بسم الله الرحمن الرحيم


السلام عليكم ورحمة الله وبركاته




الصراحة ياشباب انا كنت في معرض التوكيلات العالمية بجدة

وكنت حاب اسال عن اللومينا 2004 اللون الفستقي لكن قال ماجبناها يمكن قريب نزلنا بس اللون البنفسجي


ومع شوية سواليف قالي الموظف انهم كانوا بينزلوا اللومينا GTSR 404 HP

بس وزارة الداخلية منعتهم بسبب قوة السيارة العجيبة



هذا الخبر المحزن لعشاق اللومينا



رعد

أحسن عشان لايموتون شبابنا .. كفايه حوادث الـSS..


واذا ممكن تحطولنا صوره للونين الفستقي والبنفسجي .. :rolleyes:


مشكور على الخبريه خيوو رعـد

بصراحة اللون البنفسجي مرة حلوو على ال SS ..

خسارة صحيح .. إذا ال SS سعرها 100 كم يجي سعرها هاذي لو نزلت ..

اي قوه خارقه اي جح مبسمل على قولت اخوانا المصريين

هالجحه تجيب من 0-100 في ست ثواني فقط لا غير!!!

بعدين احنا عندنا وكالة فراري ، بورش ، ميزيراتي ما اشوف منعوها:p

يمكن ما نجحت في الإختبار


خلك على الجبارMUSTANG


;)

هههههههههههههههه حلوه حلوه

اي قوه عجيبه اذا الفراري الF50 ماقلوا عنها قوه خارقه تقولي لومينا هههههههه

السلام عليكم ورحمة الله وبركاته
أخوي في البحرين يوم سألت مدير المعرض قال إنه مابينزلونها لكن قال بعد إذا في طلب كثير عليها يمكن يطلبون كم حبه منه وعلى حسب كلامه قال الهولدن حتى الآن ما عرضوا السياره عليهم، لكن بتحصلها في المعارض السبيشل اللي تييب سيارات ماتنزل في السوق، آنا في أحد المنتديات البحرينيه شفت الإنفنتي G35 وعلى الشارع شفت FX أكثر من مره وفي معرض النيسان أكد لي واحد هناك أن المواتر ذي مستحيل يطلبونها، فاللي يبي GTSR بيطلعه من تحت الأرض إذا خاطره فيه وما يهمه الوكيل نزله أو لا.

لومينا جي تي اس-آر (سيدان اربع ابواب) موديل 2001 :

تسارع من 0 - 100 كلم\ساعه في 4,8 ثواني

السياره مزوده بمحرك (عالي الاداء) وبفرامل قويه جداً قادره على ايقاف السياره في مسافه قصيره ..

السياره ايضاً مزوده بناقل حركه آلي بست سرعات قصيره ..

الشركه تقول ان السياره مصصمه لتحقيق تسارعات قويه جداً فقط (اي ليست مصممه لتحقيق سرعات عاليه) ..

هذا موديل 2001 اللي عند الخبر عنه في مجلة سعودي اوتو ..

فيه لسته طويله للسيارات (الرياضيه) اللي تطرحها لومينا جي تي اس -آر

وان شاء الله بجيب لكم قصاصة الخبر وتشوفون الرقم هذا 4,8 ثواني





من 0 - 100 في 4,8 ثواني

اجل الجديده في كم ثانيه ؟؟؟

صدق الاخ يوم قال قوه عجيبه ..

شويه عجيبه سيدان اربع ابواب توصل 100 كلم\ساعه في 4,8 ثواني ؟

يعني اقوى من جميع موديلات AMG !!!

وسلموا لي على بي ام دبليو ام-3 سلام كثير

الظاهر أنك ما سمعت عن الـE55 أو CL65

سلام

اخ NFS :

انا سمعت باللي قلتها .. طيب كم تسارعها؟ ليش ما كتبته؟

لومينا جي تي اس - ار سيدان (4 ابواب) تسارعها في 4,8 ثواني ..

كم تسارع السيارات اللي انت قلتها؟ الالمانيه اللي معدله من اي ام جي ؟

كم ؟؟؟

بتقولي في 4.5 ثانيه ؟ طيب ما فرقت كثير !!

عندي المجلات اللي فيها تسارع السيارات اللي انت قلتها وغيرها لكنها بعيده الحين ..

بس هل بيكون اقل من 4.5 ثانيه ؟ ما اتوقع ..

اذاً لومينا جي تي اس -ار (سيدان) قوتها عجيبه

لا يالطيب يمكن هم قصدهم إنها رخيصة وسريعة فراح تكون بمتناول الجميع .
مثل اللومينا أس أس ما شاء الله طيارة ورخيصة وقطع غيارها رخيص وما فيها أي عيوب (السيارة مجربها) وعندنا كابريس اس اس وما فيها مشاكل .

عندنا بالكلية الدكتور قالنا إن اكزوز اللومينا معفن قامت على الماكينا .(لأنه احنا رفعناها وشافها من تحت)
يعني بس تحط اكزوز سيستم رياضي خلاص تطلع أحسن سيارة بفئتها .
وأنا بعد كم شهر بحط بسيارتي اكزوز رياضي .

ههههههههههههه والله صدقت
وشوف فرق السعر بينها وبين مرسيدس تلقاها بالآلاف .

بقدر ما فرحتني بالموضوع الي نزلتة حزنتني بالخبر الي فيه

:( :(

http://www.swalif.net/sforum1/showt...%DF%E6%C8%ED%E5

شباب ....


اذا اللى تتكلمو عن نفس اللومينا اللى في الرابط فوق فالتسارع6.1!!!!

والله عجيبة
و بس حبيت اجول حج حبايب الموستنج انه جبل كم يوم صار عندنا في مسقك ريس بين لوميناss كوبيه و موستانج
الموستنج عليه زوايد
و اللومينا ستوك
اللوينا طلع عن الموستنج 1 + 2 , بعدين الموستنج جا على ال3 , وعلى الباقي اللومينا قدم
هذي الss ما بالك بالجديده

سلام

الاخ bashar_255 :

محور الحديث ليس لومينا (هولدن) كوبيه-4

محور الحديث هو لومينا (هولدن) جي تي اس - آر (سيدان باربع ابواب)

وفيه ايضاً كوبيه-4 جي تي اس

اللي نتكلم عنها السيدان مثل لومينا اس اس العاديه لكنها معدله من الشركه نفسها ..




لومينا جي تي اس ار : (الكلام اللي بكتبه خذته من عددين من اعداد مجلة سعودي اوتو)

أقوى سيارة صالون جرى بناؤها في استراليا حتى الان هي "جي تي إس - آر" وقالت الشركه المنتجه لها (هولدن للسيارات الخاصه) انها ستنتج منها 100 سياره فقط بقوه (غير عاديه) تبلغ 404 أحصنه وستصدر 15 وحده منها الى بريطانيا ..

السياره الخارقة القوه هي ثمرة مشروع مشترك بين شركتي هولدن و (توم والكنشو للسباقات) وهي مزوده بتعليق صلب وجنوط 18 بوصه ذات تصميم يخطف الابصار وديسكات كوابح مهوّاة بملاقط الومنيوم كبيره في الامام والخلف ..

محرك السياره الاصلي سعة 5,7 لتر قوة 340 حصاناً معدّل لزيادة قوته الى 404 أحصنه..

السياره تتسارع من 0 - 100 كلم\ساعه في 4,8 ثواني فقط

وهي تبلغ سرعة 156 ميل في الساعه بعد قطع مسافة كيلو متر واحد فقط !!!!

وتمتاز السياره بثبات مميز على السرعات العاليه علاوه على انها مصممه بهدف التسارع (القوي) اكثر من تحقيق سرعات قصوى ..

L u m SS i n a

أنت ذكرت في ردك :
يعني اقوى من جميع موديلات AMG !!!


وأنا رديت عليك بناءً على هذا الرد.


يعني شوف:

(405 حصان) و (542 نيوتن* متر) من محرك الشيفرولية (ما لقيت معلومات عن محرك الـGTSR لكن أظن أن المحرك هو نفس محرك الـZO6).

قارن هذا المحرك مع محرك الـE55 :

السعة 5.5 لتر V8
القوة الحصانية : 476 حصان
العزم : 700 نيوتن*متر


أو قارن مع هذا المحرك تبع الـCL65:
السعة : 6 لتر
القوة الحصانية : 612 حصان
العزم: 1000 نيوتن*متر

يعني في القوة الفرق كبير خصوصاً مع الـCL65 (يكفي مقدار العزم الذي يوازي الضعف تقريباً!!)

لو بنتكلم عن الأداء والتسارع:

أنت ذكرت أرقام التسارع من 0-100 كلم.

تتوقع لو طلعت أحد وحده من السيارتين مع الـGTSR ، لما يوصلوا لحاجز الـ400 متر كم بيكون الفرق؟


أوكي ، لمسافة 700 متر؟


لمسافة 1000 متر؟

نقدر نفرق الفرق (مسافة لمبات أو عواميد ليتات)؟

سلام

الاخ NFS :

كم تسارع اي ام جي - 65 ؟؟؟

لو قلت لي أقل من 4.5 ثانيه بقولك مع ذلك لومينا جي تي اس ار افضل !

اذا تسارعها في اقل من 4 ثواني اجل اوكي معك حق ما فيه مقارنه بغض النظر عن حجم المحرك وعدد الاحصنه .. التسارع من 0-100 في كم ثانيه؟

ولا تنسى انها تبلغ سرعة 156 ميل في الساعه (يعني 250 كيلو متر في الساعه) بعد قطع مسافة كيلو متر واحد فقط .. أقصد لومينا GTS-R..

انا براجع ملف سيارات اي ام جي وبجيب ارقام التسارعات والعزم ..

لاني نسيت اغلب الارقام فيه ..


النقطه الثانيه .. انا ما اقول ان هولدن احسن من اي ام جي !

لكن شف السياره هذي وقارن سعرها (لا يتجاوز 180 ألف ريال) بسعر سيارات اي ام جي اللي انت تتكلم عنها !



وهذا هو سبب منع السياره من دخول السعوديه .. قوه هائله بسعر في متناول الكثيرين من الطبقه المتوسطه والغنيه ..

يعني تخيل تنزل السياره عند الجميح؟ او العيسى؟ نص الشعب بيشترونها وبتصير حوادث و و و

لكن البورش .. الفيراري .. لامبورغيني .. استون مارتن .. سيارات جباره لكن كم سعرها؟ بالملايين .. ومن يشتريها؟ قليلين واحد ولا اثنين

نفس الشي سيارات اي ام جي .. كم سعرها؟ نص مليون ؟ اكثر من ربع مليون؟

طيب لو نزلت لومينا جي تي اس ار بسعر 170 ألف ريال أو 150 ألف على اقل تقدير .. كم واحد بيشتريها؟

الشوارع بتقلب ساحات سباق !


وشكراً ...

الE55

المحرك يحتوي على اربعه كامات و32 صمام بالاضافه الى

سوبر شارجر.

فتخيل لو عمل لمحرك ال LS1 سوبر شارجر .

خلك على الجبارMUSTANG

الـ E55

يحتوي على كامتين فقط و24 صمام بس

و خير 405 حصان

وش صار يعني

L u m SS i n a

مشكور على التوضيح:p

;)

شباب

يا ريت لو تحطولنا صور و معلومات اكثر عن GTS-R

و هل بتنزل في الامارات؟

لأنها بصراحة دخلت مزاجي

خلهم يلعبون غيرها ...اذا اللامبرجيني له وكاله وانت تعرفون ايش يعني لامبرجيني ....لالومينا ولاخرابيط الشفر تلحق تشم غباره