بسم الله الرحمن الرحيم

السلام عليكم ورحمة الله وبركاته

شباب أول أمس خذت جوله في كم وكاله عندنا في البحرين، وشفت العجب، أول شي بدينا بالشيخه مرسيدس بنت بنز، وكانت السيارات معروضه في المعرض الجديد، كان موجود عندهم صواريخ أرض أرض(مادري يمكن يطيرون) أول ماتدخل المعرض يكون في إستقبالك السيدS55AMG وحرمه السيدهCLK كشف، كان المعرض روعه (موالمعرض نفسه، اللي معروض فيه) شفت أشياء تعور القلب، كان موجود عنده S55AMG/E240/S600/ML55AMG/ML/CLK/CL، والأسعر كانت نار، الS55 كان ب53000 والCL كانب40550 وCLK كشف 240 ب22000، كان في E240 لونههاللون بس ماكان حلو،نفس اللون على الحوت وكان روعه، وسألت عن الSLK قال بتنزل شهر4 القادم وبيكون ال350 ب18000، إنتهى الجزء الأول.

بعدين رحنا لمعرض الGM وهناك كان المعرض وايد أفخم من معرض البنز( المعرض مؤقت، وهو معرض الهوندا في الأصل، لأن معرض الGM فيه صيانه) شفت الغضب والروعه الكابرسSS الموتر كان شيييييييييي اللي شفته كان كحلي، وخذت كتلوجه وكتلوج الXLR والSRX ، سألت عن الأسعر وهي كالآتي:
1- كادي SRX فول أوبشن(سقف زجاج/ زينون....إلخ) ب20000 د.ب.
2-كادي XLR حوالي31000د.ب.
3-كابرسSS كان ب11500.
4-لومينا SS كوب9800.
الكابرس رويال مو موجود وإذا تبي تطلب وتنطر الطلبيه، الدفعه اليايه كامله محجوزه واللي وصلت خلصت أول ماوصلت، الكادي ديفل كان في منتهى الروعه(كان في أسود وماروني) وكان في SSكوبيه روعه( اسود من داخل حمر).

المحطه الثالثه كانت الBMW وشفت بس الZ4 كان موديل2003 سبيشل إيدشن ب18500، وشفت ال745 أنديفيجوال بس ماسألت عنه، واكن معروض ال530 وال330 كشف( موديل2004) عدلوا شكله، والX5 مانزل 2004 حتى الآن.
معلومه، وكيل الBMW عنده وكالات وايد، عنده الفراري والمازراتي، والميني، والروفر والMG والرولس والاند روفر،والمتسوبيشي والجالوبر، وفي واحد من أهله(إخوه على ماأظن) عنده الدوج والكرايزلر والبنتلي. وسلامتكم.

صور الله يخليك

السلام عليكم ورحمة الله وبركاته

والله أخوي racing_guy للأسف ماخذت الكاميرا معاي، وكان ودي أصور لأن المواتر كانت رهيبه،خصوصاً الكابرس والحيتان، كانوا شي ماينوصف
والله تحسفت إن ماخذتها مع إني كنت حاطها عند الباب، بس معليش المره اليايه.

أي نصين قول خمسه سته، آنا يوم مريت يم الحوت الأزرق أحس صادني شوت، وبعدين رحت سلمت على الCL وقعدت شوي سولفت وياه عقب مشيت.

السلام عليكم ورحمة الله وبركاته

تصدق لكن، الأهل مطلعين واحد أزرق350، لكن الموتر عادي(مع إنه فل اوبشن) لكن مافيه جاذبيه، عكس الألوان الغامجه، وال55 غير كان في منتهى الروعه الره اليايه حط في إستفتائك مرسيدسات ترى بازعل إذا ماحطيت.

مشكور حبيبي على الأخبار ما قصرت أو مرة ثانية روح وكالة محمد جلال شوف لنا أسعار الجكور

السلام عليكم ورحمة الله وبركاته
محمد جلال، ليش إنت قولي شنو تبي، وإنشاء الله أقولك أوآسئلك إذا تبي، الأسعار مختلفه وايد، آنا آخر مره رحت لهم قبل سنه يمكن وباقولك اللي أتذكره:
1-X-Tyep سعرها من 10000-16000.
2-الS-Tyep من 15000-26000، بس مو متأكد منها.
3- الXJ من 22000 وطالع، عاد الموديل الأخير مادري، بس تقريباً نفس الأسعار.
4-الXK مو متأكد منه بس كأن 28000.

لا أنا أبي أسعار

XJR
XKR
S-TYPE R

السلام عليكم ورحمة الله وبركاته
إنت تبي شي خشن، هاذيلا أقل شي فيهم ب28000، والXJ-R هذي يمكن في الثلاثين او الأربعين والله أعلم، تبي آتصل آتأكد أو آعطيك أرقامهم؟

لا لا ولا تتصل ولا شي أنا أسأل عن الأسعار من باب الفضول

ثاني شي أنا من وين لي 40 ألف أنا حدي تيرسل

مشكور ما قصرت

بجد ليتنييييييييييييييييييييييييييييييييييي معك رايحة للمعرض

السلام عليكم ورحمة الله وبركاته
والله كانفي أشياء تبكي خصوصاً الشفر والبنز، شرايكم نروح قروب، نقولهم وفد من منتدى سوالف، أشكره ندش من هني والسكيورتي ورانا

اخوي RED Chevy يعطيك الف عافيه بس ماسئلت وكالة ال GM كم سعر الجمس سييرا 1500 و 5.3 اقصد الصغير مب البدي طويل

جولة رايقة ..

لا والله إخوي تيوتا وبس، ماسألت، لأن ماكان عندهم أصلاً، السييرا إذا تبي تطلب الموتر اللي تبيه والمواصفات اللي فيه وهم يجيبونه لك، وفي واحد في البحرين، مسوينه حق الإستعراض( شكل بس) ويقولون كلفهم12000.