تتوقف سيارة جاغوار سودة قدام أضخم المباني في الشارع وينزل منها واحد

يشوف وحدة نازلة من سيارة حمرا سبورت ويقول هلا هلا حمامه عاش مين شافك

حمامه : أهليـن تعبان كيفك ؟؟ شخبارك ؟؟ شمسوي ؟؟


تعبان : بخير الله يسلمك .. أشوف نحن جايين آخر ناس ما شاء الله كل المواقف مليانة

ويأشر الشخص على باسات ويقول : وهذي سيارة وفووووية

وعلى شاحنة ويقول هذي شاحنة دبدوبة ..


حمامه : المهم بو غادة وبو فيصل يكونوا جاؤوا من البنك ..


يأشر تعبان للمواقف الخاصة : لا اتطمنى كاهي سياراتهم موجودة ..
الـ Bmw مالت بو غادة والمرسيدس مالت بو فيصل


حمامه : يلا عيل خلينا نقبض هالراتب ..

( ترا معاشاتهم راهـــية مرة .. شوفوا السيارات اللي معاهم !! )

ويدخلوا المبنى الضخم اللي مكتوب على قمته سوالـــف للجميع بأضواء حمرة .. !!!

وأثناء ما هم في المصعد علشان يروحوا للطرائف ..

يوقف المصعد ويركب المدير محمد بن عبد العزيز ..

تعبان : صباح الخير استاذ محمد

حمامه : صباح الخير طال عمرك

محمد بن عبد العزيز : ما شاء الله كل اللي مشتركين بالمنتدى من بدايته لليوم ما نشوفهم إلا تاريخ 25 كل شهر !!!

تعبان : اللي بيته من زجاج ما يرمي الناس بالحجارة ( عينه قوية !! )

محمد بن عبد العزيز :لا ولو كنت أمزح معاكم اتفضلوا اتفضلوا استلموا رواتبكم .. وينزل في الطابق الثالث
( أقص إيدي إن صار كذا )


ويكمل تعبان وحمامه لين يوصلوا للطابق السابع ( شباك 7 على قولة دمعة )

( الحين ببدأ أروي القصة )

وبمدخل الطابق شفنا خارج النطاق وهو ناوي ينزل ..
تعبان : لحقت عاد تقبض الراتب وتروح ..

خارج النطاق : مو انا السواق فراتبي أقل شي .. فقلت أعرض خدماتي وأوصل أبو غادة وبو فيصل من البنك وألزق فيهم لين ما يعطوني الراتب

حمامه : ما أدري ليش يطلعكم عقل لما تكون السالفة بها فلوس

المهم خليناه ينزل ورحنا لقسم المالية

دلخنا وسلمنا على الكل

طبعًا الكل قام وعرض علي ( أنا بس ) أماكن وكذا ( حمامه اتذكرت أيام عزها لما كانت مشرفة )

وفي هذه الأثناء ( يا عمي على اللغة بس ) شفت دمعة لم تجف
طبعًا أخذني بالأحضان وحالة .. وكيفك وما أدري شنو ..

أنا سألته عن آخر قصصه

قال: انا ما أنزل قصة إلا لما أقبض الـ Bonus مرتين كل سنة

وراح وهو قاعد يعد فلوسه

وشفت دبدوبة وسلمت عليها ( شوفوا ترا شعبيتي كبيرة الكل يعرفني )

وسألتها عن أخبارها

دبدوبة : ما دريت فتحت مطعم علشان محد يمنني لأني كل ما أتغدى او أتعشى عند أحد يقعد يمنني ( مسكيـــنة !! )

تعبان : مبرووووك بس ليش ما عزمتينا على الافتتاح .. أفا ..

دبدوبة : لا بعدني ما افتتحه الحين هو لمدة شهر خاص لي أنا بس ( ومو ملحق بعد )
إن شاء الله بعد شهر راح أكمل الديكور وأفتتحه وإنت أول المعازيم

تعبان : تسلمي بس لي طلب .. لا تجي على الافتتاح لأني ناوي آكل .. !!

دبدوبة : يلا تعبان صار دوري باااااي

تعبان : بااااايات
وأنا واقف أنتظر دوري ألتفت واشوف صوت العقل

تعبان : هلا هلا بابن الكويت

صوت : هلا تعبانووووه ..

تعبان : سلامات شكلك تعبان ( الحين من تعبان أنا ولا هو )

صوت : ما دريت مرفوعة علي 3 قضايا من أهالي طلاب رسبوا بسبب موضوعي رياضيات مصرقعة

تعبان : لا لا مو خبر .. والحين .. ؟؟

صوت : الحين جاي آخذ الراتب وأروح أعطيه للمحامي ورانا جلسة بعد ساعتين يلا مع السلامة

تعبان : باااي ..

وفجأة أحصل ضربة مرة بنص ظهري ..

وأدور لورا واشوف وحدة تقول : هلاااااااااااااااااااااااااااااااا تعبانوووووووووووووووووووه

تعبان : هلا مين إنتي ؟؟

البنت : أفا ما عرفتني أنا سويره الطقاقه أخت فيلوه

تعبان : سويرة !!!!!! شمسوية بعمرك والله ما عرفتك .. ما شاء الله صغرانة عشرين سنة ..

سويره : ما دريت سويتلي 12 عملية تجميل وصبغت شعري و ..

تعبان : بس بس واضح واضح ما شاء الله ..

سويره : إيه الحمدلله المعاش راهي خصوصًا بعد ما رجعت لسوالف .. قلت عاد أسنع عمري شوي

تعبان : الله يديم عليك هالجمال الكذابي

سويره : آمين

هنا تتعب إيدي من الكتابة وحاليًا الساعة 4 و ستة وعشرين دقيقة الفجر .. التاريخ : 25 يناير .. وأنا بروح أفكر

كيف أحاول مع الوالد يمكن يزودلي مصروفي و ..

دعواااااااااااااااتكم

( ملحوووظة : أتمنى إنه محد يزعل وترا كلكم أخواني وعلى العين والراس وسامحونا على الأطالة !! )

السلام عليكم و رحمة الله و بركاته


أفااااااااااااا :(






































ماتعبت إدينك إلا وقت ما قربنا نسلتم البيزاااات


الله يوفقك و يعطيك الوالد الله يحفظه و يطول بعمره 3 أضعاااف اللي تاخذه متأثرة بأرباح الأسهم :p

يسلموووووووووووو بو الجاغوااار على الموزوووووع


الله لا يهينك كمل القصصصصه علشان نعرف جم يعطونا معاشات ولا بنغير المنتدى :p

الحين مرسدسات وبي امات وفي الاخير نصف للراتب !!

هزلت








ننتظر التكمله تعبان

يا ابو الشباب سعابيل قامت تقطر.. عطنا الرقم خلنا نستانس ولو اننا ندري انها نصب × نصب

بسم الله الرحمن الرحيم



إن شاء الله عاد في تكملة...

ايييييييييه اجل ما شفتو سيارتي الجاغور الظاهر اني استلمت المعاش قبل ماتجون ووديته للاتصالات تراهم قطعوا عني النت ساعتين


يسلمو صوابعك على الكتابة المنيلة

شفتو العبد الفقير اللى اسمه بشار


سنه شغال في المنتدى للحين ما خصصو له راتب


أقول تعبان عندك واسطه

بسم الله الرحمن الرحيم

السلام عليكم ورحمة الله وبركاته


الله يرزقنا !! :p



يسلممممووو .. تعبان .. إن شاء الله المفاوضات مع الوالد تجيب فايدة !!

إلا ما اشوف الا فواتير

بشار :

ما قلتلك بس ما سمعتلي .. !!!

يلا خيرها بغيرها ..