب حق المدينه يعني مشاوير كل يوم .. مب للبر وهالسوالف .. لأنه في نفسه لها السوالف أيي أكبر وفورويل وغمارتين .. ووايد اوبشن ايي فيه ..

... بس أنا باخذ بونتياك .. لنه أيي بقير عادي 6 سرعات .. مب مني لازم تماتيك ..

... السوباروا احلاهم في التزويد .. فديتها والله .. ونفس ما قلتلك انا اللي بزود ..

... أنا يوم أزود بزود من كل النواحي مب بس المكينه .. خذيت نسان ودزيتله تيربو .. القير بسويبه شي .. ماظني .. الثبات .. ما ظني .. وأصلا ماشي هالسوالف للنيسان .. الا اذا بتسير كله كوستوم ميد ..

وسلامي لك حبوب

الموستانغ...بالنسبه لي على الاقل الاجمل من الخارج و احله ديكور داخلي و بعدين لاتنسه شي مهم ان الموستنغ ل4 اشخاص و عند الحاجه يشيل خمسه ... و تعتبر سياره gt بكل معنى الكلمه جمال خارجي و داخلي و واسعه نسبياً و تسارعها 5,2 ثانيه و سعرها رخيص.


تحياتي و بالتوفيق حبوب

أنا رايي بصراحة ..

خذ الموستنغ ..

أحس تصميمها حلوو ..

والراي لك ..

بس إذا حددت السيارة لا تنسى صلاة الاستخارة ..



تحياااتي ..

شفر كولورادو..









EMO

بدون كلام خصوصاً لما تسمع صوته وإنت دايس عذاااااااااااااااااااااااااااااااااااااااااااااب.....

لاتفكر في غيره الأفضل في كل شي إسم+شكل+قوة معقولة+صوت يجنن