بعد سحبها لمليون و800 الف سيارة قررت الشركة سحب سيارات الدفع الرباعي تريل بليزر وانفوي وبرافادا وايسوزو اسندر والمقدر عددهم ب.636.000 الف سيارة السبب يرجع لماس كهربائي قد يحدث عند تشغيل الماسحات الامامية كما قررت الشركة سحب سيارات كورفيت اليوم والمقدر عددها 127 الف سيارة صنعت بين 97 و 2004 لاصلاح خلل في المقود.............معقوله يا جنرال موترز وين صارت هذي؟؟ 3 مرات تسحب فيها سياراتها في اسبوع واحد :anger: :anger:

مشكور اخوي amg


وما خفي أعضم...هم يسحبون السيارات اللي الخلل فيها يمس بالسلامه..


يعني نلاحظ كل هالسيارات فيها خلل بالسلامه...


لكن الخلل التصنيعي الميكانيكي مايهتمون فيه ...لو يهتمون فيه..كان الاعداد تضاعفت للسيارات المسحوبه..

السلام عليكم ورحمة الله وبركاته
خبر جيد وإن شاء الله أكثر وأكثر عشان تقولون شركة النصب، ترى الفولفو الكبير شار السكان على السايق وهو يمشي في الشارع بدون مقدمات لايمين ولا يسار، وكفو على الGM كفو.

والناس اللي ماتوا قبل التعديل وش ذنبهم؟؟وش تعويضهم؟؟؟

السلام عليكم ورحمة الله وبركاته
شدراك إن الناس اللي ماتت قبل التعديل ماتوا بسبب الخلل، إذكر لي حادث واحد بس بسبب خلل من اللي فوق، واللي عندنا في الخليج الكورفت والتريل والإنفوي، الكورفت نادر عندنا والتريل والإنفوي مساحات يعني المساحات بتسبب حادث، والسحب اللي لراح لاحظ إنه ماشمله أغلب السيارات اللي عندنا أغلب المواتر الي نسحبت في أمريكا وماتنزل عندنا.

تعال القطيف

السلام عليكم ورحمة الله وبركاته
بس إخوي من ال127000 كورفت مايجون 2000 في الخليج كامل

ههههههههههههههه
















هزلت

شئ طبيعي ...
وبعد ساعة ولا ثنتين يعلنون ان مبيعاتهم ازدادت بنسبة 90 في المية بعد انتشار الخبر ...
وش تتوقع من شركة فاشلة مثل جنرال موتورز تورد السوبربان البرازيلي لنا وتخلي الامريكي لغيرنا ...
مشكور على الخبر الطازة يا مشرفنا ... وكثر من هالاخبار ...















اخوكم الشبابي

ما فهمت ؟؟

السلام عليكم ورحمة الله وبركاته
قال لك بيسحبون 127000 ألف كورفت، وإحنا في الخليج كله على بعضه مايجون 2000 وحده.

معقوله السياره لها تقريبا 8 سنوات ...توهم يكتشفون الخلل؟؟

شكلهم مرفوع عليهم قضايا أرواح بشر..ويبون يسكتون الناس..

السلام عليكم ورحمة الله وبركاتهإنت بنفسك ياولد الخبر، يوم إنحط موضوع الكرايسلر تسحب سيارات وكان بينها سيارات موديل 92 ليش ماقلت ذي الكلام تدري ليش؟

لأنك تحقد على شي إسمهGM.

قاعدة طبقوها على أي شركة: لو صنعوا سياراتهم بشكل صحيح وجيد من أول مرة لن يحتاجوا إلى استدعائها بعد فترة من بيعها، وأرى أنه كلما ازدادت عدد السيارات التي تستدعيها الشركة بعد بيعها دل ذلك على سوء تصنيعها وانخفاض جودتها.

السلام عليكم ورحمة الله وبركاته
أوكي إخوي سردال ممكن تقارن سياره إنتاجها مليون سياره بوحده إنتاجها مئه ألف، طبعاً المليون بتسحب أكثر وإذا السياره إنتاجها أكثرتوقع إن السحب أكثر، والهوندا جودتها ماهي بزينه لأنها سحبت سيارات صح؟

لا تعليق ...


والله اكسنت تشليح ولا كابرس اجيب فيه اجلي وحياتي..

قارن جنرال موتورز مع شركة قريبة منها في الحجم، مثلاً تويوتا، بخصوص الهوندا إذا تكرر منها سحب سياراتها بشكل مستمر فبكل تأكيد هذا يعني أن جودتها تدنت.

السلام عليكم ورحمة الله وبركاته
إخوي سردال عندي سؤال واحد بس:
الكامري 98-2002 معروف بتسريب الهواء عقب ال80 من النوافذ، ولما تودي السياره للصيانه يقول كل الكامري يسربون، هل هذي جوده، وليش مايصلحون الخلل؟
أقل شي تدوس لما توصل 160 تحس السياره بتتفكك.

انا ما اعتقد ان تم سحب السيارات بسبب خلل ما ..

انا اعتقد ان تم سحب السيارات لتطويرها أو انزال أنواع مبادلة لهذي السيارات

فرصة ولاأحلى للشماتة والمسخرة على الصانع رقم 1 في العالم ...... انبسطوا ياجماعة

:eek: :eek: :eek: :eek:

طيب، هذه سيارة واحدة من تويوتا، هل هناك أي سيارات أخرى أيضاً؟

سيارة أخوي الجالانت لما يسوق 150 _ 160 السيارة تهتز كأنها بتتفكك

والهوندا سيفيك مالت رفيجي يسوق 140 السيارة تهتز وكانها بتتفكك .. شنو يسوق علبة عصير

أم الكابريس غير كنت مع صديقي وكان يسوق 160 كأنه يسوق 90 _ 100 ..

وعندك أكثر السيارات اليابانية والكورية مكاينهم كروس ..

وكل ربعي اللي أعرفهم اللي عندهم سيارات يابانية ( اللي مكاينهم كروس) بدلو الشفتات مالت السيارة وهذي عيب آخر .. ان السياة اذا مكينتها كروس الشفتات يروحون عليك عاد اقعد وبدل فيهم ..

جالانت - متسوبيشي
سيفيك - هوندا

أريد سيارات من تويوتا أو لكزس لأن هذه الشركة كبيرة ولديها إنتاج كبير للسيارات ولذلك يجب أن نتوقع أن عدد سياراتها المسترجعة ستكون كبيرة كجنرال موتورز تماماً، أليس كذلك؟ حتى الآن لم أقرأ عن خبر استرجاع تويوتا لبعض سياراتها، وحتى وإن كان هناك خبر ما موجود، كم عدد السيارات التي استرجعتها؟

يا أخي شنو الفايدة اذا السيارة ما فيها عيوب لكن حادث والقبر

يا أخي الكريم، إذا أردت أن نكون منصفين ومنطقيين لا بد من مقارنة الشركتين بالأرقام، تجاربك وتجارب الآخرين مع السيارة ليست حكماً في موضوعنا هذا، سؤالي بسيط:

كم نسبة السيارات المسترجعة لشركة تويوتا مقارنة مع شركة جنرال موتورز؟

لا تهمني تويوتا ولا أكترث لجنرال موتورز، أريد فقط أن نفكر بأسلوب صحيح، أما التعصب فما أسهل أن أدافع عن شركة أو أهاجم شركة، وإن أتيتني بقصة جئتك بألف قصة، لكن في النهاية لا فائدة.